26
1 လၧဆၧၥံၫဖျဲၪအလးခဲၫ့နီၪ ဆၧမၩအၥၭ လၧယဟိ ဝၩချဲၩ့ဆၧလၧစမိစ့ၭ, ဒဲၦလုဆၧစအၫရၧၫ့ အဖိၪခွၫ
2 စအံၫလအ့ဇၧၫလဂၩတၭ, စံၭဝ့ၫဒၪ,- ဝံထၪ့နၬထၪ့ၦ အံၫစရ့လၭဖိၪ အဆၧအီၪကီၪ့ထီးအလူၬ လၧအၥၭၡါ အနံၪ့နံၫဆံၫ, ဒဲနံၫဆံၫအဖၫ့ခိၪနီၪ ဘဲၫအဖါလဖၪအဂံၪ့ အၥိၭ, ကယဲၦလ့ၩဒုၭၥုၭၥ့ၪ လၧအံၫစရ့လၭ အဖၧၩ့
3 နီၪဆံၭ.- စမိစ့ၭ ဒဲစအံၫလအ့ဇၧၫ ၦလုဆၧလဂၩနီၪ ချဲၩ့ထၪ့လၧအဝ့ၫၥံၪ လၧမိအၭအဆၧ ပျၩ့ဖၧၩ့ လၧ
4 ယီၫဒၫ့အနဲၩ့ ဆဲၫဎၩ့လၧယ့ၫရခိၫတၭ, စံၭဝ့ၫဒၪ,- ၦ လၧအၥၭၡါအနံၪ့နံၫဆံၫ ဒဲနံၫဆံၫအဖၫ့ခိၪနီၪ, ဘဲၫယ ဟိဝၩမၪလူၬစမိစ့ၭ, ဒဲၦအံၫစရ့လၭဖိၪအၥိၭ လၧအ စဲၪ့ထၪ့ခွံၬလၧခးအံဇံၭနီၪလီၫ.
5 စရုဘံၫ့အံၫစရ့လၭအဖိၪဝဲၡါယီၩး လၧစရုဘံၫ့အ ဖိၪခွၫမွဲစဟၫနီၭ, ၦဟၫနီၭအဂံၪ့ဖိၪလဒီၪ့း လၧစပၫလုၫ
6 နီၪ,ၦပၫလုၫအဂံၪ့ဖိၪလဒီၪ့,- လၧစဟ့ဇရၧၫ့နီၪ, ၦဟ့ ဇရၧၫ့အဂံၪ့ဖိၪလဒီၪ့း လၧစကၫမဲၫနီၪ, ၦကၫမဲၫအဂံၪ့ဖိၪ
7 လဒီၪ့လီၫ.- အနီၪမွဲၦရုဘံၫ့ဖိၪအဂံၪ့ဒီၪ့လဖၪ, ဒဲၦလၧ အဘၪဆၧဝံထၪ့နၬထၪ့လၧအကျၩနီၪ မွဲၦလံလၬၥၧၫ့
8 ထီၫ့နွ့ၫယၩၥၧၫ့ဆံၫလီၫ.- တၭစပၫလုၫအဖိၪခွၫၥံၪမွဲစ
9 အံၫလဲအၭ,- ဒဲစအံၫလဲအၭအဖိၪခွၫၥံၪနီၪ မွဲစန့ၫမၠႃၫ အ့လၭဒဲစဒၫၥၫ့, ဒဲစအဘဲရၫ့လီၫ. အဝ့ၫနီၪစဒၫၥၫ့,ဒဲစ အဘဲရၫ့လၧအမံၩ့ဂၧၫ့ထၪ့ၥၩလၩ့ လၧဆၧအီၪကီၪ့အ ကျၩလၧအထၪ့အဲၪ့လိၬဆိၭချဲၩ့လိၬ လၧစမိစ့ၭ, ဒဲစအၫ ရၧၫ့လၧစကိရၫအဆၧအီၪကီၪ့အကျၩ, အဆၧၫ့အထီ
10 ထီးအထၪ့အဲၪ့လိၬဆိၭချဲၩ့လိၬ လၧယဟိဝၩလီၫ.- တၭ ထီးဆၧအီၪကီၪ့လဒီၪ့နီၪၥံၫ, ထီးမ့ၪအၪ့ခွံၬ ၦၡၩနံၫ ယၩယဲဆံၫတၭ, ဂၪ့ခိၪအၩ့ထၪ့အနိၭ ဒဲအၪ့ယုလၩ့ခွံၬ
11 ဝ့ၫဒဲစကိရၫတၭ, ကဲၪထၪ့ဝ့ၫလၧဆၧမၩနဲၪ့လီၫ.- မွဲလါ နၫ့စကိရၫအဖိၪလဖၪ ၥံၫဝ့ၫအ့ၬ.
12 စစံမအၧၫ့အဖိၪခွၫလဖၪ ဘဲၫအဝ့ၫၥံၪအဂံၪ့ဒီၪ့လဖၪ အၥိၭနီၪး လၧစန့ၫမၠႃၫအ့လၭနီၪ, ၦန့ၫမၠႃၫအ့လၭအ ဂံၪ့ဖိၪလဒီၪ့, လၧစယၫမံၫ့နီၪ, ၦယၫမံၫ့ အဂံၪ့ဖိၪလ
13 ဒီၪ့းလၧစယၫကံၫ့နီၪ ၦယၫကံၫ့အဂံၪ့ဖိၪလဒီၪ့း- လၧ စဇံၫရၫနီၪ, ၦဇံၫရၫအဂံၪ့ဖိၪလဒီၪ့, လၧစၡၫအၧလၭ
14 နီၪ, ၦၡၫအၧလၭ အဂံၪ့ဖိၪလဒီၪ့လီၫ.- အနီၪမွဲၦစံမ အၧၫ့ဖိၪ အဂံၪ့ဒီၪ့လဖၪလီၫ. ၦနံၫလၬနံၫ ထီၫ့နံၫယၩ အီၪဝ့ၫလီၫ.
15 စဂၭအဖိၪခွၫလဖၪ ဘဲၫအဝ့ၫၥံၪအဂံၪ့ဒီၪ့လဖၪအၥိၭ နီၪ,လၧစဇံဖၧၫ့ဖိၪနီၪ, ၦဇံဖၧၫ့အဂံၪ့ဖိၪလဒီၪ့း လၧစ ဟၭဂဲၫနီၪ, ၦဟၭဂဲၫအဂံၪ့ဖိၪလဒီၪ့း လၧစရှုနဲၫနီၪ,
16 ၦရှုနဲၫအဂံၪ့ဖိၪလဒီၪ့း- လၧစအီၭဇနဲၫနီၪ, ၦအီၭဇ နဲၫအဂံၪ့ဖိၪလဒီၪ့း လၧစအံရဲၫနီၪ, ၦအံရဲၫအဂံၪ့ဖိၪလ
17 ဒီၪ့း- လၧစအရိဒံၫနီၪ, ၦအရိဒံၫအဂံၪ့ဖိၪလဒီၪ့း လၧ
18 စအရံလဲၫနီၪ, ၦအရံလဲၫအဂံၪ့ဖိၪလဒီၪ့လီၫး- အနီၪ မွဲစဂၭအဖိၪခွၫၥံၪအဂံၪ့ဒီၪ့လဖၪ, ဘဲၫၦလၧအဘၪဆၧ ဝံထၪ့နၬထၪ့ဝ့ၫအၥိၭနီၪ, ၦလံလၬယဲယၩလီၫ.
19 စယုဒၫအဖိၪခွၫၥံၪ မွဲစအံရၫဒဲစအိနၫ့နီၪလီၫ. တၭ စအံရၫဒဲစအိနၫ့နီၪ ၥံၫဝ့ၫလၧခးကၫနအၫ့အဖၧၩ့လီၫ.
20 တၭစယုဒၫအဖိၪခွၫလဖၪ, ဘဲၫအဂံၪ့ဒီၪ့လဖၪ အၥိၭ နီၪးလၧစၡံလၫနီၪ, ၦၡံလၫအဂံၪ့ဖိၪလဒီၪ့, လၧစဖၫ ရ့ၭနီၪ, ၦဖၫရ့ၭအဂံၪ့ဖိၪလဒီၪ့း လၧစဇံရၫနီၪၦဇံရၫ
21 အဂံၪ့ဖိၪလဒီၪ့း တၭစဖၫရ့ၭအဖိၪခွၫလဖၪမွဲလၧစဟ့ ဇရၧၫ့နီၪ, ၦဟ့ဇရၧၫ့အဂံၪ့ဖိၪလဒီၪ့း လၧဟၫမလၭ
22 နီၪၦဟၫမလၭအဂံၪ့ဖိၪလဒီၪ့လီၫ.- အနီၪမွဲစယုဒၫအ ဂံၪ့ဒီၪ့လဖၪ, ဘဲၫၦလၧအဘၪ ဆၧဝံထၪ့နၬထၪ့ဝ့ၫအ ၥိၭနီၪ, ၦနွ့ၫလၬဎူၫထီၫ့ယဲယၩလီၫ.
23 စအံစခၫအဖိၪခွၫလဖၪ ဘဲၫအဝ့ၫၥံၪအဂံၪ့ဒီၪ့လဖၪ အၥိၭနီၪ, လၧစတိလၫနီၪ, ၦတိလၫအဂံၪ့ဖိၪလဒီၪ့း
24 လၧစဖုအၫနီၪၦဖုအၫအဂံၪ့ဖိၪလဒီၪ့း- လၧစယၫၡၧၭ နီၪ, ၦယၫၡၧၭအဂံၪ့ဖိၪလဒီၪ့း လၧစၡံၭမရၧၫ့နီၪ, ၦ
25 ၡံၭမရၧၫ့အဂံၪ့ဖိၪလဒီၪ့လီၫ.- အနီၪမွဲစအံၫစခၫအဂံၪ့ ဒီၪ့လဖၪဘဲၫၦလၧအဘၪ ဆၧဝံထၬနၬထၪ့ဝ့ၫအၥိၭနီၪ ၦဎူၫလၬလံထီၫ့ၥၧၫ့ယၩလီၫ.
26 စဇ့ၭဘလၧၫ့အဖိၪခွၫလဖၪ ဘဲၫအဝ့ၫၥံၪအဂံၪ့ဒီၪ့လ ဖၪအၥိၭနီၪး လၧစစံရ့ၭနီၪ ၦစံရ့ၭအဂံၪ့ဖိၪ လဒီၪ့း လၧစအံလၧၫ့နီၪ, ၦအံလၧၫ့အဂံၪ့ဖိၪလဒီၪ့း လၧစယၫ
27 လံလၭနီၪ, ၦယၫလံလၭအဂံၪ့ဖိၪလဒီၪ့လီၫ.- အနီၪမွဲ စဇ့ၭဘလၧၫ့အဖိၪၥံၪအဂံၪ့ဒီၪ့လဖၪ ဘဲၫၦလၧအဘၪ ဆၧဝံထၪ့နၬထၪ့ဝ့ၫအၥိၭနီၪ ၦဎူၫလၬယဲယၩလီၫ.
28 တၭစယိၥၭအဖိၪခွၫလဖၪ ဘဲၫအဝ့ၫၥံၪအဂံၪ့ဒီၪ့လ
29 ဖၪအၥိၭနီၪ, မွဲစမနၭစ့ၫဒဲစအံဖြံၫ့လီၫ.- စမနၭစ့ၫအဖိၪ ခွၫလဖၪနီၪ, လၧစမၫခဲၫနီၪ, ၦမၫခဲၫအဂံၪ့ဖိၪလဒီၪ့း တၭစမၫခဲၫနီၪထၪ့ဖိၪစဂံလအၭ, လၧစဂံလအၭနီၪ,ၦ
30 ဂံလအၭအဂံၪ့ဖိၪလဒီၪ့း- အနီၪစဂံလအၭအဖိၪခွၫ, လၧစဇံစၧၫနီၪ, ၦဇံစၧၫအဂံၪ့ဖိၪလဒီၪ့း လၧစဟံလ့ၭ
31 နီၪ,ၦဟံလ့ၭအဂံၪ့ဖိၪလဒီၪ့း- တၭလၧစအၫစြံၫအံလၭ နီၪ, ၦအၫစြံၫအံလၭအဂံၪ့ဖိၪလဒီၪ့း တၭလၧစၡ့ကံၫ့
32 နီၪ,ၦရှ့ကံၫ့အဂံၪ့ဖိၪလဒီၪ့း- တၭလၧစၡမဲဒၫနီၪၦၡမဲ ဒၫအဂံၪ့ဖိၪလဒီၪ့း တၭလၧစဟံဖၧၫနီၪ, ၦဟံဖၧၫအဂံၪ့
33 ဖိၪလဒီၪ့လီၫ.- တၭစဟံဖၧၫအဖိၪခွၫ စဇံၫလိဖဟၭနီၪ အဖိၪခွၫအီၪအ့ၬး အ့ၪမွဲအဖိၪမုၪၥံၪအီၪတၭ, စဇံၫ လိဖဟၭအဖိၪမုၪအမံၩ့နီၪမွဲနးမၫလၫ, ဒဲနးနိအၫ, ဒဲနး
34 ဟီၭလၫ, ဒဲနးမံလကၫ, ဒဲနးတၧဇၫလီၫ.- အနီၪမွဲစမနၭ စ့ၫအဂံၪ့ဒီၪ့လဖၪတၭ, ၦလၧအဘၪဆၧဝံထၪ့နၬထၪ့ဝ့ၫ လၧအကျၩနီၪမွဲၦယဲလၬနံၫထီၫ့နွ့ၫယၩလီၫ.
35 အယီၩမွဲစအံဖြံၫ့အဖိၪခွၫလဖၪ ဘဲၫအဝ့ၫၥံၪအဂံၪ့ ဒီၪ့လဖၪအၥိၭနီၪး လၧစရှုၥလၫနီၪၦရှုၥလၫအဂံၪ့ဖိၪ လဒီၪ့,လၧစဘံခၧၫနီၪ, ၦဘံခၧၫအဂံၪ့ဖိၪလဒီၪ့း လၧ
36 စတၫဟၫ့နီၪ, ၦတၫဟၫ့အဂံၪ့ဖိၪလဒီၪ့လီၫ.- အယီၩ မွဲစရှုၥလၫအဖိၪခွၫလဖၪ, လၧစအံရၫ့နီၪ, ၦအံရၫ့အ
37 ဂံၪ့ဖိၪလဒီၪ့နီၪလီၫ.- အနီၪမွဲစအံဖြံၫ့အဖိၪခွၫၥံၪအဂံၪ့ ဒီၪ့လဖၪ, ဘဲၫၦလၧအဘၪဆၧဝံထၪ့နၬထၪ့ဝ့ၫ လၧအ ကျၩအၥိၭနီၪ, ၦၥၧၫ့လၬနံၫထီၫ့ယဲယၩလီၫ. ၦလဖၪ နီၪမွဲစယိၥၭအဖိၪခွၫ ဘဲၫအဂံၪ့ဒီၪ့လဖၪအၥိၭနီၪလီၫ.
38 စဘံၪ့ယမံၫ့အဖိၪခွၫလဖၪ ဘဲၫအဝ့ၫၥံၪအဂံၪ့ဒီၪ့လ ဖၪအၥိၭနီၪ, လၧစဘံလၫနီၪ, ၦဘံလၫအဂံၪ့ဖိၪလဒီၪ့း လၧစအၭၡဘ့လၭနီၪ, ၦအၭၡဘ့လၭအဂံၪ့ဖိၪလဒီၪ့း
39 လၧစအဟဲရၫ့နီၪ, ၦအဟဲရၫ့အဂံၪ့ဖိၪလဒီၪ့း- လၧစရှု ဖၫ့နီၪ, ၦရှုဖၫ့အဂံၪ့ဖိၪလဒီၪ့း လၧစဟုဖၫ့နီၪ, ၦဟုဖၫ့အ
40 ဂံၪ့ဖိၪလဒီၪ့လီၫ.- တၭစဘံလၫအဖိၪခွၫနီၪ, မွဲစအၫ ဒၭဒဲစနၫအမၫ့လီၫ. လၧစအၫဒၭနီၪ, ၦအၫဒၭအဂံၪ့ ဖိၪလဒီၪ့, လၧစနၫအမၫ့နီၪၦနၫအမၫ့အဂံၪ့ဖိၪလဒီၪ့,
41 အနီၪမွဲစဘံၪ့ယမံၫ့အဖိၪခွၫလဖၪ, ဘဲၫအဂံၪ့ဒီၪ့လဖၪ အၥိၭနီၪ, တၭၦလၧအဘၪဆၧဝံထၪ့နၬထၪ့လၧအကျၩ နီၪမွဲၦလံလၬယဲထီၫ့ဎူၫယၩလီၫ.
42 အယီၩမွဲစဒၫ့အဖိၪခွၫလဖၪ ဘဲၫအဝ့ၫအဂံၪ့ဒီၪ့လဖၪ အၥိၭနီၪ, လၧစရှုဟၫ့နီၪ, ၦရှုဟၫ့အဂံၪ့ဖိၪလဒီၪ့လီၫ. အနီၪမွဲစဒၫ့အဒီၪ့, ဘဲၫအဂံၪ့ဒီၪ့လဖၪအၥိၭနီၪလီၫ.
43 ၦရှုဟၫ့ဖိၪအဂံၪ့ဒီၪ့လဖၪထီးအလူၬ, ဘဲၫၦလၧအဘၪ ဆၧဝံထၪ့နၬထၪ့ဝ့ၫအၥိၭနီၪ, မွဲၦဎူၫလၬလံထီၫ့လံယၩ လီၫ.
44 စအၭၡၧၫအဖိၪခွၫလဖၪ ဘဲၫအဝ့ၫၥံၪအဂံၪ့ဒီၪ့လဖၪ အၥိၭနီၪ, လၧစယံမနၫနီၪ, ၦယံမနၫအဂံၪ့ဖိၪလဒီၪ့,လၧ စယ့ၭရှုၫအဲၫနီၪ, ၦယ့ၭရှုၫအဲၫအဂံၪ့ဖိၪလဒီၪ့း လၧစ
45 ဘရဲအၫနီၪ, ၦဘရဲအၫအဂံၪ့ဖိၪလဒီၪ့လီၫ.- လၧစဘရဲ အၫအဖိၪခွၫလဖၪနီၪ, လၧစဟံဘၧၫနီၪ, ၦဟံဘၧၫအ ဂံၪ့ဖိၪလဒီၪ့လၧစမၫလခံၫအ့လၭ အဂံၪ့ဖိၪလဒီၪ့လီၫ. တၭစအၭၡၧၫအဖိၪမုၪအမံၩ့ မွဲနးစၫရၫလီၫ.
46-47 အ နီၪမွဲစအၭၡၧၫအဖိၪခွၫလဖၪ အဂံၪ့ဒီၪ့လဖၪ, ဘဲၫအ ဘၪဆၧဝံထၪ့နၬထၪ့ဝ့ၫအၥိၭနီၪ, မွဲၦယဲလၬၥၧၫ့ထီၫ့ လံယၩလီၫ.
48 စနၭၥလဲၫ အဖိၪခွၫလဖၪ ဘဲၫအဝ့ၫၥံၪအဂံၪ့ဒီၪ့လ ဖၪအၥိၭနီၪး လၧစယၫဇအ့လၭနီၪ, ၦယၫဇအ့လၭအ ဂံၪ့ဖိၪလဒီၪ့း လၧစဂုနဲၫနီၪ, ၦဂုနဲၫအဂံၪ့ဖိၪလဒီၪ့း
49 လၧစယ့ဇၧၫနီၪ, ၦယ့ဇၧၫအဂံၪ့ဖိၪလဒီၪ့း လၧစၡံလံၫ့
50 နီၪ,ၦၡံလံၫ့အဂံၪ့ဖိၪလဒီၪ့လီၫ.- အနီၪမွဲစနၭၥလဲၫအ ဂံၪ့ဒီၪ့လဖၪ, ဘဲၫအဂံၪ့ဒီၪ့လဖၪအၥိၭနီၪ တၭၦလၧအ ဘၪဆၧဝံထၪ့နၬထၪ့ဝ့ၫ မွဲၦလံလၬယဲထီၫ့လံယၩလီၫ.
51 ၦလၧအဘၪဆၧဝံထၪ့နၬထၪ့ဝ့ၫ လၧၦအံၫစရ့လၭဖိၪ အကျၩနီၪ, မွဲၦဎူၫကုၬလထီၫ့နွ့ၫယၩၥၧၫ့ဆံၫလီၫ. ယဟိဝၩ ချဲၩ့ဆၧလၧ စမိစ့ၭတၭ, စံၭဝ့ၫဒၪ,
52-53 ခး လဘံၪ့နီၪ မိဘၪဆၧနၩ့ဖၭဝ့ၫ လၧၦလဖၪနီၪ အဆၧန့ ၥၫအဂး, ဘဲၫအမံၩ့အဆၧဝံထၪ့နၬထၪ့ဝ့ၫ အၥိၭနီၪ
54 လီၫ.- လၧၦအၪဂၩနီၪ နမိဘၪဖ့ၪလၫ့ဆၧန့ၥၫလၧအ အၪ,ဒဲလၧၦအၡၩနီၪ နမိဘၪဖ့ၪလၫ့ဆၧန့ၥၫ လၧအၡၩ လဆံၭလီၫ. ဘဲၫၦဘၪဆၧဝံထၪ့ နၬထၪ့ဝ့ၫ လဖၪအ ဆၧဝံထၪ့နၬထၪ့အၥိၭနီၪ, မိဘၪဆၧဖ့ၪလၫ့ဝ့ၫလၧအ ဆၧန့ၥၫဆုၬဆုၬ ဘဲၫနီၪအၥိၭလီၫ.
55 မွဲလါနၫ့ခးနီၪမိဘၪဆၧအၪ့နၩ့ဖၭဝ့ၫ လၧအဖၭဆၧ နီၪလီၫ. ဘဲၫအဖါအဒီၪ့လဖၪ အမံၩ့အၥိၭနီၪ မိန့ၥၫ
56 ဆၧလီၫ.- ဘဲၫဆၧဖၭဝ့ၫအၥိၭနီၪ, အဆၧန့ၥၫမိဘၪ ဆၧအၪ့နၩ့ဖၭ လၧအၪဂၩအဆၧၫ့ ဘဲၫလၧၡၩဂၩအ ဆၧၫ့အၥိၭနီၪလီၫ.
57 တၭအယီၩမွဲ ၦလၧအဘၪဆၧဝံထၪ့ နၬထၪ့ဝ့ၫလၧ ၦလံဝဲၫဖိၪအကျၩ, ဘဲၫအဂံၪ့ဒီၪ့လဖၪအၥိၭနီၪ, လၧ စဂၧၡၧၫ့, ၦဂၧၡၧၫ့အဂံၪ့ဖိၪလဒီၪ့း လၧစကိဟၭနီၪ, ၦကိဟၭအဂံၪ့ဖိၪလဒီၪ့, လၧစမရၫရဲၫနီၪ, ၦမရၫရဲၫ
58 အဂံၪ့ဖိၪလဒီၪ့လီၫ.- အယီၩမွဲ ၦလံဝဲၫဖိၪ အဂံၪ့ဒီၪ့ လဖၪးၦလံဘနဲၫအဂံၪ့ဖိၪလဒီၪ့, ၦဟံဘြၧၫ့အဂံၪ့ဖိၪ လဒီၪ့, ၦမၫလံၫအဂံၪ့ဖိၪလဒီၪ့, ၦမုၡဲၫအဂံၪ့ဖိၪလ
59 ဒီၪ့,ၦကိရၫအဂံၪ့ဖိၪလဒီၪ့လီၫ.- တၭစကိဟၭနီၪထၪ့ ဖိၪစအၫမရၫ့လီၫ. တၭစအၫမရၫ့အမၫအမံၩ့ မွဲနးယီၭ ကဘ့ၭ, စလံဝဲၫအဖိၪမုၪ လၧဆၧအီၪဖျဲၪဝ့ၫလၧစလံဝဲၫ အဂး လၧအံဇံၭအဖၧၩ့လီၫ. တၭလၧစအၫမရၫ့ အ ဂးနီၪမွဲအအီၪဖျဲၪန့စအၫရၧၫ့, ဒဲစမိစ့ၭ, ဒဲအထၧၫ့ဖုဝဲ
60 မုၪနးမံရအၫ့လီၫ.- တၭလၧစအၫရၧၫ့အဂးနီၪ, ဆၧ အီၪဖျဲၪန့ဝ့ၫစနၫဒၭ ဒဲစအဘဲဟုၫ, ဒဲစအံၫလအ့ဇၧၫ,
61 ဒဲစအံၥမၫလီၫ.- တၭစနၫဒၭဒဲစအဘဲဟုၫ,ထီးအမၩ ဘိၪ့မ့ၪလၩ့မဲၩဒၪဆၧ လၧယဟိဝၩအမ့ၬယၫတၭ, ၥံၫ
62 ဝ့ၫလီၫ.- တၭၦလၧအဘၪဆၧဝံထၪ့နၬထၪ့ဝ့ၫ လၧအ ကျၩနီၪ, မွဲၦနံၫလၬၥၧၫ့ထီၫ့လီၫ. ၦထီးအလူၬနီၪ, မွဲၦ ခွၫလၧအအီၪလၩလဘံၪ့, ဒဲလၩလဘံၪ့အဖၫ့ခိၪလီၫ. အဂဲးဘဲၫယီၩ မွဲအဘၪဆၧဝံထၪ့နၬထၪ့ဝ့ၫ လၧအံၫစရ့ လၭဖိၪအကျၩအ့ၬ. အဂဲးဘဲၫယီၩ ဆၧဖ့ၪလၫ့ဝ့ၫလၧ ဆၧန့ၥၫလၧၦအံၫစရ့လၭဖိၪ အကျၩနးမံၩ့အ့ၬ.
63 ၦလဖၪနီၪ မွဲၦလၧအဘၪဆၧဝံထၪ့နၬထၪ့ဝ့ၫ လၧ စမိစ့ၭ, ဒဲၦလုဆၧစအံၫလအ့ဇၧၫ, လၧအဝံထၪ့နၬထၪ့ ၦအံၫစရ့လၭဖိၪလၧမိအၭအဆၧပျၩ့ဖၧၩ့ လၧထံၫယီၫ
64 ဒၫ့အနဲၩ့ဆဲၫဎၩ့လၧယ့ၫရခိၫလီၫ.- မွဲလါနၫ့လၧၦလၧ စမိစ့ၭ, ဒဲၦလုဆၧလဂၩစအၫရၧၫ့ ဝံထၪ့နၬထၪ့ဝ့ၫအ ကျၩနီၪ, ၦလၧအဝံထၪ့ဝ့ၫလၧၦအံၫစရ့လၭဖိၪအကျၩ
65 ထီးၡါမုနၧၫ့ဖၫစဲနၫနီၪအီၪနးဂၩအ့ၬ.- အဂဲးဘဲၫယီၩ ယဟိဝၩစံၭယူၭ ဆၧလၧအဂဲးနီၪအဝ့ၫၥံၪ မိၥံၫတၡါ လၧၡါမုနၧၫ့ဖၫလီၫ. တၭအီၪလၩ့ထးဘၪနးဂၩအ့ၬ. အီၪလၩ့ထးန့ၫစယဖၧၫနံၫအဖိၪခွၫ စကၫလ့ၭ, ဒဲစနိၫ့ အဖိၪခွၫစယီရှုၫအ့ၫလီၫ.