22
(၂ကွ့ၭ ၃၄:ၥ-၂၈).
1 လၧစယိၫစဲအၫကဲၪထၪ့ၥၫ့စဎွၩနီၪ အၥၭအီၪဎိၭနံၪ့ တၭပၧၩ့ဆၧလၧယရုစလံၫ့အဖၧၩ့ ၥၧၫ့ဆံၫလနံၪ့လီၫ. အမိအမံၩ့မွဲနးယၭဒဒဲအၫ, စအၭဒဲအၫအဖိၪမုၪလၧ
2 ဘီၭစကၭလီၫ.- အဝ့ၫမၩဆၧဂ့ၩ လၧယဟိဝၩအမ့ၬ ယၫတၭဖိၬအဖါစဒၫဝံၭအဖၧၩ့ၥၭ ထၧၫ့ဘီၩ့ယၫ တၭ, လၧစူၪထွ့ၪမွဲဂ့ၩ, လၧစူၪစ့ၪမွဲဂ့ၩ, ကၠၪခွံၬအၥၭ အ့ၬ.
(၂ကွ့ၭ ၃၄;၈-၂၈).
3 လၧစယိၫစဲအၫအနံၪ့ လဆံၫဎိၭနံၪ့လနံၪ့အဖၧၩ့ နီၪ,ဆၧမၩအၥၭလၧစဎွၩအၪ့မၧၫ့လၩ့ ၦကွ့ၭလံၬစမ ၡၧလၫ့အဖိၪခွၫ, စအၭဇလဲအၫအဖိၪခွၫ, စၡၫဖၫ့လၧ
4 ယဟိဝၩအဂံၪ့, စံၭဝ့ၫဒၪ,- လ့ၩထၪ့လၧၦလုဆၧအခိၪ စဟံၫလကဲအၫအအီၪ ဘဲၫၥိၭအမိဝံထၪ့နၬထၪ့စ့ၩလၧ ၦဂဲၫဆိၬဝ့ၫလၧယဟိဝၩအဂံၪ့ဖၧၩ့, လၧၦပၧၩ့တရၫ့
5 ၥံၪအၪ့ထုၫ့ကီၪ့ဝ့ၫ လၧၦခမျၧးအအီၪနီၪဆံၭ.- မွဲအဝ့ၫ ၥံၪဖ့ၪလၫ့ဝ့ၫလၧၦမၩဆၧမၩ လၧအယိယဟိဝၩအဂံၪ့ လဖၪအစူၪဖၧၩ့တၭ, မွဲအဝ့ၫၥံၪဖ့ၪလၫ့ထဲၩ့ၦလၧအမၩ ဆၧမၩလၧယဟိဝၩအဂံၪ့ဖၧၩ့ ဘဲၫၥိၭအမိမၩဂ့ၩထဲၩ့
6 ဆၧဖိးလၧဂံၪ့ဖၧၩ့နီၪ,- လၧၦလဲၬၥမါၥံၪ, ဒဲလၧၦၥုၪ့ ဂံၪ့ၥံၪ,ဒဲလၧၦပၠၩ့ၥမါၥံၪ, ဘဲၫၥိၭအမိဎွ့ၩၥံၪ့,ဒဲလိးစိၭ
7 ဖျၩအၥၭလၧဆၧမၩထဲၩ့ဂံၪ့အဂးနီၪဆံၭ.- မွဲလါနၫ့ ဘိၩ,ဆၧဒိၭန့ဆရၫ့ လၧၦလၧဆၧဖ့ၪလၫ့စ့ၩလၧအစူၪ ဖၧၩ့အကၠီၩ့နီၪ, ဆၧဒိၭန့ဆရၫ့အ့ၬ. အဂဲးဘဲၫယီၩအ ဝ့ၫၥံၪမၩလၧအလူတီၩလီၫ.
8 တၭၦလုဆၧအခိၪ စဟံၫလကဲအၫ, စံၭၦကွ့ၭလံၬ စၡၫဖၫ့,ယဒၪန့လံၬဆၧၥီၪ့ဆၧၥၫ့ လၧယဟိဝၩအဂံၪ့ ဖၧၩ့လီၫ. တၭစဟံၫလကဲအၫ ဖ့ၪလၫ့လံၬနီၪလၧစၡၫ
9 ဖၫ့တၭ,အဝ့ၫဒၪဖီဝ့ၫလီၫ.- ၦကွ့ၭလံၬစၡၫဖၫ့ဂဲၫထဲၩ့ လၧစဎွၩအအီၪတၭ, ဂဲၫဆိၬဆၧချဲၩ့လၧစဎွၩအအီၪ နီၪ,စံၭဝ့ၫဒၪ,နခ့ၫနၡၩလဖၪ အၪ့ထုၫ့ကီၪ့ယူၭစ့ၩလၧ အဒၪန့ဝ့ၫလၧဂံၪ့ဖၧၩ့တၭ, ဖ့ၪလၫ့ယူၭၦလၧအမၩဆၧ မၩ,လၧအယိထဲၩ့ယဟိဝၩအဂံၪ့အစူၪဖၧၩ့ယူၭ.
10 ၦကွ့ၭလံၬစၡၫဖၫ့ဒုၭနဲၪဆၧလၧစဎွၩတၭ, စံၭဝ့ၫဒၪ,ၦ လုဆၧအခိၪ စဟံၫလကဲအၫနီၪ ဖ့ၪလၫ့ယၧၩလၧလံၬ လထူၫလီၫ. တၭစၡၫဖၫ့ဖီဝ့ၫလၧစဎွၩအမ့ၬယၫလီၫ.
11 ထီးစဎွၩနါဂၧၫ့ လံၬအဆၧၥီၪ့ဆၧၥၫ့ အလူအထၫ တၭ,ဆၧမၩအၥၭ လၧအၡၫ့ယၬ အကီၩ့အၥိၭလီၫ.
12 တၭစဎွၩမၪလူၬၦလုဆၧ စဟံၫလကဲအၫ, ဒဲစၡၫဖၫ့ အဖိၪခွၫစအဟဲကၫ့, ဒဲစမံၫခ့ယၫအဖိၪခွၫစအၫဘီၫ,ဒဲ ၦကွ့ၭလံၬ,စၡၫဖၫ့, ဒဲစဎွၩအခ့ၫအၡၩစအၭစအဲအၫ,
13 စံၭဝ့ၫဒၪ,- လ့ၩအၪ့စၪ့ယဟိဝၩ လၧယဂး,ဒဲလၧၦ ခမျၧးအဂး, ဒဲလၧယုဒၫထီးအလူၬအဂး, လၧလံၬလၧ ၦဒၪန့ဝ့ၫလထူၫယီၩ လၧဆၧချဲၩ့အဂဲးအကၠီၪ့ဆံၭ. အ ဂဲးဘဲၫယီၩ ယဟိဝၩအဆၧၥၭထၪ့လၧအခဲၩထၪ့ဘၪ ပၧၩမွဲအဒိၪမၬလီၫ. အဂဲးဘဲၫယီၩ ပဖါၥံၪခိၭနၪလံၬ ယီၩအဆၧချဲၩ့ဘဲၫၥိၭအမိမၩဝ့ၫ ဘဲၫကယဲဆၧကွ့ၭအ ၥၭဘၪဆဲၫ့လၧပၧၩ အၥိၭနီၪအ့ၬ.
14 ၦလုဆၧစဟံၫလကဲအၫ, ဒဲစအဟဲကၫ့,ဒဲစအၭ ဘီၫ,ဒဲစၡၫဖၫ့, စအၭစဟဲအၫၥံၪနီၪ လ့ၩဝ့ၫလၧၦပၧၩ့ဆၧ အကီၩ့အၥိၭစဟၫဟၭအဖိၪခွၫ စတံၭဝၫအဖိၪခွၫစၡၫ လၧၫ့အမၫမီၪမုၪ နးဟၧလဒၫလဂၩ အအီၪတၭ,ချဲၩ့ ဆၧလၧအဝ့ၫလီၫ. အဝ့ၫဒၪအီၪလၧယရုစလံၫ့လၧဆၧ အလးနံၫစီၪ့လစီၪ့တၭ အဝ့ၫၥံၪကၩ့ကၩ ဆၧလၧအဝ့ၫ
15 နီၪလီၫ.- တၭၦမုၪနီၪစံၭအဝ့ၫၥံၪ, ယဟိဝၩအံၫစရ့ လၭအယွၩစံၭဘဲၫယီၩ, လီၩဘၪၦလၧအအၪ့မၧၫ့လၩ့
16 နၥံၪလၧယအီၪ,- ယဟိဝၩစံၭဘဲၫယီၩ, ယိခွါ,ယမိ ဒုၭဂဲၫဆၧအၧၩ့လၧအလးယီၩ ဒဲလၧၦအီၪဝ့ၫလၧအ ဖၧၩ့အလီၩ့, ကယဲလံၬအဆၧချဲၩ့လၧယုဒၫအစဎွၩဖီ
17 ဝ့ၫထီးအလူၬလီၫ.- အဂဲးဘဲၫယီၩ အဝ့ၫၥံၪလ့ၩဒၪ ယၧၩတၭ, ဆူၭခဲၩဆၧနၧၫ့မၧၫ့လၧယွၩ အဂူၫဂၩလ ဖၪအဂး,ဘဲၫၥိၭအမိဒုၭၥၭထၪ့ယၧၩ လၧအစူၪအမၩ ဆၧထီးအလူၬအကၠီၩ့လီၫ. အခိးမွဲယၥၭထၪ့မိခဲၩထၪ့
18 ထၫ့ဒၩအလးယီၩတၭ, မိလၩ့ဖံၬဘၪအ့ၬ.- အ့ၪမွဲယုဒၫ အစဎွၩလၧအအၪ့မၧၫ့နၥံၪ ဂဲၫအၪ့စၪ့ယဟိဝၩနီၪ,နၥံၪ မိဘၪစံၭအဝ့ၫ, ယဟိဝၩအံၫစရ့လၭအယွၩစံၭဘဲၫ
19 ယီၩ,ဆၧချဲၩ့လၧနနါဂၧၫ့နီၪ,- မွဲနၥၭထၪ့တၭ, ထီးန နါဂၧၫ့ဆၧချဲၩ့ထၫ့ဒၩဆၧအလးယီၩ, ဒဲထၫ့ဒၩၦလၧအ အီၪလၧအဖၧၩ့လၧအမိကဲၪထၪ့ ဆၧအီၪယူ,ဒဲဆၧဆိၪ အၧၩ့အလးနီၪတၭ, နဆၪ့လၩ့နၥၭ ဒဲၡၫ့နကီၩ့နၥိၭ, ဒဲဂၪ့လၧယမ့ၬယၫနီၪယနါဂၧၫ့ဆ့ယူၭ ယဟိဝၩစံၭဝ့ၫ
20 ဒၪ.- မၩအၥၭဘဲၫနီၪတၭ, ယိခွါ, ယမိအီၪက့ၪကီၪ့ နၧၩလၧနဖါလဖၪတၭ, ဆၧမိအီၪက့ၪကီၪ့နၧၩလၧနၥွၪ ခိၪဖၧၩ့မုၬမုၬတၭ, နမ့ၬၥၪလဖၪမိဒၪဘၪဆၧအၧၩ့ထီး အလူၬ,လၧယမိဒုၭဂဲၫဘၪဆၧအလးယီၩအ့ၬ. တၭ အဝ့ၫၥံၪနီၪဂဲၫဆိၬန့စဎွၩလၧဆၧချဲၩ့နီၪလီၫ.