137
1 ပဆၧၫ့နၩ့လၧဘၭဘလၧၫ့အထံၫချိၬၥံၪ အနဲၩ့ထံၭ တၭ,ထီးပနၪ့ထၪ့ထဲၩ့ဇံအိၫ့နီၪ ပမ့ၬထံၫလၩ့ထီးနီၪ
2 လီၫ.- ပဘျၭထၪ့ပနါဒံၩ့လၧ ဖံစလီၫ့အလီၩ့ လၧအလး
3 နီၪလီၫ.- အဂဲးဘဲၫယီၩ ထီးနီၪ ၦလၧအအၪ့မၧၫ့ဎီးပၧၩ လဖၪနီၪအၪ့မၧၫ့ၦၥံၫကျံၩဆၧတၭး ၦလၧအအၪ့မၧၫ့ ဆီၪ့ပၧၩလဖၪနီၪ အၪ့မၧၫ့ပၥၭထိၬဆၧလီၫ. တၭစံၭ ဝ့ၫဒၪ,ၥံၫကျံၩအ့ၪပၧၩလၧဇံအိၫ့အထၭခိၪ လဆၫ့ဆၫ့
4 ဆံၭ.- တၭပမိၥံၫကျံၩ ယဟိဝၩအထၭခိၪလၧၦလခီၫ ဘၩ့မုးအခးဖၧၩ့နီၪဘဲၫၥ့ၪလဲၪ.
5 ယရုစလံၫ့ဧ့, ယအ့ၪၥၭနၪ့နၧၩတၭ, မွဲယစူၪထွ့ၪ
6 ၥၭနၪ့ဆၧဆံၭ.- ယအ့ၪလနၪ့ထၪ့ထဲၩ့ဘၪနၧၩတၭ, ယအ့ၪလအီၪက့ၪဘၪယရုစလံၫ့ လၧယဆၧၥၭထိၬအ ဒိၪထုၬအဖၫ့ခိၪတၭ, မွဲယဖျ့ၩဘုၭထၬ လၧယထၫချၬ ဆံၭး
7 ယဟိဝၩဧ့, ၦအံဒၧၫ့ဖိၪၥံၪလၧအစံၭဝ့ၫ, မၩဂၭဂီၩ့ မၩဂၭဂီၩ့ထီၩ့လၩ့ လၧအခၪ့ထံၭနီၪ, နၪ့ထၪ့ထဲၩ့လါ
8 အဝ့ၫၥံၪလၧယရုစလံၫ့အနံၩနီၪဆံၭ.- ဘၭဘလၧၫ့အ ဖိၪမုၪလၧအမိထီၩ့လၧဆၧဂၭဂီၩ့ဧ့, ၦလၧအဖ့ၪဆၧၫ့ ထဲၩ့နၧၩ ဘဲၫနမၩပၧၩအၥိၭနီၪ ဘၪဆိၪဂ့ၩဝ့ၫလီၫ.
9 ၦလၧအမၩန့နဖိၪၥၪၥံၪတၭ, ခွံၬလၩ့ခွံၬအဝ့ၫၥံၪလၧ လဲၫ့အလီၩ့နီၪ ဘၪဆိၪဂ့ၩဝ့ၫလီၫ.