21
1 ထီးၦကၫနအၫ့ဖိၪအၫရၭအစဎွၩ လၧအအီၪဝ့ၫလၧ မုခံၫ့လခီၫနီၪ, နါဂၧၫ့ဝ့ၫလၧအံၫစရ့လၭဂဲၫလၧဖၧၩ့ၥၭ အၫၥရံၫ့တၭး အဝ့ၫဒၪဒုၭဆၧထၫ့ဒုၪဒၩ အံၫစရ့လၭ
2 တၭ, ဖီၪ့န့ၦၡၩလနၩ့လီၫ.- အံၫစရ့လၭဆိၪလၩ့အၥၭ လၧဆၧဆိၪလၩ့အၥၭလၧယဟိဝၩတၭ, စံၭဝ့ၫဒၪ, နအ့ၪဖ့ၪလၫ့တၡါၦခမျၧးယီၩ လၧယစူၪဖၧၩ့တၭ, ယမိမၩဂၭဂီၩ့ အဒိၩ့အတဝၫ့ၥံၪလူၬထူၬဆံၫ့ဘၩ့လီၫ.
3 ယဟိဝၩခိၭနၪ အံၫစရ့လၭအလူတၭ,ဖ့ၪလၫ့ခွံၬၦကၫ နအၫ့ဖိၪတၭ, အဝ့ၫၥံၪမၩဂၭဂီၩ့ခွံၬဝ့ၫ,ဒဲအဒိၩ့အတဝၫ့ လီၫ.တၭဆၧအလးနီၪ ဆၧကိၭဝ့ၫအမံၩ့လၧဟီမၫလီၫ.
4 တၭအဝ့ၫၥံၪစဲၪ့ထၪ့ခွံၬလၧခိၪလီၩ့ဟီၫနီၪ လ့ၩလၧ ဖၧၩ့ၥၭမၫဆမံၭဝီၩအနဲၩ့ထံၭ ဘဲၫၥိၭအမိလ့ၩဎဲၪ့ခး အံဒၧၫ့လီၫ. တၭၦခမျၧးအၥုၪ့ခိအၥၭဝီၩ လၧဖၧၩ့ၥၭ
5 အကၠီၩ့လီၫ.- တၭၦခမျၧးချဲၩ့ထၫ့ဒုၪဒၩယွၩဒဲစမိစ့ၭ, မွဲနၥံၪဂဲၫဆိၬထၪ့ခွံၬပၧၩ လၧအံဇံၭအဖၧၩ့နီၪဘဲၫၥိၭ ပမိၥံၫလၧၡါမုနၧၫ့ဖၫယီၩ မွဲဘၪလဲၪး အဂဲးဘဲၫယီၩ ကိၪမွဲဂ့ၩ, ထံၫမွဲဂ့ၩအီၪအ့ၬး တၭပၥၭလဲၩလၧဆၧ အၪ့ဘျိၪယီၩလီၫ.
6 ယဟိဝၩအၪ့မၧၫ့လၩ့ဂူမ့ၪလဖၪ လၧၦခမျၧးအကျၩ တၭ, အဝ့ၫၥံၪဖျၭၦခမျၧးတၭ, ၦအၪဂၩလၧအံၫစရ့
7 လၭအကျၩၥံၫဝ့ၫဒၪလီၫ.- တၭၦခမျၧးဂဲၫလၧစမိစ့ၭ အအီၪစံၭဝ့ၫဒၪ, ပမၩယူၭဆၧဒဲၩဘၭယူၭ, အဂဲးဘဲၫ ယီၩပချဲၩ့ထၫ့ဒုၪဒၩယူၭ ယဟိဝၩဒဲနၧၩယူၭ, ဘၩဆိၪ ဖၪယဟိဝၩဘဲၫၥိၭအမိဒုၭစဲၪ့ထၪ့ခွံၬ ဂူလဖၪယီၩလၧ ပအီၪဆံၭ. တၭစမိစ့ၭဘၩဆိၪဖၪန့ ၦခမျၧးအဂးလီၫ.
8 တၭယဟိဝၩစံၭစမိစ့ၭ တဲၩ့ဂူမ့ၪလၧနဂးနးဘီၩ့တၭ, အီၪက့ၪထၪ့ဝ့ၫ လၧနိၪဘီၩ့လဘီၩ့ အခံၫထိၭဆံၭ. တၭ ဆၧမိမၩအၥၭ လၧကယဲၦလၧဂူဖျၭဝ့ၫ လဂၩဂၩနီၪ
9 ထီးအယိထၪ့ဝ့ၫတၭမိမၧၫ့ထၪ့ဝ့ၫလီၫ.- တၭစမိစ့ၭ တဲၩ့ဂူလဘီၩ့လၧထီးဝီၩတၭ, အီၪက့ၪထၪ့ဝ့ၫလၧနိၪ ဘီၩ့လဘီၩ့ အခံၫထိၭနီၪလီၫ. တၭဆၧမၩအၥၭလၧ ဂူအ့ၪဖျၭၦၡၩလဂၩဂၩနီၪ, ထီးအယိထၪ့ဘၪဂူထီး ဝီၩလဘီၩ့နီၪ မၧၫ့ထၪ့ဝ့ၫဒၪလီၫ.
10 ၦအံၫစရ့လၭဖိၪ စဲၪ့ထၪ့တၭၥုၪ့အတဲၩလၧအိဘီၭ
11 လီၫ.- အဝ့ၫၥံၪစဲၪ့ထၪ့ခွံၬလၧအိဘီၭနီၪတၭ, ၥုၪ့အ တဲၩလၧအံဇအၭဘရံၫ့ လၧၡါမုနၧၫ့ဖၫလၧအအီၪလၧ မိအၭအမ့ၬယၫ လၧမုထၪ့လခီၫလီၫ.
12 အဝ့ၫၥံၪစဲၪ့ထၪ့ခွံၬ ထီးနီၪတၭ, ၥုၪ့အတဲၩလၧခိၪ
13 လီၩ့ဆူၭဇၫရ့ၭလီၫ.- အဝ့ၫၥံၪစဲၪ့ထၪ့ခွံၬ ထီးနီၪတၭ, ၥုၪ့အတဲၩလၧထံၫအၫနၫ့ဝါလခီၫ လၧအဂဲၫလၩ့လၧၡါ မုနၧၫ့ဖၫ လၧၦအၫမိၫဖိၪ အခးနဲၩ့ထံၭလဖၪလီၫ. အ ဂဲးဘဲၫယီၩထံၫအၫနၫ့နီၪ မွဲမိအၭအခးနဲၩ့လၧမိအၭဒဲ ၦအၫမိၫဖိၪအဘိၩ့ဆၧၩ့နီၪလီၫ.
14 မၩအၥၭဘဲၫနီၪတၭဆၧစံၭဝ့ၫ လၧလံၬယဟိဝၩဒုၭ ၥုၭလၧဝ့ဟ့ၭ အီၪလၧစူၭဖၫအဖၧၩ့, ဒဲလၧအၫနၫ့ အ
15 ထံၫချိၬလဖၪ,- ဒဲထံၫချိၬလဖၪလၧအကရဲၭဖၧၩ့ လၧအ လ့ၩလၩ့လၧအါအဆၧအီၪကီၪ့အလး လၧမိအၭအခး နဲၩ့နီၪလီၫ.
16 တၭစဲၪ့ထၪ့ခွံၬထီးနီၪ ထီၩ့လၧဘံအၧၫလီၫ. အနီၪ မွဲထံၫဖၧၩ့ လၧယဟိဝၩစံၭစမိစ့ၭ, ဒုၭအီၪကီၪ့ၦခမျၧး ဆံၭတၭ ယမိဖ့ၪလၫ့အဝ့ၫၥံၪ လၧထံၫလီၫ.
17 ထီးနီၪလဖၧၫ့ အံၫစရ့လၭ မၩထၭခိၪလယွ့ယီၩ, ထံၫဖၧၩ့ဧ့,မွဲထံၫထၪ့ဖျိၭဘီၪ ၥံၫကျံၩထၪ့နၥံၪဝ့ၫဘီၪ.
18 ၦဒိၪလဖၪအၪ့ဎၬန့ဝ့ၫ, ၦခမျၧးအခိၪလဖၪခုၪ့လၩ့ဝ့ၫ, လၧအနိၪထိၭဘီၩ့လဖၪလီၫ.
19 တၭလၧၡါမုနၧၫ့ဖၫနီၪဖိးလၧမၭတၫနၫတၭ, လၧမၭတၫနၫနီၪဖိးလၧနၫဟ့ၫလအ့လၭ,
20 တၭလၧနၫဟ့ၫလအ့လၭနီၪဖိးလၧဘၫမီၭ, တၭလၧဘၫမီၭနီၪဖိးလၧခိၪလီၩ့ဆူၭ, လၧအအီၪလၧခးမိအၭအဖၧၩ့, ဖိးလၧခိၪလီၩ့ ပံစဂၫအဒၩ့ခိၪ လၧဆၧဒိၭအၥၭလၧ ယ့ၭၡမၧၫ့လီၫ.
(၅မိ ၂;၂၆-၃:ၥၥ).
21 တၭအံၫစရ့လၭအၪ့မၧၫ့လၩ့အၥီၫ့ လဖၪလၧၦအၫ
22 မိၫဖိၪ ထီၩ့လၧစဎွၩစဲဟၫ့တၭ စံၭဝ့ၫဒၪ,- ဒုၭခၫ့ဂၬ ပၧၩ လၧနခးဖၧၩ့နီၪဘီၪး ပကၠၪစိၩပၥၭ လၧဆံၬၥံၪ နၩၥံၪအဖၧၩ့, လၧစဘံၭမုအလးဖၧၩ့အ့ၬ. ပအီၩထံၫ လၧထံၫဖၧၩ့အ့ၬး ပမိလ့ၩလၧစဎွၩ အဖၧၩ့ၥၭထီးပခၫ့
23 ဂၬခွံၬနခးလီၫ.- တၭစဲဟၫ့ဖ့ၪလၫ့ၦအံၫစရ့လၭဖိၪ ခၫ့ ဂၬအခးအနဲၩ့ ထံၭနီၪအ့ၬ. တၭစဲဟၫ့ဒုၭအီၪကီၪ့အ ၡၩခမျၧးထီးအလူၬနီၪ, လ့ၩထၪ့ထၫ့ဒုၪဒၩ အံၫစရ့လၭ လၧၡါမုနၧၫ့ဖၫတၭး ဂဲၫလၧယၫဟၭတၭ, ဒုၭဆၧလၧ
24 အံၫစရ့လၭလီၫ.- တၭအံၫစရ့လၭဖ့ၬခွံၬဝ့ၫ လၧနၭအ နါတၭ, မၩန့အခးလၧအၫနၫ့ဖိးလၧယၫဘီၭ, လၧၦအၫ မၧၫ့ဖိၪအအီၪလီၫ. အဂဲးဘဲၫယီၩ ၦအၫမၧၫ့ဖိၪအခး
25 နဲၩ့ထံၭအီၪဂုးခၧၫ့လီၫ.- အံၫစရ့လၭမၩန့ဒိၩ့ လဖၪ ထီးအလူၬတၭ, အံၫစရ့လၭအီၪဝ့ၫ လၧၦအၫမိၫဖိၪအ ဒိၩ့ထီးအလူၬအဖၧၩ့, လၧဟ့ၭၡဘၫ့အဖၧၩ့, ဒဲလၧအ
26 တဝၫ့လဖၪအဖၧၩ့လီၫ.- အဂဲးဘဲၫယီၩ ဟ့ၭၡဘၫ့နီၪ မွဲၦအၫမိၫဖိၪ အစဎွၩစဲဟၫ့အဒိၩ့, လၧအဒုၭၥုၭလၧမိ အၭအစဎွၩလၧအခၪ့ထံၭလဂၩတၭ, မၩန့ယူၭအခး လၧအဖၧၩ့ဖိးလၧထံၫအၫနၫ့နီၪလီၫ.
27 မၩအၥၭဘဲၫနီၪတၭ, ၦလၧအချဲၩ့ဝ့ၫလၧဆၧချဲၩ့ ထၭခိၪလဖၪ, စံၭဝ့ၫ, ဂဲၫနုၬလၧဟ့ၭၡဘၫ့, မွဲဒိၩ့စဲဟၫ့ဘၪဆၧၥုၪ့ထၪ့ဒဲတဲၩ့ဝဲၩအၥၭဘီၪ. အဂဲးဘဲၫယီၩမ့ၪစဲၪ့ထၪ့လၧဟ့ၭၡဘၫ့း
28 မ့ၪလၪလၧစဲဟၫ့အဒိၩ့ဖၧၩ့အၪ့ခွံၬမိအၭအဒိၩ့အါ နီၪ, အၫနၫ့အလးထၪ့ထီၫအကဆါလဖၪလီၫ.
29 မိအၭဧ့, နဘၪဆၧအၡၪ့ဖီၩၬ ခံမီၭအၡၩခမျၧးၥံၪဧ့, နၥံၪဂၭဂီၩ့ယူၭ, အီၪက့ၪအဖိၪခွၫၥံၪလၧၦဂၭဖျ့ၭစဲၪ့ဝ့ၫလဖၪ, ဒဲဖ့ၪကဲၪဎီးအဖိၪမုၪ လၧၦအၫမိၫဖိၪ အစဎွၩစဲဟၫ့.
30 ပခၭဘၪယူၭဝ့ၫယူၭ, ဟ့ၭၡဘၫ့ဂၭဂီၩ့ယူၭဖိးလၧဒဲဘၧၫ့ယူၭ, တၭပမၩအီၪယူယူၭဝ့ၫဖိးလၧနိဖၫလၧအအီၪဘူၭလၧ မ့ၭဒဘၫယူၭ.
31 တၭအံၫစရ့လၭ အီၪဝ့ၫလၧၦအၫမိၫဖိၪ အခးဖၧၩ့
32 လီၫ.- တၭစမိစ့ၭအၪ့မၧၫ့ၦ လ့ၩယိၥူၪယအ့ဇၧၫတၭ, ဒုၭန့အတဝၫ့လဖၪ, ဒဲနၫ့ထၪ့ခွံၬၦအၫမိၫဖိၪ လၧအအီၪ ထီးနီၪလီၫ.
33 အဝ့ၫၥံၪကၠၪအၥၭတၭ, လ့ၩထၪ့ဖၧၩ့ၥၭလၧဘၫၡၫ့ လီၫ. တၭဘၫၡၫ့အစဎွၩအီၭ ဂဲၫထၪ့ထၫ့ဒုၪဒၩဝ့ၫ, အ ဝ့ၫဒၪနီၪ ဒဲအၡၩခမျၧးထီးအလူၬ ဘဲၫၥိၭအမိဒုၭဆၧ
34 ထီးအ့ဒအဲၫအဖၧၩ့နီၪလီၫ.- တၭယဟိဝၩစံၭစမိစ့ၭ, ထီးၥၭမဲၪလဂ့ၩ, အဂဲးဘဲၫယီၩ ယဖ့ၪလၫ့ခွံၬယူၭအ ဝ့ၫလၧနစူၪဖၧၩ့ ဒဲအၡၩခမျၧးထီးအလူၬ, ဒဲအထံၫၥံၪ ခးၥံၪဆ့တၭ, နမိမၩဝ့ၫ ဘဲၫနမၩၦအၫမိၫဖိၪ အစဎွၩ စဲဟၫ့လၧအအီၪ လၧဟ့ၭၡဘၫ့အဖၧၩ့အၥိၭနီၪလီၫ.
35 တၭၦအံၫစရ့လၭဖိၪဖ့ၬခွံၬဝ့ၫ, ဒဲအဖိၪခွၫလဖၪ, ဒဲအ ၡၩခမျၧးထီးအလူၬ, ထီးအၡၩ ဖီၩ့ဖျ့ၭဝ့ၫ အီၪနးဂၩ အ့ၬ. တၭအဝ့ၫၥံၪမၩန့အခးလီၫ.