6
1 တၭမီၪလဖၪအဖိၪခွၫၥံၪနီၪစံၭစအံၫလဲၡၫ, ယိခွါ, ဆၧအလးထီးပအီၪလၧနၥိၭယီၩ မွဲအံၪ့လၨၪလၧပဂး
2 လီၫ.- ဒုၭလ့ၩလါပၧၩလၧယီၫဒၫ့တၭ, ဂဲၫထဲၩ့ဆိၬလ ဂၩၥံၪ့လကုၭ, လဂၩၥံၪ့လကုၭလၧယီၩတၭ, ဒုၭမၩ ပၧၩလၧဆၧအလးထီးပမိအီၪဘၪနီၪဆံၭ. တၭအဝ့ၫ
3 ဒၪစံၭဆၧၫ့ဝ့ၫ, လ့ၩကဒၪဘီၪ.- တၭၦလဂၩစံၭဝ့ၫ,နဝ့ၫ ဒၪလ့ၩလါလၧနခ့ၫနၡၩအၥိၭဆံၭ. တၭအဆၧစံၭ
4 ဆၧၫ့ဝ့ၫ,ယမိလ့ၩလီၫ. အခိးမွဲအလ့ၩလၧအဝ့ၫၥံၪအ ၥိၭတၭ,ထီၩ့ဝ့ၫလၧယီၫဒၫ့တၭ, အဝ့ၫၥံၪခူၬလၩ့ၥံၪ့
5 လီၫ.- ၦလဂၩခူၬလၩ့ၥံၪ့လထံၭတၭ, အကွၩလၩ့ထ့ၬ လၧထံၫကျၩတၭ, အဝ့ၫဒၪကိၭထၪ့ဆၧစံၭဝ့ၫ,အၩလါ,
6 ကဆါဧ့,အဂဲးဘဲၫယီၩ မွဲဆၧအၪ့လီးန့ဝ့ၫလီၫ.- တၭ ယွၩအၡၩစံၭဝ့ၫဒၪ,မွဲအလၩ့ထ့ၬ ခီၫခီၫလဲၪ. အဆၧ ဒုၭနဲၪဝ့ၫအလးတၭ, အဝ့ၫဒၪဖ့ၬန့နိၪကဲၩ့လဘီၩ့တၭ,
7 ခွံၬလၩ့ဝ့ၫထီးနီၪတၭ, ထၭနီၪထၪ့ဖီၫဝ့ၫလီၫ.- တၭအ ဝ့ၫဒၪစံၭ,မၩန့ထၪ့လၧနအီၪဘီၪ, အဝ့ၫယူၬစိၩအစူၪ တၭ,မၩန့ဝ့ၫလီၫ.
8 ထီးအထီနီၪစံရအၫအစဎွၩ ဒုၭဆၧထၫ့ဒၩအံၫစရ့ လၭတၭ, ကိၪ့လိၬအၥၭလၧအခ့ၫအၡၩ, စံၭဝ့ၫဒၪ,ယ
9 ၥုၪ့တဲၩအလးမိအီၪထီးအံၩထီးအိၩလီၫ.- ယွၩအၡၩ အၪ့မၧၫ့လၩ့ဆၧလၧအံၫစရ့လၭ အစဎွၩအအီၪတၭ, စံၭဝ့ၫဒၪ,ထီးလၩ့နၥၭ ဘဲၫၥိၭနထီးလ့ၩဖီၩ့ခွံၬအလး ထီးနီၪလဂ့ၩ. အဂဲးဘဲၫယီၩၦစံရအၫဖိၪ ဂဲၫလၩ့ထီး
10 နီၪလီၫ.- တၭအံၫစရ့လၭအစဎွၩ အၪ့မၧၫ့လၩ့ဆၧလၧ အလးလၧယွၩအၡၩလီၩဘၪဝ့ၫလၧ အဂဲးအကၠီၪ့ဒဲၥီၪ့ ဝ့ၫလၧအဘၪထီးလၩ့အၥၭတၭ, ဒုၭဖီၩ့ဖျ့ၭလၩ့အၥၭ ထီးနီၪလဖၧၫ့နံၫဖၧၫ့ကၭအ့ၬ.
11 အခိးမွဲစံရအၫအစဎွၩ အၥုၪ့ခိအၥၭဝီၩလၧဆၧလ မံၩ့နီၪအကၠီၩ့တၭ, ကိၭန့အခ့ၫအၡၩတၭ,စံၭအဝ့ၫၥံၪ, ၦလၧပကျၩလၧအအီၪဝ့ၫလၧ အံၫစရ့လၭအဂးလဂၩ
12 ဂၩလဲၪနီၪ,နၥံၪဒုၭနဲၪယၧၩအ့ၬဧၪ.- တၭအခ့ၫအၡၩ လဂၩစံၭဝ့ၫဒၪ, အီၪနးဂၩအ့ၬ,ယကဆါ,စဎွၩဧ့.အ့ၪ မွဲမီၪစအံၫလဲၡၫလၧအအီၪဝ့ၫ လၧအံၫစရ့လၭအကျၩ လဂၩနီၪ, လီၩဘၪအံၫစရ့လၭ အစဎွၩလၧဆၧချဲၩ့လၧ
13 နချဲၩ့ဆၧလၧနဒူၭဖၧၩ့လီၫ.- တၭအဆၧစံၭဝ့ၫဒၪ,လ့ၩ ယိဂူၪဘီၪ,မွဲအအီၪခီၫခီၫလဲၪနီၪ, ယိခွါဆံၭ. ဘဲၫၥိၭ အမိအၪ့မၧၫ့လၩ့ဆၧတၭ, ဂဲၫထဲၩ့ဆိၬဝ့ၫလီၫ. တၭ ဆၧလီၩဘၪအဝ့ၫဒၪ,စံၭဝ့ၫ, ယိခွါ,အီၪဝ့ၫလၧဒိၥၫ့အ ဖၧၩ့လီၫ.
14 အဝ့ၫဒၪအၪ့မၧၫ့လၩ့ကၥ့ၪလဖၪ, ဒဲလဲၪ့ၥုၭလဖၪ, ဒဲၥုၭမုခမျၧးဂဲၫဝ့ၫ လၧမုနၩလခီၫတၭ, ဝၩ့ထၬဒိၩ့နီၪ
15 လီၫ.- ယွၩအၡၩအခ့ၫအၡၩ ဂဲထုၪ့ဂီၩဂီၩစဲၪ့ထၪ့ဝ့ၫ တၭ,ယိခွါ, ၦၥုၭမုခမျၧးဝၩ့ထၬဒိၩ့နီၪ အီၪလၧကၥ့ၪ လဖၪ,ဒဲလဲၪ့ၥုၭလဖၪလီၫ. တၭအခ့ၫအၡၩစံၭအဝ့ၫ,
16 အၩလါ,ယကဆါဧ့, ပမိမၩဘဲၫၥ့ၪလဲၪ.- တၭအဆၧ စံၭဝ့ၫဒၪ,ၥၭမဲၪလဂ့ၩ. အဂဲးဘဲၫယီၩ ၦအီၪလၧပၥိၭ
17 ယီၩအၪနဲၪ့ၦအီၪလၧအဝ့ၫၥံၪအၥိၭလီၫ.- စအံၫလဲၡၫ ဘၩဆိၪဖၪဆၧတၭ, စံၭဝ့ၫဒၪ,ယဟိဝၩဧ့, ဝဲထၪ့အ ဝ့ၫဒၪအမ့ၬၥၪဘဲၫၥိၭအမိဒၪဘၪဆၧဆံၭ. တၭယဟိ ဝၩ,ဝဲထၪ့ၦဖိၪၥၪခွၫလဂၩနီၪအမ့ၬၥၪတၭ, အဆၧဒၪ ဘၪဝ့ၫတၭ,ယိခွါ, ခိၪလီၩ့ထိၩ့ချိၬဎွ့ၩလၧကၥ့ၪ, ဒဲလဲၪ့
18 မ့ၪ,အီၪဝၬဖီၩ့စအံၫလဲၡၫနီၪလီၫ.- ၦဂဲၫလၩ့လၧအအီၪ တၭ,စအံၫလဲၡၫဘၩဆိၪဖၪယဟိဝၩတၭ, စံၭဝ့ၫဒၪ, ထးလါၦခမျၧးယီၩ လၧအမ့ၬဘျီၪဆံၭ. တၭဆၧထး ဝ့ၫလၧအမ့ၬဘျီၪဘဲၫစအံၫလဲၡၫ အလူအၥိၭနီၪလီၫ.
19 တၭစအံၫလဲၡၫစံၭအဝ့ၫၥံၪ, ဖၧၩ့ၥၭယီၩမွဲအ့ၬ, ဒဲဒိၩ့ ယီၩမွဲအ့ၬ. ဖိၬယခဲၫ့ဆံၭ. တၭယမိဒုၭလ့ၩနၥံၪလၧ ၦလၧနၥံၪအၪ့ဎၬဝ့ၫအအီၪလီၫ. တၭလ့ၩၥိၫ့ဝ့ၫလၧ
20 စမ့ရအၫအဖၧၩ့လီၫ.- ထီးအထီၩ့လၧစမ့ရအၫအဖၧၩ့ တၭ,ဆၧမၩအၥၭလၧစအံၫလဲၡၫစံၭဝ့ၫဒၪ, ယဟိဝၩ ဧ့,ဝဲထၪ့ၦလဖၪယီၩအမ့ၬၥၪ ဘဲၫၥိၭအမိဒၪဘၪဆၧ ဆံၭ. တၭယဟိဝၩဝဲထၪ့အဝ့ၫၥံၪ အမ့ၬၥၪတၭ,ဒၪဘၪ ဆၧတၭ,ယိခွါ, အီၪဝ့ၫလၧစမ့ရအၫအၥၭကျၩလီၫ.
21 ထီးအံၫစရ့လၭအစဎွၩဒၪဘၪဝ့ၫတၭ စံၭစအံၫလဲၡၫ, ယဖါဧ့,မွဲယမိကျီၪ့ဆ့ဧၪ, ယမိကျီၪ့ဆ့ဧၪ,တၭအဆၧ
22 စံၭဝ့ၫဒၪ,ကျီၪ့လဂ့ၩ.- နမိကျီၪ့ဘၪၦလၧနဖီၪ့န့အၪ့ မၧၫ့ဎီးဝ့ၫလၧနနၭဒဲနချံၪဆ့ဧၪ, အီၪက့ၪလၩ့ကိၪဒဲထံၫ လၧအဝ့ၫၥံၪအမ့ၬယၫ ဘဲၫၥိၭအမိအၪ့ဆၧဒဲအီၩဆၧ,
23 ဒဲထဲၩ့ဝ့ၫလၧအကဆါအအီၪနီၪဆံၭ.- တၭအဝ့ၫဒၪ တဲၩ့ဝဲၩဆၧအၪ့ဆၧအီၩ အၪအၪလ့ၬလၧအဝ့ၫၥံၪအဂး တၭ,အဝ့ၫၥံၪအၪ့ဆၧဒဲအီၩဆၧတၭ, စဎွၩဖျါခွံၬဝ့ၫ တၭ,အဝ့ၫၥံၪထဲၩ့ဝ့ၫလၧအကဆါအအီၪလီၫ. တၭစံ ရအၫအၡၩအဒီၪ့လဖၪ ဂဲၫလၧၩ့လၧအံၫစရ့လၭအခး ဖၧၩ့အ့ၬ.
24 လၧခဲၫ့ထဲၩ့တၭဆၧမၩအၥၭ လၧစံရအၫ အစဎွၩ ဘံၫ့ဟၫဒၭဒုၭအီၪကီၪ့အၥုၭမုခမျၧး ထီးအလူၬတၭ,
25 လ့ၩထၪ့ဝၩ့ထၬစမ့ရအၫနီၪလီၫ.- ဆၧၥၭဝံလၩ့ဒိၩဖၭ ဒိၪအီၪဝ့ၫလၧစမ့ရအၫအဖၧၩ့တၭ, ယိခွါ,ၦၡၩၥံၪ ဝၩ့ထၬဝ့ၫထီးကၥ့ၪယီၩ့ အခိၪဎွံၪအီၪဝ့ၫလၧစ့ၩအဘံၪ့ ဎိၭဆံၫအဂး, ဒဲထိၪလွံအအ့ၪလတလိၭ လံပိၩ့လပိၩ့
26 လၧစ့ၩယဲဘံၪ့အဂးလီၫ.- ထီးအံၫစရ့လၭအစဎွၩလ့ၩ ဖီၩ့ခွံၬဆၧလၧဒိၩ့ခိၪဒၧၩ့အဖၫ့ခိၪတၭ, ၦမုၪလဂၩကိၭ ထၪ့အဝ့ၫတၭ, စံၭဝ့ၫ မၩဖီၩ့မၩဖျ့ၭဆၧ, ယကဆါ,
27 စဎွၩဧ့,- တၭအဝ့ၫဒၪစံၭ, ယဟိဝၩအ့ၪလမၩဖီၩ့မၩ ဖျ့ၭဘၪနၧၩတၭ, ယမိမၩဖီၩ့မၩဖျ့ၭနၧၩ ခီၫခီၫလဲၪ, လၧခရဲးဖၧၩ့ဧၪ, မွဲလၧၦဘံၭစဘံၭၥၪအလးနီၪလဲၪ.
28 တၭစဎွၩစံၭအဝ့ၫ, ဆၧဘၪနၧၩနီၪ,မွဲဆၧနီၪလမံၩ့လဲၪ. တၭအဝ့ၫဒၪစံၭ, ၦမုၪလဂၩယီၩစံၭယၧၩ, ဖ့ၪလၫ့နဖိၪ ခွၫဘဲၫၥိၭပမိအၪ့ဝ့ၫလၧမုဆၫလနံၩယီၩဆံၭ, တၭပမိ
29 အၪ့ယဖိၪခွၫကဲဂီၩခိၬလနံၩလီၫ.- အခိးမွဲပအၪ့ဎွံထၪ့ ယဖိၪခွၫပအၪ့ခွံၬဝ့ၫတၭ, လၧမုဆဲၪ့ထၪ့လနံၩနီၪ,ယ စံၭၦမုၪယီၩ ဖ့ၪလၫ့နဖိၪခွၫ ဘဲၫၥိၭပမိအၪ့ဝ့ၫဆံၭ.
30 တၭအဝ့ၫဒၪအီၪက့ၪၥူၪခွံၬယူၭအဖိၪခွၫယူၭ.- ထီး စဎွၩနါဂၧၫ့ၦမုၪအဆၧချဲၩ့နီၪတၭ, ဆၧမၩအၥၭလၧ အၡၫ့အကီၩ့အၥိၭ, ဒဲလ့ၩဖီၩ့ခွံၬလၧဒိၩ့ခိၪဒၧၩ့အဖၫ့ ခိၪတၭ, ၦခမျၧးယိဆၧတၭ, ယိခွါ, ရၧၬအဆၧယၬ
31 အီၪဝ့ၫလၧအယၪအလီၩ့လီၫ.- ထီးနီၪလဖၧၫ့စံၭဝ့ၫ ဒၪ,စၡ့ဖၭအဖိၪခွၫ စအံၫလဲၡၫအခိၪဎွံၪ အ့ၪအီၪဒံၭ လၧအလီၩ့လၧမုဆၫလနံၩယီၩတၭ, မွဲယွၩမၩယၧၩ ဘဲၫနီၪ,ဒဲအၪနဲၪ့အနီၪဆံၭ.
32 စအံၫလဲၡၫဆၧၫ့နၩ့လၧအဂံၪ့ဖၧၩ့တၭ, ၦၥုၪ့က့ၭၥၭ ၡါဆၧၫ့နၩ့လၧအၥိၭတၭ, စဎွၩအၪ့မၧၫ့လၩ့ၦလဂၩ လၧအမ့ၬယၫလီၫ. တၭအၥီၫ့လချႃၭထီၩ့ဒံၭဘၪလၧ အအီၪတၭ, စအံၫလဲၡၫစံၭ ၦၥုၪ့က့ၭၥၭၡါလဖၪနီၪ, ၦမၩၥံၫဘၪၦၡၩလဂၩအဖိၪခွၫယီၩ, အၪ့မၧၫ့လၩ့ဆၧ ဘဲၫၥိၭအမိမၩန့ခွံၬ ယခိၪဎွံၪနီၪ,ယိခွါ, နၥံၪဝ့ၫဆံၭ. ယိခွါ,ထီးအၥီၫ့အ့ၪဂဲၫထီၩ့တၭ, ကၭဘံၭထၬတရၫ့ တၭဖီၪ့ထၬခၧၫ့အဝ့ၫလၧ တရၫ့ထံၭနီၪဆံၭ. အကဆါ
33 အခၪ့ၥီၫဝ့ၫလၧအလးခဲၫ့နီၪမွဲအ့ၬဧၪ.- အဝ့ၫချဲၩ့ဆၧ လၧအဝ့ၫၥံၪအဘိၩ့ဘၭတၭ, ယိခွါ,အၥီၫ့လဂၩနီၪ, ဂဲၫလၩ့လၧအအီၪလီၫ. အဝ့ၫဒၪစံၭ,ယိခွါ, ဆၧအၧၩ့ ယီၩဂဲၫလၧယဟိဝၩလီၫ. ယမိယိလါဒံၭယဟိဝၩ အဖၧၩ့ၥၭနီၪ,မွဲဘၪလဲၪ.