27
1-2 လီၩ ဘၪၦအံၫစရ့လၭဖိၪတၭ, စံၭအဝ့ၫၥံၪ, ထီးၦၡၩဆိၪ လၩ့အၥၭလၩ့မဲၩဒၪဆၧတၭ, ထီးဒၪနအီၪက့ၪအဎွ့ၩ
3 နီၪ,ၦလဂၩမိအီၪလၧယဟိဝၩအဂးလီၫ.- နအ့ၪအီၪ က့ၪၦခွၫလၧအၥၭၡါ အနံၪ့နံၫဆံၫလံၩလံၩထီၩ့လၧအ ၥၭၡါအနံၪ့ဎူၫဆံၫအဎွ့ၩတၭ, နဘၪအီၪက့ၪအဎွ့ၩလၧ စ့ၩၡက့လၭယဲဆံၫ, ဘဲၫဆၧအလးဆံၫ့ဎံၪအၡက့လၭ
4 အၥိၭနီၪလီၫ.- တၭအ့ၪမွဲၦမုၪလဂၩနီၪ, နဘၪအီၪက့ၪ
5 အဎွ့ၩၡက့လၭၥၧၫ့ဆံၫလီၫ.- ခီၫဒၪလၧအၥၭအီၪယဲ နံၪ့လံၩလံၩထီၩ့လၧအၥၭအီၪအနံၪ့ နံၫဆံၫတၭ, နဘၪ အီၪက့ၪၦခွၫအဎွ့ၩၡက့ၭလၭနံၫဆံၫ ဒဲၦမုၪၡက့လၭလ
6 ဆံၫလီၫ.- လၧအၥၭအီၪ လၩလဘံၪ့ထီၩ့ လၧအၥၭ အီၪယဲနံၪ့တၭ, နဘၪအီၪက့ၪၦခွၫအဎွ့ၩ လၧစ့ၩယဲၡ က့လၭ, ဒဲနဘၪအီၪက့ၪ ၦမုၪအဎွ့ၩ လၧစ့ၩ ၥၧၫ့ၡက့
7 လၭလီၫ.- အ့ၪမွဲလၧအၥၭၡါအနံၪ့ဎူၫဆံၫ ဒဲလၧအဖၫ့ ခိၪဒံၭတၭ, နဘၪအီၪက့ၪၦခွၫအဎွ့ၩ လၧလဆံၫယဲၡ
8 က့လၭ, ဒဲၦမုၪလၧၡက့လၭလဆံၫလီၫ.- အ့ၪၡၪ့အ့ၪ ယၬနဲၪ့အဎွ့ၩလၧနအီၪက့ၪဝ့ၫနီၪတၭ, မိဘၪဒုၭဖျီၪအ ၥၭလၧၦလုဆၧလဂၩအမ့ၬယၫတၭ, ၦလုဆၧမိဘၪ အီၪက့ၪအဎွ့ၩလီၫ. ဘဲၫၦလၧအဆိၪလၩ့အၥၭမၩဒၪ ဆၧမိၥ့ၪအၥိၭနီၪ, ၦလုဆၧလဂၩနီၪ မိဘၪအီၪက့ၪအ ဎွ့ၩလီၫ.
9 ဆၧလၧၦမၩဘိၪ့ယဟိဝၩ လၧဆၧလမံၩ့လါလါအ့ၪ မွဲဆၧဖိၪဆၧဎါတၭ, ကယဲဆၧလၧၦမၩဘိၪ့ယဟိဝၩ
10 ထီးအလူၬနီၪမိကဲၪထၪ့ဆၧဆံၫ့ဎံၪလီၫ.- ထီးအီၪက့ၪ ဆၧဂူၫဂၩလၧအလးမွဲဂ့ၩ, အၪ့လဲၩမွဲဂ့ၩလဂ့ၩ. အ ဂ့ၩလဒုၩလၧအလဂ့ၩဘၪလဒုၩ အဂးမွဲဂ့ၩ, လဂ့ၩ ဘၪလဒုၩလၧအဂ့ၩအဂးမွဲဂ့ၩ, အၪ့လဲၩဘၪဝ့ၫအ့ၬ. တၭအၪ့လဲၩလဒုၩလၧလဒုၩအဂးတၡါတၭ, အဝ့ၫလ ဒုၩဒဲဆၧလၧအအၪ့လဲၩဝ့ၫလဒုၩ မိကဲၪထၪ့ဆၧအဆံၫ့
11 ဎံၪနံၫဒုၩလူၬလီၫ.- တၭအ့ၪမွဲဆၧဖိၪဆၧဎါ လဆံၫ့ ဘၪလဒုၩဒုၩလၧၦလမၩဘိၪ့ဘၪ လၧဆၧလုထၪ့ယဟိ ဝၩအဂးတၭ, မိဘၪအီၪက့ၪဆၧဖိၪဆၧဎါ လဒုၩနီၪ
12 လၧၦလုဆၧလဂၩအမ့ၬယၫလီၫ.- တၭဂ့ၩမွဲဂ့ၩ, အၧၩ့ မွဲဂ့ၩ, ၦလုဆၧလဂၩနီၪမိဘၪအီၪက့ၪအဎွ့ၩလီၫ. ဘဲၫ ၦလုဆၧလဂၩနီၪ အီၪက့ၪအဎွ့ၩအၥိၭနီၪ မိဘၪအီၪဝ့ၫ
13 လီၫ.- အ့ၪမွဲၦၡၩ အ့ၪဎွ့ၩန့ထဲၩ့တၡါတၭ, ဘၪအီၪ က့ၪအၪထၪ့အဎွ့ၩယဲပိၩ့လပိၩ့ လၧဆၧလၧနအီၪက့ၪ အဎွ့ၩနီၪလီၫ.
14 ထီးၦၡၩ အီၪက့ၪဆံၫ့ဎံၪအဂံၪ့လဖျိၪ့လၧယဟိဝၩ အဂးတၭ, ဂ့ၩမွဲဂ့ၩ, အၧၩ့မွဲဂ့ၩ, ၦလုဆၧလဂၩဘၪ အီၪက့ၪအဎွ့ၩလီၫ. ဘဲၫၦလုဆၧလဂၩနီၪအီၪက့ၪအ
15 ဎွ့ၩအၥိၭမိအီၪဂုးအီၪခၧၫ့လီၫ.- ၦလၧအအီၪက့ၪဆံၫ့ ဎံၪဝ့ၫ, အ့ၪမိဎွ့ၩန့ထဲၩ့အဂံၪ့တၭ, ဆၧလၧနအီၪက့ၪ အဎွ့ၩအစ့ၩယဲပိၩ့လပိၩ့ မိဘၪအီၪက့ၪအၪထၪ့လၧအ
16 ဖၫ့ခိၪလီၫ. အနီၪတၭမိကဲၪထၪ့ထဲၩ့အဆၧလီၫ.- ၦၡၩ အ့ၪအီၪက့ၪဆံၫ့ဎံၪလၧအဆံၬလကဲၩ့ လၧအအီၪလၧ အစူၪဖၧၩ့ လၧယဟိဝၩအဂးတၭ, နဘၪအီၪက့ၪဆၧ အဎွ့ၩဘဲၫဆၧချံၫအၥိၭနီၪလီၫ. ဘုၪမုယီၩအချံၫလဟိ
17 မၧၫ ဎဎိၭနၬၭ အဎွ့ၩမွဲစ့ၩအၡက့လၭယဲဆံၫလီၫ.- အ့ၪ အီၪက့ၪဆံၫ့ဎံၪ အဆံၬၥံၪနၩၥံၪ လၧယုဘလံၫ အနံၪ့
18 တၭ,ဘဲၫနအီၪက့ၪအဎွ့ၩအၥိၭနီၪ မိအီၪခၧၫ့လီၫ.- အ့ၪ အီၪက့ၪဆံၫ့ဎံၪအဆံၬ လၧယုဘလံၫအထီအလးခဲၫ့နီၪ တၭ, ၦလုဆၧလဂၩ ဘၪဝံထၪ့နၬထၪ့စ့ၩ လၧအဂး, ဘဲၫနံၪ့လၧအဂး, ဘဲၫနံၪ့လဖၪလၧအအီၪလၩ့ထး,ထီး ဒၪလ့ၬလၧယုဘလံၫအနံၪ့လီၫ. တၭမိဘၪဆၧထုၭခွံၬ
19 ဝ့ၫလၧနအီၪက့ၪအဎွ့ၩအဖၧၩ့လီၫ.- ၦလၧအအီၪက့ၪ ဆံၫ့ဎံၪဆံၬၥံၪနၩၥံၪနီၪ အ့ၪမိဎွ့ၩန့ထဲၩ့ဘၪအၥၭတၡါ တၭ,ဘၪအီၪက့ၪအၪထၪ့စ့ၩ လၧနအီၪက့ၪအဎွ့ၩယဲ
20 ပိၩ့လပိၩ့တၭ, မိလၩ့ထံးလၧအဂးလီၫ.- ၦအ့ၪလဎွ့ၩ န့ထဲၩ့ဘၪဆံၬမွဲဂ့ၩ, အ့ၪအၪ့ဆၫခွံၬ လၧဂူၫဂၩမွဲဂ့ၩ
21 တၭ,ၦဎွ့ၩန့ထဲၩ့လၧၩ့ဝ့ၫအ့ၬ.- အ့ၪမွဲထီးဆံၬနီၪအ့ၪ စဲၪ့ထၪ့လၧယုဘလံၫအထီတၭ, မိကဲၪထၪ့ဆၧဆံၫ့ဎံၪ လၧယဟိဝၩအဂး, ဘဲၫဆံၬလၧဆၧဆိၪလၩ့အၥၭလၧ အကၠီၩ့အၥိၭနီၪလီၫ. ၦလုဆၧလဂၩ မိန့ဘၪဝ့ၫလၧ အဂးလီၫ.
22 ဂၪ့ခိၪလဝၩ့လၧၦၡၩဎွ့ၩဝ့ၫလစီၪ့နီၪ အ့ၪမိအီၪက့ၪ ဆံၫ့ဎံၪဘၪအၥၭလၧယဟိဝၩအဂးတၭ, လမွဲဘၪဆၧ
23 လၧအန့ၥၫတၭ,- ၦလုဆၧလဂၩ ဘၪဝံထၪ့နၬထၪ့အ ဎွ့ၩလၧနအီၪက့ၪထီၩ့လၧယုဘလံၫအနံၪ့တၭ, ဘၪဖ့ၪ လၫ့အဎွ့ၩ လၧနအီၪက့ၪဆၧလၧမုလနံၩလၧဆၧဆံၫ့ဎံၪ
24 လၧယဟိဝၩအဂးလီၫ.- တၭလၧယုဘလံၫအနံၪ့နီၪ ဂၪ့ခိၪလဝၩ့နီၪမိထဲၩ့ထဲၩ့လၧၦလၧအဎွ့ၩဝ့ၫလၧၦလၧ
25 အမွဲဂၪ့ခိၪနီၪအဆၧဖီၪ့ထၬလီၫ.- တၭနအီၪက့ၪအဎွ့ၩ ထီးအလူၬနီၪ မိဘၪဘဲၫဆၧအလးဆံၫ့ဎံၪ အၡက့လၭ အၥိၭနီၪလီၫ. ဂ့ရၫနံၫဆံၫနီၪ မွဲလၡက့လၭ ဎလဘၭၭ
26 လီၫ.- အ့ၪမွဲဆၧဖိၪဆၧဎါအဝဲၡါ လၧအမွဲယဟိဝၩ အဆၧဝဲၡါနီၪ, ၦၡၩအီၪက့ၪဆံၫ့ဎံၪဘၪနးဂၩအ့ၬ. ချီ မွဲဂ့ၩ, ၥိၪမွဲဂ့ၩ, ဘ့ၪမွဲဂ့ၩ, မွဲယဟိဝၩအဆၧလီၫ.
27 အ့ၪမွဲဆၧဖိၪဆၧဎါလဆံၫ့ဘၪတၭ, ထီးနီၪလဖၧၫ့မွဲ အမိဘၪဎွ့ၩန့ထဲၩ့ဝ့ၫ ဘဲၫနအီၪက့ၪအဎွ့ၩ အၥိၭနီၪ, ဒဲမိဘၪအီၪက့ၪအၪထၪ့ ယဲပိၩ့လပိၩ့နီၪလီၫ. တၭအ့ၪ လဎွ့ၩန့ထဲၩ့ဘၪနီၪ, ဘၪအၪ့ဆၫခွံၬဝ့ၫ, ဘဲၫနအီၪက့ၪ အဎွ့ၩအၥိၭနီၪလီၫ.
28 မွဲလါနၫ့ဆၧလၧၦၡၩဆိၪလၩ့အၥၭ အီၪက့ၪဝ့ၫလၧ ယဟိဝၩအဂး, လၧကယဲဆၧဖိၪဆၧလံၩအကျၩ, ၦၡၩ ဒဲဆၧဖိၪဆၧဎါ, ဒဲဆံၬၥံၪနၩၥံၪ လၧအမွဲအဆၧဒၪဝ့ၫ တၭ,ဆၧအၪ့ဆၫခွံၬဘၪအ့ၬ. ဆၧဎွ့ၩန့ထဲၩ့ဘၪဝ့ၫနး မံၩ့အ့ၬ. ကယဲဆၧလၧၦဆိၪလၩ့အၥၭတၭ အီၪက့ၪဝ့ၫ
29 နီၪ, မွဲဆၧဆံၫ့ဎံၪထုၬလၧယဟိဝၩအဂးလီၫ.- ဆၧ လၧၦၡၩအီၪက့ၪဝ့ၫ လၧဆၧဆိၪလၩ့အၥၭအကၠီၩ့နီၪ, ၦၡၩဎွ့ၩန့ထဲၩ့ဘၪနးဂၩအ့ၬး မိဘၪမၩၥံၫတၡါဝ့ၫလီၫ.
30 ဂၪ့ခိၪအဆၧချံၫမွဲဂ့ၩ,ၥံၪ့အၥၪမွဲဂ့ၩ, ကယဲဆၧဘၪ ဆဲၫ့လၧဂၪ့ခိၪဆံၫပိၩ့လပိၩ့နီၪ မွဲယဟိဝၩအဆၧလီၫ.
31 မွဲဆံၫ့ဎံၪလၧယဟိဝၩအဂးလီၫ.- ၦၡၩအ့ၪဎွ့ၩန့ထဲၩ့ အဆၧဆံၫပိၩ့လပိၩ့လမံၩ့မံၩ့တၭ, မိဘၪအီၪက့ၪအၪ
32 ထၪ့လၧအနီၪယဲပိၩ့လပိၩ့လီၫ.- တၭကယဲချီဆံၫဒုၩမွဲ ဂ့ၩ, ၥိၪဒဲဘ့ၪဆံၫဒုၩမွဲဂ့ၩ, ထီးဒၪဆၧလၧအလ့ၩဝ့ၫ လၧနိၪထိၭဘီၩ့အဖၫ့လၬ ထီးအလူၬ, ဆံၫဒုၩလဒုၩမိ
33 ကဲၪထၪ့ဆၧဆံၫ့ဎံၪလၧယဟိဝၩအဂးလီၫ.- မွဲအဂ့ၩ ဧၪ,မွဲအအၧၩ့ဧၪနီၪ, အၪ့ဎၬဘၪအ့ၬ. အ့ၪအၪ့လဲၩ ဝ့ၫတၡါတၭ, အဝ့ၫနီၪဒဲဆၧလၧအအၪ့လဲၩလၧအလး နီၪမိကဲၪထၪ့ဆၧဆံၫ့ဎံၪလီၫ. ဆၧဎွ့ၩန့ထဲၩ့ ဘၪဝ့ၫ အ့ၬ.
34 ဆၧလဖၪနီၪမွဲဆၧမၪလူၬလဖၪ လၧယဟိဝၩမၪလူၬ စမိစ့ၭ လၧၦအံၫစရ့လၭဖိၪအဂး လၧခိၪလီၩ့စဲနၫအ လီၩ့နီၪလီၫ.