8
1 တၭၦၡၩခမျၧးထီးအလူၬ အီၪကီၪ့ဘဲၫၦလဂၩအၥိၭ လၧဖၧၩ့ၥၭဖၧၩ့ အီၪလၧတရၫ့ထံၫ အမ့ၬယၫနီၪလီၫ. တၭအဝ့ၫၥံၪချဲၩ့ထၪ့လီၩဘၪ ၦကွ့ၭလံၬစအ့ဇရၫလ ဂၩနီၪ,လၧအကြၨၭဂဲၫန့စမိစ့ၭအလံၬဆၧၥီၪ့ဆၧၥၫ့,
2 လၧယဟိဝၩမၪလူၬအံၫစရ့လၭနီၪလီၫ.- တၭၦလုဆၧ စအ့ဇရၫဂဲၫဆိၬဆၧၥီၪ့ဆၧၥၫ့ လၧဆၧအီၪကီၪ့အမ့ၬ ယၫအီၪလၧမုၪၥံၪခွၫၥံၪနီၪ, ဒဲလၧကယဲၦလၧအနါဂၧၫ့ ဝ့ၫဘဲၫအနၪမိၥ့ၪအၥိၭတၭ, မွဲလၧလၩနွ့ၫဘံၪ့လဘံၪ့
3 လၧလၩထၪ့ၥၫ့လနံၩနီၪလီၫ.- တၭမွဲအဖီထၪ့ဆၧလၧ အဖၧၩ့နီၪ, လၧဂီၩထီးမုထုၪ့, လၧၦမုၪၥံၪခွၫၥံၪအမ့ၬ ယၫ,ဒဲကယဲၦလၧအနၪဝ့ၫၥ့ၪလဖၪအမ့ၬယၫနီၪ, အီၪ လၧတရၫ့ထံၫအမ့ၬယၫတၭး ကယဲၦခမျၧးၥံၪ ထီးအ
4 လူၬဒိၭအနါလၧလံၬဆၧၥီၪ့ဆၧၥၫ့နီၪလီၫ.- တၭၦကွ့ၭ လံၬစအ့ဇရၫနီၪ ဆၧၫ့ထုၪ့လၧဆၧထၪ့ထီၫလစီၪ့,လၧ ၦၡၩမၩဝ့ၫလၧၥံၪ့လၧဆၧနီၪလမံၩ့အဂး လၧအနဲၩ့ ထံၭနီၪ, စမၭတၥဲၫအၫ, ဒဲစၡ့မၫ, ဒဲစအၫ့နအဲအၫဒဲစ ယုၫရဲယၫ, ဒဲစဟံၫလကဲအၫ, ဒဲစမ့ၫအစဲအၫၥံၪ, ဆၧၫ့ ထုၪ့လၧအစူၪထွ့ၪလခီၫနီၪး ဒဲလၧအစူၪစ့ၪလခီၫ, စပ ဒၫယၫ,ဒဲစမံၭၡအ့လၭ, ဒဲစမၫလခဲအၫ,ဒဲစဟၭၡၧၫ့, ဒဲစဟၭၡဘၭဒနၫ, စဇ့ၭခရဲအၫ, ဒဲစမၡၧလၫ့ၥံၪလီၫ.
5 တၭစအ့ဇရၫဝဲထၪ့လံၬနီၪ လၧၦခမျၧးၥံၪ ထီးအလူၬ အမ့ၬယၫ (မွဲလၧအအီၪလၧၦခမျၧးၥံၪထီးအလူၬအ ဖၫ့ခိၪအကၠီၩ့,) တၭထီးအဝဲထၪ့လံၬနီၪ, ၦခမျၧးၥံၪ ထီးအလူၬဆၧၫ့ထုၪ့ဝ့ၫတၭး စအ့ဇရၫစံၭထၪ့အၪ့အူၭ
6 ယဟိဝၩ,ယွၩဖၭဒိၪနီၪလီၫ.- တၭၦခမျၧးထီးအလူၬ ၥံၪ,စံၭဆၧၫ့ဝ့ၫ, အၩမံၩ့,အၩမံၩ့, ဆိၬထၪ့အစူၪလဖၪ တၭးၡီၫ့လၩ့အခိၪ အမ့ၬၥံၪထီၩ့လၩ့ဂၪ့ခိၪတၭ, ဘိၪ့
7 ထၪ့ဘၩထၪ့ယဟိဝၩနီၪလီၫ.- စယ့ၭရှုၫအၫဆ့, ဒဲစ ဘၫ့အဲၫ, ဒဲစၡ့ၫရဘဲအၫ, ဒဲစယၫမံၫ့, စအၭကၧၭ,စၡၭ ဘ့ၭၥအဲၫ စဟိၫဒဲယၫ, စမ့ၫအစဲအၫ, စက့လတၫ,စ အၭဇရဲအၫ,စယီၭဇဘၭ, စဟၫနၫ့,စပ့ၫလအဲအၫ,ဒဲၦ လံဝဲၫဖိၪၥံၪ, ဒုၭၥ့ၪယၫၦခမျၧးလဖၪ လၧဆၧၥီၪ့ဆၧ ၥၫ့အဂဲးအကၠီၪ့နီၪတၭ, ၦခမျၧးၥံၪအီၪလၧအလးနီၪ
8 လီၫ.- ဘဲၫနီၪၥိၭအဝ့ၫၥံၪဖီဘၪလၧ ယွၩအလံၬဆၧၥီၪ့ ဆၧၥၫ့ဖၧၩ့နီၪလၩ့ထံးလၩ့ဆ့ၭတၭ, လီၩဖျီၪထၪ့အဂဲး အကၠီၪ့,ဒဲဒုၭနၪၥ့ၪဆၧလၧအဖီဘၪနီၪဆ့လီၫ.
9 တၭစနံၫဟမဲအၫ, လၧအမွဲတၧၡၥၫ (ၦဒိၪဖၭဒိၪ) နီၪ,ဒဲၦကွ့ၭလံၬၦလုဆၧစအ့ဇရၫ, ဒဲၦလံဝဲၫဖိၪလဖၪ, ၥီၪ့ထဲၩ့ၥၫ့ထဲၩ့ၦခမျၧးၥံၪ, စံၭၦခမျၧးထီးအလူၬၥံၪနီၪ, မုလနံၩယီၩမွဲဆံၫ့ဎံၪဝ့ၫ လၧယဟိဝၩနၥံၪအယွၩအ ဂးတၭး ထီးၥုၪ့အုၭၥၭအုၭလဂ့ၩ, ထီးမ့ၬထံၫလၩ့လ ဂ့ၩး အဂဲးဘဲၫယီၩ ၦခမျၧးထီးအလူၬၥံၪနါဂၧၫ့ဆၧၥီၪ့ ဆၧၥၫ့အဆၧချဲၩ့လဖၪအဘိၩ့ဘၭတၭ, အမ့ၬထံၫလၩ့
10 ဝ့ၫလီၫ.- ထီးနီၪလဖၧၫ့အဝ့ၫဒၪစံၭအဝ့ၫၥံၪ, လ့ၩကဒၪ ဘီၪး အၪ့ဆၧအၥိၪ, ဒဲအီၩဆၧအဆၧၫ့တၭ, ၦလၧအ တဲၩ့ဝဲၩဆၧလအီၪဘၪနးမံၩ့နီၪ, ဖ့ၪယူဆၧလၧအဝ့ၫၥံၪ ဘီၪ,အဂဲးဘဲၫယီၩ မုဆၫလနံၩယီၩဆံၫ့ဎံၪဝ့ၫလၧယ ဟိဝၩအဂးလီၫ. ထီးအီၪလၧဆၧၥုၪ့အုၭၥၭအုၭလ ဂ့ၩးအဂဲးဘဲၫယီၩ ယဟိဝၩအဆၧၥၭထိၬနီၪမွဲနၥံၪ
11 အဂဲးအဘၭဆ့လီၫ.- အခိးမွဲၦလံဝဲၫဖိၪၥံၪဒုၭအီၪလၩ့ မါပံၭၦခမျၧးထီးအလူၬၥံၪတၭ, စံၭ,ၥူၭလဂ့ၩ, အဂဲး ဘဲၫယီၩမုဆၫလနံၩယီၩ ဆံၫ့ဎံၪဝ့ၫး ထီးၥုၪ့အုၭၥၭ
12 အုၭလဂ့ၩ.- တၭၦခမျၧးထီးအလူၬၥံၪလ့ၩဝ့ၫဒၪ, လၧ အမိအၪ့ဆၧ,အီၩဆၧ, ဒဲဖ့ၪယူဆၧလဖၪ,ဒဲမၩမုၬလၩ အၥၭဖၭဒိၪနီၪ အဂဲးဘဲၫယီၩ ဆၧချဲၩ့လၧၦလီၩဘၪ ဝ့ၫလဖၪ, အဝ့ၫၥံၪနၪၥ့ၪယူၭလီၫ.
13 တၭလၧမုနံၫနံၩလနံၩနီၪ, ၦခမျၧးထီးအလူၬအဖါ ၥံၪအခိၪလဖၪအီၪကိၩ့အီၪကီၪ့ဝ့ၫ, ၦလုဆၧလဖၪ,ဒဲၦ လံဝဲၫဖိၪလဖၪ, လၧၦကွ့ၭလံၬစအ့ဇရၫအအီၪ,ဘဲၫအ မိနၪၥ့ၪဆၧၥီၪ့ဆၧၥၫ့အဆၧချဲၩ့လဖၪ အၥိၭနီၪလီၫ.
14 တၭဆၧၥီၪ့ဆၧၥၫ့လၧယဟိဝၩမၪလူၬ စမိစ့ၭနီၪ,အဝ့ၫ ၥံၪဒၪဘၪဆၧကွ့ၭအၥၭလၧအဖၧၩ့နီၪ, လၧလၩနွ့ၫဘံၪ့ လဘံၪ့အဆၧဘိၪ့ဖၧၩ့နီၪ, ၦအံၫစရ့လၭဖိၪလဖၪဘၪ
15 အီၪလၧတဲၩၥံၪအဖၧၩ့တၭး- အဝ့ၫၥံၪဘၪဒုၭဂၧၫ့ထၪ့ ၥၩလၩ့လၧအဝ့ၫၥံၪအဒိၩ့ထီးအလူၬအဖၧၩ့, ဒဲလၧယ ရုစလံၫ့အဖၧၩ့နီၪ, စံၭဝ့ၫဒၪ, လ့ၩထၪ့စိၩလၧခိၪလီၩ့ ဘီၪ, ဂဲၫထဲၩ့ဆိၬအလဲအိၫ့အထဲၩ့ၥံၪ, ဒဲၥံၪ့ၡိၫအထဲၩ့ ၥံၪ,မံၫဟၫဒၭအထဲၩ့ၥံၪ, ဒဲစီၩ့မလီၫ့အထဲၩ့ၥံၪ, ဒဲၥံၪ့ တၪ့အထဲၩ့ၥံၪ, ဘဲၫနၥံၪမိမၩကဲၪထၪ့တဲၩလဖၪဘဲၫဆၧ
16 ကွ့ၭအၥၭအၥိၭနီၪဘီၪ.- အခိးမွဲၦခမျၧးၥံၪ လ့ၩထၪ့ ဝ့ၫတၭ,ဂဲၫထဲၩ့န့ဝ့ၫ, ဒဲမၩကဲၪထၪ့တဲၩလဖၪနီၪ,လၧ အဂံၪ့ခိၪဒၪဝ့ၫလဂၩဘၪလဂၩဆုၬဆုၬ, ဒဲလၧအဂံၪ့အ ဝၩ့ဖၧၩ့,ဒဲလၧယွၩအဂံၪ့အဝၩ့ၥံၪအဖၧၩ့, ဒဲလၧတရၫ့ ထံၫအဖၧၩ့ၥၭဖၧၩ့, ဒဲလၧတရၫ့အံဖြံၫ့အဖၧၩ့ၥၭနီၪ
17 ဆ့လီၫ.- တၭကယဲဆၧအီၪကီၪ့လၧအဘၪဆဲၫ့ ၦၡၩ ဂဲၫထဲၩ့လၧဆၧအၪ့မၧၫ့ဎီးဝ့ၫအဖၧၩ့နီၪ, မၩထၪ့တဲၩ ၥံၪတၭ,ဆၧၫ့နၩ့ဝ့ၫ လၧတဲၩၥံၪအဖၧၩ့နီၪလီၫ. အဂဲး ဘဲၫယီၩလၧစနိၫ့အဖိၪခွၫ စယီရှုၫအ့ၫအမုနံၩလဖၪ, ထီၩ့လၩ့မုနံၩနီၪတၭ, ၦအံၫစရ့လၭဖိၪလဖၪ မၩဝ့ၫဘဲၫ နီၪၥိၭနးဆိၭအ့ၬး တၭဆၧမုၬလၩအၥၭအီၪဝ့ၫဖၭဒိၪ ဆ့လီၫ.
18 တၭလၧမုခၪ့ထံၭလနံၩနီၪ ထီးလၩ့အမုနံၩထုၬလ နံၩနီၪ,လနံၩဘၪလနံၩ, လနံၩဘၪလနံၩ, အဝ့ၫဒၪဖီဘၪ လၧယွၩအလံၬဆၧၥီၪ့ဆၧၥၫ့အဖၧၩ့နီၪဆ့လီၫ. တၭ အဝ့ၫၥံၪမၩဘိၪ့နီၪနွ့ၫနံၩအထးဖၧၩ့တၭး လၧမုဎိၭနံၩ လနံၩနီၪ,မွဲဆၧအီၪကီၪ့ဆံၫ့ဎံၪ, ဘဲၫအထူၫအရူၫအီၪ ဝ့ၫအၥိၭနီၪလီၫ.