22
1-2 လီၩ ဘၪစအၫရၧၫ့ ဒဲအဖိၪခွၫလဖၪ, လၧအဘၪမၩလၩ့မု လၩ့ဖၭအၥၭ လၧၦအံၫစရ့လၭဖိၪအဆၧဆံၫ့ဎံၪ လ ဖၪ, ဘဲၫၥိၭအထီးမၩဘၪၥၭလိၪ ယမံၩ့ဆံၫ့ဎံၪ လၧ ဆၧလၧအဝ့ၫၥံၪ အီၪက့ၪဆံၫ့ဎံၪလၧယဂးလဂ့ၩလီၫ.
3 ယဝ့ၫဒၪယီၩယမွဲယဟိဝၩလီၫ.- စံၭအဝ့ၫၥံၪ,ထီးဒၪ ၦလၧနၥံၪအချံၫအၥၪ လၧနၥံၪအဆၨၩအဆၬအကျၩ, လၧအအီၪလၧအဆၧလဆံၫ့ဘၪ လၧအလီၩ့တၭ, လ့ၩ လၧဆၧဆံၫ့ဎံၪလဖၪ အအီၪလၧၦအံၫစရ့လၭဖိၪအီၪ က့ၪဆံၫ့ဎံၪလၧယဟိဝၩအဂးလဂၩဂၩနီၪ, မွဲအမိဘၪ ဆၧဒၪ့ထ့ၬခွံၬဝ့ၫလၧယမ့ၬယၫလီၫ. ယဝ့ၫဒၪယီၩယ
4 မွဲယဟိဝၩလီၫ.- ထီးဒၪၦလၧစအၫရၧၫ့အချံၫအၥၪအ ကျၩလဂၩဂၩနီၪ, မွဲၦခံၫထူၬ ဆၫအၧၩ့မွဲဂ့ၩ, အ့ၪအီၪ လၧဆၧယွၩလၩ့မွဲဂ့ၩ, ဘိၩ့အလချႃၭဆံၫ့ထၪ့ဒံၭဘၪ တၭ,အၪ့ဘၪဆၧဆံၫ့ဎံၪလဖၪအ့ၬ. တၭထီးဒၪၦလၧ အထိၭဘၪဆၧလဆံၫ့ဘၪဆၧၥံၫမွဲဂ့ၩ, ၦလၧအချံၫစဲၪ့
5 ထၪ့ခွံၬလၧအဖၧၩ့မွဲဂ့ၩ,- တၭၦလၧအထိၭဘၪဆၧအ စွၩလမံၩ့မံၩ့ လၧအမၩ လဆံၫ့ဘၪမွဲဂ့ၩ, ၦလၧအမိ ဘၪဆၧလဆံၫ့ဘၪ လၧအဝ့ၫ, ထီးဒၪဆၧလဆံၫ့ဘၪ
6 လၧအအီၪလၧအဝ့ၫမွဲဂ့ၩ.- ၦလၧအထိၭဘၪဝ့ၫလဂၩ နီၪ, မိကဲၪထၪ့ဆၧလဆံၫ့ဘၪထီးမုဂၪလၩ့တၭ, အ့ၪ လၥူၫဝၭဆံၫ့ဘၪအယၪလၧထံၫတၭ, အၪ့ဘၪဆၧဆံၫ့
7 ဎံၪလဖၪအ့ၬ.- တၭထီးမုလၩ့နုၬနီၪ မိဆံၫ့ထၪ့, ဒဲမိ အၪ့ဘၪဆၧဆံၫ့ဎံၪ လဖၪလၧခဲၫ့ထဲၩ့လီၫ. အဂဲးဘဲၫ
8 ယီၩမွဲအဆၧအၪ့လီၫ.- ဆၧလၧအၥံၫဒၪဆၧ, ဒဲဆၧလၧ ဆၧအဲၪ့ၥံၫဝ့ၫနီၪ, ဘဲၫၥိၭအမိမၩၥၭလိၪအၥၭတၭ, မွဲ အထီးအၪ့လဂ့ၩ, ယဝ့ၫဒၪယီၩ ယမွဲယဟိဝၩလီၫ.
9 တၭအဝ့ၫၥံၪ မိဘၪထီးန့ယၥနိၫနီၪ, အ့ၪမၩကြၩ့ထမး ဝ့ၫတၭ, မိထိးဘၪခိၬဆၧဒဲၩဘၭ လၧအကၠီၩ့တၭ, ၥံၫ ဝ့ၫဒၪဘဲၫနီၪၥိၭလီၫ. ဆၧလၧယၧၩယဟိဝၩ ယီၩယ မၩဆံၫ့ဎံၪအဝ့ၫၥံၪလီၫ.
10 ၦလခီၫဘၩ့မုးဖိၪ အၪ့ဘၪဆၧဆံၫ့ဎံၪနီၪနးဂၩအ့ၬ. ၦလၧအအီၪဝ့ၫလၧၦလုဆၧအၥိၭမွဲဂ့ၩ, ၦဒိၭအၪ့လံၩ့
11 အၥၭမွဲဂ့ၩ, အၪ့ဘၪဆၧဆံၫ့ဎံၪနီၪဆ့အ့ၬ.- အ့ၪမွဲၦလု ဆၧလဂၩ အ့ၪဎွ့ၩၦလဂၩလၧအစ့ၩတၭ, အဝ့ၫဒၪမိ အၪ့ဘၪဝ့ၫလီၫ. ဒဲၦလၧအအီၪဖျဲၪလၧအဂံၪ့ဖၧၩ့လဖၪ
12 နီၪမိအၪ့ဘၪအဆၧအၪ့လီၫ.- ၦလုဆၧလဂၩအဖိၪမုၪ အ့ၪန့အဝၩလၧၦလခီၫဘၩ့မုးဖိၪတၭ, အၪ့ဘၪဆၧမၩ
13 ဘိၪ့ဆၧဆံၫ့ဎံၪနီၪဆ့အ့ၬ,- အ့ၪမွဲၦလုဆၧလဂၩအဖိၪ မုၪအ့ၪမဲၫမွဲဂ့ၩ, အ့ၪလၩ့ၡၪလၧအဝၩမွဲဂ့ၩ, အချံၫအ ၥၪလအီၪဘၪတၭ, အ့ၪထဲၩ့ထဲၩ့ လၧအဖါအဂံၪ့ဖၧၩ့ ဘဲၫလၧအၥၭဘၪ့ဒံၭအၥိၭနီၪ, မိအၪ့ဘၪအဖါအဆၧ
14 အၪ့လီၫ. အ့ၪမွဲၦလခီၫဘၩ့မုးဖိၪအၪ့ဘၪအ့ၬ.- ၦၡၩ အ့ၪအၪ့မၪဘၪဆၧဆံၫ့ဎံၪတၭ, ဘၪအီၪက့ၪအၪထၪ့ လၧဆၧယဲပိၩ့လပိၩ့တၭ, ဖ့ၪလၫ့ဎုၬလၧဆၧဆံၫ့ဎံၪနီၪ
15 လၧၦလုဆၧလဂၩနီၪလီၫ.- အဝ့ၫၥံၪမၩဘၪၥၭလိၪဘၪ ၦအံၫစရ့လၭဖိၪအဆၧဆံၫ့ဎံၪလဖၪ လၧအမၩဘိၪ့ယ
16 ဟိဝၩနီၪအ့ၬ.- တၭဒုၭထိးဘၪဝ့ၫလၧအဆၧဒဲၩဘၭ ဘၪဆဲၫ့လၧအဆၧမၩ လၧအအၪ့ဘၪအဆၧဆံၫ့ဎံၪလ ဖၪအကၠီၩ့နီၪဆ့အ့ၬ. အဂဲးဘဲၫယီၩ ဆၧလၧယၧၩ, ယ ဟိဝၩယီၩ ယမၩဆံၫ့ဎံၪ အဝ့ၫၥံၪလီၫ.
17 ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ, ချဲၩ့ထၪ့ လၧစအၫရၧၫ့ ဒဲအဖိၪခွၫလဖၪဒဲကယဲ ၦအံၫစရ့လၭ
18 ဖိၪထီးအလူၬတၭ, စံၭအဝ့ၫၥံၪ,- ထီးဒၪၦလၧၦအံၫစ ရ့လၭဖိၪအကျၩမွဲဂ့ၩ, လၧၦလခီၫဘၩ့မုးဖိၪလၧၦအံၫ စရ့လၭဖိၪအကျၩမွဲဂ့ၩ, လၧအမိမၩဘိၪ့ဆၧမၩ ဘိၪ့ ဘၪဆဲၫ့လၧအဆိၪလၩ့အၥၭလမံၩ့မံၩ့, ဆၧမၩဘိၪ့ဒၪ အဆၧလမံၩ့မံၩ့, လၧအမၩဘိၪ့ယဟိဝၩ လၧဆၧလု
19 မ့ၪအလးနီၪ,- ဘဲၫၥိၭအမိဘၪဆၧအၥၭတၭ, ဘၪမၩ ဘိၪ့ချီမွဲဂ့ၩ, ၥိၪမွဲဂ့ၩ, ဘ့ၪမွဲဂ့ၩ, ဆၧအဖၫ အလၧၫ့
20 အဎွ့ၩလဒုၩလီၫ.- အ့ၪမွဲဆၧလၧ အလလၧၫ့ လဎွ့ၩ ဘၪနီၪ, ထီးမၩဘိၪ့နးဒုၩလဂ့ၩ, အဂဲးဘဲၫယီၩ ဘၪ
21 ဆၧအၥၭလၧနၥံၪအဂးအ့ၬ.- တၭထီးဒၪ ၦလၧအမၩ ဘိၪ့ယဟိဝၩ လၧဆၧလုဘၪလိၬအိၭလိၬ, ဘဲၫၥိၭအ မိမၩတီၩအလူလၧအဆိၪလၩ့အၥၭမွဲဂ့ၩ, လၧအမိဖ့ၪ လၫ့ဒၪဝ့ၫမွဲဂ့ၩ, လၧချီမွဲဂ့ၩ,လၧၥိၪလၧဘ့ၪမွဲဂ့ၩ, မွဲအ ဘၪလၧၫ့ဎွ့ၩ ဘဲၫၥိၭအမိဘၪ ဆၧအၥၭတၭး ဆၧလ
22 လၧၫ့လဎွ့ၩဘၪမိအီၪလၧအလီၩ့အ့ၬ.- ဆၧလၧအမ့ၬ ဘျီၪမွဲဂ့ၩ, ဆၧအခါမွဲဂ့ၩ, အခၪ့ဂၭဂီၩ့မွဲဂ့ၩ, လၧအ ယၪထၪ့ဖျိၭမွဲဂ့ၩ, လၧဆၧဎၬအၪ့မွဲဂ့ၩး လၧအဖံၭအိၭ ဘျူၭလၩ့မွဲဂ့ၩ, နၥံၪမၩဘိၪ့ဘၪယဟိဝၩ လၧအဝ့ၫ အ့ၬ. နၥံၪလုထၪ့ဘၪဆၧလုမၩလၧမ့ၪ လၧအဝ့ၫၥံၪ
23 လၧဆၧလုလးအဖၫ့ခိၪ,လၧယဟိဝၩအဂးအ့ၬ.- ချီ ဖၫလဒုၩမွဲဂ့ၩ, ၥိၪဖိၪဘ့ၪဖိၪမွဲဂ့ၩ လၧအဆၧအၪလၨၪ, လမံၩ့မံၩ့မွဲဂ့ၩ, လၧအဆၧၡၩလၨၪ လမံၩ့မံၩ့မွဲဂ့ၩ, နမၩဘိၪ့ဘၪဝ့ၫ လၧနဆၧမၩဘိၪ့ ဒၪဆၧအဂးလီၫ. အ့ၪမွဲဆၧမၩဘိၪ့ဘၪဆဲၫ့ လၧဆၧဆိၪလၩ့အၥၭအဂး
24 နီၪဘၪဆၧအၥၭအ့ၬ.- ဆၧလၧအဘၪထဲးမွဲဂ့ၩ, ဘၪ ဆၧမၩလၩ့ဘျ့ၭမွဲဂ့ၩ, ဘၪခါမွဲဂ့ၩ, ဘၪဂ့ၬမွဲဂ့ၩ, နၥံၪ မၩဘိၪ့ဘၪယဟိဝၩအ့ၬ. ဒဲနၥံၪမၩဘိၪ့ဘၪလၧနၥံၪ
25 အခးဖၧၩ့ဆ့အ့ၬ.- တၭနၥံၪမၩဘိၪ့ဘၪနၥံၪအယွၩအ ကိၪလၧဆၧနီၪလမံၩ့မံၩ့ လၧၦလခီၫဘၩ့မုးဖိၪ အစူၪ အ့ၬ, အဂဲးဘဲၫယီၩ အဆၧအၧၩ့အီၪလၧအဖၧၩ့, အ လလၧၫ့လဎွ့ၩဘၪအီၪလၧအလီၩ့လီၫ. ဘၪဆၧအၥၭ လၧနၥံၪအဂးအ့ၬ. ယဟိဝၩချဲၩ့ဆၧလၧစမိစ့ၭတၭ,စံၭဝ့ၫဒၪ,
26-27 ချီဖၫ မွဲဂ့ၩ,ၥိၪမွဲဂ့ၩ, ဘ့ၪမွဲဂ့ၩ, ဖိၪဆါဝ့ၫတၭ, မိအီၪလၧအ မိအၥိၭနွ့ၫနံၩလီၫ. တၭလၧဎိၭနံၩလနံၩ ဒဲလၧယၫနီၪ မိဘၪဆၧအၥၭ လၧဆၧလုမၩလၧမ့ၪ လၧယဟိဝၩအ ဂးလီၫ.
28 ချီမိမွဲဂ့ၩ, ၥိၪမိမွဲဂ့ၩ, ထီးမၩၥံၫ ဒဲအဖိၪနံၫဒုၩလူၬ လၧမုလနံၩဎးလဂ့ၩး
29 ထီးနၥံၪလုထၪ့ဆၧစံၭထၪ့အၪ့အူၭ အဆၧလုလၧယ ဟိဝၩအဂးတၭ, လုထၪ့ဘဲၫအဘၪဆၧအၥၭအၥိၭနီၪ ဆံၭ.
30 နၥံၪဘၪအၪ့ဝ့ၫလၧမုလနံၩဎးလီၫ. နၥံၪအီၪက့ၪထး ဘၪဆၧထီးဆၧဖၩ့ထၪ့နးဆံၭအ့ၬ. ယဝ့ၫဒၪယီၩယမွဲ ယဟိဝၩလီၫ.
31 တၭနၥံၪဘၪထီးန့ယဆၧမၪလူၬလဖၪ, ဒဲမၩအဝ့ၫ ၥံၪလီၫ. ယဝ့ၫဒၪယီၩယမွဲယဟိဝၩလီၫ.
32 ထီးချဲၩ့အၧၩ့ယမံၩ့ဆံၫ့ဎံၪလဂ့ၩ, ယမိထိးဆၧအီၪ က့ၪဆံၫ့ဎံၪယၧၩ လၧၦအံၫစရ့လၭဖိၪ အကျၩလီၫ. ယဝ့ၫဒၪယီၩယမွဲယဟိဝၩ လၧအမၩဆံၫ့ဎံၪထၪ့နၥံၪ.
33 လၧအဒုၭစဲၪ့ထၪ့ခွံၬနၥံၪ လၧခးအံဇံၭဘဲၫၥိၭယမိကဲၪ ထၪ့နၥံၪအယွၩလီၫ. ယဝ့ၫဒၪယီၩ ယမွဲယဟိဝၩလီၫ.