115
1 လၧပဂးဒၪပဝ့ၫမွဲအ့ၬ, ယဟိဝၩဧ့, လၧပဂးမွဲအ့ၬး အ့ၪမွဲအီၪက့ၪဆၧလၩဖၩ့ လၧနမံၩ့ဒၪဝ့ၫ လၧနခိးန
2 တၩ,ဒဲလၧနဆၧမွဲဆၧတီၩအကၠီၩ့နီၪဆံၭ.- လၧၦဆၨၩ ၥံၪမိစံၭဝ့ၫ, အဝ့ၫၥံၪအယွၩအီၪခီၫခီၫလဲၪနီၪ, မွဲအဘၪ
3 ဆၧနီၪလဲၪ.- အ့ၪမွဲပယွၩအီၪလၧမူၭခိၪး ထီးဒၪအၥၭ နီၪမၩဝ့ၫဒၪထီးအလူၬလီၫ.
4 အဝ့ၫၥံၪအဆၧဂၩ့ဆၧဖၪ့နီၪမွဲစ့ၩ, ဒဲထီၫ့တၭ, မွဲၦ
5 ၡၩအစူၪမၩဆၧလီၫ.- အနိၭအီၪလါနၫ့တၭ, ချဲၩ့ဆၧ
6 အ့ၬ.အမ့ၬၥၪၥံၪအီၪလါနၫ့တၭ, ဒၪဆၧအ့ၬ.- အနါၥံၪ အီၪလါနၫ့တၭ,နါဂၧၫ့ဆၧအ့ၬ.- အနၫဖူၫအီၪလါနၫ့ တၭ,နၧၫ့ဘၪဆၧအ့ၬ.
7 အစူၪအီၪ, ဖီၪ့ဆၧအ့ၬ. အခၪ့အီၪဂၭဖၬအ့ၬး လၧအခိၬဖၧၩ့နီၪၥီၫထၪ့ဆ့အ့ၬ.
8 ၦလၧအမၩကဲၪထၪ့ဝ့ၫလဖၪ, ၦဒိၭနဲၩ့အၥၭလၧအ ဝ့ၫၥံၪကိၭဂၩဒ့ၭနီၪ, လၩ့ဂၬဘဲၫအဝ့ၫၥံၪအၥိၭဆ့လီၫ.
9 အံၫစရ့လၭဧ့, ဒိၭနဲၩ့နၥံၪအၥၭလၧယဟိဝၩဆံၭ. အဝ့ၫဒၪမွဲအဝ့ၫၥံၪအဆၧမၩဆၧၩ့း ဒဲအဝ့ၫၥံၪအထၩ့
10 ဖံၭလဘံၪ့လီၫ.- စအၫရၧၫ့အၡၩဂံၪ့ဖိၪၥံၪဧ့, ဒိၭနဲၫ့န ၥံၪအၥၭလၧယဟိဝၩဆံၭ. အဝ့ၫဒၪမွဲအဝ့ၫၥံၪအဆၧ
11 မၩဆၧၩ့း ဒဲအဝ့ၫၥံၪအထၩ့ဖံၭလဘံၪ့လီၫ.- ၦလၧအ ၥၭမဲၪယဟိဝၩၥံၪဧ့, ဒိၭနဲၩ့နၥံၪအၥၭ လၧယဟိဝၩ ဆံၭ.အဝ့ၫဒၪမွဲအဝ့ၫၥံၪ အဆၧမၩဆၧၩ့း ဒဲအဝ့ၫၥံၪ အထၩ့ဖံၭလဘံၪ့လီၫ.
12 ယဟိဝၩနၪ့ထၪ့ထဲၩ့ယူၭပၧၩတၭ, မိဆိၪဂ့ၩပၧၩ တၭ,မိဆိၪဂ့ၩအံၫစရ့လၭအၡၩဂံၪ့ဖိၪတၭ, မိဆိၪဂ့ၩ
13 စအၫရၧၫ့အၡၩဂံၪ့ဖိၪလီၫ.- မိဆိၪဂ့ၩ ၦလၧအၥၭမဲၪ
14 ယဟိဝၩ,ဒဲဒိၪဒဲဆံၭလီၫ.- ယဟိဝၩမိမၩအၪထၪ့န
15 ၥံၪ,နၥံၪဝ့ၫဒဲဖိၪဒဲလံၩလီၫ.- ယဟိဝၩလၧအမၩကဲၪ
16 ထၪ့မူၭခိၪ, ဒဲဂၪ့ခိၪယီၩ, မွဲအဆိၪဂ့ၩနၥံၪဆံၭ.- မူၭခိၪ နီၪမွဲမူၭခိၪလၧယဟိဝၩအဂးလီၫ. အ့ၪမွဲဂၪ့ခိၪယီၩ
17 ဖ့ၪလၫ့ဝ့ၫလၧၦၡၩအဖိၪခွၫၥံၪလီၫ.- တၭၦၥံၫယူၭ, ဒဲ ၦလၧအလ့ၩလၩ့လၧဆၧအီၪလၩ့မါပံၭ အဖၧၩ့ၥံၪနီၪ, စံၭထၪ့အၪ့အူၭယွၩအ့ၬ.
18 အ့ၪမွဲပဝ့ၫဒၪယီၩ, ထီးယီၩလၧယၫလခီၫ ပမိစံၭ ထၪ့အၪ့အူၭယွၩလၩ့ဆိၩလၩ့ကၠၪလီၫ. နၥံၪဝ့ၫဧ့,စံၭထၪ့အၪ့အူၭယွၩဆံၭ.