14
1 ၦဆၧအီၪကီၪ့ဖိၪ ထီးအလူၬ ထုၭထၪ့အလူဂၪ့ဝ့ၫ
2 တၭ, ၦခမျၧးအမ့ၬထံၫလၩ့ဝ့ၫ ၥၫ့နၩချီၩ့လီၫ.- တၭၦ အံၫစရ့လၭဖိၪထီးအလူၬ ၥူၭဝံၪၥူၭလၩဆၧ လၧစမိစ့ၭ အလီၩ့, ဒဲလၧစအၫရၧၫ့အလီၩ့လီၫ. တၭၦဆၧအီၪကီၪ့ ဖိၪထီးအလူၬစံၭဝ့ၫ, အၩလါ, မွဲပၥံၫထးလါယူၭလၧ ခးအံဇံၭအဖၧၩ့နီၪ, ဂ့ၩဒၪဆၧ, အ့ၪလမွဲဘၪဘဲၫနီၪ တၭးမွဲပၥံၫထးလါယူၭ, လၧၡါမုနၧၫ့ဖၫယီၩ ဂ့ၩဒၪဆၧ
3 ဒံၭ.- တၭယဟိဝၩဒုၭဂဲၫပၧၩ လၧခးယီၩဘဲၫၥိၭပမိ လၩ့ထံၩဖါလၧနၭၥံၪဖၩ့ၥံၪ, ဒဲပဖိၪပမၫပဖိၪပလံၩမိ ကဲၪထၪ့ ဆၧအၪ့ဂူၬန့နီၪ, မွဲဘၪလဲၪ. ပအ့ၪထဲၩ့ထဲၩ့
4 ဘၪယူၭလၧခးအံဇံၭနီၪ, မွဲလဂ့ၩဘၪဧၪ.- အဝ့ၫၥံၪ ချဲၩ့လိၬအၥၭလဂၩဒဲလဂၩ, မွဲပအီၪက့ၪလၩ့ ၦလဂၩ လၧပခိၪတၭ, ထဲၩ့ထဲၩ့ၡီၩ့လၧအံဇံၭအဖၧၩ့နီၪဘီၪ.
5 တၭစမိစ့ၭ ဒဲစအၫရၧၫ့ထိၪလၩ့ထံၩဖါအၥၭ လၧၦ အံၫစရ့လၭ အဆၧအီၪကီၪ့ဖိၪထီးအလူၬ အမ့ၬယၫ
6 လီၫ.-တၭစနိၫ့အဖိၪခွၫ စယီရှုၫအ့ၫဒဲစယဖၧၫနံၫအဖိၪ ခွၫစကၫလ့ၭ အီၪလၧၦလၧအလ့ၩယိခးနီၪ အကျၩၡၫ့
7 အကီၩ့အၥိၭလီၫ.- အဝ့ၫၥံၪချဲၩ့ဆၧလၧၦအံၫစရ့လၭ အဆၧအီၪကီၪ့ဖိၪထီးအလူၬတၭ, စံၭဝ့ၫဒၪ, ခးလၧပ ခၫ့ဂၬဝ့ၫဘဲၫၥိၭပမိယိဝ့ၫလဘံၪ့နီၪ မွဲခးဂ့ၩဂ့ၩလ့ၬလ
8 ဘံၪ့လီၫ.- အ့ၪဘၪယဟိဝၩအၥၭလၧပၧၩတၭ, မွဲအမိ ဒုၭလ့ၩနုၬပၧၩလၧခးဖၧၩ့နီၪ မိဖ့ၪလၫ့ဝ့ၫ လၧပၧၩလီၫ.
9 မွဲခးလၧအယွၩဝ့ၫလၧဆၧနူထံၫ, ဒဲန့ၫစၩ့လီၫ.- ထီး ပိၩ့ထၪ့လၧၩ့ယွၩလဂ့ၩ, ဒဲၥၭမဲၪၦခမျၧးအီၪဝ့ၫလၧခး ဖၧၩ့နီၪလဂ့ၩ, အဂဲးဘဲၫယီၩ အဝ့ၫၥံၪမွဲဆၧအၪ့ လၧပ ဂးလီၫ. အဆၧဒိၭနဲၩ့အၥၭအီၪအ့ၬ. တၭယဟိဝၩအီၪ
10 လၧပၥိၭတၭး ထီးၥၭမဲၪအဝ့ၫၥံၪလဂ့ၩ.- တၭဆၧ အီၪကီၪ့ထီးအလူၬ အီၪက့ၪလၩ့အလူ လၧၦၡၩမိဘၪ ခွံၬအဝ့ၫၥံၪလၧလိးလီၫ. တၭယဟိဝၩ အလၩအဖၩ့ အီၪဖျီၪထၪ့ လၧဆၧအီၪကီၪ့အတဲၩဆံၫ့ဎံၪအဖၧၩ့လၧ ၦအံၫစရ့လၭဖိၪထီးအလူၬ အမ့ၬယၫလီၫ.
11 တၭယဟိဝၩစံၭစမိစ့ၭ, ၦခမျၧးယီၩမိမၩကြၩ့ထ မးယၧၩဆံၭယံၬလဲၪ. လၧကယဲဆၧလၩ့လၭ လၧယမၩ လၧအကျၩထီးအလူၬအကၠီၩ့နီၪ ဆံၭယံၬမိနဲၩယၧၩလဲၪ.
12 ယမိကျီၪ့ခွံၬ အဝ့ၫၥံၪလၧဆၧၥံၫချဲၫ့, ဒဲမၩဂၭဂီၩ့ခွံၬ ဝ့ၫတၭ, ယမိမၩနၧၩလၧၦဆၨၩဒိၪနဲၪ့ အဝ့ၫနီၪဒံၭလီၫ.
13 တၭစမိစ့ၭစံၭယဟိဝၩ, ၦအံဇံၭဖိၪမိနါဂၧၫ့ (အဂဲး ဘဲၫယီၩနဒုၭဂဲၫထၪ့ၦခမျၧးယီၩ လၧအကျၩလၧနစီၩ့
14 နမၩ့လီၫ.)- တၭအဝ့ၫၥံၪမိလီၩဘၪ ၦခးဖိၪယီၩလီၫ. အဝ့ၫၥံၪနါဂၧၫ့ယူၭ, ယဟိဝၩဧ့, လၧနအီၪလၧၦခမျၧး ယီၩအကျၩ, ယဟိဝၩဧ့, လၧၦၡၩယိဆၧၫ့နမ့ၬ, ဒဲလၧ ဆၧအုၪ့ဆၧၫ့ထုၪ့ဝ့ၫလၧအဖၫ့ခိၪ, ဒဲလၧနလ့ၩလၧအ မ့ၬယၫ လၧဆၧအုၪ့အထုၪ့ လၧမုဆၫလခီၫ, ဒဲလၧမ့ၪ
15 အထုၪ့လၧမုနၩလခီၫလီၫ.- တၭနအ့ၪမၩၥံၫၦလဆၨၩ ယီၩဘဲၫၦလဂၩဎးအၥိၭနီၪတၭ, ၦဆၨၩလဖၪလၧအ
16 နါဂၧၫ့နပရၧၫ့နီၪ မိချဲၩ့ဆၧတၭ, မိစံၭ,- မွဲယဟိဝၩဒုၭ ဂဲၫနုၬၦခမျၧးယီၩ လၧခးလၧအဆိၪလၩ့အၥၭ လၧအ ဂဲးအကၠီၪ့ လၧအဝ့ၫၥံၪလၥ့ၪယၫဘၪတၭ, မွဲအမၩၥံၫ
17 ဝ့ၫလၧၡါမုနၧၫ့ဖၫနီၪလီၫ.- တၭဘိၩ့နဲၪ့ယီၩ, ယဟိဝၩ ဧ့, မွဲနစီၩ့နမၩ့ဒိၪထၪ့, ဘဲၫနချဲၩ့ဆၧအၥိၭနီၪဆံၭး န
18 စံၭ,- ယဟိဝၩမွဲအၥၭထၪ့ကၪ, ဒဲအခိးအတၩအၪ,ဒဲ ကွဲၪဖျါခွံၬဆၧအၧၩ့ဆၧၥၫ့, ဒဲဆၧၥူၭဆၧမၪတၭ, ၦလၧ အဆၧဒဲၩဘၭအီၪ လၧအလီၩ့လဖၪ, လအီၪက့ၪဘၪ ဆၧဒဲၩဘၭလါလါနီၪ, မွဲအ့ၬ. ဒုၭအီၪအဖါလဖၪအဆၧ ဒဲၩဘၭလၧဖိၪလဖၪအလီၩ့, ထီၩ့လၩ့လၧၥၧၫ့ဆိၩလ
19 ဆိၩ,ဒဲလံဆိၩလဆိၩလီၫ.- ကွဲၪဖျါခွံၬလါၦခမျၧးအ ဆၧအၧၩ့ဆၧၥၫ့, ဘဲၫနခိးနတၩအၪအၥိၭတၭ, ဘဲၫန ကွဲၪဖျါခွံၬ ၦခမျၧးယီၩ အဆၧလၧအံဇံၭထီၩ့လၩ့ခီး ဘိၩ့နဲၪ့ယီၩဆံၭ.
20 တၭယဟိဝၩစံၭဝ့ၫဒၪ, ယကွဲၪဖျါခွံၬယူၭ,ဘဲၫနလူ
21 အၥိၭနီၪယူၭ,- မွဲမၬယမၧၫ့ယဝ့ၫတၭ, ဂၪ့ခိၪထၧၫ့ဖျိၪ့ ယၫမိလၧၫ့ထၪ့ဎွ့ၩထၪ့ လၧယဟိဝၩ အလၩအဖၩ့
22 လီၫ.- မွဲကယဲၦလဖၪနီၪ လၧအဒၪဘၪ ယလၩယဖၩ့, ဒဲယဆၧလၩ့လၭ လၧယမၩလၧအံဇံၭအဖၧၩ့, ဒဲလၧ ၡါမုနၧၫ့ဖၫတၭ, ကျဲၩ့ဖစီၩ့ယၧၩဆံၫဘျၩ့ယီၩတၭ,
23 လခိၭနၪဘၪယလူယထၫတၭ, မွဲတၡါ အဝ့ၫၥံၪမိဒၪ ဘၪခးလၧယဆိၪလၩ့ယၥၭ လၧအဂဲးအကၠီၪ့ လၧအ ဝ့ၫၥံၪအဖါလဖၪနီၪအ့ၬ. တၭၦလၧအမၩကြၩ့ထမး
24 ယၧၩမိဒၪဘၪဝ့ၫနးဂၩအ့ၬ.- အ့ၪမွဲယခ့ၫယၡၩစကၫ လ့ၭနီၪ မွဲအအီၪလၧအၥၭ လမံၩ့ဒၪ ဒဲဖိၬယခဲၫ့ လၧၫ့ လၧၫ့ဎွ့ၩဎွ့ၩတၭ, ယမိဒုၭလ့ၩနုၬအဝ့ၫ လၧခးထီးအ
25 လ့ၩဆၧတၭ, အချံၫအၥၪမိန့ၥၫဝ့ၫလီၫ.- တၭၦအၫမ လ့ၭဖိၪ, ဒဲၦကၫနအၫ့ဖိၪ အီၪဝ့ၫလၧဆၧပျၩ့ဖၧၩ့လီၫ. တၭကဲဂီၩခိၬ ကၠၪထဲၩ့နၥံၪဝ့ၫတၭ, နုၬထဲၩ့နၥံၪဝ့ၫ လၧၡါမုနၧၫ့ဖၫ လၧဖၧၩ့ၥၭမၫဆမံၭဝီၩ အနဲၩ့ထံၭနီၪ ဆံၭ.
26 ယဟိဝၩချဲၩ့ဆၧလၧစမိစ့ၭဒဲစအၫရၧၫ့တၭ, စံၭဝ့ၫ
27 ဒၪ,- ဆၧအီၪကီၪ့အအၧၩ့ယီၩ မိၥူၭဝံၪၥူၭလၩဆၧလၧ ယလီၩ့ဆံၭယံၬလဲၪ. ၦအံၫစရ့လၭဖိၪ အၥူၭဝံၪၥူၭ
28 လၩဆၧလၧယလီၩ့နီၪယနါဂၧၫ့ယူၭ,- စံၭအဝ့ၫၥံၪ,ယ မၧၫ့ယဝ့ၫယဟိဝၩစံၭဝ့ၫဒၪ, မွဲမၬဘဲၫနၥံၪချဲၩ့ဆၧလၧ ယနါဖၧၩ့အၥိၭနီၪ, ယမိမၩနၥံၪဘဲၫနီၪအၥိၭလီၫ.
29 တၭနၥံၪအစွၪလဖၪမိလၩ့ထံၩဖါ လၧၡါမုနၧၫ့ဖၫယီၩ တၭ,ကယဲၦလၧအဘၪဆၧဝံထၪ့နၬထၪ့ဝ့ၫ, ဘဲၫဆၧဝံ ကီၪ့နၥံၪထီးအလူၬ လၧနၥံၪအၥၭၡါအနံၪ့နံၫဆံၫဒဲနံၫ ဆံၫအဖၫ့ခိၪ အၥိၭနီၪ, လၧအၥူၭဝံၪၥူၭလၩ လၧယ
30 လီၩ့လီၫ.- မွဲမၬခးလၧယဆိၪလၩ့ယၥၭ လၧယမိဒုၭ အီၪနၥံၪလၧအဖၧၩ့နီၪ, နၥံၪနုၬဘၪအ့ၬ. အ့ၪမွဲမိလ့ၩ နုၬဘၪန့ၫစယဖၧၫနံၫအဖိၪခွၫစကၫလ့ၭ, ဒဲစနိၫ့အဖိၪ
31 ခွၫစယီရှုၫအ့ၫလီၫ.- အ့ၪမွဲနၥံၪအဖိၪဆံၭလၧနၥံၪစံၭ အမိကဲၪထၪ့ဆၧအၪ့ဂူၬန့လဖၪနီၪ ယမိဒုၭလ့ၩနုၬအ ဝ့ၫၥံၪတၭ, အဝ့ၫၥံၪမိၥ့ၪယၫခးလဘံၪ့ လၧနၥံၪမၩကြၩ့
32 ထမးနီၪလီၫ.- အ့ၪမွဲနၥံၪဝ့ၫဒၪယီၩ, နၥံၪအစွၪမိလၩ့
33 ထံၩဖါလၧၡါမုနၧၫ့ဖၫယီၩလီၫ.- တၭနၥံၪအဖိၪအလံၩ မိဂၭဝံၩ့ဝၩ့ဆၧလၧ ၡါမုနၧၫ့ဖၫအနံၪ့လံဆံၫ, ဒဲဆိၬနၥံၪ အဆၧလဲးဆၧဘျၪ ထီးနၥံၪအစွၪလူၬ လၧၡါမုနၧၫ့ဖၫ
34 လီၫ.- ဘဲၫနံၩဎွ့ၩအံၩဎွ့ၩအိၩ လၧနၥံၪလ့ၩယိခးအ နံၩလံဆံၫအၥိၭနီၪ, လနံၩလၧလနံၪ့အဂး, လနံၩလၧ လနံၪ့အဂး, နၥံၪမိဘၪဆိၬ နၥံၪအဆၧအၧၩ့ဆၧၥၫ့အ နံၪ့လံဆံၫလီၫ. တၭနၥံၪ မိၥ့ၪယၫ ယဂၧၩ့ထဲၩ့ ယၥၭ
35 လီၫ.- ယဝ့ၫဒၪယဟိဝၩယီၩ ယချဲၩ့ယူၭဆၧယူၭ,မွဲမၬ ယမိမၩဆၧအီၪကီၪ့အအၧၩ့ လၧအအီၪကိၩ့အီၪကီၪ့ ထၫ့ဒုၪဒၩယၧၩထီးအလူၬလီၫ. အဝ့ၫၥံၪမိလူၬဝ့ၫလၧ ၡါမုနၧၫ့ဖၫယီၩတၭ, မိၥံၫဝ့ၫထီးအလူၬလီၫ.
36 ၦလၧစမိစ့ၭအၪ့မၧၫ့အလ့ၩယိခးနီၪ လၧအဂဲၫထဲၩ့ တၭ, ဒုၭၥူၭဝံၪၥူၭလၩၦခမျၧးထီးအလူၬ လၧအလီၩ့
37 လၧအဂဲၫဆိၬ အပရၧၫ့အၧၩ့အကၠီၩ့နီၪ,- ၦလဖၪလၧ အဂဲၫဆိၬခးအပရၧၫ့အအၧၩ့နီၪ ၥံၫဝ့ၫလၧဆၧဆၫဖျဲၪ
38 လၧယဟိဝၩအမ့ၬယၫလီၫ.- အ့ၪမွဲစနိၫ့အဖိၪခွၫစယီ ရှုၫအ့ၫဒဲစယဖၧၫနံၫအဖိၪခွၫ စကၫလ့ၭလၧအအီၪဝ့ၫ လၧၦလၧအလ့ၩယိခးနီၪအကျၩ မၧၫ့ဒံၭဝ့ၫလီၫ.
(၅မိ ၥ;၄ၥ-၄၆).
39 စမိစ့ၭလီၩလၩ့ဆၧချဲၩ့လဖၪ လၧၦအံၫစရ့လၭဖိၪ ထီးအလူၬတၭ, ၦခမျၧးအၥုၪ့အုၭ အၥၭအုၭနၭမၬ
40 လီၫ.- မုဆဲၪ့ထၪ့နီၪ အဝ့ၫၥံၪဂဲထုၪ့ဂီၩဂီၩတၭ, လ့ၩ ထၪ့လၧခိၪလီၩ့ဒၩ့ခိၪတၭ, စံၭဝ့ၫဒၪ, ယိခွါ, ဖီၩၬ တၭပမိလ့ၩထၪ့ လၧဆၧအလး လၧယဟိဝၩစံၭဝဲၩနီၪ
41 လီၫ. အဂဲးဘဲၫယီၩပမၩ ယူၭဆၧဒဲၩဘၭယူၭ.- တၭ စမိစ့ၭစံၭဝ့ၫဒၪ, ဆၧယီၩနၥံၪ လၨၪခၫ့ဖၬယဟိဝၩအ ဆၧမၪလူၬနီၪမွဲဘၪလဲၪ. တၭဆၧဘီၪထၪ့ယီၫထၪ့ဝ့ၫ
42 ဒၪအ့ၬ.- လ့ၩထၪ့လဂ့ၩ, အဂဲးဘဲၫယီၩ ယဟိဝၩအီၪ လၧနၥံၪအကျၩအ့ၬ. ဘဲၫၥိၭနၥံၪထီးဘၪဆၧဖ့ၬၥံၫခွံၬ နၥံၪလၧနၥံၪ အဒုၪအဒၩအမ့ၬယၫလဂ့ၩ အဂးလီၫ.
43 အဂဲးဘဲၫယီၩ ၦအၫမလ့ၭဖိၪ,ဒဲၦကၫနအၫ့ဖိၪအီၪထီး နီၪလၧနၥံၪအမ့ၬယၫတၭ, နၥံၪမိလၩ့ထံၩဖါလၧနၭၥံၪ ဖၩ့ၥံၪလီၫ. မွဲနၥံၪကၠၪခွံၬနၥံၪအၥၭလၧယဟိဝၩတၭ, ယဟိဝၩအီၪလၧနၥံၪအၥိၭအ့ၬ.
44 မွဲလါနၫ့ အဝ့ၫၥံၪအီၪက့ၪဖိၫအၥၭထီးအလ့ၩထၪ့ လၧခိၪလီၩ့ဒၩ့ခိၪလီၫ. တၭယဟိဝၩအဆၧအုၩ့လၩ့ အတလၫ, ဒဲစမိစ့ၭနီၪ စဲၪ့ထၪ့ခွံၬလၧၦၥုၪ့တဲၩအလး ဖၧၩ့အ့ၬ.
45 တၭၦအၫမလ့ၭဖိၪဂဲၫလၩ့, ဒဲၦကၫနအၫ့ဖိၪလၧအ အီၪလၧခိၪလီၩ့ ထိၩ့ချိၬနီၪတၭ, ဖ့ၬခွံၬအဝ့ၫၥံၪတၭ, မၩနၧၩ့မၩစၪအဝ့ၫၥံၪ ထီၩ့လၧဟီမၫလီၫ.