20
1 ဆၧလၧမုနံၩလဖၪနီၩ စဟ့ၭဇကဲအၫဆၫထၪ့ဝ့ၫထီး အမိၥံၫလီၫ. စအၫမူၭအဖိၪခွၫမီၪစအဲၫစ့ယၫနီၪလ့ၩ လၧအအီၪတၭ, စံၭအဝ့ၫ, မၪလူၬနၡၩဂံၪ့ဖိၪအဆၧ
2 ဆံၭ.အဂဲးဘဲၫယီၩနမိၥံၫတၭ, နမၧၫ့နဝ့ၫအ့ၬ.- အဝ့ၫ ဒၪကၠၪဒံၩ့ခံၫ့အမ့ၬ လၧဆၧဒီၪ့တၭ, ဘၩဆိၪဖၪယဟိ
3 ဝၩတၭ,စံၭဝ့ၫဒၪ,- ယဟိဝၩဧ့, ယလ့ၩဆၧလၧနမ့ၬ ယၫလၧဆၧမွဲဆၧတီၩ အဖၧၩ့ဒဲလၧယၥၭထၧၫ့ဖျိၪ့ယၫ တၭ,ယမၩယူၭဆၧအဂ့ၩလၧနမ့ၬယၫနီၪ နၪ့ထၪ့ထဲၩ့ လါဆံၭ. စဟ့ၭဇကဲအၫဂၪ့ဝ့ၫနၭမၬလီၫ.
4 တၭစအဲၫစ့ယၫလချႃၭထီၩ့ဒံၭဘၪ လၧဆၧအဝၩ့အ ဖၧၩ့နီၪဆၧမၩအၥၭ လၧယဟိဝၩအလူလၩ့ဘၪဝ့ၫ
5 စံၭဝ့ၫဒၪ,- ထဲၩ့ထဲၩ့တၭ, လီၩဘၪယၡၩခမျၧးအခိၪ, စဟ့ၭဇကဲအၫ, ယဟိဝၩနဖါစဒၫဝံၭအယွၩ စံၭဘဲၫ ယီၩ,ယနါဂၧၫ့ယူၭနဘၩဆိၪဖၪဆၧယူၭ, ယဒၪဘၪ နမ့ၬထံၫယူၭ,ယိခွါ, ယမိမၩဘျၪထဲၩ့နၧၩလီၫ. လၧ ၥၧၫ့နံၩလနံၩနီၪနမိလ့ၩထၪ့လၧယဟိဝၩ အဂံၪ့ဖၧၩ့
6 လီၫ.- ယမိမၩအၪထၪ့နနံၩလဖၪ လၧလဆံၫယဲနံၪ့လီၫ. ယမိမၩဖီၩ့မၩဖျ့ၭနၧၩ ဒဲဒိၩ့လဖျိၪ့ယီၩလၧအစံရအၫ စဎွၩအစူၪဖၧၩ့တၭ, ယမိအီၪဖီၩ့ဒိၩ့လဖျိၪ့ယီၩလၧ ယကၠီၩ့ဒၪယဝ့ၫ, ဒဲလၧယခ့ၫယၡၩစဒၫဝံၭ အကၠီၩ့
7 လီၫ.- တၭစအဲၫစ့ယၫစံၭဝ့ၫဒၪ, မၩန့ချိၪ့ဒိၩ့ၥၪနးလီၪ့ ဆံၭ.အဝ့ၫၥံၪမၩန့ဝ့ၫတၭ, အီၪက့ၪလၩ့ဝ့ၫလၧဝံၫ့အ ဖၫ့ခိၪတၭဘျၪထဲၩ့ဝ့ၫလီၫ.
8 စဟ့ၭဇကဲအၫစံၭစအဲၫစ့ယၫ, လၧယဟိဝၩမိမၩ ဘျၪထဲၩ့ယၧၩတၭ, လၧယမိလ့ၩထၪ့လၧယဟိဝၩအဂံၪ့ ဖၧၩ့ၥၧၫ့နံၩလနံၩနီၪ, ဆၧမၩနဲၪ့မွဲဆၧနီၪလမံၩ့လဲၪ.
9 တၭစအဲၫစ့ယၫစံၭဝ့ၫဒၪ, အယီၩမွဲဆၧမၩနဲၪ့လၧနဂး လၧနမိန့ဘၪဆၧလၧယဟိဝၩ, လၧယဟိဝၩမိမၩဆၧ လၧအချဲၩ့ယူၭဝ့ၫနီၪလီၫ. ဆၧအလၩရှူၪမိဘၪလ့ၩ လၩ့လၧယၫအဆၫ့ဆံၫဆၫ့နီၪဧၪ, အ့ၪလမွဲဘၪမွဲအ
10 ဘၪထဲၩ့ကဒၩထဲၩ့လခီၫ အဆၫ့ဆံၫဆၫ့နီၪလဲၪ.- တၭ စဟ့ၭဇကဲအၫစံၭဆၧၫ့ဝ့ၫဒၪ, ဆၧအလၩရှူၪလ့ၩလၩ့ လၧယၫအဆၫ့ဆံၫဆၫ့နီၪ, မွဲဆၧအယီၫတၭ,မွဲအထဲၩ့
11 ကဒၩထဲၩ့လခီၫအဆၫ့ဆံၫဆၫ့နီၪဆံၭ.- တၭမီၪစအဲၫ စ့ယၫအၪ့ကံၩ့အၪ့ယၫယဟိဝၩနီၪ, အဆၧဒုၭကဒၩ ထဲၩ့အလၩရှူၪအဆၫ့ဆံၫဆၫ့ လၧအလ့ၩဖီၩ့ခွံၬယူၭ လၧစအၫဟဇၭအမုနၩရံၩအလီၩ့နီၪလီၫ.
(အဲၫ ၃၉:ၥ-၈).
12 ဆၧလၧ အဆၧၫ့အထီနီၪဘၭဘလၧၫ့အစဎွၩ စဘၫလဒၫ့အဖိၪခွၫ စဘရီဒၭဘၫလဒၫ့လဂၩ ဖ့ၪယုလံၬ, ဒဲလၬဆီၪ့လၧ စဟ့ၭဇကဲအၫလီၫ. အဂဲးဘဲၫယီၩနါဂၧၫ့ဝ့ၫ လၧအဆၧဘျၪထဲၩ့ယူၭ
13 လီၫ.- စဟ့ၭဇကဲအၫနီၪခိၭနၪအဝ့ၫၥံၪ အလူ တၭ,ဒုၭနဲၪ့ဝ့ၫလၧဆၧလူဒိၪဎွ့ၩဒိၪအဂံၪ့ထၧၫ့ ဂံၪ့ယၫ, စ့ၩ, ဒဲထီၫ့,ဒဲဆၧနၧၫ့မၧၫ့, ဒဲၥိၪအဂ့ၩ,ဒဲအစူၪ ဝဲၩအဂံၪ့ထၧၫ့ဖျိၪ့ယၫ, ဒဲကယဲအဆၧလၧအအီၪလၧ ဆၧလူဒိၪဎွ့ၩဒိၪအကျၩနီၪလီၫ. ဆၧလၧစဟ့ၭဇကဲ အၫလဒုၭနဲၪဘၪဝ့ၫနီၪ, အီၪလၧၩ့လၧအဂံၪ့ဖၧၩ့,ဒဲအီၪ လၧၩ့လၧအဘၩ့အမုး ထၧၫ့ဘံၪ့ယၫအဖၧၩ့နးမံၩ့ အ့ၬ.
14 ထီးနီၪလဖၧၫ့မီၪစအဲၫစ့ယၫနီၪ ဂဲၫလၧစဎွၩဟ့ၭဇကဲ အၫအအီၪတၭ, စံၭဝ့ၫၦလဖၪနီၪ စံၭဘဲၫၥ့ၪလဲၪ,မွဲအ ဂဲၫစိၩလၧနအီၪအထံၭခီၫခီၫလဲၪ. တၭစဟ့ၭဇကဲအၫ စံၭဝ့ၫဒၪ, ဂဲၫစိၩလၧယအီၪလၧထံၫယဲၩ့ခးယဲၩ့လဘံၪ့,
15 လၧဘၭဘလၧၫ့နီၪလီၫ.- တၭအဆၧစံၭဝ့ၫဒၪ, မွဲအဒၪ ဘၪဆၧနီၪလၫ လၧနဂံၪ့ဖၧၩ့လမံၩ့လဲၪ. တၭစဟ့ၭဇ ကဲအၫစံၭဆၧၫ့ဝ့ၫဒၪ, ဒၪဘၪယူၭကယဲဆၧလၧအအီၪ လၧယဂံၪ့ဖၧၩ့ထီးအလူၬယူၭ, ဆၧလၧယလဒုၭနဲၪ ဘၪဝ့ၫနီၪ အီၪလၧယဆၧလူဒိၪဎွ့ၩဒိၪအကျၩနးမံၩ့ အ့ၬ.
16 တၭစအဲၫစ့ယၫ စံၭစဟ့ၭဇကဲအၫ,ခိၭနၪယဟိဝၩ
17 အလူဆံၭ.- ယိခွါ,မုနံၩလဖၪ မိဂဲၫလၧကယဲဆၧအီၪ လၧနဂံၪ့ဖၧၩ့,ဒဲဆၧလၧနဖါၥံၪအီၪက့ၪကီၪ့ဝ့ၫ ထီးမု ဆၫလနံၩယီၩ, ဆၧမိလ့ၩဆိၬဝ့ၫ လၧဘၭဘလၧၫ့အ ဖၧၩ့နီၪလီၫ. ဆၧမိအီၪလၩ့ထးနးမံၩ့အ့ၬး ယဟိဝၩ
18 စံၭဝ့ၫဒၪ,- မိဆိၬထၪ့ခွံၬနဖိၪခွၫၥံၪလၧအလၩ့ဆၨၩလၧ နၧၩ,လၧနထၪ့ဖိၪတၭ, မိကဲၪထၪ့ၦဖၫဆွံၪလၧဘၭ
19 ဘလၧၫ့အစဎွၩအနီးဖၧၩ့လီၫ.- ထီးနီၪလဖၧၫ့စဟ့ၭ ဇကဲအၫ,စံၭစအဲၫစ့ယၫ, ယဟိဝၩအဆၧချဲၩ့လၧအ ချဲၩ့ယူၭဝ့ၫနီၪဂ့ၩဝ့ၫလီၫ. တၭစံၭဝ့ၫဒၪ, ဆၧဘၪလိၬ အိၭလိၬ,ဒဲဆၧမွဲဆၧတီၩမိအီၪဝ့ၫ လၧယမုနံၩလဖၪအ ဖၧၩ့နီၪ,မွဲအ့ၬဧၪ.
(၂ကွ့ၭ ၃၂;၃၂-၃၃).
20 တၭဆၧအီၪလၩ့ထးဘၪဆဲၫ့လၧ စဟ့ၭဇကဲအၫ,ဒဲ အစီၩ့အမၩ့ထီးအလူၬ, လၧအမၩကမၫ ဒဲထံၫကၠီၪ့ လၧအဒုၭဂဲၫနုၬထံၫလၧဒိၩ့ဖၧၩ့ အဂဲးအကၠီၪ့နီၪ,ကွ့ၭ အၥၭလၧယုဒၫအစဎွၩ အလံၬကွ့ၭနဲၪ့ဆၧအဖၧၩ့နီၪ,
21 မွဲအ့ၬဧၪ.- စဟ့ၭဇကဲအၫမံၫဝ့ၫ လၧအဖါၥံၪအၥိၭ တၭ, အဖိၪခွၫစမနၭစ့ၫ ကဲၪထၪ့စဎွၩ လၧအလးနီၪ လီၫ.