6
1-2 လီၩ ဘၪလၧၦအံၫစရ့လၭဖိၪတၭစံၭအဝ့ၫၥံၪ, ၦခွၫမွဲဂ့ၩ, ၦမုၪမွဲဂ့ၩ, ထီးအမိမၩလၩ့ဖၭအၥၭလၧအမိဆိၪလၩ့ အၥၭလၧၦနၭစရ့ၭဖိၪအဆၧဆိၪလၩ့အၥၭနီၪ, ဘဲၫၥိၭ
3 အမိမၩလၩ့ဖၭအၥၭလၧယဟိဝၩအဂးတၭ,- မိဘၪ မၩလၩ့ဖၭအၥၭလၧစဘံၭထံၫ, ဒဲၥံၭထံၫဂၬထံၫလီၫ. တၭအီၩဘၪစဘံၭထံၫအဆဲၪ့, ဒဲၥံၭထံၫဂၬထံၫအဆဲၪ့ အ့ၬ. တၭအီၩဘၪထံၫ လၧစဘံၭၥၪစုၪလၩ့အၥၭလၧ အဖၧၩ့အ့ၬ. တၭစဘံၭၥၪၥံၫ့ဆ့ၬမွဲဂ့ၩ အဎဲၫ့မွဲဂ့ၩ, အၪ့
4 ဘၪအ့ၬ.- မုနံၩမုနၩလၧအအီၪလၩ့ဖၭအၥၭနီၪအၪ့ ဘၪဆၧလၧၦမၩဝ့ၫ လၧစဘံၭမုအၥၪနးမံၩ့အ့ၬး လၧ
5 အချံၫဖိးလၧအဖံၭနးမံၩ့အ့ၬ.- ကိၭမုနံၩမုနၩဘၪဆဲၫ့ လၧအဆၧဆိၪလၩ့အၥၭ လၧအမိမၩလၩ့ဖၭအၥၭနီၪ, ဒီၩလိၩ့ဆၧမိဘၪ အခိၪအလီၩ့အ့ၬ. မိဘၪကဲၪထၪ့ဆၧ ဆံၫ့ဎံၪလၧယဟိဝၩအဂး, မိဘၪဖ့ၪလၫ့အခိၪၥူၫဘီၩ့ ထီၫထၪ့ထီးမုနံၩလဖၪ လၧအမၩလၩ့ဖၭအၥၭလၧယ
6 ဟိဝၩအဂးနီၪ မိလၧၫ့ထၪ့ဎွ့ၩထၪ့ဝ့ၫလီၫ.- တၭကိၭမု နံၩမုနၩလၧအမၩလၩ့ဖၭအၥၭ လၧယဟိဝၩအဂးနီၪ
7 ထီးၥုၭဘူၭဘၪအၥၭ လၧဆၧအစွၪလဂ့ၩ.- အဖါမွဲ ဂ့ၩးအမိမွဲဂ့ၩ, အထၧၫ့ဖုဝဲခွၫမွဲဂ့ၩ, အထၧၫ့ဖုဝဲမုၪမွဲ ဂ့ၩ,အ့ၪၥံၫတၭး လၧအၥံၫအကၠီၩ့နီၪ, မၩစံၪစၪလၩ့အ ၥၭအ့ၬ. အဂဲးဘဲၫယီၩ ဆၧလၩ့ဖၭဘၪဆဲၫ့လၧယွၩအီၪ
8 လၧအလီၩ့လီၫ.- ကိၭမုနံၩမုနၩဒ့ၭလၧအလၩ့ဖၭနီၪ
9 မိကဲၪထၪ့ဆၧဆံၫ့ဎံၪ လၧယဟိဝၩအဂးလီၫ.- ၦၡၩ အ့ၪၥံၫရှုၭလၧအနဲၩ့ထံၭတၭ အ့ၪမၩစံၪစၪဘၪအခိၪ လၧအလၩ့ဖၭတၭ, ထီးနီၪလဖၧၫ့မုနံၩလၧအဆံၫ့ထၪ့ နီၪမိဘၪလိၩ့ခွံၬအခိၪ, မုနွ့ၫနံၩလနံၩနီၪ မိဘၪလိၩ့ဝ့ၫ
10 လီၫ.- တၭဎိၭနံၩလနံၩနီၪထိၪလွံနံၫဘံၪ့မွဲဂ့ၩ, ကၪကဲၪ ဖိၪနံၫဘံၪ့မွဲဂ့ၩ, မိဘၪဂဲၫဆိၬဝ့ၫ လၧၦလုဆၧလဂၩအ အီၪ ထီးဆၧအီၪကီၪ့အတဲၩဆံၫ့ဎံၪ အတရၫ့ထံၭနီၪ
11 လီၫ.- တၭၦလုဆၧလဂၩနီၪ ဘၪလုထၪ့လဘံၪ့လၧဆၧ လုဆၧဒဲၩဘၭအဂး, ဒဲလဘံၪ့လၧဆၧလုမ့ၪအဂး, ဒဲမၩ ဆၧဖီၩ့ဖျ့ၭလၧအဂး လၧၦမၩမၪဆၧ လၧဆၧၥံၫအ ကၠီၩ့တၭ, ဘၪမၩဆံၫ့ဎံၪအခိၪလၧမုလနံၩဎးနီၪလီၫ.
12 ဘၪအီၪက့ၪဆံၫ့ဎံၪ လၧယဟိဝၩအဂးအနံၩအၥၫ့လၧ အအီၪလၩ့ဖၭတၭ, ဘၪဂဲၫဆိၬၥိၪလနံၪ့ဖိၪလၧဆၧလု မၪဘၪဆၧအဂးလီၫ. အ့ၪမွဲမုနံၩမုနၩလၧအအီၪဝံဝ့ၫ လဖၪနီၪမိလၩ့မါဝ့ၫ, အဂဲးဘဲၫယီၩအဆၧလၩ့ဖၭနီၪ ဘၪစံၪစၪယူၭလီၫ.
13 အယီၩမွဲၦနၭစရ့ၭဖိၪအၥနိၫ ထီးအမုနံၩမုနၩလၧအ အီၪလၩ့ဖၭလဖၪနီၪ မိလၧၫ့ထၪ့ဎွ့ၩထၪ့တၭး ၦမိဒုၭ
14 ဂဲၫဝ့ၫလၧဆၧအီၪကီၪ့အတဲၩဆံၫ့ဎံၪအတရၫ့,- တၭ ဘၪမၩဘိၪ့အဆၧမၩဘိၪ့ယဟိဝၩ, ၥိၪဖၫလနံၪ့ဖိၪ အလၧၫ့အဎွ့ၩလဒုၩ လၧဆၧလုမ့ၪအဂး, ဒဲၥိၪမိလနံၪ့ ဖိၪအလၧၫ့အဎွ့ၩလဒုၩ လၧဆၧလုဆၧဒဲၩဘၭအဂး, ဒဲၥိၪဖၫအလၧၫ့အဎွ့ၩလဒုၩ လၧဆၧလုဘၪလိၬအိၭ
15 လိၬအဂး,- တၭအီၪက့ၪဒၩ့လဖျိၪ့အီၪလၧကိၪလအီၪ ဘၪလၧမံၪနီၪ, ဒဲကိၪပၪပဲၪလဲၩဎုၬလၧၥိၪ,ဒဲကိၪလအီၪ ဘၪလၧမံၪဘၧၩ့ဖျၪဒၪဂုၪအၥၭလၧၥိၪ, ဒဲအဆၧမၩ
16 ဘိၪ့ကိၪမုၬ,ဒဲအဆၧလုအီၩလီၫ.- ၦလုဆၧလဂၩဘၪ အီၪက့ၪဝ့ၫလၧယဟိဝၩအမ့ၬယၫတၭ, လုထၪ့အဆၧ
17 လုဆၧဒဲၩဘၭ,ဒဲအဆၧလုမ့ၪလီၫ.- တၭမွဲအဘၪလု ထၪ့ၥိၪဖၫ,ဆၧလုဘၪလိၬအိၭလိၬ လၧယဟိဝၩအဂး, ဒဲဒၩ့လဖျိၪ့အီၪလၧကိၪလအီၪဘၪလၧမံၪနီၪတၭး ၦလု ဆၧလဂၩဘၪမၩဘိၪ့အဆၧမၩဘိၪ့ကိၪမုၬ, ဒဲအဆၧ
18 လုအီၩလီၫ.- ၦနၭစရၭ့ဖိၪဘၪလိၩ့အခိၪ ဘၪဆဲၫ့လၧ အအီၪလၩ့ဖၭ လၧဆၧအီၪကီၪ့အတဲၩဆံၫ့ဎံၪအတရၫ့ ထံၭနီၪတၭ,ဘၪမၩန့အခိၪၥူၫဘၪဆဲၫ့ လၧအအီၪလၩ့ ဖၭတၭ, ဒုၭနုၬဝ့ၫလၧမ့ၪဖၧၩ့လၧအအီၪလၧဆၧလုဘၪ
19 လိၬအိၭလိၬအဖၫ့လၬလီၫ.- တၭၦလုဆၧလဂၩနီၪဘၪ မၩန့ၥိၪဖၫ အခိၬထံၭခိၪလၧအအၪ့ဎွံအၥၭ, ဒဲကိၪလ အီၪဘၪလၧမံၪလဘံၪ့လၧဒၩ့ဖၧၩ့ ဒဲကိၪလအီၪဘၪလၧ မံၪဘၧၩ့ဖျၪဒၪလဘံၪ့တၭ, ဘၪအီၪက့ၪဝ့ၫ လၧၦနၭစ ရ့ၭဖိၪအစူၪဖၧၩ့ လၧအခိၪၥူၫဘၪဆဲၫ့လၧအအီၪလၩ့ဖၭ
20 နီၪဘၪလိၩ့ခွံၬဝ့ၫအလးခဲၫ့လီၫ.- တၭၦလုဆၧလဂၩနီၪ ဘၪဝံဝါဝ့ၫ လၧဆၧမၩဘိၪ့ဝံဝါဝ့ၫ လၧယဟိဝၩ အမ့ၬ ယၫလီၫ. ဆၧနီၪမွဲဆၧဆံၫ့ဎံၪ လၧၦလုဆၧလဂၩအဂး, ဒဲၥၭနၫၡါအဆၧဝံဝါ, ဒဲခိၬထံၭခိၪ အဆၧဆိၬထၪ့ဝံဝါ လီၫ. လၧခဲၫ့ထဲၩ့တၭ, ၦနၭစရ့ၭဖိၪမိအီၩဘၪစဘံၭ
21 ထံၫလီၫ.- အနီၪမွဲၥနိၫဘၪဆဲၫ့ လၧၦနၭစရ့ၭဖိၪလၧအ ဆိၪလၩ့ယူၭအၥၭနီၪ, ဒဲအဆၧမၩဘိၪ့ယဟိဝၩလၧ အအီၪလၩ့ဖၭဆၧအဂးလီၫ. လၧနီၪအမ့ၬယၫဆၧလၧ အစူၪန့ဘၪဝ့ၫအီၪဒံၭလီၫ. ဘဲၫဆၧလၧအနိၭဆိၪလၩ့ အၥၭအၥိၭနီၪမိဘၪမၩဘဲၫနီၪၥိၭ, ဘဲၫဆၧၥီၪ့ဘၪဆဲၫ့ လၧအအီၪလၩ့ဖၭအၥိၭနီၪလီၫ.
22-23 လီၩ ဘၪလၧစအၫရၧၫ့ ဒဲအဖိၪခွၫလဖၪတၭစံၭ, နၥံၪဘၪ ဆိၪဂ့ၩၦအံၫစရ့လၭဖိၪ ဘဲၫယီၩ, စံၭအဝ့ၫၥံၪ,
24 မွဲယဟိဝၩ ဆိၪဂ့ၩနၧၩ ဒဲယိထဲၩ့နၧၩဆံၭ.
25 မွဲယဟိဝၩ ဒုၭဖၩ့ထၪ့ နၧၩလၧအမ့ၬ, ဒုၭဘၪနၧၩ လၧအခိးအတၩဆံၭ.
26 မွဲယဟိဝၩ အီၪက့ၪဖၩ့ထၪ့ အမ့ၬလၧနလီၩ့, ဒဲဖ့ၪ လၫ့နၧၩလၧဆၧဘၪလိၬအိၭလိၬဆံၭ.
27 အဝ့ၫၥံၪမိဘၪအီၪက့ၪယမံၩ့ လၧၦအံၫစရ့လၭဖိၪ အလီၩ့တၭ ယမိဆိၪဂ့ၩ အဝ့ၫၥံၪလီၫ.