1 အီၪလၩ့မါပံၭလဂ့ၩ, ယဆၧစံၭထၪ့အၪ့အူၭအယွၩ 2 ဧ့,- အဂဲးဘဲၫယီၩၦလတီၩလလီၩ့ဘၪအနိၭ, ဒဲၦအၪ့ လီၫဆၧအနိၭနီၪအၩ့ထၪ့အၥၭလၧယလီၩ့လီၫ. အဝ့ၫ ၥံၪချဲၩ့ထၫ့ဒုၪဒၩယၧၩ လၧအဖျ့ၩအဘျံၭအဘျၪလီၫ. 3 တၭအီၪဝၬဖီၩ့ယၧၩ လၧဆၧၥၭဂဲၫ့ အဆၧချဲၩ့တၭ, ထီးအလးလအီၪဘၪနီၪ ဒုၭဆၧထၫ့ဒုၪဒၩယၧၩလီၫ. 4 လၧယဆၧအဲၪအဂးနီၪ အဝ့ၫၥံၪကဲၪထၪ့ယဒုၪယဒၩ လါနၫ့တၭ, ယဝ့ၫဒၪယီၩ, ယဖ့ၪလၫ့ယနၫ့ဆါလၧဆၧ 5 ဘၩဆိၪဖၪအဂးလီၫ.- တၭလၧယဆၧဂ့ၩအဂးအဝ့ၫ ၥံၪအီၪက့ၪဆၧအၧၩ့လၧယလီၩ့, ဒဲဆၧၥၭဂဲၫ့မ့ၬလဲၩ လၧယဆၧအဲၪအဂးလီၫ.

6 နဝ့ၫဒၪအီၪက့ၪၦလတီၩလလီၩ့ဘၪလဂၩ လၧအဝ့ၫ ဒၪအဖၫ့ခိၪဆံၭ. တၭမွဲဆၧအဒုၪအဒၩ ဆၧၫ့ထုၪ့လၧ 7 အစူၪထွ့ၪဆံၭ.- ထီးအဘၪဆၧစ့ၩရၫ့နီၪ, မွဲဆၧအီၪ က့ၪဝ့ၫလၧၦလတီၩလလီၩ့ဘၪဆံၭ. တၭမွဲအဆၧဘၩ 8 ဆိၪဖၪ ကဲၪထၪ့ဆၧဒဲၩဘၭဆံၭ.- တၭမွဲအနံၩအၥၫ့ အီၪၡၩခိၬဆံၭ. မွဲၦဂူၫဂၩထၪ့ဘၭ အယိဆၧအလး 9 ဆံၭ.- မွဲအဖိၪၥံၪကဲၪထၪ့ၦဖိၪဎွ့ၪ,ဒဲအမၫလၧၦမုၪမဲၫ 10 ဆံၭ.- မွဲအဖိၪၥံၪ စဲၪ့ဝံၩ့ဝၩ့ဆၧလထံၪဎးလဘီၩ့ဎး ဒဲအၪ့ကံၩ့ဆၧတၭ, အၪ့ဎၬဆၧလၧအလး အီၪယူအ 11 ဖၧၩ့ဆံၭ.- မွဲအဒ့ၪအမါအကဆါနီၪ မၩန့ကယဲဆၧ အီၪထီးအလူၬဆံၭ. တၭမွဲၦလခီၫဘၩ့မုးဖိၪနီၪ အၪ့ 12 ဂူၬန့အဆၧမၩဆံၭ.-မွဲပမၩဘူၭမၩဆၧၩ့အဝ့ၫနီၪ ထီး အီၪလဂ့ၩ, တၭမွဲၦယၫ့ၥၭ အဖိၪဎွ့ၪနီၪ ထီးအီၪလ 13 ဂ့ၩ.- မွဲအဆၨၩအဆၬနီၪ ဘၪဆၧဒၪ့ထ့ၬခွံၬဝ့ၫဆံၭ. မွဲအဝ့ၫၥံၪအမံၩ့ ဘၪဆၧထူၭခွံၬဝ့ၫ လၧခဲၫ့လဆိၩအ 14 ကျၩနီၪဆံၭ.- မွဲယဟိဝၩနၪ့ထၪ့ထဲၩ့ အဖါၥံၪအဆၧ အၧၩ့နီၪဆံၭ. တၭမွဲအမိအဆၧဒဲၩဘၭ ထီးဘၪဆၧ 15 ထူၭခွံၬလဂ့ၩ.- မွဲအအီၪလၧယဟိဝၩအမ့ၬယၫလထံၪ ဎးဘီၩ့ဎးဘဲၫၥိၭ အမိဒၪ့ထ့ၬခွံၬအဆၧနၪ့ထၪ့ထဲၩ့လၧ 16 ဂၪ့ခိၪချိၫ့ဆံၭ.- အဂဲးဘဲၫယီၩမွဲလနၪ့ထၪ့ထဲၩ့ဘၪလၧ အမိဒုၭနဲၪဆၧယၫ့ၥၭတၭ, မၩအၧၩ့ၦဘၪၡၪ့ဘၪနၭ, ဒဲၦၡၪ့ဖိၪယၬဖိၪနီၪ ဘဲၫၥိၭအမိမၩၥံၫဒၪလ့ၬ ၦအၥုၪ့ 17 ခါအၥၭလၩ့လဂၩနီၪလီၫ.- အဲၪဝ့ၫလၧဆၧဆိၪအၧၩ့ တၭ,ဘၪထဲၩ့လၧအလီၩ့ဒၪဝ့ၫ, လဘၪဘၪအၥၭလၧ 18 ဆၧဆိၪဂ့ၩအကၠီၩ့တၭ, အီၪယဲၩ့လၧအအီၪလီၫ.- တၭ ၥိၭဆၧဆိၪအၧၩ့ ဘဲၫဆဲၫ့လဘံၪ့အၥိၭနီၪတၭ, ဂဲၫနုၬ လၧအဂူၭဖိၫ့ဖၧၩ့ ဘဲၫထံၫအၥိၭ, ဒဲလၧအဎွံၪဖၧၩ့ဘဲၫ 19 ၥိၪအၥိၭနီၪလီၫ.- မွဲအကဲၪထၪ့ဘဲၫဖၬဘဲၩ့လၧအလုၬ ဝ့ၫအၥိၭတၭ, ဘဲၫခၧၩ့ယးလၧအခဲးထူၬဝ့ၫလထံၪဎး 20 အၥိၭနီၪဆံၭ.- တၭၦလၧအထၫ့ဒုၪဒၩယၧၩ, ဒဲချဲၩ့ အၧၩ့ယၧၩလဖၪအကၠီၩ့တၭ, မွဲဆၧနီၪကဲၪထၪ့အလံၩ့ အလဲၫလၧယဟိဝၩအစူၪဖၧၩ့နီၪဆံၭ.

21 တၭနဝ့ၫဒၪယဟိဝၩ, ကဆါဧ့, မၩဆၧလၧယဂး လၧနမံၩ့အကၠီၩ့နီၪဆံၭ. မွဲနခိးနတၩဂ့ၩဝ့ၫတၭ, မၩဖီၩ့ မၩဖျ့ၭယၧၩဆံၭ.

22 အဂဲးဘဲၫယီၩယဝ့ၫဒၪယီၩ, ယမွဲၦဘၪၡၪ့ဘၪနၭ ဒဲၦၡၪ့ဖိၪယၬဖိၪတၭ, ယၥၭဘၪဆ့ၭလၧယဖၧၩ့လီၫ. 23 တၭယဘၪဆၧလ့ၩဖီၩ့ခွံၬ ဘဲၫဆၧလၩၡုၪလၧအထီၫ ထၪ့အဘိၩ့ဘၭအၥိၭနီၪ, ယဘၪဆၧနၫ့ထၪ့ခွံၬယၧၩ 24 ဘဲၫထွ့အၪဘၫအၥိၭလီၫ.- ယခၪ့လုးခိၪဝၭထိၬလၧ ယဒုၪဆၧအၪ့အကၠီၩ့တၭ, ယယၪဎွ့လၩ့လၧဆၧဘီၪ့ 25 လအီၪဘၪအကၠီၩ့လီၫ.- တၭယကဲၪထၪ့ဆၧဒုၪဒွ့ၪအလး လၧအဝ့ၫၥံၪအဂးနီၪ, အဝ့ၫၥံၪယိယၧၩတၭဖျၭအခိၪလီၫ.

26 မၩဆၧၩ့ယၧၩ, ယဟိဝၩ, ယယွၩဧ့,ထိးထဲၩ့တၩ့ 27 ထဲၩ့ယၧၩဘဲၫနခိးနတၩအၥိၭနီၪဆံၭ.- တၭမွဲၦၥ့ၪယၫ လၧဆၧယီၩလမံၩ့မွဲနစူၪ, လၧနမၩဝ့ၫနီၪဆံၭ, ယဟိ 28 ဝၩဧ့,- အဝ့ၫၥံၪမိဆိၪအၧၩ့ဆၧတၭ, အ့ၪမွဲနဝ့ၫဒၪယီၩ ဆိၪဂ့ၩဆၧဆံၭ. တၭအဝ့ၫၥံၪဂဲထုၪ့ထၪ့ဝ့ၫတၭ, မွဲအ 29 မ့ၬမဲဆံၭ. အ့ၪမွဲနခ့ၫနၡၩနီၪ မွဲအၥၭထိၬဆံၭ.- မွဲၦ ထၫ့ဒုၪဒၩယၧၩလဖၪနီၪၥိၭဆၧမ့ၬမဲတၭ, လုၬဘံၭအ 30 ၥၭလၧဆၧမ့ၬမဲ ဘဲၫလၧဖၬဘဲၩ့အၥိၭနီၪဆံၭ.- ယမိ စံၭထၪ့အၪ့အူၭယဟိဝၩအၪအၪလ့ၬ လၧယနိၭတၭ, လၧၦအၪဂၩအကျၩနီၪ ယမိစံၭထၪ့အၪ့အူၭ အဝ့ၫဒၪ 31 လီၫ.- အဂဲးဘဲၫယီၩ အဝ့ၫဆၧၫ့ထုၪ့လၧၦၡၪ့ဖိၪယၬ ဖိၪအစူၪထွ့ၪဘဲၫၥိၭ အမိမၩဖီၩ့မၩဖျ့ၭဝ့ၫလၧၦလၧအ မိစ့ၩရၫ့စၪအၥၭအစူၪဖၧၩ့လီၫ.