5
1 ၦလဂၩဂၩအ့ၪမၩဆၧဒဲၩဘၭ လၧအနါဂၧၫ့ဆၧဆိၪ လၩ့အၥၭအလူတၭ, ကဲၪထၪ့ၦထိးအၥၭနီၪ, ဒၪဘၪ ဆၧမွဲဂ့ၩ, ၥ့ၪယၫဆၧမွဲဂ့ၩ, အ့ၪလလီၩဘၪအဂဲးတၭ,
2 မိဘၪဆၧဒဲၩဘၭလီၫ.- လၧနီၪအမ့ၬယၫ ၦလဂၩဂၩ အ့ၪထိၭဘၪဆၧလဆံၫ့ဘၪ လမံၩ့မံၩ့, ဆၧဖိၪဆၧဎါ အမံၩ့ လဆံၫ့ဘၪ အစွၪမွဲဂ့ၩ, ဆၧဖိၪဆၧဎါအဒိၩ့လ ဆံၫ့ဘၪအစွၪမွဲဂ့ၩ, ဆၧအစွၩလဆံၫ့ဘၪ အစွၪမွဲဂ့ၩ တၭ, အ့ၪအီၪဘံၭလၧအနၫ့ဆါလါနၫ့, အဝ့ၫဒၪနီၪမွဲ လဆံၫ့ဘၪဆ့တၭ, အဆၧဒဲၩဘၭအီၪလၧအလီၩ့လီၫ.
3 လၧနီၪအမ့ၬယၫအ့ၪထိၭဘၪၦၡၩ အဆၧလဆံၫ့ဘၪ, ကယဲဆၧလၧအလဆံၫ့ဘၪလမံၩ့မံၩ့ လၧၦဘၪစံၪစၪဝ့ၫ အကၠီၩ့တၭ, အ့ၪအီၪဘံၭလၧအဝ့ၫတၭ, ထီးအၥ့ၪယၫ
4 ဝ့ၫနီၪ, အဆၧဒဲၩဘၭမိအီၪလၧအလီၩ့လီၫ.- ၦလဂၩ ဂၩအ့ၪဆိၪလၩ့အၥၭတၭ, အ့ၪစံၭလၧအနိၭလၧအမိ မၩဆၧအၧၩ့မွဲဂ့ၩ, မၩဆၧဂ့ၩမွဲဂ့ၩ, ကယဲဆၧလၧၦၡၩ မိစံၭလၧဆၧဆိၪလၩ့အၥၭ လမံၩ့မံၩ့တၭ,အ့ၪအီၪဘံၭ လၧအဝ့ၫနီၪ, ထီးအ့ၪၥ့ၪယၫဝ့ၫတၭ, အဆၧဒဲၩဘၭမိ
5 အီၪလၧဆၧနီၪလဖၪအကျၩ လမံၩ့အကၠီၩ့လီၫ.- ထီး ဆၧဒဲၩဘၭ အ့ၪအီၪလၧအလီၩ့, လၧဆၧလဖၪနီၪအ ကၠီၩ့လမံၩ့မံၩ့တၭ, ဆၧမိမၩအၥၭလၧအဘၪလီၩလၩ့
6 အမၩဆၧဒဲၩဘၭလၧဆၧနီၪလမံၩ့လီၫ.- ဘၪဂဲၫဆိၬ အဆၧလမၪဘၪ ဆၧလၧအဆၧဒဲၩဘၭ လၧအမၩဝ့ၫ အကၠီၩ့လၧယဟိဝၩအအီၪ, ၥိၪဖိၪမွဲဂ့ၩ, ဘ့ၪဖိၪမွဲဂ့ၩ, အမိလဒုၩလၧအဆၧဒဲၩဘၭအဂးလီၫ. တၭၦလုဆၧ လဂၩနီၪ ဘၪမၩဆၧဖီၩ့ဖျ့ၭလၧအဂး လၧအဆၧဒဲၩ ဘၭအကၠီၩ့လီၫ.
7 အဝ့ၫဒၪဂဲၫဆိၬၥိၪဖိၪနီၪအ့ၪလၥ့ၪဘၪတၭ, ထီးနီၪ လဖၧၫ့ထိၪလွံနံၫဘံၪ့မွဲဂ့ၩ, ကၪကဲၪဖိၪနံၫဘံၪ့မွဲဂ့ၩ လၧ အမၪဘၪ ဆၧလၧအမၩဝ့ၫအကၠီၩ့နီၪ ဘၪဂဲၫဆိၬလၧ ယဟိဝၩအအီၪလီၫ. လၧဆၧလုဆၧဒဲၩဘၭအဂးလ
8 ဘံၪ့,ဒဲလၧဆၧလုမ့ၪအဂးလဘံၪ့လီၫ.- ဘၪဂဲၫဆိၬဝ့ၫ လၧၦလုဆၧလဂၩနီၪအအီၪတၭ, အဝ့ၫဒၪဘၪလုထၪ့ ဆိၫဝ့ၫလၧဆၧဒဲၩဘၭအဂးလဘံၪ့နီၪတၭ, ဝံၬခါအခိၪ
9 ဎွံၪလၧအခိၬလီၩ့, လါနၫ့မၩထ့ၬခွံၬဘၪအ့ၬ.- ဘၪဎွံၪ ဆၧလုဆၧဒဲၩဘၭအၥွံၪ လၧဆၧလုလးအပၪအလီၩ့ တၭ,ဆၧၥွံၪလၧအအီၪလၩ့ထးနီၪ ဘၪဝံၬခွံၬဝ့ၫလၧဆၧ
10 လုလးအခၪ့ထံၭ, အနီၪမွဲဆၧလုဆၧဒဲၩဘၭလီၫ.- နံၫ ဘံၪ့လဘံၪ့နီၪ ဘၪလုထၪ့လၧဆၧလုမ့ၪဘဲၫဆၧစ့ၩရၫ့ အၥိၭတၭ, ၦလုဆၧလဂၩနီၪ ဘၪမၩဆၧဖီၩ့ဖျ့ၭလၧ အဂးလၧအဆၧဒဲၩဘၭ လၧအမၩဝ့ၫအကၠီၩ့လီၫ. တၭ ဆၧမိကွဲၪဖျါခွံၬအဝ့ၫဒၪလီၫ.
11 ထိၪလွံနံၫဘံၪ့မွဲဂ့ၩ, ကၪကဲၪဖိၪနံၫဘံၪ့မွဲဂ့ၩ,ဂဲၫဆိၬ အ့ၪလၥ့ၪဘၪတၭ, လၧအမၩဘိၪ့ဆၧအဂးနီၪ ၦလၧအ မၩဆၧဒဲၩဘၭလဂၩ ဘၪဂဲၫဆိၬကိၪမုၬလအ့ဖၭ ဎလနၬၭ ဆံၫပိၩ့လပိၩ့နီၪ လၧဆၧလုဆၧဒဲၩဘၭအဂးလီၫ. ၥိၪ မွဲဂ့ၩ,လီဘၫ့မွဲဂ့ၩ, ဆၧအီၪက့ၪဘၪလၧအဖၫ့ခိၪအ့ၬ.
12 အဂဲးဘဲၫယီၩအနီၪမွဲဆၧလုဆၧဒဲၩဘၭလီၫ.- ထီးနီၪ လဖၧၫ့ဘၪဂဲၫဆိၬဝ့ၫ လၧၦလုဆၧလဂၩနီၪအအီၪတၭ, ၦလုဆၧလဂၩနီၪ ဘၪမၩန့ဆၧနီၪ လစူၪလၧအဆၧနၪ့ ထၪ့ထဲၩ့တၭ, ဆူၭခဲၩထၪ့ခွံၬဝ့ၫလၧဆၧလုလးအဖၫ့ခိၪ, ဘဲၫဆၧလုမၩလၧမ့ၪ လၧယဟိဝၩအဂးအၥိၭနီၪလီၫ.
13 အနီၪမွဲဆၧလုဆၧဒဲၩဘၭလီၫ.- ၦလုဆၧလဂၩနီၪဘၪ မၩဆၧဖီၩ့ဖျ့ၭလၧအဆၧဒဲၩဘၭ လၧအမၩဝ့ၫအကၠီၩ့ လၧဆၧလဖၪနီၪ လမံၩ့မံၩ့လီၫ. တၭဆၧမိကွဲၪဖျါခွံၬ အဝ့ၫဒၪလီၫ. တၭဆၧအီၪလၩ့ထးမိကဲၪထၪ့ၦလုဆၧ လဂၩနီၪအဆၧ, ဘဲၫဆၧမၩဘိၪ့ကိၪမုၬ အၥိၭနီၪလီၫ.
14-15 ၦလ ဂၩဂၩအ့ၪမၩမၪဆၧလၧအအၪ့လီၫဆၧ, ဒဲမၩဆၧဒဲၩ ဘၭလၧအလၥ့ၪယၫဘၪဝ့ၫအကၠီၩ့ လၧယဟိဝၩအဆၧ ဆံၫ့ဎံၪလဖၪအဖၧၩ့နီၪ, ဘၪဂဲၫဆိၬဆၧအဖၫအလၧၫ့ အဎွ့ၩလဒုၩလၧၥိၪဒဲဘ့ၪအကျၩ လၧအမၪဘၪဆၧအ ကၠီၩ့, ထီးနအီၪက့ၪအဎွ့ၩ လၧၡက့လၭစ့ၩ ဎလဘၭၭ ဘဲၫဆၧအလးဆံၫ့ဎံၪၡက့လၭအၥိၭနီၪ, လၧအဆၧလု
16 မၪဘၪဆၧအဂးလီၫ.- အဝ့ၫဘၪဖ့ၪထဲၩ့ဆၧလၧအမၩ မၪဆၧလၧဆၧဆံၫ့ဎံၪလဖၪအဖၧၩ့အဂးတၭ, ဘၪအီၪ က့ၪအၪထၪ့အဆၧယဲပိၩ့လပိၩ့တၭ, ဖ့ၪလၫ့ၦလုဆၧ လဂၩနီၪအဂးတၭ, ၦလုဆၧလဂၩနီၪ ဘၪမၩဆၧဖီၩ့ ဖျ့ၭလၧအဂး, လၧဆၧလုမၪဘၪဆၧအဖၫလဒုၩအၥိၪ ဒဲဘ့ၪအကျၩလီၫ. တၭဆၧမိကွဲၪဖျါခွံၬ အဝ့ၫဒၪလီၫ.
17 ၦလဂၩဂၩအ့ၪမၩဆၧဒဲၩဘၭတၭ မၩဆၧလမံၩ့မံၩ့ လၧယဟိဝၩမၪလူၬဝ့ၫ မၩလဂ့ၩနီၪတၭ, အ့ၪလၥ့ၪ ယၫဘၪလါနၫ့နီၪ, အဆၧဒဲၩဘၭအီၪလၧအလီၩ့တၭ,
18 ဘၪထိး အဆၧအၧၩ့လီၫ.- ဘၪဂဲၫဆိၬ ဆၧအဖၫအ လၧၫ့အဎွ့ၩလဒုၩ လၧၥိၪဒဲဘ့ၪအကျၩ, ထီးနအီၪက့ၪ အဎွ့ၩလၧဆၧလုမၪဘၪဆၧအဂး, လၧၦလုဆၧလဂၩ နီၪအအီၪတၭ, ၦလုဆၧလဂၩနီၪ ဘၪမၩဆၧဖီၩ့ဖျ့ၭလၧ အဂး လၧအဆၧလၥ့ၪယၫဘၪ အကၠီၩ့နီၪလီၫ. တၭ
19 ဆၧမိကွဲၪဖျါခွံၬအဝ့ၫဒၪလီၫ.- အနီၪမွဲဆၧမၪဘၪဆၧ အဆၧလုလီၫ. အဝ့ၫဒၪမၩမၪဘၪတၡါယဟိဝၩလီၫ.