25
(၅မိ ၥ၅:ၥ-ၥၥ).
1 ယဟိဝၩချဲၩ့ဆၧလၧစမိစ့ၭ လၧခိၪလီၩ့စဲနၫအလီၩ့
2 တၭ, စံၭဝ့ၫဒၪ,- ချဲၩ့ဆၧလၧၦအံၫစရ့လၭဖိၪတၭ, စံၭ အဝ့ၫၥံၪ, ထီးနၥံၪဂဲၫနုၬလၧခး လၧယဖ့ၪလၫ့နၥံၪနီၪ တၭ,ဂၪ့ခိၪဘၪအီၪပွံၭမးၥံၫ လၧယဟိဝၩအဂးလီၫ.
3 ဎူၫနံၪ့နီၪနမိဎွံၪဘၪဆၧလၧနဆံၬဖၧၩ့, ဒဲဎူၫနံၪ့နီၪ နမိ ဖ့ၬခိၫဆံၫ့ထၪ့ဘၪနစဘံၭမုအလး, ဒဲအၪ့ထုၫ့ကီၪ့အၥၪ
4 လီၫ.- အ့ၪမွဲနွ့ၫနံၪ့လနံၪ့နီၪ မိကဲၪထၪ့ဆၧအီၪပွံၭအ မးၥံၫလၧဂၪ့ခိၪအဂး, မးၥံၫလၧယဟိဝၩအဂးလီၫ. ဎွံၪဆၧလၧနဆံၬဖၧၩ့လဂ့ၩ, ဒဲဖ့ၬခိၫဆံၫ့နစဘံၭမု အ
5 လးလဂ့ၩ.- ဆၧလၧအမဲၪထၪ့ဒၪဆၧလၧနကူၭဘုၪအ လးနီၪနကူၭဘၪအ့ၬ, ဒဲနစဘံၭမုလၧနအီၪက့ၪလၩ့မဲၩ ဒၪဆၧနီၪနအၪ့မၩဘၪအၥၪအ့ၬ. မွဲဆၧအီၪပွံၭလၧနံၪ့
6 လၧဂၪ့ခိၪအဂးလီၫ.- တၭဂၪ့ခိၪအမးၥံၫနီၪကဲၪထၪ့ ဆၧအၪ့လၧနၥံၪအဂး, ဒဲလၧနဎီးခွၫအဂး, ဒဲလၧနဎီးမုၪ အဂး, ဒဲလၧနၡၩဒိၭအၪ့လံၩ့အၥၭအဂး, ဒဲၦလခီၫဘၩ့
7 မုးဖိၪလၧအအီၪလၧနၥိၭအဂး,- ဒဲလၧဆၧဖိၪဆၧဎါ အဒိၩ့အဂး, ဒဲဆၧဖိၪဆၧဎါအမံၩ့ လၧနခးဖၧၩ့အဂး နီၪ, ဆၧမဲၪထၪ့လဖၪ မိကဲၪထၪ့အဆၧအၪ့လီၫ.
8 နဘၪဝံထၪ့နၬထၪ့ နွ့ၫမးၥံၫအနံၩ လဖၪအနံၪ့ၥံၪ, နွ့ၫနံၪ့နွ့ၫဘျၩ့လီၫ. တၭမးၥံၫနွ့ၫမးၥံၫ အမုနံၩလဖၪ
9 နီၪမိကဲၪထၪ့လံဆံၫခွံၫနံၪ့လၧနဂးလီၫ.- တၭလၧလၩ နွ့ၫဘံၪ့လဘံၪ့ လၩထၪ့ဆံၫနံၩ လနံၩနီၪ နဘၪဒုၭၥီၫ ထၪ့ယုဘလံၫအခွ့ၩၥီၫဖၭဒိၪတၭး လၧဆၧမၩဖီၩ့ဖျ့ၭ အမုလနံၩနီၪ နဘၪဒုၭဂၧၫ့ထၪ့ၥၩလၩ့ ခွ့ၩအၥီၫ လၧ
10 နၥံၪအခးဎံၩ့ဎံၩ့လ့ၬလီၫ.- နံၪ့ယဲဆံၫအနံၪ့လနံၪ့နီၪန ၥံၪဘၪအီၪက့ၪဆံၫ့ဎံၪ, ဒဲဒုၭဂၧၫ့ထၪ့ၥၩလၩ့ဆၧဖီၩ့ ဖျ့ၭလၧၦခးဖိၪထီးအလူၬအဂး လၧခးဖၧၩ့ထၧၫ့ခးယၫ လီၫ. မိကဲၪထၪ့ယုဘလံၫ လၧနၥံၪအဂးတၭ, နၥံၪမိ ထဲၩ့ထဲၩ့လဂၩ လၧနၥံၪအဆၧန့ၥၫဆုၬဆုၬ, ဒဲနၥံၪမိ ထဲၩ့ထဲၩ့လဂၩ လၧအဂံၪ့ဒီၪ့ဖိၪအအီၪ ဆုၬဆုၬလီၫ.
11 ဆၧလၧနံၪ့ယဲဆံၫအနံၪ့လနံၪ့နီၪ မိကဲၪထၪ့ယုဘလံၫ လၧနၥံၪအဂးလီၫ. နၥံၪဎွံၪဘၪဆၧအ့ၬ. ဒဲနၥံၪကူၭ ဘၪဆၧလၧအမဲၪထၪ့ဒၪဆၧအ့ၬ. ဒဲအၪ့ထုၫ့ကီၪ့ဘၪန
12 စဘံၭမုအၥၪလၧနအီၪက့ၪလၩ့မဲၩဒၪဆၧအ့ၬ.- အဂဲး ဘဲၫယီၩ မွဲယုဘလံၫအထီလီၫ. မိဘၪကဲၪထၪ့ ဆၧ ဆံၫ့ဎံၪလၧနၥံၪအဂးလီၫ. နၥံၪဘၪအၪ့အဆၧမဲၪထၪ့
13 လၧဆၧပျၩ့ဖၧၩ့လီၫ.- လၧယုဘလံၫအနံၪ့နီၪ နၥံၪမိ ထဲၩ့ထဲၩ့လဂၩလၧအဆၧန့ၥၫ, လဂၩလၧအဆၧန့ၥၫ
14 ဆုၬဆုၬလီၫ.- နအ့ၪအၪ့ဆၫခွံၬ ဆၧလမံၩ့မံၩ့ဒဲၦလၧန နဲၩ့ထံၭမွဲဂ့ၩ, နအ့ၪဎွ့ၩဆၧလၧၦလၧနနဲၩ့ထံၭအစူၪ ဖၧၩ့မွဲဂ့ၩ, နၥံၪမၩၡၪ့မၩနၭလိၬဘၪနၥံၪအၥၭလဂၩဒဲ
15 လဂၩအ့ၬ.- ဘဲၫနံၪ့ဖီၩ့ခွံၬ ယုဘလံၫအထီ အဆၧဝံ ဆၧနၬအလးခဲၫ့အၥိၭနီၪ, နဘၪဎွ့ၩဆၧလၧၦလၧနနဲၩ့ ထံၭလီၫ. ဘဲၫနံၪ့လၧအဆၧၥၪအီၪအဆၧဝံ ဆၧနၬအ
16 ၥိၭနီၪ, မိဘၪအၪ့ဆၫဆၧလၧနၧၩလီၫ.- ထီးဒၪအနံၪ့ အၪဝ့ၫအၥိၭနီၪ နဘၪမၩအၪထၪ့အဎွ့ၩလီၫ. ဒဲထီးဒၪ အနံၪ့လၩ့ၡၩအၥိၭနီၪ နဘၪမၩလၩ့ၡၩအဎွ့ၩလီၫ. အ ဂဲးဘဲၫယီၩ ထီးဒၪဆၧဝံထၪ့နၬထၪ့ အဆၧၥၪအၥိၭနီၪ မွဲအအၪ့ဆၫဝ့ၫလၧနၧၩလီၫ.
17 နၥံၪမၩအၧၩ့လိၬဘၪနၥံၪအၥၭလဂၩ ဒဲလဂၩအ့ၬ. တၭနဘၪၥၭမဲၪနယွၩလီၫ. အဂဲးဘဲၫယီၩ ယဝ့ၫဒၪ ယီၩယမွဲယဟိဝၩ နၥံၪအယွၩလီၫ.
18 နၥံၪအ့ၪမၩယၥနိၫလဖၪ ဒဲထီးန့ယဆၧစ့ၩရၫ့လဖၪ
19 ဒဲမၩဝ့ၫတၭး နၥံၪမိအီၪလၧခးဖၧၩ့နီၪခၧၫ့ခၧၫ့လီၫ.- တၭ ဂၪ့ခိၪမိဖ့ၪလၫ့အဆၧၥၪတၭ, နၥံၪမိဘျဲၩအၪ့ဒဲနၥံၪမိအီၪ လၧအဖၧၩ့ခၧၫ့ခၧၫ့လီၫ.
20 တၭနွ့ၫနံၪ့လနံၪ့နီၪ ပမိအၪ့နီၫလဲၪနီၫလဲၪနီၪ, ယိခွါ, ပဎွံၪဘၪဆၧအ့ၬး ဒဲပအၪ့ထုၫ့ဘၪ အဆၧၥၪထၪ့နီၪ
21 အ့ၬး နၥံၪအ့ၪစံၭတၭ,- ယမိမၪလူၬယဆၧဆိၪဂ့ၩလၧ နၥံၪအလီၩ့လၧဎူၫနံၪ့လနံၪ့အထးဖၧၩ့တၭ, မိၥၪထၪ့
22 လၧၥၧၫ့နံၪ့အဂးလီၫ.- တၭဎိၭနံၪ့လနံၪ့နီၪနၥံၪဘၪဎွံၪ ဆၧဒဲအၪ့ဆၧၥၪလးလံၩ ထီၩ့လၧခွံၫနံၪ့လနံၪ့, ထီးအ ဆၧလချႃၭၥၪထၪ့ဒံၭဘၪတၭ, နၥံၪမိအၪ့ဘၪအလး လံၩလီၫ.
23 ဂၪ့ခိၪဘၪဆၧအၪ့ဆၫလၩ့ဝ့ၫ အဆိၩအကၠၪအ့ၬ. အဂဲးဘဲၫယီၩ ဂၪ့ခိၪနီၪမွဲယဆၧလီၫ. တၭနၥံၪမွဲၦလ
24 ခီၫဘၩ့မုးဖိၪ, ဒဲၦမွံၩလၧယမ့ၬယၫလီၫ.- တၭလၧဂၪ့ ခိၪလၧနၥံၪန့ဘၪထၧၫ့ဘံၪ့ယၫနီၪ, နၥံၪမိဘၪဖ့ၪလၫ့
25 ၦဎွ့ၩန့ထဲၩ့အဂၪ့ခိၪလီၫ.- နထၧၫ့ဖုဝဲလဂၩအ့ၪလၩ့ ၡၪ့,ဒဲအၪ့ဆၫယူၭအဆၧန့ဘၪနီၪ, အဘူၭအထံးလဂၩ ဂၩအ့ၪဎွ့ၩန့ထဲၩ့ဆၧနီၪ ဘၪဎွ့ၩန့ထဲၩ့ဆၧလၧအထၧၫ့
26 ဖုဝဲအၪ့ဆၫခွံၬဝ့ၫလီၫ.- တၭၦလဂၩနီၪအၡၩဎွ့ၩန့ထဲၩ့ ဆၧအ့ၪလအီၪဘၪ, ဒဲအနၫ့ဆါဎွ့ၩန့ထဲၩ့အ့ၪၥ့ၪတၭး
27 ထီးနီၪလဖၧၫ့ လၧအအၪ့ဆၫဆၧလံၩလံၩနီၪ, မွဲအဝံ ထၪ့အနံၪ့အလၩ, ဒဲလၧဆၧအၪထၪ့ဒံၭအဂးနီၪ, မွဲအ ဖ့ၪလၫ့ထဲၩ့ၦၡၩ လၧအအၪ့ဆၫဒၪဆၧလၧအဝ့ၫ, ဘဲၫ
28 ၥိၭအဝ့ၫဒၪမိန့ဘၪထဲၩ့ အဆၧဖီၪ့ထၬနီၪဆံၭ.- ဆၧအ ကြၨၭအဘၪလၧအမိဖ့ၪလၫ့ဝ့ၫနီၪ, မၩဝ့ၫအ့ၪလၥ့ၪဘၪ တၭ, ထီးနီၪလဖၧၫ့ ဆၧလၧအဘၪဆၧအၪ့ဆၫခွံၬဝ့ၫ နီၪမိအီၪ လၧၦလၧအဎွ့ၩဝ့ၫအစူၪဖၧၩ့ ထီးယုဘလံၫ အနံၪ့လီၫ. တၭလၧယုဘလံၫအနံၪ့နီၪ မိစဲၪ့ထၪ့ခွံၬ တၭ, ၦလဂၩမိန့ဘၪထဲၩ့အဆၧဒၪဝ့ၫလီၫ.
29 ၦအ့ၪအၪ့ဆၫခွံၬ ၦအီၪဝ့ၫအဂံၪ့လဖျိၪ့ လၧဒိၩ့အီၪ လၧအခိၪဒၧၩ့အဖၧၩ့တၭ, လၧအအၪ့ဆၫဝ့ၫအလးခဲၫ့ ထၧၫ့နံၪ့ယၫနီၪဆၧအ့ၪဖ့ၪအဎွ့ၩန့ထဲၩ့ဝ့ၫလီၫ. ထၧၫ့ နံၪ့ယၫအထးဖၧၩ့နီၪ ဆၧအ့ၪဖ့ၪအဎွ့ၩန့ထဲၩ့ဝ့ၫလီၫ.
30 အ့ၪလဎွ့ၩန့ထဲၩ့ဘၪ လၧထၧၫ့နံၪ့ယၫအထးဖၧၩ့တၭ, ထီးနီၪလဖၧၫ့ဂံၪ့လၧအအီၪလၧဒိၩ့အီၪ လၧအခိၪဒၧၩ့ လဖျိၪ့အဖၧၩ့မိအီၪဂုးအီၪခၧၫ့လၧၦလၧအဎွ့ၩန့ဝ့ၫလၩ့ လၧအဆၨၩအဆၬ လဆိၩဘၪ လဆိၩလီၫ. စဲၪ့ထၪ့
31 ဘၪလၧယုဘလံၫအနံၪ့အ့ၬ.- အ့ၪမွဲဂံၪ့ၥံၪဎၫ့ၥံၪ အီၪဝ့ၫလၧတဝၩ့လၧအခိၪဒၧၩ့ဝၬဖီၩ့ဝ့ၫလအီၪဘၪလ ဖၪနီၪဆၧမိဘၪအီၪက့ၪဝ့ၫ ဘဲၫဆံၬၥံၪနၩၥံၪလၧခီၫ့အ ၥိၭနီၪလီၫ. ဆၧဖ့ၪၦဎွ့ၩန့ထဲၩ့ဝ့ၫတၭ, မိစဲၪ့ထၪ့လၧ
32 ယုဘလံၫအနံၪ့လီၫ.- မွဲလါနၫ့ ၦလံဝဲၫဖိၪအဒိၩ့လ ဖၪနီၪ, ဒဲအဝ့ၫၥံၪအဂံၪ့အဎၫ့ လၧအဒိၩ့လၧအကဲၪထၪ့ အဆၧဖီၪ့ထၬနီၪ ဆၧဖ့ၪၦလံဝဲၫဖိၪဎွ့ၩန့ထဲၩ့ထီးဒၪအ
33 ဆၧၫ့အထီဘၪလီၫ.- တၭၦအ့ၪဎွ့ၩန့ဆၧလၧၦလံဝဲၫ ဖိၪ,အဂံၪ့လၧဆၧအၪ့ဆၫဝ့ၫ, ဒဲဒိၩ့လၧအကဲၪထၪ့အ ဆၧဒၪဝ့ၫ မိဘၪစဲၪ့ထၪ့ခွံၬ လၧယုဘလံၫ အထီလီၫ. အဂဲးဘဲၫယီၩ, ဂံၪ့ၥံၪဎၫ့ၥံၪလၧၦလံဝဲၫဖိၪအဒိၩ့ဖၧၩ့ နီၪမွဲအဆၧဒၪဝ့ၫ လၧၦအံၫစရ့လၭဖိၪအကျၩလီၫ.
34 အဆံၬအနၩ လၧအဒိၩ့နဲၩ့လဖၪနီၪ ဘၪဆၧအၪ့ဆၫ ခွံၬဝ့ၫအ့ၬ. အဂဲးဘဲၫယီၩ မွဲအဝ့ၫၥံၪအဆၧဒၪဝ့ၫအဆိၩ အကၠၪလီၫ.
35 တၭနထၧၫ့ဖုဝဲအ့ၪလၩ့ၡၪ့, ဒဲအစူၪအ့ၪလၩ့ဆါနီၪ, မွဲၦလခီၫဘၩ့မုးဖိၪမွဲဂ့ၩ, ၦမွံၩမွဲဂ့ၩတၭ, ဘဲၫၥိၭအမိ အီၪလၧနၥိၭ, နဘၪဒုၭဆီၪ့ထၪ့ အဂဲးအဘၭလီၫ.
36 စ့ၩအအ့ၪမွဲဂ့ၩ, ဆၧအၪထၪ့မွဲဂ့ၩ, မၩန့လၧအဝ့ၫလ ဂ့ၩ,ၥၭမဲၪယွၩ, ဒဲဒုၭမၧၫ့ထၪ့နထၧၫ့ဖုဝဲလၧနၥိၭဆံၭ.
37 ထီးဒုၭအၪ့လီးအဝ့ၫလၧနစ့ၩ လၧဆၧအအ့ၪအဂးလ ဂ့ၩတၭ, နဘၪဖ့ၪဝ့ၫလၧနဆၧအၪ့လၧဆၧအၪထၪ့အ
38 ဂးအ့ၬ.- ယဝ့ၫဒၪယီၩယမွဲယဟိဝၩ နၥံၪအယွၩလၧ အဒုၭစဲၪ့ထၪ့ခွံၬနၥံၪ လၧခးအံဇံၭအဖၧၩ့, ဘဲၫၥိၭယ မိဖ့ၪလၫ့နၥံၪ လၧခးကၫနအၫ့ ဒဲကဲၪထၪ့နၥံၪအယွၩ လီၫ.
39 နထၧၫ့ဖုဝဲလၧနနဲၩ့ထံၭအ့ၪလၩ့ၡၪ့, ဘၪဆၧအၪ့ ဆၫဝ့ၫလၧနစူၪဖၧၩ့တၭ, နအၪ့မၧၫ့ဘၪအမၩနဎီးနၡၩ
40 အဆၧအ့ၬ.- အ့ၪမွဲဘဲၫၦဒိၭအၪ့လံၩ့အၥၭအၥိၭနီၪ, ဘဲၫၦမွံၩအၥိၭနီၪ မိဘၪအီၪလၧနၥိၭလီၫ. မိမၩနဆၧ
41 ထီၩ့လၧယုဘလံၫအနံၪ့လီၫ.- ထီးနီၪလဖၧၫ့ မိစဲၪ့ ထၪ့ဘၪလၧနအီၪ, အဝ့ၫနီၪဒဲအဖိၪအလံၩအီၪလၧအ ၥိၭတၭ, မိထဲၩ့ထဲၩ့ဘၪလၧအၡၩအဂံၪ့ဒီၪ့ဒၪဝ့ၫအအီၪ, ဒဲအဖါလဖၪ အဆၧဖီၪ့ထၬ အအီၪနီၪမိထဲၩ့ထဲၩ့ဘၪ
42 ထီးနီၪလီၫ.- အဂဲးဘဲၫယီၩအဝ့ၫၥံၪနီၪ မွဲယခ့ၫယ ၡၩလၧယဒုၭစဲၪ့ထၪ့ခွံၬ လၧခးအံဇံၭအဖၧၩ့နီၪလီၫ. ဘၪဆၧအၪ့ဆၫခွံၬဝ့ၫ ဘဲၫဆၧအဎီးအၡၩ အၥိၭနီၪ
43 အ့ၬ.- နအၪ့မၧၫ့ဘၪလၧနစူၪဆီၪ့နခၪ့ဆီၪ့အ့ၬ. အ့ၪမွဲ
44 နဘၪၥၭမဲၪနယွၩလီၫ.- နဎီးခွၫလဖၪ, ဒဲနဎီးမုၪလဖၪ လၧအမိအီၪဘၪအၥၭ လၧနစူၪဖၧၩ့နီၪ မိမွဲၦဆၨၩလ ဖၪအဖိၪလၧအအီၪဝၬဖီၩ့နၥံၪလီၫ. နၥံၪမိန့ဘၪဎီးခွၫ,
45 ဒဲဎီးမုၪလၧအဝ့ၫၥံၪလီၫ.- နၥံၪမိန့ဘၪဆ့လၧၦဆၨၩ ဂူၫဂၩလဖၪအဖိၪလၧအအီၪဝ့ၫ လၧနၥံၪအကျၩ, ဒဲလၧ အဂံၪ့ဒီၪ့ဖိၪ လၧအအီၪလၧနၥံၪအကျၩ, လၧအထၪ့ဖိၪ လၧနၥံၪအခးဖၧၩ့တၭ, မိကဲၪထၪ့ဝ့ၫလၧနၥံၪအဆၧ
46 လီၫ.- တၭနၥံၪမိန့ၥၫအဝ့ၫၥံၪ လၧနၥံၪအဖိၪအလံၩအ ဂးလၧနၥံၪအလးခဲၫ့နီၪ, ဘဲၫၥိၭအမိန့ၥၫဝ့ၫလၧအဆၧ ဒၪဝ့ၫအဆိၩဆိၩအကၠၪကၠၪလီၫ. အ့ၪမွဲနၥံၪအထၧၫ့ ဖုဝဲၦအံၫစရ့လၭဖိၪယီၩ နၥံၪပၧၩ့လိၬဘၪနၥံၪအၥၭ ဆုၬဆုၬလၧနၥံၪအစူၪဆီၪ့အ့ၬ.
47 ၦလခီၫဘၩ့မုးဖိၪမွဲဂ့ၩ, ၦမွံၩမွဲဂ့ၩ,အ့ၪထူၭထၪ့လၧၫ့ ထၪ့လၧနၥံၪအနဲၩ့ထံၭတၭ, နထၧၫ့ဖုဝဲအီၪလၧအနဲၩ့ ထံၭအ့ၪၡၪ့လၩ့ ဒဲဘၪအၪ့ဆၫခွံၬအၥၭ လၧၦလခီၫ ဘၩ့မုးဖိၪမွဲဂ့ၩ, ၦမွံၩမွဲဂ့ၩ, လၧၦလခီၫဘၩ့မုးအဂံၪ့
48 ဒီၪ့ဖိၪမွဲဂ့ၩ, အီၪလၧနနဲၩ့ထံၭတၭ,- အၪ့ဆၫလၩ့ခွံၬ အၥၭအလးခဲၫ့နီၪ, ဆၧဎွ့ၩန့ထဲၩ့ဝ့ၫၥ့ၪဒံၭလီၫ. အထၧၫ့
49 ဖုဝဲလဂၩဂၩမိဎွ့ၩန့ထဲၩ့ဘၪဝ့ၫလီၫ.- အမၩ့မွဲဂ့ၩ, အ မၩ့အဖိၪခွၫမွဲဂ့ၩ, မိဎွ့ၩန့ထဲၩ့ဘၪဝ့ၫလီၫ. အဘူၭအ ထံးလၧအဒီၪ့ဒၪဝ့ၫ လဂၩဂၩ မိဎွ့ၩန့ထဲၩ့ဘၪဝ့ၫလီၫ. အနၫ့ဆါမၩဝ့ၫအ့ၪၥ့ၪနီၪ မိဎွ့ၩန့ထဲၩ့လၩ့ဒၪအၥၭလီၫ.
50 မိဘၪဝံထၪ့နၬထၪ့ဆၧလၧ ၦလၧအဎွ့ၩန့အဝ့ၫလၧအ နံၪ့လၧအအၪ့ဆၫခွံၬအၥၭနီၪ ထီၩ့လၩ့လၧယုဘလံၫ အနံၪ့တၭ, အဆၧဎွ့ၩအစ့ၩနီၪ မိမွဲဘဲၫအနံၪ့အလၩအ ၥိၭနီၪလီၫ. မိမၩအၥၭဘဲၫၦဒိၭအၪ့လံၩ့အၥၭအမုနံၩ
51 လဖၪအၥိၭနီၪလီၫ.- အ့ၪအီၪဒံၭ အၪနံၪ့တၭး ဘဲၫ အဝ့ၫၥံၪအၥိၭနီၪ မိဘၪဖ့ၪအဆၧဎွ့ၩန့ထဲၩ့အဎွ့ၩလၧ
52 စ့ၩအဖၧၩ့လၧဆၧဎွ့ၩဝ့ၫအဂးလီၫ.- အ့ၪအီၪဒံၭၡၩ နံၪ့ထီၩ့လၧယုဘလံၫအနံၪ့တၭ, ဘၪဝံထၪ့နၬထၪ့ဆၧ လၧအဝ့ၫတၭ, ဘဲၫအနံၪ့အီၪဝ့ၫအၥိၭနီၪမိဘၪဖ့ၪထဲၩ့
53 အဆၧဖ့ၪထဲၩ့ အဎွ့ၩလီၫ.- ဘဲၫၦဒိၭအၪ့လံၩ့အၥၭ လၧလနံၪ့လနံၪ့အၥိၭနီၪ ဆၧမိမၩအၥၭလၧအဝ့ၫဒၪ တၭ,ပၧၩ့ဘၪဝ့ၫလၧအစူၪဆီၪ့အခၪ့ဆီၪ့ လၧနမ့ၬယၫ
54 အ့ၬ.- အ့ၪလဎွ့ၩန့ထဲၩ့ဘၪဝ့ၫ လၧဆၧလဖၪနီၪတၭ, မိစဲၪ့ထၪ့ခွံၬဝ့ၫ လၧယုဘလံၫအနံၪ့, အဝ့ၫနီၪ ဒဲအဖိၪ
55 အလံၩလီၫ.- အဂဲးဘဲၫယီၩ ၦအံၫစရ့လၭဖိၪမွဲဆၧ အခ့ၫအၡၩလၧယဂးလီၫ. အဝ့ၫၥံၪနီၪမွဲယခ့ၫယၡၩ လၧယဒုၭစဲၪ့ထၪ့ခွံၬ လၧခးအံဇံၭအဖၧၩ့လီၫ. ယဝ့ၫ ဒၪယီၩယမွဲယဟိဝၩ နၥံၪအယွၩလီၫ.