4
1 ထီၫ့ၥံၪလွ့ၫၥံၪနီၪထၪ့အ့ၪဆံၭအၪလဲၪၬ ထီၫ့အဆံၫ့ ထုၬအၪ့လဲၩထဲၩ့အၥၭဆံၭအၪလဲၪၬ ဆၧအလးဆံၫ့ ဎံၪအလိးလဖၪ လၩ့ဎီးခွံၬလၧဖၧၩ့ၥၭကိၭဘီၩ့ဒ့ၭအ ခၪ့ထံၭနီၪလီၫ.
2 ဇံအိၫ့အဆၧလူဒိၪဎွ့ၩဒိၪအဖိၪခွၫလဖၪ လၧၦယိ ဎီၩ့ဝ့ၫလၧထီၫ့ဆံၫ့နီၪ, ၦၡၩအီၪက့ၪအဝ့ၫၥံၪ ဘဲၫဖၧၩ့ ဂၪ့ခိၪလၧၦကၧၩ့ဖၧၩ့လဂၩနီၪ အစူၪမၩဆၧအၥိၭနီၪ မၬကၨ.
3 ထွံၪဂၪ့ခိၪဒၪလ့ၬ ထုၭထၪ့အနူတၭ, ဒုၭအၪ့နူအဖိၪ လၧအနူထံၫလီၫ. ယၡၩခမျၧးအဖိၪမုၪ အၥၭနီၩ့ဘဲၫ ထိၪကလအူၭလၧမံၩ့လၬကျၩအၥိၭနီၪလီၫ.
4 ဖိၪၥၪလၧအအၪ့နူနီၪ အဖျ့ၩဘုၭထၬလၧအထၫချၭ လၧဆၧၥၭဝံအၥၭ လၧထံၫအကၠီၩ့လီၫ. ဖိၪဆံၭအၪ့ ကံၩ့ကိၪတၭ,ၦကံၪ့ဘျ့ၭဝ့ၫလၧအဂးအီၪအ့ၬ.
5 ၦလၧအအၪ့ဆၧအၪ့အွံၪ လဖၪနီၪ အီၪယူဝ့ၫလၧ ဖၧၩ့ၥၭဖၧၩ့, ၦလၧအဘၪဆၧလုအၪ့လုအီၩဒဲဒုၭကီၩ့ ဒုၭၥိၭလၧဆၧလုၭဖုၭ အဖၧၩ့လဖၪနီၪ ဖိၭဂိၫ့ဆၧအ့ၪ ပိၩ့လီၫ.
6 တၭယၡၩခမျၧးအဖိၪမုၪ ဘၪဆၧဒဲၩဘၭနီၪနၭနဲၪ့ ဒံၭစီဒၧၫ့ဘၪဆၧဒဲၩဘၭလီၫ. ဆၧမၩဂၭဂီၩ့ခွံၬဝ့ၫလၧ ဆၧလဆိဖိၪအထးဖၧၩ့နီၪ, ဆၧအစူၪပဒၩ့ဝ့ၫအီၪနးစီၪ့ အ့ၬ.
7 အၡၩနၭစရ့ၭဖိၪနီၪ, ယုၩ့ယဲနဲၪ့ဒံၭမူၭခိၪဖီၫတၭ, ဘွၩနဲၪ့ဆၧနူထံၫဒံၭလီၫ. အနၫ့ဆါဝီၩနဲၪ့ဒံၭထၫ့မျါဝီၩး အခံးအဂၩ့မၩအၥၭဘဲၫထၫ့မျါနံၩလၩအၥိၭနီၪလီၫ.
8 ဘိၩ့နဲၪ့ယီၩအခံးအဂၩ့ၥၧၫ့နဲၪ့ဒံၭဆၧၥၧၫ့, ၦၥ့ၪယၫ အဝ့ၫလၧဖၧၩ့ၥၭအ့ၬ. အဖံၭဘုၭထၬလၧအဎွံၪ, ဎဲၫ့ ထၬခွံၬဝ့ၫဘဲၫၥံၪ့ကၠၭအၥိၭနီၪလီၫ.
9 ၦလၧအဘၪဆၧမၩၥံၫဝ့ၫလၧဖၩ့ၥံၪနၭၥံၪနီၪ, ဂ့ၩနဲၪ့ ဒံၭၦလၧအဘၪဆၧမၩၥံၫဝ့ၫ လၧဆၧၥၭဝံလၩ့ဒိၩလီၫ. အဝ့ၫၥံၪယီၩဎွ့လၩ့ခွံၬ, ဂၭဂီၩ့ခွံၬလၧဂၪ့ခိၪအဆၧၥၪ လအီၪဘၪအကၠီၩ့လီၫ.
10 ၦမုၪလၧအယၫ့ၥၭဆၧလဖၪ အစူၪအၪ့ဎွံထၪ့အဖိၪ ဒၪဝ့ၫလီၫ. ကဲၪထၪ့ဝ့ၫအဆၧအၪ့ လၧယၡၩခမျၧးအ ဖိၪမုၪဂၭဂီၩ့ဝ့ၫအဘိၩ့ဘၭလီၫ.
11 ယဟိဝၩမၩလူၬခွံၬ အၥၭထၪ့ဂါလၩ့အၥၭခဲၩထၪ့း ဒဲဆူၭခဲၩထၪ့မ့ၪ လၧဇံအိၫ့အဖၧၩ့လၧအအၪ့ခွံၬအခၪ့ ထံၭလဖၪလီၫ.
12 ၦထၫ့ဒၩဝ့ၫ, ဒဲၦအဒုၪအဒၩမိလ့ၩနုၬလၧယရုစလံၫ့ အတရၫ့ၥံၪနီၪ,ဂၪ့ခိၪအစဎွၩ, ဒဲကယဲၦအီၪဝ့ၫလၧဂၪ့ ခိၪထီးအလူၬနီၪနဲၩဝ့ၫအ့ၬ.
13 လၧအမီၪအဆၧဒဲၩဘၭအကၠီၩ့, လၧအၦလုဆၧအ ဆၧမၪလၧအဂါလၩ့ ၦအတီၩအၥွံၪလၧဒိၩ့အၥၭကျၩ
14 အကၠီၩ့နီၪ,- လ့ၩဝ့ၫဘဲၫၦမ့ၬဘျီၪအၥိၭ လၧဖၧၩ့ၥၭ, ဘၪစံၪစၪဝ့ၫလၧဆၧၥွံၪ ထီးၦထိၭဘၪအဆဲၫ့ဘုၪ့အ့ၬ.
15 ၦကိၭထၪ့အဝ့ၫ,ၦစံၪစၪၥံၪဧ့, စဲၪ့ထၪ့ဆံၭ. စဲၪ့ထၪ့, စဲၪ့ထၪ့ဘီၪ.ထိၭဘၪလဂ့ၩ. ထီးအဝ့ၫၥံၪစဲၪ့ထၪ့ခွံၬ, ဒဲစဲၪ့ဝံၩ့ဝၩ့တၭ, ၦစံၭလၧၦဆၨၩလဖၪအကျၩ, အဝ့ၫ ၥံၪအီၪလၧၩ့ထီးနီၪအ့ၬ.
16 ယဟိဝၩအဆၧၥၭထၪ့ မၩလၩ့မုလၩ့ဖၭအဝ့ၫၥံၪး ယိလၩ့လၧၩ့အဝ့ၫၥံၪအ့ၬး ၦယိမ့ၬၦလုဆၧၥံၪအ့ၬ. ၦယၫ့ၥၭၦၥုၪ့က့ၭၥၭၡါၥံၪဆ့အ့ၬ.
17 အ့ၪမွဲပဝ့ၫဒၪ ပမ့ၬၥၪလူၬဒံၭဝ့ၫ လၧဆၧမၩဆၧၩ့ ပၧၩပျီၩပျီၩအကၠီၩ့း လၧပခိၭဆၧတၭ, ပယိလါယူၭ ၦလဆၨၩအဖၧၩ့ၥၭ လၧအထိးထဲၩ့တၩ့ထဲၩ့ပၧၩ ၥ့ၪ အ့ၬ.
18 အဝ့ၫၥံၪလီၩ့အၪ့ဎၬ ပခၫထၪ့လဖၪအကၠီၩ့တၭ,ပ လ့ၩဆၧလၧပဖၧၩ့ၥၭဖၧၩ့လၥ့ၪဘၪ, ပထုၬအီၪဘူၭ ယူၭ,ပမုနံၩလဖၪလၧၫ့ထၪ့ဎွ့ၩထၪ့ယူၭ, မွဲမၬ,ပထုၬ ဘၪယူၭ.
19 ၦလၧအလီၩ့ဆီးပၧၩလဖၪနီၪ လ့ၩဆၧချဲၫ့နဲၪ့ဒံၭ လံၬကျီၫ့ကျီၫ့လၧမူၭဖိၭဖၫ့တၭ, လီၩ့ဆီးပၧၩလၧခိၪ လီၩ့ခိၪ,အီၪခိၭၥူၪပၧၩလၧမံၩ့လၬကျၩလီၫ.
20 ပနၫဖၧၩ့အၥၪ, ယဟိဝၩအၡၩဒိၭဂုၪအၥၭနီၪ, ဘၪ အဝ့ၫၥံၪအဆၧဖၧၩ့, ပစံၭလၧအဂဲးနီၪ, ပမိအီၪလၧအ ဆၧလၩဒုၩအဖၫ့လၬလၧၦဆၨၩလဖၪအကျၩလီၫ.
21 ၥုၪ့ဎွံၫၥၭယီၫ, ဒဲၥုၪ့ထိၬၥၭထိၬဆံၭ. အံဒၧၫ့အဖိၪမုၪ လၧအအီၪလၧခးအၧဇၭ အဖၧၩ့လဂၩဧ့, လိၫ့လဖျိၪ့ နီၪမိခၫ့ဂၬဆၧဆ့လၧနအီၪ, နမိအီၩမၧၩ့နၥၭနမိမၩ အီၪဘိၪ့နနၫ့ဆါလီၫ.
22 နထိးဆၧဒဲၭဘၭလူၬယူၭ ဇံအိၫ့အဖိၪမုၪဧ့,အဝ့ၫမိ အၪ့မၧၫ့ဎီးလၧၩ့နၧၩအ့ၬ. မိစ့ၩရၫ့နဆၧဒဲၩဘၭ, အံ ဒၧၫ့အဖိၪမုၪဧ့, မိလ့ၩဒုၭကဲၪဎီးနၧၩလၧနဆၧဒဲၩဘၭ အကၠီၩ့လီၫ.