6
1 တၭဆၧမၩအၥၭထီးစစၫ့ဘၪလၭ, ဒဲစတိၫဘဲအၫ, ဒဲၦအရ့ဘၠၫဖိၪစဂံၡံၫ့, ဒဲပဒုၪပဒၩဂူၫဂၩလဖၪနီၪ, နါ ဂၧၫ့လၧယမၩထၪ့ခိၪဒၧၩ့နီၪ, ဒဲလၧဆၧဘုၪ့ဖိးအီၪဝ့ၫ နးစီၪ့အ့ၬ, (မွဲလါနၫ့လၧအဆၧၫ့အထီနီၪ, ယဘိၭထၪ့ တရၫ့လဖၪဒံၭအ့ၬ,) တၭစစၫ့ဘၪလၭဒဲစဂံၡံၫ့ၥံၪအၪ့
2 မၧၫ့ဆၧလၧယအီၪတၭ,- စံၭဝ့ၫ,ဂဲၫဘီၪ, မွဲပလ့ၩထၪ့ ၡီၩ့လၧအိနိၫအဆၧပျၩ့ဖၧၩ့ အတဝၫ့လစီၪ့စီၪ့အဖၧၩ့ နီၪဘီၪ. အ့ၪမွဲအဝ့ၫၥံၪဆီၫ့မီၪ့လၧ အမိမၩအၧၩ့ယၧၩ
3 နီၪလီၫ.- တၭယအၪ့မၧၫ့အၥီၫ့ၥံၪလ့ၩလၧ အဝ့ၫၥံၪအ အီၪ,စံၭဝ့ၫ, ယဝ့ၫဒၪယီၩယမၩဆၧဖၭဒိၪလမံၩ့တၭ, ယလ့ၩလၩ့ချႃၭအ့ၬး ယခွံၬၡိၭဆၧမၩယီၩဒဲလ့ၩလၩ့ လၧနၥံၪအအီၪတၭ, ဆၧမၩအီၪထီဝ့ၫဘဲၫနီၪ မွဲအဂဲး
4 ဘဲၫၥ့ၪလဲၪ.- မွဲလါနၫ့တၭ, အဝ့ၫၥံၪအၪ့မၧၫ့ဆၧဘဲၫနီၪ ၥိၭလံဘျၩ့တၭး ယစံၭဆၧၫ့အဝ့ၫၥံၪမီၪ့ဎီၩ့ဆ့လီၫ.
5 ထီးနီၪလဖၧၫ့စစၫ့ဘၪလၭအၪ့မၧၫ့ အခ့ၫအၡၩဘဲၫ နီၪၥိၭယဲဘျၩ့လဘျၩ့, လၧအအီၪလၧလံၬလဘံၪ့အီၪ
6 ဝဲထၪ့အၥၭလၧပစူၪဖၧၩ့တၭ,- လၧအဖၧၩ့နီၪဆၧကွ့ၭ အၥၭ,ဆၧဂၧၫ့ထၪ့ၥၩလၩ့လၧ ၦဆၨၩၥံၪအကျၩတၭ, စဂၭၡမုၫလီၩဘၪဝ့ၫနီၪ, နဝ့ၫဒၪဒဲၦယုဒၫဖိၪၥံၪဆီၫ့မီၪ့ လၧအမိပိၩ့ထၪ့ဆၧတၭး လၧဆၧနီၪလမံၩ့အကၠီၩ့, နမၩထၪ့ခိၪဒၧၩ့နီၪ, ဘဲၫနမိကဲၪအဝ့ၫၥံၪအစဎွၩအၥိၭ,
7 မၩလၧၫ့ထၪ့ဎွ့ၩထၪ့ဆၧချဲၩ့လဖၪယီၩလီၫ.- ဒဲလၧန အီၪက့ၪလၩ့မီၪၥံၪလၧယရုစလံၫ့အဖၧၩ့ ဘဲၫၥိၭအဝ့ၫ ၥံၪမိလီၩလၩ့ဆၧလၧနဂဲးနကၠီၪ့တၭ, စံၭဝ့ၫ, စဎွၩအီၪ လၧယုဒၫအဖၧၩ့နီၪး တၭဘိၩ့နဲၪ့ယီၩ ဆၧဘၪဒုၭၥ့ၪ ယၫစဎွၩဘဲၫဆၧချဲၩ့လဖၪယီၩ အၥိၭလီၫ. အခိးမွဲ ဘိၩ့နဲၪ့ယီၩ, ဂဲၫဘီၪ, မွဲပကိၪ့ထၪ့ၡီၩ့ဆၧဘီၪ.
8 ထီးနီၪလဖၧၫ့ ပအၪ့မၧၫ့ဆၧလၧအအီၪစံၭဝ့ၫ, ဆၧ မၩဘဲၫနစံၭအၥိၭနီၪ နးမံၩ့အ့ၬ. အ့ၪမွဲနနၫ့ဆါဒၪနဝ့ၫ
9 နကိၪ့န့ပျီၩပျီၩလၧနၥၭဒၪနဝ့ၫအဖၧၩ့လီၫ.- အဂဲးဘဲၫ ယီၩအဝ့ၫၥံၪကိၭဂၩဒ့ၭ မိမၩၥၭမဲၪပၧၩတၭ, စံၭဝ့ၫ,အ ဝ့ၫၥံၪအစူၪမိလၩ့ဆါလၧ အဆၧမၩဖၧၩ့နီၪ, ဘဲၫၥိၭအ ဆၧထီးကဲၪထၪ့လဂ့ၩး အခိးမွဲ ယွၩဧ့, မၩဆီၪ့ထၪ့ ယစူၪဆံၭ.
10 လၧခဲၫ့ထဲၩ့ယဂဲၫထီၩ့လၧ စမဟ့ၫတဘ့လၭအဖိၪ ခွၫစဒ့ၫလအဲအၫအဖိၪခွၫ, စၡ့ၫမအဲအၫၦလၧအဘၪ ဆၧဒူၭထၬဝ့ၫအဂံၪ့နီၪတၭး အဝ့ၫဒၪစံၭ, မွဲပလ့ၩၡီၩ့ လၧယွၩအဂံၪ့ဖၧၩ့, ထီၩ့လၧဆၧလုဂံၪ့အဖၧၩ့တၭ, မွဲ ပမိကၭဘံၭထၬဆၧလုဂံၪ့ အတရၫ့လဖၪနီၪဘီၪး အဂဲး ဘဲၫယီၩအဝ့ၫၥံၪမိဂဲၫကျီၪ့ၥံၫနၧၩတၭး မွဲယူၭ, လၧမု
11 နၩလခီၫနီၪအဝ့ၫၥံၪမိဂဲၫကျီၪ့ၥံၫနၧၩလီၫ.- တၭယစံၭ, ၦၡၩဘဲၫယၧၩအၥိၭ ကြၨၭစဲၪ့ဖျိၭဆ့ဧၪ. တၭၦဘဲၫ ယၧၩအၥိၭ, ဘဲၫၥိၭအမိမၩဖီၩ့မၩဖျ့ၭအၥၭမၧၫ့တၭ, မိနုၬလၧဆၧလုဂံၪ့ဖၧၩ့နီၪ, မွဲၦလဂၩလဲၪ. ယလ့ၩ
12 နုၬယဝ့ၫအ့ၬ.- တၭယိခွါ, ယၥ့ၪယၫလၧယွၩအၪ့မၧၫ့ လၩ့အဝ့ၫအ့ၬး အ့ၪမွဲအလီၩဘၪဆၧနီၪ လၧမီၪအချိၬ ထၫ့ဒၩယၧၩလီၫ. အဂဲးဘဲၫယီၩ စတိၫဘဲအၫ ဒဲစစၫ့
13 ဘၪလၭအၪ့လံၩ့န့အဝ့ၫဒၪလီၫ.- ဆၧမၩအၥၭလၧဆၧ အၪ့လံၩ့အဝ့ၫဒၪ, ဘဲၫၥိၭယမိၥၭမဲၪဆၧတၭ, မၩဘဲၫ နီၪၥိၭဆ့,ဒဲမၪဘၪဆၧတၭ, ဘဲၫၥိၭအဝ့ၫၥံၪမိဒုၭဂၧၫ့ ထၪ့ၥၩလၩ့ဆၧအၧၩ့နီၪ အလးမိအီၪဝ့ၫတၭ, ဘဲၫၥိၭ အဝ့ၫၥံၪမိဒုၪဒွ့ၪယၧၩဆ့လီၫ.
14 ယယွၩဧ့, နၪ့ထၪ့ထဲၩ့စတိၫဘဲအၫ ဒဲစစၫ့ဘၪလၭ ၥံၪ,ဘဲၫအဆၧမၩလဖၪယီၩအီၪဝ့ၫအၥိၭ, ဒဲလၧမီၪမုၪ နးနိၫအဒဲအၫ, ဒဲမီၪဂူၫဂၩၥံၪ လၧအမိဒုၭၥၭမဲၪယၧၩ နီၪနၪ့ထၪ့ထဲၩ့အဝ့ၫၥံၪဆံၭ.
15 ဘဲၫနီၪၥိၭဆၧမၩဂီၩ့ခိၪဒၧၩ့နီၪ လၧလၩအံၫလုလၭ ထၪ့နံၫဆံၫယဲနံၩလနံၩနီၪ, မွဲလၧယဲဆံၫနံၫနံၩအထး
16 ဖၧၩ့နီၪလီၫ.- တၭဆၧမၩအၥၭလၧပဒုၪပဒၩထီးအလူၬ ၥံၪနါဂၧၫ့, ဒဲၦဆၨၩၥံၪအီၪဝၬဖီၩ့ပၧၩဆ့, ဒၪဘၪဆၧ လဖၪယီၩတၭ, အဝ့ၫၥံၪအၥၭလၩ့ဆါလၧအမ့ၬၥၪဒၪ ဝ့ၫအဖၧၩ့, အဂဲးဘဲၫယီၩ အဝ့ၫၥံၪၥ့ၪယၫလၧဆၧမၩ ယီၩ,မွဲပယွၩဒုၭကဲၪထၪ့ဝ့ၫဒၪလီၫ.
17 လၧနီၪအမ့ၬယၫလၧမုနံၩလဖၪနီၪ ယုဒၫအၡၩလၩ ဖၩ့လဖၪနီၪဖ့ၪယူလံၬအၪဘံၪ့လၧ စတိၫဘဲအၫအအီၪ တၭ,စတိၫဘဲအၫ အလံၬၥံၪဂဲၫထီၩ့ လၧအဝ့ၫၥံၪအ
18 အီၪဆ့လီၫ.- အဂဲးဘဲၫယီၩ လၧယုဒၫအဖၧၩ့နီၪၦအၪ ဂၩဆိၪလၩ့အၥၭ လၧအဝ့ၫဒၪအၥိၭ, အဂဲးဘဲၫယီၩ အဝ့ၫဒၪမွဲစအၫရၫအဖိၪခွၫ စၡ့ၫခနဲအၫအမၬနီၪး ဒဲအ ဖိၪခွၫစယိၫဟၫနၫ့နီၪ န့ယူၭအမၫလၧစဘံၫရခဲအၫအ
19 ဖိၪခွၫစမၡၧလၫ့အဖိၪမုၪနီၪလီၫ.- တၭအဝ့ၫၥံၪလီၩ ဘၪယၧၩလၧအဝ့ၫဒၪအဆၧမၩ ဂ့ၩလဖၪတၭ,ယဆၧ ချဲၩ့လဖၪမွဲအလီၩဘၪ အဝ့ၫဒၪဆ့လီၫ. စတိၫဘဲအၫ ဖ့ၪယူလံၬၥံၪဘဲၫၥိၭ အမိဒုၭၥၭမဲၪယၧၩလီၫ.