2
1 ၦလၧအကိၪ့ဆၧအၧၩ့ဒဲကိၪ့မၩဆၧအၧၩ့ လၧအလး မံၫဖၧၩ့နီၪဘၪအၡၪ့လီၫ. ထီးဆၧဖၩ့ဘွၩထၪ့တၭမၩ ဝ့ၫနီၪး အဂဲးဘဲၫယီၩ အစီၩ့အမၩ့အီၪလၧအစူၪဖၧၩ့
2 လီၫ.- အဝ့ၫၥံၪလီၫ့ကီၩ့ၥၭကွံၩ ဂၪ့ခိၪအဝၩ့လဖၪတၭ မၩန့ဆီၪ့ဝ့ၫး ဒဲဂံၪ့လဖၪနီၪ,မၩန့ထၪ့ခွံၬဝ့ၫး ဒဲမၩအၧၩ့
3 ၦၡၩဒဲအဂံၪ့ဖိၪလဖၪး ၦၡၩဒဲအဆၧန့ၥၫလီၫ.- မၩအ ၥၭဘဲၫနီၪတၭး ယဟိဝၩစံၭဘဲၫယီၩ, ယိခွါ,ယကိၪ့ ဆၧအၧၩ့ထၫ့ဒၩ ၦအဂံၪ့ဖိၪလဒီၪ့ယီၩ လၧနၥံၪမိၥုၭခွံၬ ဘၪနၥံၪအခိၬ လၧအအီၪနီၪအ့ၬ. ဒဲနၥံၪလလ့ၩဘၪ လၧနၥံၪအၥၭဖိၫလိၫ, အဂဲးဘဲၫယီၩ အဆၧၫ့အထီမွဲ အအၧၩ့လီၫ.
4 မုလနံၩနီၪၦမိၥံၫကျံၩဆၧၥံၫကျံၩလမံၩ့ လၧနၥံၪအ ဂဲး, ဒဲမၩဆၧၥၭအုၭအဆၧယၧၩ့ဘၪတၭ,စံၭ, ဆၧမၩ ဂၭဂီၩ့ပၧၩလူၬထူၬလီၫ. အဝ့ၫဒၪအၪ့လဲၩယူၭ ယၡၩ ခမျၧးအဂးယူၭ, ၥုၭခွံၬယူၭအဝ့ၫၥံၪ လၧယအီၪဘဲၫ ၥ့ၪလဲၪ.ဖ့ၪလၫ့နၩ့ဖၭယူၭ ပဂၪ့ခိၪအဝၩ့လဖၪ လၧၦ
5 လၧအၥၭဂၭဂီၩ့ယူၭ.- မၩအၥၭဘဲၫနီၪတၭ, နလအီၪ ဘၪလၧၦလၧအဖၭဆၧတၭ, မိဆုးထၪ့ဖျံၩလၧယဟိ
6 ဝၩအဆၧအီၪကီၪ့အဖၧၩ့နးဂၩအ့ၬ,- ချဲၩ့ဆၧလၧမီၪ အချိၬလဂ့ၩ. ၦလၧအလချဲၩ့ဘၪ လၧဆၧနီၪလဖၪအ ဂဲးမိချဲၩ့လၧမီၪအချိၬတၭး ဆၧဒုၪဒွ့ၪလဖၪအီၪလထံၪ ဎးလီၫ.
7 စယၫကူၭအၡၩဂံၪ့ဖိၪၥံၪဧ့, ဆၧချဲၩ့ဘဲၫၥ့ၪလဲၪၬ ယဟိဝၩအၥၭလၩ့ဖၨၪထဲၩ့လခီၫဆ့ဧၪ. ဆၧယီၩလဖၪ မွဲအဝ့ၫဒၪအဆၧမၩဆ့ဧၪ. ယဆၧချဲၩ့မၩဂ့ၩၦလၧအ
8 လ့ၩဆၧတီၩတီၩနီၪ, မွဲအ့ၬဧၪ.- အခီၫလၧဖျိၩ့ယၡၩ ခမျၧးဂဲထုၪ့ထၪ့ဝ့ၫဘဲၫဒုၪဒၩအၥိၭ, နၥံၪဘဲၪ့လၩ့ခွံၬၡၫ့ လဘံၪ့, ဒဲဆဲၫ့လၧၦလ့ၩလၧဖၧၩ့ၥၭနီၪ ဒဲဒိၭနဲၩ့အၥၭ လဖၪ, ဒဲလၧၦဂဲၫထဲၩ့ထဲၩ့ လၧဆၧဒုၭၥုၭလဖၪနီၪဆ့
9 လီၫ.- နၥံၪနၫ့ထၪ့ခွံၬယၡၩခမျၧးအမုၪၥံၪလၧအဂံၪ့ မုၬအဖၧၩ့, နၥံၪမၩန့ထၪ့ခွံၬ ယလၩယဖၩ့လၧအဝ့ၫၥံၪ
10 အဖိၪအလံၩလၩ့ဆိၩလၩ့ကၠၪလီၫ.- ဂဲထုၪ့ဘီၪၬ စဲၪ့ ထၪ့ခွံၬဆံၭၬ အဂဲးဘဲၫယီၩ အယီၩမွဲနၥံၪအဆၧအီၪ ပွံၭအလးအ့ၬ. အဂဲးဘဲၫယီၩလၧအဘၪၥၭလိၪဝ့ၫအ ကၠီၩ့တၭမိမၩဂၭဂီၩ့ဆၧ, ဒဲအဆၧမၩဂၭဂီၩ့နီၪနၭမၬ
11 ဆ့လီၫ.-ၦလဂၩဂၩအ့ၪၥ့ၪယၫလံၩ ဒဲဆၧအဘျံၭအ ဘျၪအဂဲးအကၠီၪ့း ချဲၩ့ဆၧအဘျံၭအဘျၪတၭ, စံၭဝ့ၫဒၪ ယချဲၩ့ဆၧလၧမီၪအချိၬ လၧစဘံၭထံၫဒဲၥံၭထံၫဂၬထံၫ အဂဲးတၭ, အဝ့ၫဒၪမိကဲၪထၪ့ ၦခမျၧးယီၩအမီၪလီၫ.
12 စယၫကူၭဧ့, ယမိအၪ့ထုၫ့ကီၪ့နၧၩထီးအလူၬတၡါ လီၫ.ယမိအီၪက့ၪကီၪ့အံၫစရ့လၭ လၧအအီၪလၩ့ထး တၡါလ့ၬလီၫ. ယမိအီၪက့ၪအဝ့ၫၥံၪလစီၪ့ဎးဘဲၫဘီၭ ဇရၫအၥိၪအၥိၭနီၪ, ဘဲၫၥိၪလဒီၪ့လၧအအၪ့အဆၪအ လးဖၧၩ့အၥိၭနီၪလီၫ. အဝ့ၫၥံၪမိတုၩ့ထၪ့တုၩ့လၩ့လၧ
13 ၦၡၩအကၠီၩ့လီၫ.- ဆၧမၩခါဝ့ၫနီၪလ့ၩယူၭလၧအဝ့ၫ ၥံၪအမ့ၬယၫယူၭတၭ, မၩခါလၩ့ခွံၬဆၧဂီၩ့လ့ၩနုၬလၧ တရၫ့ဖၧၩ့နီၪ, စဲၪ့ထၪ့ခွံၬလၧအလးထီးနီၪတၭ, မွဲယူၭ, အဝ့ၫၥံၪအစဎွၩလ့ၩထၪ့လၧအမ့ၬယၫ, ယဟိဝၩဒၪ လ့ၬအီၪဝ့ၫလၧအခိၪလီၫ.