18
(၂ကွ့ၭ ၂၉:ၥ-၂,၃ဝ:ၥ).
1 လၧအံၫစရ့လၭအစဎွၩ အံလၫအဖိၪခွၫစဟိၫၡံအၫ အနံၪ့ၥၧၫ့ဆံၫလနံၪ့အဖၧၩ့နီၪ, ဆၧမၩအၥၭလၧယုဒၫ အစဎွၩအၫဟဇၭအဖိၪခွၫ စဟ့ၭဇကဲအၫ ကဲၪၥၫ့
2 စဎွၩလီၫ.- လၧအကဲၪၥၫ့စဎွၩနီၪ အၥၭၡါနံၫဆံၫယဲနံၪ့ ကဲၪစဎွၩလၧယရုစလံၫ့အဖၧၩ့ နံၫဆံၫခွံၫနံၪ့လီၫ. တၭ အမိအမံၩ့မွဲနးအၫဘံၫ, စဇ့ၭခရဲအၫ အဖိၪမုၪလီၫ.
3 တၭအဝ့ၫဒၪမၩဆၧဂ့ၩ လၧယဟိဝၩအမ့ၬယၫ, ဘဲၫ
4 ကယဲဆၧလၧအဖါစဒၫဝံၭမၩဝ့ၫအၥိၭနီၪလီၫ.- ၥုၭခွံၬ ဆၧအလးထၪ့ထီၫလဖၪတၭ, မၩခါလၩ့ဘျ့ၭဆၧဂၩ့ လဖၪတၭ, ခူၬလၩ့ခွံၬအၡ့ရိၫတၭ, မၩခါလၩ့ဘျ့ၭဂူ ထီးဝီၩလၧစမိစ့ၭတဲၩ့ဝ့ၫလီၫ. အဂဲးဘဲၫယီၩၦအံၫစရ့ လၭဖိၪဆူၭခဲၩဆၧနၧၫ့မၧၫ့ လၧအမ့ၬယၫထီၩ့လၩ့လၧ
5 မုနံၩနီၪလီၫ. တၭကိၭဝ့ၫလၧနဟုၡတၫ့လီၫ.- အဝ့ၫ ဒိၭနဲၩ့အၥၭလၧယဟိဝၩ အံၫစရ့လၭအယွၩတၭ,ၦ လၧအလးခဲၫ့, ဒဲၦလၧအမ့ၬယၫမီၪ့ဎီၩ့လၧအဝ့ၫဒၪလၧ ယုဒၫအစဎွၩထီးအလူၬ အကျၩနီၪအီၪနးဂၩအ့ၬ.
6 အဝ့ၫဒၪအၥၭအီၪဂုးခၧၫ့ လၧယဟိဝၩအဖၧၩ့တၭ, လီၩ့ဖိၬအခဲၫ့, ဒဲထီးန့အဆၧၥီၪ့ဆၧၥၫ့ လၧယဟိဝၩမၪ
7 လူၬစမိစ့ၭနီၪလီၫ.- တၭယဟိဝၩအီၪလၧအၥိၭလီၫ. ဒဲထီးဒၪအလ့ၩထၪ့လစီၪ့လါလါနီၪ ဘီၪထၪ့ယီၫထၪ့ ဝ့ၫလီၫ. ပိၩ့ထၪ့အစံရအၫ အစဎွၩတၭ, မၩအဆၧ
8 အ့ၬ.- ကျီၪ့ခွံၬၦဖလံၡၫဖိၪ ထီၩ့လၧဂၫဇၫဒဲခးအနဲၩ့ ထံၭ,လၧခိၭဆၧအတၨၭထၪ့ထီၫ ထီၩ့လၧဒိၩ့အီၪလၧ အခိၪဒၧၩ့လီၫ.
9 တၭဆၧမၩအၥၭလၧစဎွၩ ဟ့ၭဇကဲအၫအနံၪ့လံ နံၪ့လနံၪ့အဖၧၩ့, လၧအမွဲအံၫစရ့လၭအစဎွၩအံလၫ အဖိၪခွၫစဟိၫၡံအၫအနံၪ့နွ့ၫနံၪ့လနံၪ့နီၪ အစံရအၫအ စဎွၩၡၫလမနံဇၧၫ ဂဲၫထၫ့ဒၩစမ့ရအၫတၭ, ဝၩ့ထၬ
10 ဝ့ၫလီၫ.- ၥၧၫ့နံၪ့ဖီၩ့ခွံၬတၭ, မၩဝ့ၫလီၫ. လၧစဟ့ၭဇ ကဲအၫအနံၪ့ဎူၫနံၪ့လနံၪ့အဖၧၩ့, ဘဲၫၦစံၭဆၧအၥိၭ အံၫစရ့လၭအစဎွၩ ဟိၫၡံအၫအနံၪ့ခွံၫနံၪ့လနံၪ့အဖၧၩ့
11 နီၪစမ့ရအၫဘၪဆၧမၩန့ဝ့ၫလီၫ.- တၭအစံရအၫအ စဎွၩဆိၬထၪ့ခွံၬအံၫစရ့လၭ ထီၩ့လၧခးအစံရအၫတၭ, အီၪက့ၪလၩ့ဝ့ၫလၧဟၫလၫအဖၧၩ့, ဒဲလၧဟၫဘိၫအ ဖၧၩ့လၧထံၫမိၡါဂိဇၫ့အနဲၩ့, လၧၦမံဒအၫ့ဖိၪ အဒိၩ့
12 ၥံၪအဖၧၩ့လီၫ.- အဂဲးဘဲၫယီၩ အဝ့ၫၥံၪခိၭနၪယဟိဝၩ အဝ့ၫၥံၪအယွၩအလူအ့ၬ, အ့ၪမွဲလုခၫ့ဖၬ အဆၧအုၩ့ လၩ့,ကယဲဆၧလၧယဟိဝၩအခ့ၫအၡၩ စမိစ့ၭမၪလူၬ ဝ့ၫထီးအလူၬနီၪ, လခိၭနၪဘၪဝ့ၫ ဒဲလမၩဘၪဝ့ၫဆ့ လီၫ.
(၂ကွ့ၭ ၃၂:ၥ-ၥ၉, အဲၫ ၃၆:ၥ-၂၂).
13 လၧစဎွၩဟ့ၭဇကဲအၫ အနံၪ့လဆံၫလံနံၪ့အဖၧၩ့ နီၪ,အစံရအၫအစဎွၩ စနၭခရံၭဂဲၫထၫ့ဒၩယုဒၫအဒိၩ့
14 အီၪလၧအခိၪဒၧၩ့ထီးအလူၬ, ဒဲမၩန့ဝ့ၫလီၫ.- တၭယု ဒၫအစဎွၩဟ့ၭဇကဲအၫ အၪ့မၧၫ့လၩ့ဆၧလၧအစံရ အၫအစဎွၩလၧအအီၪလၧ လၫခံၭအဖၧၩ့တၭ, စံၭဝ့ၫ ဒၪ,ယမၩမၪဘၪယူၭ, ထဲၩ့ကဒၩထဲၩ့လါလၧယအီၪ ဆံၭ.ဆၧလၧနအီၪက့ၪ လၧယလီၩ့နီၪ ယမိဆိၬလီၫ. တၭအစံရအၫအစဎွၩ အီၪက့ၪလၩ့ယုဒၫအစဎွၩဟ့ၭ ဇကဲအၫလၧစ့ၩအကံကၫၥၧၫ့ယၩ, ဒဲထီၫ့အကံကၫၥၧၫ့
15 ဆံၫလီၫ.- တၭဟ့ၭဇကဲအၫဖ့ၪလၫ့ကယဲစ့ၩလၧအဒၪ န့ဝ့ၫလၧယဟိဝၩအဂံၪ့ဖၧၩ့, ဒဲလၧဆၧအီၪက့ၪကီၪ့အ
16 လးလၧစဎွၩအဂံၪ့ဖၧၩ့လီၫ.- အဆၧၫ့အထီနီၪစဟ့ၭ ဇကဲအၫကျိၬလၩ့ခွံၬဆၧလၧ ယဟိဝၩအနီးအတရၫ့, ဒဲလၧထုၪ့ဖၭဒိၪလဖၪ လၧယုဒၫအစဎွၩ ဟ့ၭဇကဲအၫ ဖီၪ့ထၬဝ့ၫတၭ, ဖ့ၪလၫ့ဝ့ၫလၧအစံရအၫအစဎွၩနီၪလီၫ.
17 အစံရအၫအစဎွၩ အၪ့မၧၫ့လၩ့စတၫတၫ့,ဒဲစရၭ ဘစၫရံၭ,ဒဲစရၭဘၡၫက့ၫလဖၪ လၧလၫခံၭနီၪ, လၧအ ဘၪလ့ၩလၧစဎွၩဟ့ၭဇကဲအၫအအီၪ, ဒဲအၡၩၥုၭမုခ မျၧးထၫ့ဒၩယရုစလံၫ့တၭ, အဝ့ၫၥံၪလ့ၩဝ့ၫတၭ, ထီၩ့ လၧယရုစလံၫ့လီၫ. ထီးအဝ့ၫၥံၪဂဲၫထီၩ့ဝ့ၫတၭ, ဂဲၫ ဆၧၫ့ထုၪ့ဝ့ၫလၧကမၫ လၧထၭလခီၫလစီၪ့အထံၫချိၬ အနဲၩ့ထံၭလၧၦစုၪဆၧကဲၩ့ယၬ အဂၪ့ခိၪအဝၩ့အဖၧၩ့
18 ၥၭမုနီၪလီၫ.- ထီးအဝ့ၫၥံၪကိၭထၪ့လၧစဎွၩတၭ,ၦဂဲၫ ထၪ့လၧအအီၪ, စဟံၫလကဲအၫအဖိၪခွၫ စအံၫလဲအ ကံၫ့လၧအအီၪလၧဂံၪ့အဖၫ့ခိၪ, ဒဲၦကွ့ၭလံၬစၡံဘနၫ, ဒဲၦကွ့ၭနဲၪ့ဆၧစအၫစၭအဖိၪခွၫ စယိအၭနီၪလီၫ.
19 တၭစရၭဘၡၫက့ၫစံၭအဝ့ၫၥံၪ, လီၩဘၪစဟ့ၭဇကဲ အၫ,စဎွၩဖၭဒိၪအစံရအၫ အစဎွၩစံၭဘဲၫယီၩ, ဆၧ ဒိၭနဲၩ့အၥၭအီၪလၧနၧၩ လၧနဒိၭနဲၩ့နၥၭလၧအဝ့ၫမွဲ
20 ဆၧနီၪလမံၩ့လဲၪ.- နစံၭ, (မွဲန့ၫဆၧချဲၩ့) ယအီၪလၧ ဆၧကိၪ့ဆၧဖၭ, ဒဲဆၧအဂဲးအဘၭ လၧဒုၭဆၧအဂး ဘိၩ့နဲၪ့ယီၩလၧနပိၩ့ထၪ့ယၧၩနီၪ မွဲနဒိၭနဲၩ့နၥၭလၧ
21 ပလၫလဂၩလဲၪ.- ယိခွါ, နဒိၭနဲၩ့နၥၭလၧနိၪထိၭဖီး ဘီၩ့လၧအဆ့ၫဖိလဘီၩ့ယီၩ လၧအံဇံၭ,လၧၦအ့ၪဒိၭ နဲၩ့အၥၭလၧအဝ့ၫတၭ, မိနုၬဝ့ၫလၧအစူၪဖၧၩ့တၭ, မိ ဆ့ၭဖျီၫ့ဝ့ၫလီၫ. အံဇံၭအစဎွၩဖၫရိၫမၩအၥၭဘဲၫနီၪ, လၧကယဲၦလၧအဒိၭနဲၩ့အၥၭလၧအဝ့ၫလီၫ.
22 အ့ၪမွဲနၥံၪအ့ၪစံၭယၧၩ, ပဒိၭနဲၩ့ပၥၭလၧယဟိဝၩ ပယွၩနီၪတၭ, အဝ့ၫဒၪမွဲၦလၧစဟ့ၭဇကဲအၫမၩန့ခွံၬ ယူၭအလးထၪ့ထီၫလဖၪ, ဒဲအဆၧလုလးလဖၪတၭ, စံၭယုဒၫဒဲယရုစလံၫ့, နၥံၪမိဘၪဘိၪ့ဆၧဘၩဆၧလၧ ဆၧလုအလးယီၩ, အမ့ၬယၫ လၧယရုစလံၫ့အဖၧၩ့
23 ဧၪ.- ဘိၩ့နဲၪ့ယီၩ ဖ့ၪလၫ့ၦထိးအၥၭလဖၪလၧယက ဆါအစံရအၫအစဎွၩနီၪဆံၭ. တၭနဝ့ၫဒၪလခီၫနအီၪ က့ၪၦထူၬကၥ့ၪ လၧအလီၩ့အ့ၪၥ့ၪတၭ, ယမိဖ့ၪလၫ့
24 နၧၩလၧကၥ့ၪနံၫထီၫ့လီၫ.- မၩအၥၭဘဲၫနီၪတၭ, လၧ ယကဆါအခ့ၫအၡၩအကျၩၥုၭခိၪ လၧအဆံၭထုၬ လဂၩနမိဘိၭကၠၪကဒၩခွံၬအမ့ၬတၭ, ဒိၭနဲၩ့နၥၭလၧ အံဇံၭလၧအလဲၪ့ၥုၭအဂး, ဒဲလၧအကၥ့ၪၥုၭအဂးဘဲၫ
25 ၥ့ၪလဲၪ.- တၭဘိၩ့နဲၪ့ယီၩယဟိဝၩ လအီၪဘၪလၧယ ၥိၭတၭ, ယဂဲၫထၫ့ဒၩဆၧအလးယီၩ ဘဲၫၥိၭယမိမၩ ဂၭဂီၩ့ဆ့ဧၪ. ယဟိဝၩစံၭယၧၩ, လ့ၩထၪ့ထၫ့ဒၩခး လဘံၪ့ယီၩဒဲမၩဂၭဂီၩ့ဝ့ၫဆံၭ.
26 တၭစဟံၫလကဲအၫ အဖိၪခွၫစအံၫလဲအကံၫ့,ဒဲစ ၡ့ဘနၫ,ဒဲစယိအၭလဖၪ, စံၭစရၭဘၡၫက့ၫနီၪ, ချဲၩ့လါ ဆၧလၧၦစံရအၫဖိၪအလၨလၧနခ့ၫနၡၩဆံၭ. အဂဲး ဘဲၫယီၩပနၪၥ့ၪလီၫ. ချဲၩ့ဆၧလၧၦယုဒၫအလၨလၧ ၦခမျၧးလၧအအီၪလၧခိၪဒၧၩ့ အဖၫ့ခိၪနီၪအနါဖၧၩ့လ
27 ဂ့ၩ.- တၭစရၭဘၡၫက့ၫစံၭအဝ့ၫၥံၪ, ယကဆါအၪ့ မၧၫ့လၩ့ယချဲၩ့ဆၧချဲၩ့လဖၪယီၩ လၧနကဆါဒဲနၧၩ ဆ့ဧၪ. မွဲလၧၦဆၧၫ့နၩ့လၧခိၪဒၧၩ့ အဖၫ့ခိၪ ဘဲၫအဝ့ၫ ၥံၪမိအၪ့အအ့ၪဒၪဝ့ၫ, ဒဲအီၩအဆံၪထံၫဒၪဝ့ၫလဖၪနီၪ လၧနၥံၪအၥိၭ, မွဲအ့ၬဧၪ.
28 ထီးနီၪလဖၧၫ့စရၭဘၡၫက့ၫဆၧၫ့ထုၪ့တၭ, ကိၭထၪ့ လၧအလူဖၭဒိၪလၧယုဒၫအလၨနီၪ, ခိၭနၪစဎွၩဖၭဒိၪ
29 အစံရအၫအစဎွၩအလူနီၪဆံၭ.- စဎွၩစံၭဘဲၫယီၩ,မွဲ စဟ့ၭဇကဲအၫ ထီးအၪ့လီၫန့ နၥံၪလဂ့ၩး အဂဲးဘဲၫ ယီၩအဝ့ၫဒၪမၩဖီၩ့မၩဖျ့ၭ နၥံၪလၧစဎွၩနီၪအစူၪဖၧၩ့
30 ၥ့ၪအ့ၬ.- တၭစဟ့ၭဇကဲအၫ မိစံၭနၥံၪ, ယဟိဝၩမိမၩ ဖီၩ့မၩဖျ့ၭတၡါပၧၩ, ဒဲအဒိၩ့လဖျိၪ့ယီၩ ဆၧလဖ့ၪ လၫ့ခွံၬဘၪလၧအစံရအၫအစဎွၩ အစူၪဖၧၩ့တၭ,မွဲအ ထီးဒုၭဒိၭနဲၩ့နၥံၪအၥၭ လၧယဟိဝၩအစူၪဖၧၩ့နီၪလ
31 ဂ့ၩ.- ခိၭနၪစဟ့ၭဇကဲအၫအလူလဂ့ၩ, အဂဲးဘဲၫယီၩ အစံရအၫအစဎွၩစံၭဘဲၫယီၩ, မၩဆၧလၧယၧၩလၧ ဆၧဆိၪဂ့ၩတၭ, ဂဲၫထၪ့လၧယအီၪတၭ, အၪ့လဂၩလၧ အစဘံၭမုဒၪဝ့ၫ, လဂၩလၧအချိၪ့ဒိၩ့ဒၪဝ့ၫတၭ, အီၩ လဂၩလၧအထံၫဖၧၩ့ဒၪဝ့ၫ, လဂၩလၧအထံၫဖၧၩ့ဒၪ
32 ဝ့ၫနီၪ,- ထီးယဂဲၫဆိၬထၪ့ခွံၬ နၥံၪထီၩ့လၧခးလဘံၪ့ မၩအၥၭဘဲၫနၥံၪအခးဒၪနၥံၪဝ့ၫအၥိၭ, ခးလဘံၪ့အီၪ လၧဘုၪကၠိၩ့ဒဲစဘံၭထံၫ, ခးလဘံၪ့အီၪလၧကိၪ,ဒဲစ ဘံၭမုအလးလဖၪ, ခးလဘံၪ့အီၪလၧၥံၪ့အလဲအိၫ့အ ၥိၪ,ဒဲန့ၫစၩ့နီၪ, ဘဲၫၥိၭနၥံၪမိမၧၫ့ဒံၭတၭ, ၥံၫလဂ့ၩ. ထီးစဟ့ၭဇကဲအၫစံၭ, ယဟိဝၩမိမၩဖီၩ့ဖျ့ၭပၧၩတၭ,
33 အၪ့ယၫနၥံၪတၭ, မွဲနၥံၪထီးခိၭနၪလဂ့ၩ.- ၦဆၨၩၥံၪ အယွၩလဖၪ မၩဖီၩ့ဖျ့ၭတၡါအထံၫအခး လၧအစံရ
34 အၫအစဎွၩအစူၪဖၧၩ့ဆ့ဧၪ.- ဟၫမၭဒဲအၫပၭအယွၩ လဖၪနီၪ, မွဲအအီၪခီၫခီၫလဲၪ, စ့ၭဖၫဝံၫ့,ဟံနၫ, ဒဲအံဝၫ အယွၩလဖၪနီၪ, မွဲအအီၪခီၫခီၫလဲၪ. မွဲအမၩဖီၩ့မၩ
35 ဖျ့ၭစမ့ရအၫလၧယစူၪဖၧၩ့ဆ့ဧၪ.- ဘဲၫၥိၭယဟိဝၩ မိမၩဖီၩ့မၩဖျ့ၭယရုစလံၫ့လၧယစူၪဖၧၩ့နီၪတၭ, လၧ ခးလဖၪအယွၩ ထီးအလူၬအကျၩနီၪ, မွဲပလၫမၩဖီၩ့ မၩဖျ့ၭအထံၫအခးလၧယစူၪဖၧၩ့လဂၩလဲၪ.
36 ၦခမျၧးအီၪလၩ့မါပံၭတၭ, ချဲၩ့ဆၧၫ့အဝ့ၫနးထံၪ အ့ၬ. အဂဲးဘဲၫယီၩ စဎွၩမၪလူၬဆၧတၭစံၭဝ့ၫဒၪ,စံၭ ဆၧၫ့အဝ့ၫနးထံၪလဂ့ၩ.
37 ထီးနီၪလဖၧၫ့စဟ့ၭဇကဲအၫအဖိၪခွၫ စအံၫလဲအ ကံၫ့လၧအအီၪလၧဂံၪ့အဖၫ့ခိၪ, ဒဲၦကွ့ၭလံၬစၡ့ၭဘနၫ, ဒဲၦကွ့ၭနဲၪ့ဆၧစအၫစၭအဖိၪခွၫ စယိအၭလဖၪနီၪ,ထဲၩ့ ထဲၩ့လၧစဟ့ၭဇကဲအၫအအီၪလၧ အကီၩ့အၥိၭအယၬ တၭ,လီၩဘၪဝ့ၫလၧစရၭဘၡၫက့ၫ အဆၧချဲၩ့လဖၪ နီၪလီၫ.