1 နၥံၪဝ့ၫဧ့, စံၭထၪ့အၪ့အူၭယွၩဆံၭ. တၭယမိစံၭ ထၪ့အၪ့အူၭယဟိဝၩလၧ ယၥၭထၧၫ့ဖျိၪ့ယၫလၧၦအ ၥၭဆုးလီၩ့ဖံၭၥိၭလိၬအၥၭအကျၩ, ဒဲလၧဆၧအီၪကီၪ့ 2 အဖၧၩ့လီၫ.- ယဟိဝၩအဆၧမၩလဖၪနီၪဒိၪဝ့ၫတၭ, ဘၪဆၧအၪ့ဎၬယိဝ့ၫ လၧကယဲၦလၧအမုၬလၩအၥၭ 3 လၧအဝ့ၫၥံၪအဖၧၩ့ကိၭဂၩဒ့ၭလီၫ.- အဝ့ၫဒၪမၩဆၧ နီၪမွဲဆၧအဎံၫအလၩဒဲအလၩအဖၩ့, ဒဲအဆၧတီၩဆၧ 4 လီၩ့အီၪဂုးအီၪခၧၫ့လၩ့ဆိၩလၩ့ကၠၪလီၫ.- အဝ့ၫဒၪ ဒုၭနၪ့ထၪ့ထဲၩ့ အဆၧလၩ့လၭလဖၪလီၫ. ယဟိဝၩ 5 အီၪလၧဆၧအခိးအတၩတၭ,အၥၭအီၪဆၧလီၫ.- ဖ့ၪ လၫ့ဆၧအၪ့လၧၦလၧအၥၭမဲၪအဝ့ၫတၭ, နၪ့ထၪ့ထဲၩ့ 6 အဆၧအုၩ့လၩ့လၩ့ဆိၩလၩ့ကၠၪလီၫ.- အဝ့ၫဒၪဒုၭနဲၪ အမၩဆၧအစီၩ့အမၩ့ လၧအၡၩခမျၧးဘဲၫၥိၭအမိဖ့ၪ 7 လၫ့အဝ့ၫၥံၪလၧၦဆၨၩၥံၪအဆၧန့ၥၫလီၫ.- အမၩဆၧ လၧအစူၪနီၪမွဲဆၧမွဲဆၧတီၩဒဲဆၧစ့ၩရၫ့တီၩလီၫ. တၭ ကယဲအဆၧမၪလူၬနီၪ မွဲဆၧဂုးဆၧခၧၫ့ ထီးအလူၬ 8 လီၫ.- အီၪဂုးအီၪခၧၫ့ဝ့ၫ လၩ့ဆိၩလၩ့ကၠၪတၭ, မၩ အၥၭလၧဆၧမွဲဆၧတီၩ ဒဲလၧဆၧၥၭဆုးလီၩ့အဖၧၩ့ 9 လီၫ.- အဝ့ၫဒၪအၪ့မၧၫ့လၩ့ ဆၧဎွ့ၩန့ထဲၩ့ လၧအၡၩ ခမျၧးအအီၪး မၪလူၬအဆၧအုၩ့လၩ့ လၩ့ဆိၩလၩ့ကၠၪ လီၫ. အမံၩ့မွဲဆၧဆံၫ့ဎံၪ, ဒဲဆၧၥၭမဲၪအလးနီၪလီၫ. 10 ဆၧၥၭမဲၪယဟိဝၩနီၪ, မွဲဆၧကိၪ့ၥ့ၪကိၪ့ဘၪအခၪ့ထံၭ လီၫ.ကယဲၦလၧအထီးန့ဝ့ၫ ထီးအလူၬနီၪ အီၪလၧ အၥုၪ့ဖၭၥၭဖၭဂ့ၩဘၪစဲၪလီၫ. တၭအဆၧစံၭထၪ့အၪ့ အူၭနီၪအီၪဂုးအီၪခၧၫ့လၩ့ဆိၩလၩ့ကၠၪလီၫ.