3
1 ထီးနီၪလဖၧၫ့ၦလုဆၧအခိၪ စအံၫလဲအၡံၫ့ဂဲထုၪ့ လၧအထၧၫ့ဖုဝဲၥံၪ ၦလုဆၧလဖၪအၥိၭတၭ, အဝ့ၫၥံၪ မၩထၪ့ၥိၪအတရၫ့နီၪ, မွဲအမၩဆံၫ့ဎံၪဝ့ၫ, ဒဲဘိၭထၪ့အ တရၫ့ၥံၪး ထီးလၧဟၫမံအၫအထိၬထၪ့ထီၫနီၪဒၪလ့ၬ, မၩဆံၫ့ဝ့ၫထီၩ့လၧစဟၫနၫအ့လၭ အထိၬထၪ့ထီၫနီၪ
2 လီၫ.- လၧအဘူၭထံးအဝ့ၫၥံၪ ၦယ့ၫရခိၫဖိၪၥံၪမၩထၪ့ ဆၧတၭး လၧအဘူၭထံးအဝ့ၫၥံၪ, စအံမရဲၫအဖိၪခွၫ စဇၭကၧၭမၩထၪ့ဆၧနီၪလီၫ.
3 အ့ၪမွဲတရၫ့ယၪနီၪစဟၭစနၫအၫ အဖိၪခွၫလဖၪမၩ ထၪ့ဝ့ၫဒၪတၭ, အဝ့ၫဒၪအီၪက့ၪထၪ့ချီၩ့ၥံၪ, ဒဲဘိၭထၪ့
4 အတရၫ့ၥံၪ,ၥီၭၥံၪ, ဒဲအနိၪဘီၩ့ၥံၪနီၪလီၫ.- လၧအဘူၭ ထံးအဝ့ၫၥံၪ, စကိဇၫအဖိၪခွၫ, စယုၫရဲယၫအဖိၪခွၫ စမ့ၫရမီၭမၩဂ့ၩထၪ့ဆၧလီၫ. လၧအဘူၭထံးအဝ့ၫၥံၪ, စမၡ့ၭဇဘံၫအ့လၭ အဖိၪခွၫ, စဘံၫရခဲအၫအဖိၪခွၫ
5 စမၡၧလၫ့မၩဂ့ၩထၪ့ဆၧလီၫ.- လၧအဘူၭထံးအဝ့ၫ ၥံၪ, စဘၫအနၫအဖိၪခွၫ စဇၫဒီၭ မၩဂ့ၩထၪ့ဆၧလီၫ. လၧအဘူၭထံးအဝ့ၫၥံၪ, ၦတကိဖိၪၥံၪမၩဂ့ၩထၪ့ဆၧး အ့ၪမွဲအဝ့ၫၥံၪအၦဒိၪလဖၪ အီၪက့ၪလၩ့အခိၬလၧအ ဝ့ၫၥံၪအကဆါအဆၧမၩအဂးအ့ၬ.
6 လၧနီၪအမ့ၬယၫ စပစံအၫအဖိၪခွၫ စယဟီအဒၪ, ဒဲစဘ့ၭစဒဲအၫအဖိၪခွၫ, စမၡၧလၫ့ၥံၪမၩဂ့ၩထၪ့တရၫ့ လးလံၩနီၪး ဒဲအဝ့ၫၥံၪအီၪက့ၪထၪ့ချီၩ့ၥံၪ, ဒဲဘိၭထၪ့
7 အတရၫ့ၥံၪ,ဒဲၥီၭၥံၪ, ဒဲနိၪဘီၩ့ၥံၪလီၫ.- လၧအဘူၭထံး အဝ့ၫၥံၪ,ၦဂံဘအၧၫ့ဖိၪစမ့လတဲအၫ, ဒဲၦမ့ရၫ့ဖိၪစယၫ ဒၧၫ့,ၦၡၩလၧဂံဘအၧၫ့, ဒဲလၧမံဇပၫၥံၪမၩဂ့ၩထၪ့ဆၧ ထီၩ့လၧၦဒိၪဖၭဒိၪ အလးဆီၩ့ဆီ လၧထံၫမိၡါဝါအ
8 ယီၩလခီၫနီၪလီၫ.- လၧအဘူၭထံးအဝ့ၫဒၪ, စဟၫဟ အဲအၫအဖိၪခွၫစအၧၭဇဲၫအ့လၭ, လၧၦထမၬထီၫ့ၥံၪ အကျၩ,မၩဂ့ၩထၪ့ဆၧလီၫ. လၧအဘူၭထံးအဝ့ၫဆ့, စဟၫ့အနဲအၫဘၪဆဲၫ့လၧ ၦလဲၩဎုၬၥံၪလဂၩအဖိၪခွၫ မၩဂ့ၩထၪ့ဆၧတၭ, အဝ့ၫၥံၪမၩထၪ့ယရုစလံၫ့အထိၬ
9 ၥံၪထီၩ့လၧခိၪဒၧၩ့ဖၭလဲလစီၪ့နီၪလီၫ.- လၧအဘူၭထံး အဝ့ၫၥံၪနီၪ, စဟၧအဖိၪခွၫစရံၫဖဲအၫလၧအပၧၩ့ယရု
10 စလံၫ့ဖိၭဖၫ့နီၪမၩဂ့ၩထၪ့ဆၧလီၫ.- လၧအဘူၭထံးအ ဝ့ၫၥံၪနီၪ, စဟရုမၭအဖိၪခွၫစယ့ၫဒဲအၫမၩဂ့ၩထၪ့ဆၧ ဆဲၫဎၩ့လၧအဂံၪ့နီၪလီၫ. လၧအဘူၭထံးအဝ့ၫဒၪနီၪ စဟၭၡၭဘနၫအဖိၪခွၫ စဟၭတၧၭ မၩဂ့ၩထၪ့ဆၧ
11 လီၫ.- စဟၫရံၫ့အဖိၪခွၫစမၫလခဲယၫ, ဒဲစပၫဟၭမိအၭ အဖိၪခွၫစဟၭၡၧၭၥံၪမၩဂ့ၩထၪ့ အလးဂူၫဂၩလစီၪ့,
12 ဒဲဖံၫ့ချၪၥံၪအထိၬထၪ့ထီၫနီၪလီၫ.- လၧအဘူၭထံးအ ဝ့ၫဒၪနီၪ, စဟၫလိအ့ၭအဖိၪခွၫ စၡၫလၧၫ့လၧအပၧၩ့ ယရုစလံၫ့ဖိၭဖၫ့နီၪအဝ့ၫဒၪ, ဒဲအဖိၪမုၪၥံၪမၩဂ့ၩထၪ့ ဆၧလီၫ.
13 စဟၫနၧၫ့, ဒဲၦဇၫနိအၫဖိၪလဖၪ မၩဂ့ၩထၪ့ခိၪလီၩ့ ဆူၭတရၫ့နီၪး အဝ့ၫၥံၪမၩထၪ့ဝ့ၫ, ဒဲဘိၭထၪ့အတရၫ့ ၥံၪ,ၥီၭၥံၪ, ဒဲအနိၪဘီၩ့ၥံၪ, ဒဲခိၪဒၧၩ့နီၪအဖျါလထီၫ့ၥံၪ
14 ထီၩ့လၧတရၫ့ဆၧအ့ၪနီၪလီၫ.- အ့ၪမွဲတရၫ့ဆၧအ့ၪ နီၪစရံခၭအဖိၪခွၫစမၫလခဲအၫ, လၧအပၧၩ့ဘ့ၭၥဟၭ စရံၫ့လကဲၩ့နီၪ, မၩဂ့ၩထၪ့ဝ့ၫဒၪတၭး အဝ့ၫဒၪမၩထၪ့ ဝ့ၫနီၪ,ဒဲဘိၭထၪ့တရၫ့ၥံၪ, ၥီၭၥံၪ, ဒဲအနိၪဘီၩ့ၥံၪနီၪ
15 လီၫ.- အ့ၪမွဲထံၫထၪ့ဖျိၭအတရၫ့နီၪ စကိၫလဟိဇ့ၫအ ဖိၪခွၫစၡၫလၧၫ့လၧအပၧၩ့ မံဇပၫလကဲၩ့မၩဂ့ၩထၪ့ ဝ့ၫဒၪးအဝ့ၫဒၪမၩထၪ့ဝ့ၫ, ဒဲၥိၭထၪ့ဝ့ၫအခိၪ, ဒဲဘိၭထၪ့ ဝ့ၫအတရၫ့ၥံၪ,ၥီၭၥံၪ, ဒဲအနိၪဘီၩ့ၥံၪ, ဒဲစံၫလိၫအၫ့အ ကမၫအခိၪဒၧၩ့လၧစဎွၩ အကျိၭအနဲၩ့ထံၭ,ဒဲထီၩ့လၧ ဎၫ့ၥံၪလၧအလ့ၩလၩ့ခွံၬ လၧစဒၫဝံၭအဒိၩ့နီၪလီၫ.
16 လၧအဝ့ၫအလးခဲၫ့နီၪ စအၭဇဘၧၭအဖိၪခွၫစနံၫ ဟမဲအၫ, လၧအပၧၩ့ဘ့ၫၥဇၧၫလကဲၩ့နီၪ, မၩဂ့ၩထၪ့ ဆၧဆဲၫဎၩ့လိၬအၥၭ လၧစဒၫဝံၭအၥွၪခိၪၥံၪ, ဒဲလၧက မၫလၧၦခုၪ့ဝ့ၫထီၩ့လၧၦအဆီၪ့အဂံၪ့နီၪလီၫ.
17 လၧအဝ့ၫဒၪအလးခဲၫ့နီၪ စဘၫနဲၫအဖိၪခွၫ စရ့ဟၧၫ့, ၦလံဝဲၫဖိၪၥံၪမၩဂ့ၩထၪ့ဆၧလီၫ. လၧအဘူၭထံးအဝ့ၫ ဒၪနီၪ စဟၭၡဘဲအၫ, လၧအပၧၩ့ကဲလၫဖိၭဖၫ့မၩဂ့ၩထၪ့ဆၧ
18 လၧအလးနီၪလီၫ.- လၧအဝ့ၫဒၪအလးခဲၫ့နီၪအဝ့ၫၥံၪ အထၧၫ့ဖုဝဲၥံၪစဟံၫ့အဒၭအဖိၪခွၫ စဘ့ၫဝဲၫလၧအပၧၩ့
19 ကဲလၫဖိၭဖၫ့နီၪ မၩဂ့ၩထၪ့ဆၧလီၫ.- လၧအဘူၭထံး အဝ့ၫဒၪ, စယ့ၭရှုၫအၫအဖိၪခွၫ, စအံဇၧၫ, လၧအပၧၩ့ မံဇပၫနီၪ, မၩဂ့ၩထၪ့အလးဂူၫဂၩ လကုၭလၧအဆဲၫ ဎၩ့လၧဆၧလ့ၩထၪ့လၧစူၪဝဲၩလဖၪ အလးလၧဆၧနိၪ့
20 နီၪလီၫ.- လၧအဝ့ၫဒၪအလးခဲၫ့နီၪ စဇၭဘအဲၫအဖိၪခွၫ စဘၫရၧၭမၩဂ့ၩထၪ့အလးဂူၫဂၩ လကုၭလၧအၥၭဆီၪ့, အခၪ့ထံၭဘၪလၧနိၪ့နီၪ, ထီၩ့လၧၦလုဆၧအခိၪစအံၫ
21 လဲအၡံၭအဂံၪ့အတရၫ့ထံၭနီၪလီၫ.- လၧအဝ့ၫဒၪအ လးခဲၫ့စကိဇၫအဖိၪခွၫ, စယုၫရဲယၫအဖိၪခွၫစမ့ၫရ မီၭမၩဂ့ၩထၪ့အဂူၫဂၩလကုၭ အခၪ့ထံၭဘၪလၧစအံၫ လဲအၡံၭအဂံၪ့အတရၫ့ထံၭနီၪ ထီၩ့လၧစအံၫလဲအၡံၭ အဂံၪ့အထုၬလခီၫနီၪလီၫ.
22 လၧအဝ့ၫဒၪအလးခဲၫ့, ၦလုဆၧၥံၪ, ၦအီၪ လၧဆၧပျၩ့ဖၧၩ့, မၩဂ့ၩထၪ့ဆၧလီၫ.- လၧအဝ့ၫ
23 ဒၪအလးခဲၫ့နီၪ စဘံၪ့ယမံၫ့ဒဲစဟၭၡၧၭမၩဂ့ၩထၪ့ ဆၧဆဲၫဎၩ့လၧ အဝ့ၫၥံၪအဂံၪ့နီၪလီၫ. လၧအဝ့ၫဒၪ အလးခဲၫ့စအၫ့အနဲအၫ အဖိၪခွၫစမ့ၫအစဲအၫအ
24 ဖိၪခွၫစအၭဇရဲအၫမၩဂ့ၩထၪ့ဆၧလီၫ.- လၧအဝ့ၫဒၪ အလးခဲၫ့နီၪ စဟံၫ့နဒၪအဖိၪခွၫ စဘံၫ့ယုၫအဲၫ မၩဂ့ၩ ထၪ့အဂူၫဂၩလကုၭအခၪ့ထံၭ လၧစအၭဇရဲအၫအဂံၪ့ နီၪထီၩ့လၧအကၠၪထဲၩ့ဝ့ၫ, ထီၩ့ဒၪလ့ၬလၧနိၪ့နီၪလီၫ.
25 စအၧၭဇဲၫအဖိၪခွၫစပၫလၫနီၪ, လၧအဆဲၫဎၩ့ဆၧကၠၪ ထဲၩ့ဝ့ၫအလးနီၪ, ဒဲထိၬလၧအအီၪဘူၭလၧစဎွၩအဂံၪ့ ထၪ့ထီၫနီၪ, လၧအအီၪဘူၭလၧထီၫ့အဝၩ့ဖၧၩ့နီၪလီၫ. လၧအဝ့ၫအလးခဲၫ့နီၪ စပၫရီၭအဖိၪခွၫ စပဒဲအၫနီၪ လီၫ.
26 တၭၦန့ၭၥနံဖိၪၥံၪလၧအအီၪလၧ အိၫဖ့လၭအဖၧၩ့ မၩဂ့ၩထၪ့ဆၧထီၩ့လၧ တရၫ့ထံၫလၧမုထၪ့လခီၫ,ဒဲ လၧထိၬထၪ့ထီၫအီၪလၧခီၫ့နီၪလီၫ.
27 လၧအဝ့ၫၥံၪအ လးခဲၫ့ၦထံၫကိၫဖိၪ မၩဂ့ၩထၪ့ အဂူၫဂၩလကုၭ, လၧအဆဲၫဎၩ့ထိၬထၪ့ထီၫဖၭဒိၪလၧ ခီၫ့နီၪ, ထီၩ့လၧအိၫ ဖ့လၭအခိၪဒၧၩ့နီၪလီၫ.
28 လၧတရၫ့ကၥ့ၪလၧထၭလခီၫနီၪ, ၦလုဆၧၥံၪမၩ ဂ့ၩထၪ့ဝ့ၫ,လဂၩဒဲလဂၩ ဆဲၫဎၩ့လၧအဂံၪ့ဒၪဝ့ၫဆုၬဆုၬ
29 နီၪလီၫ.- လၧအဝ့ၫၥံၪအလးခဲၫ့နီၪ စအံမၧၫအဖိၪခွၫ စဇၫဒီၭမၩဂ့ၩထၪ့ဆၧလၧ အဆဲၫဎၩ့ အဂံၪ့ဒၪဝ့ၫနီၪ လီၫ. လၧအဝ့ၫဒၪအလးခဲၫ့ စၡ့ၭခနဲအၫအဖိၪခွၫစၡံၫ မအဲအၫလၧအခိၭတရၫ့မုထၪ့နီၪ မၩဂ့ၩထၪ့ဆၧဆ့
30 လီၫ.- လၧအဝ့ၫဒၪအလးခဲၫ့နီၪ စၡ့ၫလမဲအၫအဖိၪခွၫ စဟၫ့အနဲအၫ ဒဲစဟၫနၧၫ့လၧအမွဲစဇၫလပၫအဖိၪခွၫ ဎူၫဂၩလဂၩနီၪ, မၩဂ့ၩထၪ့အဂူၫဂၩ လကုၭနီၪလီၫ. လၧအဝ့ၫဒၪအလးခဲၫ့နီၪ စဘ့ၫရခဲအၫအဖိၪခွၫစမၡၧ လၫ့မၩဂ့ၩထၪ့ဆၧဆဲၫဎၩ့ လၧအဒူၭထၪ့ထီၫလစီၪ့နီၪ
31 လီၫ.- လၧအဝ့ၫဒၪအလးခဲၫ့ ၦထမၬထီၫ့အဖိၪခွၫစမၫ လခဲအၫမၩဂ့ၩထၪ့ဆၧထီၩ့လၧ ၦန့ၭၥနံဖိၪအလး,ဒဲ လၧၦဖနံၬဖိၪၥံၪ, ဆဲၫဎၩ့လၧမံၭဖကၭအတရၫ့နီၪ, ဒဲ
32 လၧဆၧလ့ၩထၪ့ဝ့ၫလၧဆၧအနိၪ့နီၪလီၫ.- တၭလၧဆၧ လ့ၩထၪ့ဝ့ၫလၧဆၧအနိၪ့ထီၩ့လၧ ၥိၪတရၫ့နီၪအဘိၩ့ ဆၧၩ့,ၦထမၬထီၫ့ၥံၪ ဒဲၦဖနံၬဖိၪၥံၪ မၩဂ့ၩထၪ့ဝ့ၫဒၪ လီၫ.