7
1 ယဘၪအၡၪ့ဖီၩ အဂဲးဘဲၫယီၩ ဆၧမၩအၥၭဘဲၫ ၦလဂၩလၧအထီထီးအဝ့ၫၥံၪ အၪ့ထုၫ့ကီၪ့ယူၭ ဆၧခိ အထီအဆၧၥၪ, ဒဲအၪ့ထုၫ့ထၪ့စဘံၭၥၪလၧအအီၪပြံၩ ပၩဂီၩ့တၭ, ဆၧၥၪအဆူၬလၧဆၧအၪ့အဂးအီၪအ့ၬ.
2 ချိၪ့ဒိၩ့ၥၪမံၫ့ဆိၫလၧယဆိၫ့န့ဘၪနီၪအီၪအ့ၬ.- ၦအဂ့ၩ အဘွၩလၩ့မါလၧထံၫၥံၪခးၥံၪအဖၧၩ့တၭ, ၦအတီၩ အလီၩ့အီၪလၧၦၡၩအကျၩအ့ၬ. အဝ့ၫၥံၪထီးအလူၬ အီၪခိၭၥူၪအၥၭ လၧဆၧၥွံၪအဂးလီၫ. အဝ့ၫၥံၪလီၩ့
3 ခွံၬၡၬလဂၩလၧလဂၩဒၪအဖၫ့ခိၪဆုၬဆုၬလီၫ.- ဘဲၫ ၥိၭအမိမၩဆၧအၧၩ့ လၧအစူၪနံၫခီၫလူၬတၡါတၭ, ၦ ဒိၪဖၭဒိၪ ဒဲၦစ့ၩရၫ့ခွးအၪ့ကံၩ့အလၬဆီၪ့တၭ, ၦအ ဒိၪနီၪအနိၭထၪ့ဖျ့ၭအၥၭဆိၫ့န့ဘၪလီၫ. အဝ့ၫၥံၪအုၩ့
4 လၩ့လစီၪ့ဎးဘဲၫၥိၭအမိမၩဆၧအၧၩ့လီၫ.- အဝ့ၫၥံၪ အၡၩဂ့ၩထုၬမၩအၥၭဘဲၫဆၧဆူၪအၥိၭတၭ, အတီၩ ထုၬနီၪစူၩနဲၪ့ထနါဆၧဆူၪဒံၭလီၫ. အၡၩခိၭဆၧအမု လနံၩနီၪ,နဆၧစ့ၩရၫ့ဂဲၫဝ့ၫလီၫ. ဘိၩ့နဲၪ့ယီၩအဝ့ၫၥံၪ အၥၭမိဂံၩ့ဂၩ့ဝ့ၫလီၫ.
5 ထီးနဲၩနထံၩနၥိၭလဂ့ၩ, ဒိၭနဲၩ့နၥၭလၧနလိၬဖၫ့လ ဂ့ၩ. ခိၭနနိၭအတရၫ့ကၭဘံၭထၬဝ့ၫ လၧၦမုၪလၧအ
6 မံၫဝ့ၫလၧနၥၭနၫၡါအဖၧၩ့အမ့ၬယၫဆံၭ.- အဂဲးဘဲၫ ယီၩဖိၪခွၫမၩကြၩ့ထမးအဖါ, ဖိၪမုၪထၫ့ဒၩအမိ, ဒဲၪ ထၫ့ဒၩအမံၩ့ၡါမုၪ, ၦၡၩအဒုၪအဒၩနီၪမွဲအၡၩဂံၪ့ဖိၪ
7 ဒၪဝ့ၫလီၫ.- အ့ၪမွဲယဝ့ၫဒၪယီၩ ယမိယိလါယဟိဝၩ အဖၧၩ့ၥၭ, ယမိအီၪခိၭဆၧထိးထဲၩ့တၩ့ထဲၩ့ယၧၩအ ယွၩတၭ, ယယွၩနီၪမိခိၭနၪယလူလီၫ.
8 ယဒုၪယဒၩဧ့, ၥၭထိၬလၧယဖၫ့ခိၪလဂ့ၩ,ယအ့ၪ လၩ့ထံၩဖါလါနၫ့တၭ, ယမိဂဲထုၪ့ထဲၩ့ဒီၭလီၫ. ယ ဆၧၫ့နၩ့လၧဆၧခံၭကျၩလါနၫ့တၭ, ယဟိဝၩမွဲယဆၧ
9 ဖၩ့လီၫ.- မွဲယမၩမၪဘၪယဟိဝၩတၭ,ယမိထိးအဆၧ ၥၭထၪ့ထီးအချဲၩ့ယခွး ဒဲစ့ၩရၫ့တီၩန့ယၧၩလီၫ. အ ဝ့ၫမိဒုၭဂဲၫထၪ့ယၧၩလၧဆၧဖၩ့အကျၩ, ယမိဒၪဘၪ
10 အဆၧတီၩဆၧလီၩ့လီၫ.- ထီးနီၪလဖၧၫ့ယဒုၪယဒၩမိ ဒၪဘၪဝ့ၫတၭ, ဆၧမ့ၬမဲမိချႃၬဘံၭအဝ့ၫၥံၪလီၫ. ၦလၧ အစံၭယၧၩ ယဟိဝၩနယွၩ အီၪခီၫခီၫလဲၪနီၪး ယမ့ၬ ၥၪမိဒၪဘၪဝ့ၫတၭး ဘိၩ့နဲၪ့ယီၩ ဆၧမိယဲးလၩ့အဝ့ၫ
11 ဘဲၫဆၧလၩ့လၧၩ့လၧဖၧၩ့ၥၭဖၧၩ့အၥိၭနီၪလီၫ.- မုလ နံၩလၧၦမိမၩထၪ့ထဲၩ့ နခိၪဒၧၩ့,ဆၧလၧမုလနံၩနီၪ,
12 ဆၧမၪလူၬမိလ့ၩလၧအယဲၩ့လီၫ.- ဆၧလၧမုလနံၩနီၪ ၦမိဂဲၫလၧနအီၪလၧအစံရအၫ ဖိးလၧအံဇံၭအဒိၩ့,ဒဲ လၧအံဇံၭနီၪဖိးလၧထံၫမိၡါ, ဒဲလၧမၫဆမံၭလစီၪ့ဖိး လၧမၫဆမံၭလစီၪ့ဒၪ, ဒဲလၧခိၪလီၩ့လဖျိၪ့ ဖိးလၧခိၪ
13 လီၩ့လဖျိၪ့ဒၪလီၫ.- လါနၫ့တၭ,ထံၫၥံၪခးၥံၪနီၪမိအီၪ ယူလၧၦလၧအအီၪဝ့ၫလၧအဖၧၩ့အကၠီၩ့နီၪ, လၧအ မၩဆၧအၧၩ့အဆၧၥၪအကၠီၩ့လီၫ.
14 ယိနၡၩခမျၧးလၧနနိၪထိၭဘီၩ့နီၪ, ဆၧလၧနန့ၥၫ, အၥိၪလဒီၪ့လၧအအီၪလဒီၪ့ဎးလၧမံၩ့လၬကျၩလၧကၫ မလၭအဒၩ့ခိၪနီၪဆံၭ. မွဲအအၪ့အဆၪလၧဘၫၡၫ့ဒဲလၧ ဂံလအၭအဖၧၩ့ဘဲၫလၧမုနံၩ လၧဖျိၩ့အၥိၭနီၪဆံၭ.
15 ဘဲၫလၧမုနံၩလဖၪလၧနဂဲၫထၪ့ လၧခးအံဇံၭအၥိၭ
16 နီၪ,ယမိဒုၭနဲၪအဝ့ၫလၧဆၧလၩ့လၭလဖၪလီၫ.- ၦ ဆၨၩလဖၪနီၪမိဒၪဘၪတၭ, အမ့ၬမိမဲလၧအစီၩ့အမၩ့ ထီးအလူၬအကၠီၩ့လီၫ. အဝ့ၫၥံၪမိအီၪက့ၪအစူၪလၧ
17 အနိၭလီၩ့, အနါမိအၧၩ့ထၪ့လီၫ.- အဝ့ၫၥံၪမိအၪ့လဲၪ့ ဂၪ့ခိၪအမုၬ ဘဲၫဂူၥံၪလၩ့ၥံၪအၥိၭနီၪ, မိလ့ၩဆၧဝၭ ထိၬဝၭတ့ၭလၧအလးအီၪၥူၪအဖၧၩ့ ဘဲၫဂၪ့ခိၪအဆၫ့ ကလ့ၬအၥိၭနီၪလီၫ.မိၥၭမဲၪယဟိဝၩပယွၩတၭ, မွဲ မၬ,မိၥၭမဲၪနၧၩလီၫ.
18 ယွၩလၧအဖျါခွံၬဆၧဒဲၩဘၭ, ဒဲလ့ၩဖီၩ့ခွံၬဆၧၥူၭ ဆၧမၪဘၪဆဲၫ့လၧအဆၧန့ၥၫ အီၪလၩ့ထးဘဲၫနၧၩအ ၥိၭနီၪ, မွဲပလၫလဂၩလဲၪ. အဝ့ၫဒၪဖီၪ့ထၬအဆၧၥၭ ထၪ့အဆိၩအကၠၪအ့ၬ. အဂဲးဘဲၫယီၩ ဘၪဒၪအၥၭ
19 လၧဆၧယၫ့ၥုၪ့ယၫ့ၥၭလခီၫလီၫ.- မိယၫ့ၥုၪ့ယၫ့ၥၭ ထဲၩ့ဒီၭပၧၩလီၫ. ဆၧမိယဲးထဲးလၩ့ ပဆၧၥူၭဆၧမၪ လီၫ.တၭနမိခွံၬၡိၭခွံၬအဆၧဒဲၩဘၭ ထီးအလူၬလၧ
20 မၫဆမံၭအယိၬဖၧၩ့နီၪလီၫ.- နမိဖ့ၪလၫ့ ဆၧမွဲဆၧ တီၩလၧစယၫကူၭ, ဒဲဆၧခိးဆၧတၩလၧစအၫဘြဟၫ့ လၧနဆိၪလၩ့နၥၭလၧပဖါလဖၪ လၧမုနံၩ ခီၫလၧဖျိၩ့ နီၪလၧနမိဖ့ၪလၫ့လီၫ.