1 ယမိယိထၪ့ဆၧလၧခိၪလီၩ့ထိၩ့ချိၬၥံၪတၭ, ဆၧမၩ 2 ဆၧၩ့ယၧၩမွဲအဂဲၫအထံၭခီၫခီၫလဲၪ.- တၭယဆၧမၩ ဆၧၩ့နီၪဂဲၫလၧယဟိဝၩ, လၧအမၩကဲၪထၪ့မူၭခိၪ, ဒဲ 3 ဂၪ့ခိၪလဂၩအအီၪနီၪလီၫ.- အဝ့ၫနီၪမွဲအထီးဖ့ၪလၫ့ နခၪ့ဖျၬလဂ့ၩ ၦလၧအခိၭထၬနၧၩလဂၩနီၪ, မွဲအထီး 4 မံၫမၪလဂ့ၩ.- ယိခွါ, ၦလၧအခိၭထၬအံၫစရ့လၭလ 5 ဂၩနီၪလမိမံၫခံၫ့ဘၪတၭ, မံၫမၪဝ့ၫဆ့အ့ၬ.- ယဟိဝၩ မွဲၦလၧအယိထဲၩ့ခွါထဲၩ့နၧၩတၭး ယဟိဝၩမွဲဆၧလၩ 6 ၡုၪအီၪလၧနစူၪထွ့ၪလခီၫလီၫ.- မုမ့ၬလမၩဆၫဘၪ နၧၩလၧမုဆၫလခီၫ, ဒဲလၩနီၪလၧမုနၩလခီၫဆ့အ့ၬ. 7 ယဟိဝၩမိခိၭထၬဒုၭဖီၩ့ခွံၬနၧၩ လၧဆၧအၧၩ့ထီးအ 8 လူၬးအဝ့ၫဒၪမိယိထဲၩ့ခွါထဲၩ့နၥၭမၧၫ့လီၫ.- နလ့ၩထၪ့ ဆၧဒဲနဂဲၫထဲၩ့နီၪ ထီးယီၩလၧယၫလခီၫ, ယဟိဝၩမိ ယိထဲၩ့ခွါထဲၩ့နၧၩ လၩ့ဆိၩလၩ့ကၠၪလီၫ.