13
1 တၭလၧမုလနံၩနီၪ အဝ့ၫၥံၪဖီစမိစ့ၭအလံၬလၧၦ ခမျၧးၥံၪအနါဖၧၩ့နီၪလီၫ. တၭလၧအဖၧၩ့နီၪဆၧဒၪ ဘၪဆၧအီၪကွ့ၭအၥၭ, လၧၦအၫမၧၫ့ဖိၪ,ဒဲၦမိအၭဖိၪ ၥံၪမိနုၬဘၪလၧယွၩအဆၧအီၪကီၪ့အဖၧၩ့ အဆိၩအ
2 ကၠၪနီၪအ့ၬ.- အဂဲးဘဲၫယီၩ အဝ့ၫၥံၪဒၪဘၪအံၫစရ့ လၭနီၪ,လဖ့ၪလၫ့ဘၪကိၪဒဲထံၫ, ကၭအ့ၬး မွဲအအၪ့ လံၩ့န့စဘၫလၫ့ထၫ့ဒုၪဒၩဝ့ၫ, ဘဲၫၥိၭအမိဆိၪအၧၩ့ဝ့ၫ ဒၪနီၪလီၫ. မွဲလါနၫ့ဘိၩပယွၩကၠၪထဲၩ့ ဆၧဆိၪအၧၩ့
3 နီၪလၧအကဲၪထၪ့ဆၧဆိၪဂ့ၩလခီၫလီၫ.- တၭဆၧမၩ အၥၭထီးအဝ့ၫၥံၪ နါဂၧၫ့ဆၧၥီၪ့ဆၧၥၫ့နီၪ, အဝ့ၫၥံၪ မၩလၩ့ဖၭခွံၬ အံၫစရ့လၭလၧကယဲၦခမျၧး ကျီၪမွံၩ ၥံၪထီးအလူၬလီၫ.
4 လၧအယီၩလချႃၭဘၪဒံၭဘၪနီၪ, ၦလုဆၧစအံၫလဲ အၡံၭ, အီၪလၧပယွၩအဂံၪ့အဒူၭအဖၫ့ခိၪတၭ, အီၪ လၧဆၧအုၩ့လၩ့လၧစတိၫဘဲအၫအၥိၭနီၪး ဒဲအတဲၩ့
5 ဝဲၩယူၭဒူၭဖၭဒိၪလၧအဂးနီၪ,- အလးလၧအဝ့ၫၥံၪ လၧဖျိၩ့နီၪအီၪက့ၪဆၧလုလဖၪ, လီဘၫ့ၥံၪ,ဒဲဖၧၩ့ၥံၪ ထွ့ၫၥံၪ,ဒဲဘုၪၥံၪဂူၫၥံၪ အဆံၫပိၩ့လပိၩ့လဖၪ, စဘံၭ ထံၫအၥၫ့, ဒဲၥိၪ, လၧဆၧမၪလူၬဖ့ၪလၫ့ၦလံဝဲၫဖိၪၥံၪ, ဒဲၦၥံၫကျံၩဆၧၥံၪ, ဒဲၦပၧၩ့တရၫ့ၥံၪး ဒဲၦလုဆၧအဆၧ
6 မၩဘိၪ့လဖၪဆ့လီၫ.- မွဲလါနၫ့ဘိၩဆၧမၩအၥၭထီး အလူၬယီၩ, ယဝ့ၫဒၪယအီၪလၧယရုစလံၫ့ဆ့အ့ၬ,အ ဂဲးဘဲၫယီၩ လၧဘၭဘလၧၫ့အစဎွၩစအၭတဇၧၭစံၫ အနံၪ့ၥၧၫ့ဆံၫနံၫနံၪ့လနံၪ့နီၪ, ယဂဲၫထီၩ့လၧစဎွၩအ အီၪတၭ, လၧမုနံၩလနၩ့အလးခဲၫ့နီၪ, ယန့ဘၪအခွံး
7 လၧစဎွၩတၭ,- ယဂဲၫထဲၩ့ထီၩ့လၧယရုစလံၫ့, ယနၪ ၥ့ၪယူၭဆၧအၧၩ့ လၧစအံၫလဲအၡံၭမၩလၧစတိၫဘဲ အၫအဂး, လၧအတဲၩ့ဝဲၩဒူၭလၧအဂး လၧယွၩအဂံၪ့
8 အဝၩ့ဖၧၩ့နီၪလီၫ.- တၭမွဲအမၩအုၭယၥၭဖၭဒိၪ, အ ခိးမွဲယခွံၬၡိၭခွံၬစတိၫဘဲအၫအဂံၪ့ အဆၧဖိၪဆၧလံၩ
9 လၧဒူၭဖၧၩ့နီၪထီးအလူၬလီၫ.- ထီးနီၪလဖၧၫ့ ယမၪ လူၬဆၧတၭ, အဝ့ၫၥံၪမၩဆံၫ့ခွံၬဒူၭလဖၪနီၪး တၭယ ဂဲၫန့ထဲၩ့ဒီၭယွၩအဂံၪ့အဖၧၩ့ၥံၪ ထွ့ၪၥံၪအီၪက့ၪလၧ အလး, ဒဲဆၧမၩဘိၪ့ကိၪမုၬဒဲလီဘၫ့နီၪဆ့လီၫ.
10 တၭယဒၪဘၪလၧဆၧဘၪဆဲၫ့ လၧၦလံဝဲၫဖိၪၥံၪနီၪ ဆၧဖ့ၪလၫ့ဘၪဝ့ၫအ့ၬး အဂဲးဘဲၫယီၩ ၦလံဝဲၫဖိၪၥံၪ, ဒဲၦၥံၫကျံၩဆၧၥံၪ, လၧအမၩဆၧနီၪ,စဲၪ့ဝ့ၫကိၭဂၩဒ့ၭ
11 နုၬလၧအဆံၬအနၩဒၪဝ့ၫလီၫ.- ထီးနီၪလဖၧၫ့ယအဲၪ့ လိၬၦပၧၩ့ဆၧလဖၪတၭ, စံၭ,မွဲဘၪနီၫလၫလၧယွၩအ ဂံၪ့နီၪအီၪယူဝ့ၫလဲၪ. တၭယဒုၭအီၪကီၪ့အဝ့ၫၥံၪ,ဒဲ
12 အီၪက့ၪဝ့ၫလၧအလးဒၪဝ့ၫလီၫ.- ထီးနီၪလဖၧၫ့ၦယုဒၫ ဖိၪထီးအလူၬၥံၪဂဲၫဆိၬဆံၫပိၩ့လပိၩ့ ဘၪဆဲၫ့လၧဘုၪ ၥံၪဂူၫၥံၪ,ဒဲစဘံၭထံၫအၥၫ့, ဒဲၥိၪ,အီၪက့ၪလၧဆၧအီၪ
13 က့ၪကီၪ့အလးနီၪလီၫ.- တၭယအီၪက့ၪထၪ့ၦလၧအ ပၧၩ့ဆၧအီၪက့ၪကီၪ့ဆၧအလးလဖၪ, ၦလုဆၧစၡ့ၫ လမဲအၫ,ဒဲၦကွ့ၭလံၬစဇၫဒီၭ, ဒဲၦဘၪဆဲၫ့လၧၦလံဝဲၫ ဖိၪ,စပၫဒယၫး လၧအဘူၭအထံးလၧအဝ့ၫၥံၪနီၪ,စ ဟၫနၫ့လၧအမွဲစဇၭခၧၫအဖိၪခွၫ, စမၭတနဲအၫအဖိၪ ခွၫး အဂဲးဘဲၫယီၩ အဝ့ၫၥံၪမွဲၦအတီၩတၭ, အဆၧမၩ နီၪမွဲလၧအဘၪအၪ့နၩ့ဖၭန့ဆၧလၧ အထၧၫ့ဖုဝဲၥံၪအ ဂးနီၪလီၫ.
14 ယယွၩဧ့,နၪ့ထၪ့ထဲၩ့ယၧၩ, လၧဆၧလမံၩ့ယီၩအ ဂဲးအကၠီၪ့တၭ, ယဆၧမၩဂ့ၩလဖၪလၧယမၩလၧယ ယွၩအဂံၪ့နီၪ, ဒဲအဆၧယိထဲၩ့ခွါထဲၩ့လဖၪနီၪ, ထီး ထူၭခွံၬလဂ့ၩ.
15 တၭလၧမုနံၩလဖၪနီၪ, လၧယုဒၫအဖၧၩ့ယဒၪဘၪ ၦယဲးစဘံၭၥၪလၧမးၥံၫအနံၩ, ဒဲဂဲၫဆိၬဘုၪလၧၫ့ၥံၪ,ဒဲ ဖဒၨၭဆၧလၧကၥ့ၪယီၩ့ခိၪး စဘံၭထံၫဆ့, စဘံၭၥၪ ၥံၪ,ဒဲချိၪ့ဒိၩ့ၥၪၥံၪ, ဒဲကယဲဆၧဎၧၫ့လမံၩ့လါလါ,လၧ အဂဲၫဆိၬဝ့ၫထီၩ့လၧ ယရုစလံၫ့အဖၧၩ့ လၧမးၥံၫအ နံၩနီၪး တၭယထိးယၥၭထၫ့ဒၩအဝ့ၫၥံၪ လၧမုနံၩလၧ
16 အဝ့ၫၥံၪအၪ့ဆၫခွံၬဆၧအၪ့ဆၧအီၩနီၪလီၫ.- တၭၦတဲ ရၫဖိၪၥံၪအီၪဝ့ၫလၧအဖၧၩ့ဆ့, လၧအဂဲၫဆိၬယၪၥံၪ, ဒဲကယဲဆၧဖိၪဆၧလံၩလမံၩ့လါလါတၭ, လၧမးၥံၫအ နံၩနီၪ, အဝ့ၫၥံၪအၪ့ဆၫခွံၬလၧၦယုဒၫဖိၪ, ဒဲလၧယရု
17 စလံၫ့အဖၧၩ့နီၪဆ့လီၫ.- ထီးနီၪလဖၧၫ့ယအဲၪ့လိၬၦယု ဒၫအၡၩလၩဖၩ့ၥံၪတၭ, ယစံၭအဝ့ၫၥံၪ, ဆၧအၧၩ့ လၧနၥံၪမၩယီၩ, ဒဲမၪဘၪမးၥံၫအနံၩ, မွဲဆၧနီၪလမံၩ့
18 လဲၪ.- နၥံၪအဖါၥံၪမၩဝ့ၫဘဲၫနီၪၥိၭမွဲအ့ၬဧၪး ဒဲပယွၩ ဒုၭအီၪထၪ့ဆၧအၧၩ့ထီးအလူၬယီၩလၧပလီၩ့, ဒဲလၧ ဒိၩ့အလီၩ့ယီၩဆ့မွဲအ့ၬဧၪ. မွဲလါနၫ့ဘိၩလၧနၥံၪမၪ ဘၪမးၥံၫအနံၩအကၠီၩ့နီၪ, နၥံၪဒုၭအၪထၪ့ဆၧၥၭထၪ့ လၧအံၫစရ့လၭအလီၩ့လီၫ.
19 ဆၧမၩအၥၭထီးဆၧခံၭလၩ့ၥၫ့ လၧယရုစလံၫ့အ တရၫ့ၥံၪ, လၧအလချႃၭဘၪဒံၭဘၪမးၥံၫအနံၩနီၪ,ယ မၪလူၬဆၧလၧအဘၪ ကၭဘံၭထၬတရၫ့လဖၪ, ဒဲမၪ လူၬဆီၪ့ဝ့ၫ လၧမးၥံၫအနံၩလချႃၭဖီၩ့ခွံၬဒံၭဘၪနီၪ, ထီးဝဲထၪ့လဂ့ၩး ဒဲယခ့ၫယၡၩလနၩ့နၩ့နီၪ ယအီၪ က့ၪလၧတရၫ့ထံၭ, ဘဲၫၥိၭၦၡၩ ထီးဂဲၫဆိၬနုၬဆၧ
20 ဎၧၫ့လၧမးၥံၫအနံၩနီၪလၩလါလဂ့ၩ.- အခိးမွဲၦဖနံၬ ဖိၪၥံၪ,ဒဲၦအၪ့ဆၫဆၧလမံၩ့လါလါနီၪ, မံၫဝ့ၫလၧယရု
21 စလံၫ့လၧခီၫ့လခီၫလဖၧၫ့နံၫဖၧၫ့လီၫ.- ထီးနီၪလ ဖၧၫ့ယထိးယၥၭထၫ့ဒၩအဝ့ၫၥံၪတၭး စံၭအဝ့ၫၥံၪ,မွဲ ဘၪနီၫလၫလၧနၥံၪမံၫ လၧခိၪဒၧၩ့အနဲၩ့ထံၭ နီၪလဲၪ. နၥံၪအ့ၪမၩဘဲၫနီၪၥိၭ နးဖၧၫ့ဒီၭတၭ, ယမိအီၪက့ၪယ စူၪလၧနၥံၪအလီၩ့လီၫ. အခီၫဒၪလၧအဆၧၫ့အထီနီၪ, အဝ့ၫၥံၪဂဲၫလၧၩ့လၧမးၥံၫအနံၩအ့ၬ.
22 တၭယမၪလူၬၦလံဝဲၫဖိၪၥံၪ, လၧအဘၪမၩဆံၫ့အ နၫ့ဆါဒၪဝ့ၫလဖၪ, ဒဲလၧအဘၪဂဲၫခိၭတရၫ့ၥံၪ,လၧအ မိမၩဆံၫ့ဎံၪထၪ့မးၥံၫအနံၩနီၪလီၫ. ယယွၩဧ့,နၪ့ထၪ့ ထဲၩ့ယၧၩလၧဆၧလမံၩ့ယီၩ အဂဲးအကၠီၪ့ဆ့,ဒဲအွံၪ ၥၭဆၧၩ့ဒၪခလူၬယၧၩ, ဘဲၫနဆၧယၫ့ၥၭအၪအီၪဝ့ၫအ ၥိၭနီၪဆံၭ.
23 တၭလၧမုနံၩလဖၪနီၪ ယဒၪဘၪၦယုဒၫဖိၪၥံၪလၧ အန့မၫလဖၪလၧအၭၡဒီၭ, လၧအၫမၧၫ့, ဒဲလၧမိအၭ
24 ၥံၪတၭး- အဝ့ၫၥံၪအဖိၪအလံၩလဖၪချဲၩ့ဆၧဖိၭဖၫ့လၧ အၭၡဒီၭအလၨတၭ, ချဲၩ့ဝ့ၫလၧၦယုဒၫဖိၪၥံၪအလၨ
25 ၥ့ၪအ့ၬး အ့ၪမွဲလၧၦခမျၧးၥံၪအလၨဆုၬဆုၬလီၫ.- တၭ ယအဲၪ့လိၬအဝ့ၫၥံၪ, ဒဲဆိၪအၧၩ့အဝ့ၫၥံၪ,ဒဲဒိၪအဝ့ၫၥံၪ လနၩ့နၩ့တၭ, ယထ့ၭခွံၬအဝ့ၫၥံၪအခိၪၥူၫ,ဒဲအၪ့မၧၫ့ အဆိၪလၩ့အၥၭလၧယွၩအမ့ၬယၫ, ဘဲၫယီၩ,နၥံၪထီး ဖ့ၪလၫ့နဖိၪအမုၪၥံၪလဖၪ လၧအဝ့ၫၥံၪအဖိၪခွၫလဖၪ အဂးလဂ့ၩး ဒဲနၥံၪထီးမၩန့အဝ့ၫၥံၪ အဖိၪမုၪလဖၪ လၧနၥံၪအဖိၪခွၫၥံၪအဂးလဂ့ၩး ထီးမၩလၧနၥံၪအနၫ့
26 ဆါဒၪဝ့ၫအဂးလဂ့ၩ.- အံၫစရ့လၭအစဎွၩစီလမၧၫ့နီၪ, မၪဘၪဆၧလၧဆၧယီၩလဖၪအကၠီၩ့နီၪ, မွဲအ့ၬဧၪ.မွဲ လါနၫ့တၭလၧၦအၪဆၨၩၥံၪအကျၩနီၪ, စဎွၩဘဲၫအ ဝ့ၫဒၪအၥိၭအီၪနးဂၩအ့ၬ, လၧအမွဲအယွၩဒၪဝ့ၫအ ၥၭဘီၩ့နီၪ,ဒဲယွၩဒုၭကဲၪထၪ့အံၫစရ့လၭ ထီးအလူၬ အစဎွၩနီၪလီၫ. မွဲလါနၫ့ဘဲၫနီၪတၭ, အဝ့ၫဒၪနီၪဒၪလ့ၬ,
27 ၦမုၪအအၧၩ့ၥံၪဒုၭမၩမၪအဆၧဆ့လီၫ.- အခိးမွဲပ ကြၨၭ ခိၭနၪနၥံၪအလူမၩဆၧအၧၩ့ဖၭဒိၪ ထီးအလူၬ ယီၩလၧၦန့မၫၥံၪ လၧၦလခီၫဘၩ့မုးဖိၪ အကျၩနီၪ တၭ,မၪဘၪပယွၩနီၪဆ့ဧၪ.
28 တၭစယီအဒၫအဖိၪခွၫလဂၩ, ၦလုဆၧအခိၪစအံၫ လဲအၡံၭအဖိၪခွၫနီၪ, မွဲၦဟီၫဖိၪစစၫ့ဘၪလၭအမၬနီၪ
29 လီၫ.- အခိးမွဲယနၫ့ထၪ့ခွံၬအဝ့ၫဒၪ လၧယမ့ၬယၫလီၫ. ယယွၩဧ့, နၪ့ထၪ့ထဲၩ့အဝ့ၫၥံၪဆံၭး အဂဲးဘဲၫယီၩမွဲ အမၩစံၪစၪၦလုဆၧအလး ဒဲၦလုဆၧအလးအဆၧ အုၩ့လၩ့နီၪ, ဒဲလၧၦလံဝဲၫဖိၪလဖၪဆ့လီၫ.
30 ဘဲၫနီၪၥိၭယမၩဆံၫ့ခွံၬအဝ့ၫၥံၪ လၧၦလခီၫဘၩ့မုး ဖိၪၥံၪ,ဒဲအီၪက့ၪၦလုဆၧၥံၪ, ဒဲၦလံဝဲၫဖိၪၥံၪလဆၫ့လ ဆၫ့လဖၪ,ကိၭဂၩဒ့ၭ, လဂၩလၧအဆၧမၩဒၪဝ့ၫ,လ
31 ဂၩလၧအဆၧမၩဒၪဝ့ၫ,- ဒဲလၧၥံၪ့မုဘၪဆဲၫ့လၧလုထၪ့ ဆၧအဂး,ဘဲၫဆၧဖၭဝဲၩအနံၩအၥၫ့အၥိၭ, ဒဲလၧဆၧ ၥၪဆိၫလဖၪနီၪအဂးဆ့လီၫ. ယယွၩဧ့, နၪ့ထၪ့ထဲၩ့ ယၧၩ, လၧဆၧဂ့ၩအဂးဆံၭ.