24
1 ထီးစဘၫလၫ့ဒၪဘၪဝ့ၫ လၧအဘၪယဟိဝၩအၥၭ လၧအမိဆိၪဂ့ၩ ၦအံၫစရ့လၭ နီၪတၭ, လ့ၩအၪ့ဎၬ ဆၧအူၪဆၧပီၩ ဘဲၫအအၪ့ဎၬယူၭလဘျၩ့ဘျၩ့အၥိၭ နီၪအ့ၬ. မွဲအအီၪက့ၪအမ့ၬ တီၩလၧၡါမုနၧၫ့ဖၫလီၫ.
2 စဘၫလၫ့ကျဲၪ့ထၪ့အမ့ၬတၭ, ဒၪဘၪအံၫစရ့လၭအီၪ ဝ့ၫဘဲၫအဒီၪ့လဖၪ အၥိၭနီၪတၭ, ယွၩအၥၭအီၪထၪ့
3 လၧအလီၩ့လီၫ.- တၭအဝ့ၫဒၪမၩန့ အဆၧချဲၩ့ဒီၩ့တၭ, စံၭဝ့ၫ, စဘံအီၫအဖိၪခွၫစဘၫလၫ့စံၭဆၧ, ဒဲၦလၧအမ့ၬဝဲထၪ့အၥၭစံၭဆၧ,
4 ၦလၧအနါဂၧၫ့ယွၩအလူအထၫစံၭဆၧ, လၧအဒၪဆၧလၧယၫလခီၫ ဘၪဆဲၫ့လၧၦၥ့ၪဆၧလူၬ, လၩ့လါနၫ့ လၧဆၧမံၫမးအဖၧၩ့နီၪ အမ့ၬအီၪဝဲထၪ့ အၥၭတၭ,
5 နတဲၩလဖၪဂ့ၩဆံၭဒိၪလဲၪၬ ယၫကူၭဧ့, ဒဲနအီၪအလးလဖၪ, အံၫစရ့လၭဧ့ၬ
6 ပၠၪလၩ့အၥၭဘဲၫခိၪလီၩ့ဆူၭအၥိၭ, ဘဲၫကျိၭအလးလၧထံၫမိၡါအနဲၩ့အၥိၭ, ဘဲၫၥံၪ့ကၠီၫလၧယဟိဝၩၥုၪ့ဝ့ၫအၥိၭ, ဘဲၫၥံၪ့ၡိၫအ့ရ့ၭ လၧထံၫနဲၩ့အၥိၭနီၪလီၫ.
7 မွဲအမိဂါလၩ့ခွံၬထံၫ လၧအအီၪလၧထံၫဆဲၩဖၧၩ့, တၭအချံၫအၥၪမိအီၪ လၧထံၫအၪအကျၩလီၫ. အစဎွၩမိထၪ့ထီၫနဲၪ့စအၫဂၭ, တၭအဘၩ့အမုး မိဘၪဆၧအီၪက့ၪထၪ့ထီၫဝ့ၫလီၫ.
8 ယွၩဒုၭစဲၪ့ထၪ့ခွံၬဝ့ၫလၧအံဇံၭ, အီၪလၧအဂဲးဆီၪ့ဘၭဆီၪ့ ဘဲၫဆၧဒိၪအၥိၭ, တၭမိအၪ့ခွံၬ ၦဆၨၩလဖၪ အဒုၪအဒၩနီၪ, ဒဲမၩခါ အဎွံၪ, ဒဲခၭဘၪအဝ့ၫလၧအဖျါလဖၪလီၫ.
9 မွဲအခိၬလၩ့ဝ့ၫ, မံၫနၩ့ဝ့ၫဘဲၫဆၬလၥၧၫ့အၥိၭ, ဒဲဘဲၫ ဆၬလၥၧၫ့မိအၥိၭး မွဲပလၫ မိထိၪဂဲထုၪ့ဝ့ၫလဂၩလဲၪ. ၦလၧအဆိၪဂ့ၩနၧၩနီၪ ဘၪဆိၪဂ့ၩယူၭး တၭၦလၧအဆိၪအၧၩ့နၧၩနီၪ ဘၪဆိၪအၧၩ့ယူၭ,
10 စဘၫလၭအၥၭထၪ့ခဲၩထၪ့ဘၪ စဘၫလၫ့တၭ, ဒဲၩ လိၬအစူၪယၫၥၭလီၫ. တၭစဘၫလၭ စံၭစဘၫလၫ့, ယကိၭန့နၧၩ ဘဲၫၥိၭနမိဆိၪအၧၩ့ ယဒုၪယဒၩလီၫ. တၭ,ယိခွါ, နဆိၪဂ့ၩယူၭတၡါဝ့ၫ ၥၧၫ့ဘျၩ့ယၫယူၭ.
11 တၭဘိၩ့နဲၪ့ယီၩထဲၩ့စဲၪ့ဖျိၭနဝ့ၫ ထီၩ့လၧနလးဒၪနဝ့ၫ ဆံၭ. ယစံၭလၧယမိအီၪက့ၪ ဆၧလၩဖၩ့ဒိၪလၧနလီၩ့ လီၫ. တၭယိခွါ, ယဟိဝၩပဒၩ့ဆၧ လၧနန့ဘၪဆၧ လၩဖၩ့လီၫ.
12 တၭစဘၫလၫ့စံၭစဘၫလၭ, ယဝ့ၫဒၪယစံၭနၥီၫ့လၧ
13 နအၪ့မၧၫ့လၩ့လၧယအီၪလဖၪနီၪ- စဘၫလၭအ့ၪဖ့ၪ လၫ့ယၧၩအဂံၪ့အဆၧလၧၫ့ဎွ့ၩ လၧကျိၪၥံၪစ့ၩၥံၪထီၫ့ ၥံၪလွ့ၫၥံၪလါနၫ့တၭ, ယခၫ့ဂၬ ယဟိဝၩအဆၧမၪလူၬ ဘဲၫၥိၭယမိမၩဆၧဂ့ၩမွဲဂ့ၩ, ဆၧအၧၩ့မွဲဂ့ၩ, လၧယၥၭ ဒၪယဝ့ၫၥ့ၪအ့ၬ. ဆၧလၧယဟိဝၩချဲၩ့ဆၧနီၪ ယမိချဲၩ့ ဆၧဎွ့ၩနီၪ, မွဲအ့ၬဧၪ,
14 တၭဘိၩ့နဲၪ့ယီၩ, ယိခွါ, ယမိလ့ၩလၧယၡၩခမျၧး လီၫ. ဂဲၫဘီၪ, ယမိဒုၭၥ့ၪယၫနၧၩ လၧဆၧလၧၦခမျၧး မိမၩနၡၩခမျၧး လၧမုနံၩလဖၪလၧယၫလခီၫနီၪလီၫ.
15 မွဲအထုၭထၪ့အဆၧချဲၩ့ဒီၩ့တၭ, စံၭဝ့ၫဒၪ, စဘံအီၫအ ဖိၪခွၫစဘၫလၫ့စံၭဆၧ, ဒဲၦလၧအမ့ၬဝဲထၪ့အၥၭစံၭဆၧ,
16 ၦဂၧၫ့ဘၪယွၩအလူအထၫ ဒဲၥ့ၪယၫဆၧၥ့ၪယၫ ဘၪဆဲၫ့ လၧဆၧထီၫထုၬလဂၩ စံၭဆၧ, ၦဒၪဆၧလၧယၫလခီၫဘၪဆဲၫ့လၧၦၥ့ၪဆၧလူၬ, လၩ့လါနၫ့လၧဆၧမံၫမးအဖၧၩ့နီၪ အမ့ၬဝဲထၪ့အၥၭ တၭ,
17 ယမိဒၪဘၪဝ့ၫလါနၫ့ဘိၩ့နဲၪ့ယီၩမွဲအ့ၬ. ယမိယိဝ့ၫလါနၫ့, အီၪဘူၭမွဲအ့ၬး ၡၪလဖျိၪ့မိထၪ့ဘၭဝ့ၫလၧယၫကူၭအဖၧၩ့, ဒဲစဎွၩအနိၪထိၭလဘီၩ့မိထၪ့လၧအံၫစရ့လၭ, တၭမိဒိၪဘၪမိအၭအနိၫ့လဖၪ, ဒဲမၩဂၭဂီၩ့ခွံၬကယဲၦတုၩ့ထၪ့တုၩ့လၩ့ဖိၪလီၫ.
18 တၭအံဒၧၫ့မိကဲၪထၪ့ဆၧန့ၥၫ, ဒဲစံအၫမိကဲၪထၪ့ဆၧန့ၥၫလၧအဒုၪအဒၩအဂး, ဒဲအံၫစရ့လၭမိမၩနၧၩ့မၩစၪဆၧလီၫ.
19 ၦလၧအမိပၧၩ့ဆၧလဂၩ မိဂဲၫထၪ့လၧယၫကူၭ, တၭမိမၩဂၭဂီၩ့ဒိၩ့ၥံၪတဝၫ့ၥံၪ လၧအအီၪလၩ့ထး လီၫ.
20 ထီးအယိဝ့ၫလၧအၫမလ့ၭနီၪတၭ, မၩန့အဆၧချဲၩ့ ဒီၩ့တၭစံၭဝ့ၫဒၪ, အၫမလ့ၭမွဲၦဆၨၩလဖၪအခိၪ, မွဲလါနၫ့အထုၬနီၪ မွဲဆၧဂၭဂီၩ့အဆိၩအကၠၪလီၫ.
21 အဝ့ၫယိဝ့ၫလၧၦကံၫ့နဲၭဖိၪတၭ, ထုၭထၪ့ အဆၧ ချဲၩ့ဒီၭတၭ, စံၭဝ့ၫဒၪ, နအီၪအလးအီၪဂုးခၧၫ့, ဒဲနအီၪက့ၪနၥွံၫလၧလိးဖၧၩ့,
22 မွဲလါနၫ့ဆၧမိအၪ့ခွံၬကံၫ့နဲၭနီၪ ဆံၭယံၬလဲၪ, ထီးအၭၡၧၫမိအၪ့မၧၫ့ဎီးနၧၩလီၫ.
23 မွဲအထုၭထၪ့အဆၧချဲၩ့ဒီၩ့တၭ, စံၭဝ့ၫဒၪ, အၩလါၬ ထီးယွၩမိမၩဆၧနီၪတၭ, မွဲပလၫမိမၧၫ့လဂၩလဲၪ.
24 တၭကဘၩ့လဖၪမိဂဲၫလၧဆံၭထံၫ့အနဲၩ့, တၭမိမၩၡၪ့မၩနၭအၭၡၧၫ ဒဲမိမၩၡၪ့မၩနၭအံဘၧၫ, တၭအဝ့ၫဒၪ မိထီၩ့လၧဆၧဂၭဂီၩ့ အဆိၩအကၠၪဆ့
25 လီၫ.- စဘၫလၫ့ဂဲထုၪ့တၭ, လ့ၩဆၧဒဲထဲၩ့ထဲၩ့လၧအ လးတၭ, စဘၫလၭလ့ၩလၧအဖၧၩ့ၥၭဒၪဝ့ၫဆ့လီၫ.