10
1 ယဟိဝၩဧ့,မွဲဆၧနီၫလၫနဆၧၫ့ထုၪ့ လၧအယဲၩ့ဘဲၫ နီၪလဲၪ.နအီၪက့ၪကဒုၩနၥၭ လၧဆၧမၩခိမၩဝီၩအ
2 ဆၧၫ့အထီနီၪမွဲဘၪလဲၪ,- လၧအအီၪက့ၪဖိၫအၥၭအ ကၠီၩ့နီၪၦလတီၩလလီၩ့ဘၪ မၩအၧၩ့မၩနၭ ၦၡၪ့ဖိၪ ယၬဖိၪလီၫ.ဆၧလၧအဆီၫ့မီၪ့ကိၪ့ထၪ့န့ဝ့ၫနီၪ, မွဲအ
3 ဘၪန့အနၫ့ဆါဒၪဝ့ၫဆံၭ.- အဂဲးဘဲၫယီၩၦလတီၩလ လီၩ့ဘၪ အီၪက့ၪဖိၫအၥၭ လၧအဆၧဆိၫ့လၧအၥၭ ဖၧၩ့အကၠီၩ့နီၪ, ဒဲလၧအၥၭလိဖၭနီၪ စဲၪ့ဒၪခွံၬလါနၫ့
4 တၭ,မၩကြၩ့ထမးယဟိဝၩလီၫ.- ၦလတီၩလလီၩ့ ဘၪလၧအအီၪက့ၪထၪ့ထီၫအမ့ၬအကၠီၩ့နီၪ, အၪ့ဎၬ ဆၧအ့ၬ, လၧအဆၧဆီၫ့မီၪ့ထီးအလူၬအဖၧၩ့နီၪယွၩ
5 အီၪအ့ၬ.- အဖၧၩ့ၥၭၥံၪဘီၪထၪ့ယီၫထၪ့ ကိၭအဆၧၫ့ အထီဒ့ၭလီၫ. နဆၧစ့ၩရၫ့လဖၪအီၪ လၧထၭယဲၩ့ယဲၩ့ လ့ၬ,ထီးအဒၪစိၩလထူၬဘၪလီၫ. မၩကြၩ့ထမးအ
6 ဒုၪအဒၩထီးအလူၬလီၫ.- စံၭဝ့ၫလၧအၥၭခံဖၧၩ့, ယမိ ဘၪဆၧအၪ့လဲၩခွံၬယလးအ့ၬ, အဂဲးဘဲၫယီၩယမိ
7 ဘၪဆၧအၡၪ့နးဆိၭအ့ၬ.- အခိၬဖၧၩ့ဎွ့ၩလၧဆၧဆိၪ အၧၩ့,ဒဲဆၧအၪ့လီၫၥံၪ ဒဲဆၧအၪ့ဂူၬန့ဆၧလီၫ. တၭ ဆၧမၩအၧၩ့ဒဲဆၧဘျံၭဆၧဘျၪအီၪဝ့ၫ လၧအဖျ့ၩဖၫ့
8 လၬလီၫ.- ဆၧၫ့နၩ့အီၪဝ့ၫ လၧအလးအီၪကဒုၩလၧ တဝၫ့လဖၪအဖၧၩ့, လၧအလးအီၪၥူၪလဖၪအဖၧၩ့နီၪ မွဲအမၩၥံၫၦလၧအဆၧဒဲၩဘၭလအီၪဘၪ, အမ့ၬၥၪ
9 ၥံၪခိၭၥူၪဆၧလၧၦၡၪ့ဖိၪယၬဖိၪအဂးလီၫ.- အီၪခိၭၥူၪ ဝ့ၫလၧအလးအီၪကဒုၩဘဲၫဆၬလၥၧၫ့ လၧဆၧၡိၬကျၩ အီၪခိၭဝ့ၫဘဲၫၥိၭ အမိဖီၪ့န့ၦၡၪ့ဖိၪယၬဖိၪလီၫ. ဖီၪ့န့ ၦၡၪ့ဖိၪယၬဖိၪတၭ, မီၩ့န့ဝ့ၫလၧအဖျံၩခွၩ့ဖၧၩ့လီၫ.
10 အဝ့ၫဒၪကူၭလၩ့ဝ့ၫ, ၡီၫ့လၩ့အၥၭတၭ, ၦၡၪ့ဖိၪယၬ
11 ဖိၪလၩ့ထံၩဖါလၧအၡၩဆီၪ့လဖၪအကၠီၩ့လီၫ.- အဝ့ၫ ဒၪစံၭလၧအၥၭခံဖၧၩ့, ယွၩၥၭနၪ့ယူၭ, အီၪက့ၪၥူၪအ မ့ၬယူၭ,အဆိၩအကၠၪဒၪဘၪဝ့ၫအ့ၬ.
12 ယဟိဝၩဧ့, ဂဲထုၪ့ဆံၭ, ယွၩဧ့, ယူၬထၪ့နစူၪဆံၭ,
13 ၥၭနၪ့ၦလၧအဘၪၡၪ့ဘၪနၭနီၪလဂ့ၩ.- ၦလတီၩလ လီၩ့ဘၪမၩကြၩ့ထမးယွၩမွဲဘၪလဲၪ. စံၭဝ့ၫလၧ အ
14 ၥၭခံဖၧၩ့,နမိအၪ့ကံၩ့ဆီၪ့ဆၧနီၪအ့ၬ.- နဒၪဘၪယူၭ, အဂဲးဘဲၫယီၩနယိလၩ့ဆၧၡၪ့ဆၧနၭ ဒဲဆၧခိဆၧဝီၩ နီၪဘဲၫၥိၭ နမိဖ့ၪထဲၩ့ဆၧလၧနစူၪလီၫ. ၦၡၪ့ဖိၪယၬဖိၪ မိဖ့ၪလၫ့အၥၭလၧနၧၩတၭ, နမွဲၦမၩဆၧၩ့ၦဖိၪဎွ့ၪၥံၪ လီၫ.
15 မၩခါခွံၬလါၦလတီၩလလီၩ့ဘၪအစူၪဒူၪနီၪဆံၭ, ဒဲၦအၧၩ့ဖိၪနီၪ, နမိအၪ့ဎၬ အဆၧအၧၩ့ထီးနလဒၪန့ လၧၩ့ဘၪလီၫ.
16 ယဟိဝၩမွဲစဎွၩအဆိၩဆိၩအကၠၪကၠၪလီၫ. ၦဆၨၩ
17 ၥံၪဂၭဂီၩ့ယူၭ လၧအဝ့ၫအခးဖၧၩ့ယူၭ.- ယဟိဝၩဧ့, ၦလၧအဘၪၡၪ့ဘၪနၭ အဆၧဆိၫ့နီၪ နနါဂၧၫ့ယူၭ, န
18 တဲၩ့ဝဲၩအၥၭ, နမိဒိၭနနါ,- လၧနစ့ၩရၫ့ၦဖိၪဎွ့ၪ ဒဲၦ ဘၪဆၧမၩနၧၩ့မၩစၪလဖၪနီၪ, ဘဲၫၥိၭအထီးဘၪၥၭ မဲၪလၧၩ့ၦၡၩလၧ အဘၪဆဲၫ့လၧဂၪ့ခိၪလဂ့ၩ.