30
1 တၭစမိစ့ၭချဲၩ့ဆၧလၧ ၦဒီၪ့ၥံၪအခိၪလဖၪ လၧၦအံၫ စရ့လၭဖိၪအဂဲးတၭ, စံၭဝ့ၫဒၪ,အယီၩမွဲဆၧလၧယဟိ
2 ဝၩမၪလူၬဆၧ,- ၦၡၩအ့ၪဆိၪလၩ့အၥၭလၧယဟိဝၩ အဂးမွဲဂ့ၩ, ဆိၪလၩ့စၧၩ့ထၬအၥၭမွဲဂ့ၩ,မၩဂၭဂီၩ့ဘၪ အဆၧချဲၩ့အ့ၬ, မိဘၪမၩဘဲၫကယဲဆၧလၧအထၪ့ဖျ့ၭ လၧအနိၭအၥိၭနီၪလီၫ.
3 ၦမုၪလၧအၥၭဘၪ့လၧအအီၪ လၧအဖါအဂံၪ့လဂၩ နီၪအ့ၪဆိၪလၩ့စၧၩ့ထၬအၥၭ လၧယဟိဝၩအဂးတၭ,
4 အဖါအ့ၪနါဂၧၫ့အဆိၪလၩ့အၥၭ, ဒဲဆၧလၧအစၧၩ့ထၬ အၥၭနီၪ, အဖါအ့ၪအီၪလၩ့မါပံၭတၭ, ထီးနီၪလဖၧၫ့ ကယဲအဆၧဆိၪလၩ့အၥၭ မိအီၪဂုးအီၪခၧၫ့, ဒဲကယဲ ဆၧလၧအစၧၩ့ထၬအၥၭ လမံၩ့လါလါနီၪ မိအီၪဂုးအီၪ
5 ခၧၫ့ထီးအလူၬလီၫ.- အ့ၪမွဲမုလနံၩလၧအနါဂၧၫ့ဆၧ နီၪအဖါ အ့ၪလအုၩ့လၩ့ဘၪတၭ, အဆၧဆိၪလၩ့အ ၥၭ, ဒဲအဆၧစၧၩ့ထၬလၧအစၧၩ့ထၬအၥၭနီၪ အီၪဂုး အီၪခၧၫ့နးမံၩ့အ့ၬ. တၭယဟိဝၩမိကွဲၪဖျါခွံၬအဝ့ၫနီၪ, အဂဲးဘဲၫယီၩ အဖါလအုၩ့လၩ့ဘၪလီၫ.
6 ၦမုၪနီၪအ့ၪအီၪလၧအဝၩတၭ, အ့ၪဆိၪလၩ့အၥၭ မွဲဂ့ၩ, အ့ၪမၩထၪ့ဖျ့ၭလၧအနိၭ လၧဆၧစၧၩ့ထၬအၥၭ
7 လမံၩ့မံၩ့မွဲဂ့ၩ,- အဝၩအ့ၪနါဂၧၫ့တၭ, မုလနံၩလၧအ နါဂၧၫ့, အ့ၪအီၪလၩ့မါပံၭတၭ, အဆၧဆိၪလၩ့အၥၭ မိအီၪဂုးအီၪခၧၫ့တၭ, အဆၧစၧၩ့ထၬ လၧအစၧၩ့ထၬ
8 အၥၭမိအီၪဂုးအီၪခၧၫ့လီၫ.- တၭမုလနံၩလၧအနါဂၧၫ့ ဆၧနီၪအဝၩ အ့ၪလအုၩ့လၩ့ဘၪတၭ, အဆၧဆိၪလၧ အဆိၪလၩ့အၥၭနီၪ, ဒဲဆၧလၧအထၪ့ဖျ့ၭလၧအနိၭလၧ အစၧၩ့ထၬအၥၭ လၧအဝ့ၫနီၪ မိကဲၪထၪ့ဆၧပျီၩပျီၩ တၭ, ယဟိဝၩမိကွဲၪဖျါခွံၬအဝ့ၫလီၫ.
9 အ့ၪမွဲကယဲၦမုၪမဲၫ, ဒဲၦမုၪလၧအလၩ့ၡၪ လၧအဝၩ လဂၩလါလါနီၪ အဆၧဆိၪလၩ့အၥၭ လၧအစၧၩ့ထၬ
10 အၥၭနီၪ မိအီၪဂုးအီၪခၧၫ့လၧအဂးလီၫ.- တၭအ့ၪဆိၪ လၩ့အၥၭလၧ အဝၩအဂံၪ့ဖၧၩ့မွဲဂ့ၩ, အ့ၪစၧၩ့ထၬအၥၭ လၧဆၧစၧၩ့ထၬ အီၪလၧဆၧဆိၪလၩ့အၥၭ မွဲဂ့ၩတၭ, အဝၩအ့ၪနါဂၧၫ့ဝ့ၫတၭ, အီၪလၩ့မါပံၭနီၪ, အဆၧဆိၪ
11 လၩ့အၥၭထီးအလူၬ မိအီၪဂုးအီၪခၧၫ့,- တၭအဆၧ စၧၩ့ထၬလၧအစၧၩ့ထၬအၥၭနီၪ မိအီၪဂုးအီၪခၧၫ့ကိၭ
12 မံၩ့ဒ့ၭလီၫ.- အ့ၪမွဲမုလနံၩ လၧအနါဂၧၫ့ဝ့ၫနီၪ အဝၩ အ့ၪအီၪက့ၪပျီၩပျီၩတၡါတၭ, ဆၧထၪ့ဖျ့ၭလၧအနိၭ လၧအဆိၪလၩ့အၥၭ အဂဲးမွဲဂ့ၩ, လၧအဆၧစၧၩ့ထၬ လၧအစၧၩ့ထၬအၥၭ အဂဲးမွဲဂ့ၩ, အီၪဂုးအီၪခၧၫ့ နးမံၩ့ အ့ၬ. အဝၩမၩဝ့ၫပျီၩပျီၩတၭ, ယဟိဝၩ မိကွဲၪဖျါခွံၬ
13 အဆၧလီၫ.- ကယဲဆၧဆိၪလၩ့အၥၭ, ဒဲကယဲဆၧဆိၪ လၩ့စၧၩ့ထၬအၥၭ ဘဲၫၥိၭအမိဆၪ့လၩ့အၥၭနီၪ အဝၩ
14 မၩဂုးမၩခၧၫ့ၥ့ၪ, မၩဂၭဂီၩ့ၥ့ၪဆ့လီၫ.- အ့ၪမွဲအဝၩ အ့ၪအီၪလၩ့မါပံၭ လနံၩဘၪလနံၩတၭ, အဆၧဆိၪ လၩ့အၥၭထီးအလူၬမွဲဂ့ၩ, အဆၧစၧၩ့ထၬ လၧအအီၪ လၧအလီၩ့ထီးအလူၬမွဲဂ့ၩ, မွဲအဒုၭအီၪဂုးအီၪခၧၫ့ဝ့ၫ လီၫ. မုလနံၩလၧအနါဂၧၫ့ဝ့ၫနီၪ, အ့ၪအီၪလၩ့မါပံၭ
15 တၭ,ဒုၭအီၪဂုးအီၪခၧၫ့ဝ့ၫလီၫ.- တၭလၧအနါဂၧၫ့ဝ့ၫ အလးခဲၫ့နီၪ အ့ၪမၩဂၭဂီၩ့တၡါတၭ, ထီးနီၪလဖၧၫ့ မွဲအဝ့ၫဒၪ မိဘၪၦမုၪအဆၧအၧၩ့ဆၧၥၫ့လီၫ.
16 ဆၧလဖၪနီၪ မွဲၥနိၫလဖၪလၧ ယဟိဝၩမၪလူၬစမိစ့ၭ လၧၦထၧၫ့မၫဝၩအဂဲး, ဒဲလၧအဖါဒဲအဖိၪမုၪအၥၭဘၪ့ အီၪလၧအဖါအဂံၪ့ အဂဲးနီၪလီၫ.