15
(၂ကွ့ၭ ၂၆:ၥ-၂၃).
1 လၧအံၫစရ့လၭအစဎွၩ ယ့ၫရဘိအၫ့အနံၪ့နံၫဆံၫ နွ့ၫနံၪ့အဖၧၩ့နီၪ ယုဒၫအစဎွၩအၫမဇဲအၫ အဖိၪခွၫ
2 စအၭဇရဲအၫကဲၪထၪ့ၥၫ့စဎွၩလီၫ.- လၧအကဲၪၥၫ့ စဎွၩနီၪအၥၭအီၪလဆံၫဎူၫနံၪ့တၭ, ကဲၪစဎွၩလၧယ ရုစလံၫ့အဖၧၩ့ ယဲဆံၫနံၫနံၪ့လီၫ. အမိအမံၩ့မွဲနးယ့ၭ
3 ကလဲအၫလၧယရုစလံၫ့လီၫ.- အဝ့ၫမၩဆၧအဂ့ၩလၧ ယဟိဝၩအမ့ၬယၫ, ဘဲၫကယဲဆၧလၧအဖါ စအၫမဇဲ
4 အၫမၩဝ့ၫအၥိၭနီၪလီၫ.- မွဲလါနၫ့ဘိၩ ၥုၭခွံၬဆၧအ လးထၪ့ထီၫလဖၪအ့ၬ. ၦခမျၧးလုထၪ့ဒံၭဆၧ, ဒဲဆူၭခဲၩ ဒံၭဆၧနၧၫ့မၧၫ့ လၧဆၧအလးထၪ့ထီၫလဖၪ အဖၫ့ခိၪ နီၪလီၫ.
5 ယဟိဝၩထးစဎွၩတၭ, အဝ့ၫကဲၪထၪ့ၦခံၫထူၬဆၫ အၧၩ့ထီးမုလနံၩလၧအၥံၫလီၫ. တၭအီၪဝ့ၫလၧဆၧ ဆၫအဂံၪ့ဖၧၩ့လီၫ. စဎွၩအဖိၪခွၫ စယိၥၫ့အီၪဝ့ၫလၧ ဂံၪ့အဖၫ့ခိၪတၭ စ့ၩရၫ့ခးအၡၩခမျၧးလီၫ.
6 တၭဆၧအီၪလၩ့ထးဘၪဆဲၫ့လၧ စအၭဇရဲအၫ,ဒဲ ကယဲဆၧလၧအမၩဝ့ၫထီးအလူၬနီၪ ကွ့ၭအၥၭလၧယု ဒၫအစဎွၩအလံၬကွ့ၭနဲၪ့ဆၧအဖၧၩ့နီၪ, မွဲအ့ၬဧၪ.
7 စအၭဇရဲအၫမံၫဝ့ၫ လၧအဖါၥံၪအၥိၭတၭ, ၦခုၪ့လၩ့ ဘၧၩ့ခွံၬဝ့ၫလၧအဖါၥံၪအၥိၭ လၧစဒၫဝံၭအဒိၩ့ဖၧၩ့ တၭ,အဖိၪခွၫစယိၥၫ့ကဲၪထၪ့စဎွၩ လၧအလးနီၪလီၫ.
8 လၧယုဒၫအစဎွၩအၭဇရဲအၫ အနံၪ့ၥၧၫ့ဆံၫဎိၭနံၪ့ လနံၪ့အဖၧၩ့နီၪ, စယ့ၫရဘိအၫ့အဖိၪခွၫ စဇၭခရဲအၫ ကဲၪထၪ့စဎွၩလၧ အံၫစရ့လၭအဖၫ့ခိၪ လၧစမ့ရအၫအ
9 ဖၧၩ့လၩဎူၫဘံၪ့လီၫ.- အဝ့ၫဒၪမၩဆၧအၧၩ့လၧယဟိ ဝၩအမ့ၬယၫဘဲၫအဖါလဖၪမၩဝ့ၫအၥိၭနီၪလီၫ. တၭ စဲၪ့ဒၪစနံဘၭ အဖိၪခွၫ စယ့ၫရဘိအၫ့လၧအဒုၭမၩ အံၫစရ့လၭလၧဆၧဒဲၩဘၭ လဂၩအဆၧဒဲၩဘၭအ့ၬ.
10 တၭစယၫဘံၭအဖိၪခွၫ စၡၫလၧၫ့ကိၪ့ဆၧအၧၩ့ထၫ့ဒၩ ဝ့ၫတၭ,ကျီၪ့ခွံၬဝ့ၫလၧၦခမျၧးအမ့ၬယၫ, မၩၥံၫဝ့ၫ တၭ,ကဲၪထၪ့စဎွၩလၧအလးလီၫ.
11 တၭဆၧအီၪလၩ့ထးဘၪဆဲၫ့ လၧစဇၭခရဲအၫနီၪ, ယိခွါ,ကွ့ၭအၥၭ လၧအံၫစရ့လၭ အစဎွၩအလံၬကွ့ၭ
12 နဲၪ့ဆၧအဖၧၩ့နီၪလီၫ.- အယီၩမွဲယဟိဝၩအလူလၧ အချဲၩ့ဆၧလၧစယံဟုၫတၭ, စံၭဝ့ၫဒၪ, နဖိၪခွၫမိဆၧၫ့ နၩ့လၧအံၫစရ့လၭ အလးဆီၩ့ဆီအဖၫ့ခိၪ ထီးအဎွ့ၩ ထၪ့လံဆိၩလဆိၩနီၪလီၫ. တၭဆၧမၩအၥၭဘဲၫနီၪ လီၫ.
13 လၧယုဒၫအစဎွၩ အၧၭဇဲအၫ အနံၪ့ၥၧၫ့ဆံၫခွံၫနံၪ့ လနံၪ့အဖၧၩ့နီၪ, စယၫဘံၭအဖိၪခွၫစၡၫလၧၫ့ကဲၪထၪ့ ၥၫ့စဎွၩတၭ, ပၧၩ့ဆၧလၧစမ့ရအၫအဖၧၩ့ ဎွ့ၩထၪ့လၩ
14 လဘံၪ့လီၫ.- တၭစဂၫဒံၫအဖိၪခွၫ စမံၫ့နဟံၫ့စဲၪ့ထၪ့ ခွံၬလၧတၧဇၫတၭ, ဂဲၫထီၩ့ဝ့ၫလၧစမ့ရအၫတၭ, ကျီၪ့ ခွံၬစယၫဘံၭအဖိၪခွၫစၡၫလၧၫ့ လၧစမ့ရအၫအဖၧၩ့ တၭ, မၩၥံၫဝ့ၫတၭ, ကဲၪထၪ့စဎွၩလၧအလးနီၪလီၫ.
15 တၭဆၧအီၪလၩ့ထးဘၪဆဲၫ့လၧ စၡၫလၧၫ့,ဒဲအဆၧ ကိၪ့အၧၩ့လၧအကိၪ့ဝ့ၫနီၪ, ယိခွါ,ကွ့ၭအၥၭလၧအံၫ စရ့လၭအစဎွၩအလံၬကွ့ၭနဲၪ့ဆၧ အဖၧၩ့နီၪလီၫ.
16 ထီးနီၪလဖၧၫ့ စမံၫ့နဟံၫ့ကျီၪ့ခွံၬတံပစၫ, ဒဲကယဲ ၦလၧအအီၪဝ့ၫလၧအဖၧၩ့, ဒဲခးအီၪဝ့ၫလၧအနဲၩ့ထံၭ လၧတၧဇၫလီၫ. အဂဲးဘဲၫယီၩ ၦၡၩဝဲထၪ့ဆၧအ့ၬ. မၩအၥၭဘဲၫနီၪတၭ အဝ့ၫဒၪကျီၪ့ခွံၬဝ့ၫလီၫ. တၭၦမုၪ လၧအဒၧၩ့ထီးအလူၬနီၪ ဎွ့ၭဖၭဝ့ၫဒၪလီၫ.
17 လၧယုဒၫအစဎွၩအၭဇရဲအၫ အနံၪ့ၥၧၫ့ဆံၫခွံၫနံၪ့ လနံၪ့အဖၧၩ့နီၪ, စဂၭဒံၫအဖိၪခွၫ စမံၫ့နဟံၫ့ ကဲၪထၪ့ ၥၫ့စဎွၩလၧအံၫစရ့လၭ အဖၫ့ခိၪတၭ,ပၧၩ့ဆၧဆံၫနံၪ့
18 လၧစမ့ရအၫအဖၧၩ့လီၫ.- အဝ့ၫဒၪမၩဆၧအၧၩ့လၧ ယဟိဝၩအမ့ၬယၫလီၫ. လဆိၩဒၪအဝ့ၫနီၪစဲၪ့ဒၪစနံ ဘၭအဖိၪခွၫ စယ့ၫရဘိအၫ့ လၧအဒုၭမၩအံၫစရ့လၭ
19 လၧဆၧဒဲၩဘၭလဂၩအဆၧဒဲၩဘၭအ့ၬ.- အစံရအၫ အစဎွၩပုလၭဂဲၫထၫ့ဒၩ ထံၫၥံၪခးၥံၪတၭ, စမံၫ့နဟံၫ့ ဖ့ၪလၫ့စပုလၭ လၧစ့ၩအကံကၫလထီၫ့, ဘဲၫၥိၭအဝ့ၫ ၥံၪအစူၪမိအီၪလၧအၥိၭ, ဘဲၫၥိၭအမိဒုၭအီၪဂုးအီၪ
20 ခၧၫ့ဘၩ့မုးလၧအစူၪဖၧၩ့လီၫ.- တၭစမံၫ့နဟံၫ့မၩန့ ဆီၪ့စ့ၩလၧအံၫစရ့လၭ ဒဲလၧကယဲၦအထူၭအလၧၫ့ အၪ,လဂၩစ့ၩၡက့လၭယဲဆံၫ, လဂၩစ့ၩၡက့လၭယဲ ဆံၫ,ဘဲၫၥိၭအမိဖ့ၪလၫ့အစံရအၫအစဎွၩလီၫ. အစံ ရအၫအစဎွၩထဲၩ့ကဒၩထဲၩ့တၭ, အီၪဝ့ၫလၧခးဖၧၩ့နီၪ အ့ၬ.
21 တၭဆၧအီၪလၩ့ထးဘၪဆဲၫ့ လၧစမံၫ့နဟံၫ့ဒဲကယဲ ဆၧလၧအမၩဝ့ၫနီၪ ကွ့ၭအၥၭလၧအံၫစရ့လၭအစဎွၩ
22 အလံၬကွ့ၭနဲၪ့ဆၧအဖၧၩ့နီၪ,မွဲအ့ၬဧၪ.- စမံၫ့နဟံၫ့မံၫ ဝ့ၫလၧအဖါၥံၪအၥိၭတၭ, အဖိၪခွၫစပ့ၭကဟဲအၫကဲၪ ထၪ့စဎွၩလၧအလးနီၪလီၫ.
23 လၧယုဒၫအစဎွၩအၭဇရဲအၫအနံၪ့ယဲဆံၫနံၪ့လ နံၪ့အဖၧၩ့နီၪ, စမံၫ့နဟံၫ့အဖိၪခွၫ စပ့ၭကဟဲအၫကဲၪ ၥၫ့စဎွၩလၧအံၫစရ့လၭအဖၫ့ခိၪ လၧစမ့ရအၫအဖၧၩ့
24 နံၫနံၪ့လီၫ.- အဝ့ၫမၩဆၧအၧၩ့ လၧယဟိဝၩအမ့ၬယၫ တၭ,စဲၪ့ဒၪစနံဘၭအဖိၪခွၫ စယ့ၫရဘိအၫ့လၧအဒုၭ မၩအံၫစရ့လၭလၧဆၧဒဲၩဘၭ လဂၩ အဆၧဒဲၩဘၭ
25 အ့ၬ.- အၡၩအခိၪလဂၩစရ့ၫမလဲအၫအဖိၪခွၫစပံကၫ ကိၪ့ဆၧအၧၩ့ထၫ့ဒၩအဝ့ၫတၭ, ကျီၪ့ခွံၬဝ့ၫလၧစမ့ရ အၫအဖၧၩ့ လၧစဎွၩအဂံၪ့အနီးဖၧၩ့, အီၪလၧစအၫ ဂီၭ,ဒဲစအၫရအံၭ, ဒဲၦဂံလအၭဖိၪယဲဆံၫအီၪလၧအၥိၭ တၭ,မၩၥံၫဝ့ၫတၭ, ကဲၪထၪ့စဎွၩလၧအလးနီၪလီၫ.
26 တၭဆၧအီၪလၩ့ထးဘၪဆဲၫ့ လၧစဎွၩပ့ၭကဟဲအၫ ဒဲကယဲဆၧလၧအမၩဝ့ၫထီးအလူၬနီၪ, ယိခွါ,ကွ့ၭအ ၥၭလၧအံၫစရ့လၭအစဎွၩ အလံၬကွ့ၭနဲၪ့ဆၧအဖၧၩ့ လီၫ.
27 လၧယုဒၫအစဎွၩ အၭဇရဲအၫအနံၪ့ယဲဆံၫနံၫနံၪ့ လနံၪ့အဖၧၩ့နီၪ, စရ့ၫမလဲအၫအဖိၪခွၫ စပံကၫကဲၪၥၫ့
28 စဎွၩလၧအံၫစရ့လၭအဖၫ့ခိၪအနံၪ့နံၫဆံၫလီၫ.- အဝ့ၫ ဒၪမၩဆၧအၧၩ့ လၧယဟိဝၩအမ့ၬယၫလီၫ. တၭစဲၪ့ ဒၪစနံဘၭအဖိၪခွၫစယ့ၫရဘိအၫ့ လၧအဒုၭမၩအံၫစရ့ လၭလၧဆၧဒဲၩဘၭလဂၩအဆၧဒဲၩဘၭအ့ၬ.
29 လၧအံၫစရ့လၭ အစဎွၩပံကၫ အမုနံၩလဖၪနီၪအ စံရအၫအစဎွၩထံၭစလၭပလံစၫဂဲၫဝ့ၫ, မၩန့အဲယၧၫ့ ဒဲအၫဘလၭဘ့ၭၥမၫကၫ, ဒဲယနိအၫ, ဒဲကၫဒ့ၭ,ဒဲဟၫ ဇီၫ,ဒဲဂံလအၭ, ဒဲဂၫလလံၫ,ဒဲနၭၥလဲၫအၡၩခးဖိၪထီး အလူၬတၭ, ဆိၬထၪ့အၪ့မၧၫ့ဎီးဝ့ၫ လၧအစံရအၫအ ဖၧၩ့လီၫ.
30 စအံလၫအဖိၪခွၫစဟိၫစံအၫကိၪ့ဆၧအၧၩ့ ထၫ့ဒၩ စရ့ၫမလဲအၫအဖိၪခွၫစပံကၫတၭ, ကျီၪ့ခွံၬဝ့ၫ,ဒဲမၩၥံၫ ဝ့ၫတၭ,ကဲၪထၪ့စဎွၩလၧအလး လၧစအၧၭဇဲအၫအ ဖိၪခွၫစယိၥၫ့အနံၪ့ဘၪ နံၫဆံၫနံၪ့လနံၪ့အဖၧၩ့နီၪလီၫ.
31 တၭဆၧအီၪလၩ့ထးဘၪဆဲၫ့ လၧစပံကၫ,ဒဲကယဲ ဆၧလၧအမၩဝ့ၫ ထီးအလူၬနီၪ, ယိခွါ, ကွ့ၭအၥၭလၧ အံၫစရ့လၭအစဎွၩအလံၬကွ့ၭနဲၪ့ဆၧ အဖၧၩ့နီၪလီၫ.
(၂ကွ့ၭ ၂၇:ၥ-၉).
32 လၧအံၫစရ့လၭအစဎွၩ ရ့ၫမလဲအၫအဖိၪခွၫစပံ ကၫအနံၪ့နံၫနံၪ့လနံၪ့နီၪ, ယုဒၫအစဎွၩ စအၧၭဇဲအၫ
33 အဖိၪခွၫစယိၥၫ့ကဲၪၥၫ့စဎွၩလီၫ.- လၧအကဲၪစဎွၩနီၪ အၥၭၡါနံၫဆံၫယဲနံၪ့တၭ, ကဲၪထၪ့စဎွၩလၧယရုစလံၫ့ အဖၧၩ့လဆံၫဎူၫနံၪ့လီၫ. အမိအမံၩ့မွဲနးယရုၡၫ, စဇၫ
34 ဒီၭအဖိၪမုၪလီၫ.- အဝ့ၫဒၪမၩဆၧဂ့ၩလၧယဟိဝၩအ မ့ၬယၫတၭ, မၩဝ့ၫဘဲၫကယဲဆၧလၧအဖါစအၧၭဇဲအၫ
35 မၩယူၭဝ့ၫအၥိၭနီၪလီၫ.- မွဲလါနၫ့ဘိၩၥုၭခွံၬ ဆၧအ လးထၪ့ထီၫလဖၪအ့ၬ. ၦခမျၧးလုထၪ့ဒံၭဆၧ,ဒဲဆူၭ ခဲၩထၪ့ဒံၭဆၧနၧၫ့မၧၫ့ လၧဆၧအလးထၪ့ထီၫလဖၪအ ဖၫ့ခိၪလီၫ. အဝ့ၫဒၪနီၪမၩထၪ့ထဲၩ့ ယဟိဝၩအဂံၪ့အ တရၫ့လၧဆၧထၪ့ထီၫလစီၪ့နီၪလီၫ.
36 တၭဆၧအီၪလၩ့ထးဘၪဆဲၫ့လၧစယိၥၫ့, ဒဲကယဲ ဆၧလၧအမၩဝ့ၫထီးအလူၬနီၪ, ကွ့ၭအၥၭလၧယုဒၫ အစဎွၩ အလံၬကွ့ၭနဲၪ့ဆၧအဖၧၩ့နီၪ, မွဲအ့ၬဧၪ.
37 လၧမုနံၩလဖၪနီၪ ယဟိဝၩအၪ့မၧၫ့ၥၫ့စံရအၫအစ ဎွၩရံဇံၫ့, ဒဲစရ့ၫမလဲအၫအဖိၪခွၫ စပံကၫလဖၪနီၪထၫ့ဒၩ
38 ယုဒၫလီၫ.- စယိၥၫ့မံၫဝ့ၫလၧအဖါၥံၪအၥိၭတၭ ၦခုၪ့ လၩ့ဘၧၩ့ခွံၬဝ့ၫလၧ အဖါၥံၪအၥိၭလၧအဖါစဒၫဝံၭအ ဒိၩ့ဖၧၩ့တၭ, အဖိၪခွၫစအၫဟဇၭ ကဲၪထၪ့စဎွၩလၧ အလးနီၪလီၫ.