14
1 ၦဂီၩ့ဖိၪစံၭယူၭလၧအၥၭခံဖၧၩ့, ယွၩအီၪနးဂၩအ့ၬ. အဝ့ၫၥံၪအၧၩ့ဝ့ၫတၭ, မၩယူၭဆၧဘၪၥၭလိၪယူၭ, ၦ
2 မၩဆၧဂ့ၩ အီၪဝ့ၫနးဂၩအ့ၬ.- ယဟိဝၩယိလၩ့လၧ မူၭခိၪလၧၦၡၩအဖိၪၥံၪအလီၩ့, ဘဲၫၥိၭအမိဒၪဘၪ ဝ့ၫလၧၦအၥၭဖၭ, ၦလၧအအၪ့ဎၬယွၩမွဲ အအီၪလဂၩ
3 ဂၩဆ့ဧၪ.- အဝ့ၫၥံၪလ့ၩမၪယူၭထီးအလူၬယူၭ, အၧၩ့ ထၪ့ယူၭလစီၪ့ဎးယူၭ. ၦမၩဆၧဂ့ၩအီၪနးဂၩအ့ၬ, န့ၫ လဂၩနီၪအီၪအ့ၬ.
4 ကယဲၦလၧအမၩဆၧအၧၩ့ ထီးအလူၬလဖၪနီၪ မွဲ အၥ့ၪယၫဆၧနးမံၩ့အ့ၬဧၪ, တၭအၪ့ယၡၩခမျၧးဘဲၫ အအၪ့ကိၪတၭ, လကိၭထၪ့ဘၪ ယဟိဝၩနီၪလီၫ.
5 ထီးနီၪအဝ့ၫၥံၪ အီၪလၧဆၧၥၭမဲၪဖၭဒိၪ အဖၧၩ့လီၫ. အဂဲးဘဲၫယီၩ ယွၩအီၪဝ့ၫလၧၦအဆိၩအတီၩအလီၩ့
6 အကျၩလီၫ.- နၥံၪဒုၭမ့ၬမဲ ၦၡၪ့ဖိၪယၬဖိၪအဆၧဒုၭ ကိၪ့ဝ့ၫနီၪ,အဂဲးဘဲၫယီၩ ယဟိဝၩမွဲအဆၧဖီၩ့ဖျ့ၭအ လးလီၫ.
7 မွဲဆၧဖ့ၪလၫ့လါအံၫစရ့လၭ အဆၧထိးထဲၩ့တၩ့ ထဲၩ့လၧဇံအိၫ့အဖၧၩ့ဆံၭ. ထီးယဟိဝၩဒုၭထဲၩ့ထဲၩ့ အၡၩဆၧအၪ့မၧၫ့ဎီးတၭ, စယၫကူၭမိၥုၪ့ဎွံၫၥၭယီၫ တၭ,အံၫစရ့လၭမိၥုၪ့ထိၬၥၭထိၬလီၫ.