13
1 လၧယုဒၫအစဎွၩ အၫဟဇဲအၫအဖိၪခွၫ စယိအၭ အနံၪ့နံၫဆံၫၥၧၫ့နံၪ့အဖၧၩ့နီၪ စယံဟုၫအဖိၪခွၫ စယဟိ အဟၭကဲၪထၪ့စဎွၩလၧအံၫစရ့လၭ အဖၫ့ခိၪလၧစမ့
2 ရအၫအဖၧၩ့တၭ, ပၧၩ့ဆၧလဆံၫနွ့ၫနံၪ့လီၫ.- အဝ့ၫ မၩဆၧအၧၩ့လၧယဟိဝၩအမ့ၬယၫတၭ, လီၩ့စနံဘၭ အဖိၪခွၫစယ့ၫရဘိအၫ့ လၧအဒုၭမၩအံၫစရ့လၭလၧ ဆၧဒဲၩဘၭလဂၩ အဆၧဒဲၩဘၭလီၫ. စဲၪ့ဒၪဝ့ၫအ့ၬ.
3 ယဟိဝၩအၥၭထၪ့ခဲၩထၪ့ဘၪ အံၫစရ့လၭတၭ,အဝ့ၫ ဒၪဖ့ၪလၫ့ခွံၬအဝ့ၫၥံၪလၧစံရအၫအစဎွၩ ဟၭဇအ့လၭ အစူၪဖၧၩ့,ဒဲလၧစဟၭဇအ့လၭ အဖိၪခွၫစဘံၫ့ဟၫဒၭ
4 အစူၪဖၧၩ့အမုနံၩထီးအလူၬလီၫ.- စယဟိအဟၭအၪ့ ကံၩ့အၪ့ယၫယဟိဝၩတၭ, ယဟိဝၩခိၭနၪအလူလီၫ. အဂဲးဘဲၫယီၩဒၪဘၪဝ့ၫလၧ အံၫစရ့လၭအဆၧၡၪ့ဆၧ နၭလီၫ. အဂဲးဘဲၫယီၩ စံရအၫအစဎွၩ မၩနၭမၩၡၪ့
5 ဝ့ၫလီၫ.- (ယဟိဝၩဖ့ၪလၫ့အံၫစရ့လၭ လၧဆၧမၩ ဖီၩ့မၩဖျ့ၭဝ့ၫတၭ, အဝ့ၫၥံၪနီၪစဲၪ့ထၪ့ခွံၬလၧၦစံရအၫ ဖိၪအစူၪဖၧၩ့တၭ, ၦအံၫစရ့လၭဖိၪအီၪဝ့ၫလၧအတဲၩ လဖၪအဖၧၩ့, ဘဲၫလၧအၥၫ့ လၧအခၪ့ထံၭအၥိၭနီၪ
6 လီၫ.- မွဲလါနၫ့ဘိၩ စဲၪ့ဒၪစယ့ၫရဘိအၫ့လၧအဒုၭမၩ အံၫစရ့လၭလၧဆၧဒဲၩဘၭလဂၩ အၡၩဂံၪ့ဖိၪအဆၧ ဒဲၩဘၭအ့ၬ. လ့ၩဝ့ၫလၧအဖၧၩ့တၭ, အၡ့ရိၫအီၪဒံၭဆ့
7 လၧစမ့ရအၫအဖၧၩ့နီၪလီၫ.)- အဝ့ၫဒၪအီၪက့ၪလၩ့ ထးဝ့ၫလၧၦခမျၧးအကျၩ လၧစယဟိအဟၭအဂးန့ၫ ၦကၥ့ၪၥုၭယဲဆံၫ, ဒဲလဲၪ့ၥုၭဆံၫခိၪ, ဒဲၦခၪ့ၥုၭလလၬ လီၫ.အဂဲးဘဲၫယီၩ, စံရအၫအစဎွၩမၩဂၭဂီၩ့ဝ့ၫတၭ အီၪက့ၪဝ့ၫ ဘဲၫဆၧယဲးဘုၪအဆၧဘံၪၥိၭ အၥိၭနီၪ လီၫ.
8 တၭဆၧအီၪလၩ့ထးဘၪဆဲၫ့ လၧစယဟိအဟၭ,ဒဲ ကယဲဆၧလၧအမၩဝ့ၫ, ဒဲအစီၩ့အမၩ့နီၪ ကွ့ၭအၥၭ လၧအံၫစရ့လၭအစဎွၩ အလံၬကွ့ၭနဲၪ့ဆၧအဖၧၩ့နီၪ,
9 မွဲအ့ၬဧၪ.- တၭစယဟိအဟၭမံၫဝ့ၫလၧ အဖါလဖၪအ ၥိၭတၭ, ၦခုၪ့လၩ့ဘၧၩ့ခွံၬဝ့ၫ လၧစမ့ရအၫအဖၧၩ့တၭ, အဖိၪခွၫစယိအၭကဲၪထၪ့စဎွၩ လၧအလးနီၪလီၫ.
10 လၧယုဒၫအစဎွၩယိအၭအနံၪ့ၥၧၫ့ဆံၫ နွ့ၫနံၪ့လနံၪ့ အဖၧၩ့နီၪ, စယဟိအဟၭအဖိၪခွၫ စယဟိအၭကဲၪထၪ့ စဎွၩလၧအံၫစရ့လၭ အဖၫ့ခိၪလၧစမ့ရအၫ အဖၧၩ့
11 တၭ,ပၧၩ့ဆၧလဆံၫဎူၫနံၪ့လီၫ.- အဝ့ၫဒၪမၩဆၧအၧၩ့ လၧယဟိဝၩအမ့ၬယၫတၭ, စဲၪ့ဒၪစနံဘၭ အဖိၪခွၫ စယ့ၫရဘိအၫ့ လၧအဒုၭမၩအံၫစရ့လၭ လၧဆၧဒဲၩ ဘၭလဂၩအဆၧဒဲၩဘၭနီၪနးမံၩ့အ့ၬ. လ့ၩဝ့ၫလၧအ
12 ဖၧၩ့လီၫ.- ဆၧအီၪလၩ့ထးဘၪဆဲၫ့ လၧစယဟိအၭ, ဒဲကယဲဆၧလၧအမၩဝ့ၫ, ဒဲအစီၩ့အမၩ့လၧအဒုၭဆၧ ထၫ့ဒၩယုဒၫအစဎွၩ အၫမဇဲအၫနီၪ, ကွ့ၭအၥၭလၧအံၫ
13 စရ့လၭအလံၬကွ့ၭနဲၪ့ဆၧအဖၧၩ့နီၪ, မွဲအ့ၬဧၪ.- တၭ စယိအၭမံၫဝ့ၫလၧအဖါလဖၪအၥိၭတၭ, စယ့ၫရဘိ အၫ့ဆၧၫ့နၩ့လၧအလးဆီၩ့ဆီအဖၫ့ခိၪတၭ, စယိအၭ ဘၪဆၧခုၪ့လၩ့ဘၧၩ့ဝ့ၫ လၧစမ့ရအၫအဖၧၩ့ အီၪလၧ အံၫစရ့လၭအစဎွၩၥံၪအၥိၭလီၫ.
14 စအံၫလဲၡၫဆၫဝ့ၫ လၧဆၧဆၫ လၧအၥံၫဝ့ၫလၧအ ကၠီၩ့တၭ,အံၫစရ့လၭအစဎွၩစယိအၭ ဂဲၫလၩ့လၧအ အီၪတၭ,ဂၪ့ဝ့ၫလၧအမ့ၬအဖၫ့ခိၪတၭ, စံၭဝ့ၫဒၪ,ယဖါ ဧ့,ယဖါဧ့,အံၫစရ့လၭအလဲၪ့ကၥ့ၪ, ဒဲအကၥ့ၪၥုၭဧ့,
15 စအံၫလဲၡၫစံၭဝ့ၫ, မၩန့ချံၪဒဲဖျါလဖၪဆံၭ, တၭအဆၧ
16 မၩန့ချံၪဒဲဖျါလဖၪနီၪလီၫ.- စံၭအံၫစရ့လၭအစဎွၩ, အီၪက့ၪနစူၪလၧချံၪအဖၫ့ခိၪဆံၭ. တၭအဆၧအီၪက့ၪ အစူၪလီၫ. တၭစအံၫလဲၡၫအီၪက့ၪအစူၪလၧစဎွၩအ
17 စူၪအဖၫ့ခိၪလီၫ.- တၭစံၭဝ့ၫဒၪဝဲထၪ့တရၫ့လံၩလၧမု ထၪ့လခီၫဆံၭ. စအံၫလဲၡၫစံၭ, ခၭဆၧဘီၪ, တၭအ ဆၧခၭဝ့ၫလီၫ. တၭစံၭဝ့ၫဒၪ, ယဟိဝၩအဆၧမၩဖီၩ့ ဖျ့ၭအဖျါလဘံၪ့, ဒဲဆၧမၩဖီၩ့ဖျ့ၭ လၧစံရအၫအဖျါ လီၫ.အဂဲးဘဲၫယီၩ နမိကျီၪ့ခွံၬ ၦစံရအၫဖိၪလၧအၫ
18 ဖံၭအဖၧၩ့ထီးနမၩလူၬဝ့ၫလီၫ.- တၭစံၭဝ့ၫဒၪမၩန့ဖျါ လဖၪဆံၭ. တၭအဆၧမၩန့ဝ့ၫလီၫ. တၭစံၭအံၫစရ့လၭ အစဎွၩ, ထးဂၪ့ခိၪဆံၭ. တၭအဆၧထးဝ့ၫၥၧၫ့ဖၧၫ့တၭ
19 အီၪပထုၬဝ့ၫလီၫ.- ယွၩအၡၩၥၭထၪ့ဝ့ၫတၭ, စံၭဝ့ၫဒၪ, ဂ့ၩလၧနထးဆၧယဲဖၧၫ့ဎူၫဖၧၫ့လီၫ. ထီးနီၪလဖၧၫ့နမိ ထးဘၪစံရအၫ ထီးနမၩလူၬဝ့ၫလီၫ. အ့ၪမွဲဘိၩ့နဲၪ့ ယီၩနမိထးစံရအၫၥၧၫ့ဖၧၫ့လီၫ.
20 စအံၫလဲၡၫၥံၫဝ့ၫတၭ, ၦခုၪ့လၩ့ဘၧၩ့ခွံၬဝ့ၫလီၫ. တၭၦမိအၭဖိၪအဒီၪ့လဖၪ, ဂဲၫနုၬဆီၪ့လၧခးဖၧၩ့လၧ
21 နံၪ့ထၪ့ၥၫ့နီၪလီၫ.- တၭၦခုၪ့လၩ့ဘၧၩ့ၦလဂၩအဘိၩ့ ဘၭနီၪ,ယိခွါ, ဆၧမၩအၥၭလၧအဒၪဘၪ ၦလဒီၪ့တၭ, ခွံၬလၩ့ၦလဂၩနီၪ လၧစအံၫလဲၡၫ အၥွၪခိၪဖၧၩ့တၭ, ထီးၦဆဲၩလၩ့ဝ့ၫတၭ, ဘၪထံၭလၧစအံၫလဲၡၫအဎွံၪ လဖၪနီၪမၧၫ့ထၪ့ထဲၩ့ဝ့ၫတၭ, ဆၧၫ့ထုၪ့ထၪ့ဝ့ၫလၧအ ခၪ့လီၫ.
22 စံရအၫအစဎွၩ ဟၭဇအ့လၭမၩအၧၩ့မၩနၭအံၫ စရ့လၭလၧစယဟိအဟၭအမုနံၩ ထီးအလူၬအဖၧၩ့
23 လီၫ.- ယဟိဝၩမၩခိးမၩတၩအဝ့ၫၥံၪ, အၥၭအီၪအဝ့ၫ ၥံၪတၭ,ယိမ့ၬဝ့ၫလၧ အဆၧအုၩ့လၩ့လၧစအၫဘြဟၫ့, ဒဲစအံစၭ, ဒဲစယၫကူၭအကၠီၩ့ လမၩဂၭဂီၩ့ဘၪအဝ့ၫ
24 ၥံၪတၭ,ခွံၬၡိၭခွံၬဝ့ၫလၧ အမ့ၬယၫအ့ၬ.- စံရအၫအ စဎွၩဟၭစအ့လၭၥံၫဝ့ၫတၭ, အဖိၪခွၫစဘံၫ့ဟၫဒၭ
25 ကဲၪထၪ့စဎွၩလၧအလးနီၪလီၫ.- တၭစယဟိအဟၭ အဖိၪခွၫစယဟိအၭ မၩန့ထဲၩ့ဒိၩ့လဖၪ, လၧစဟၭ ဇအ့လၭအဖိၪခွၫ စဘံၫ့ဟၫဒၭအစူၪဖၧၩ့ လၧအမၩန့ လၧအဖါစယဟိအဟၭအစူၪဖၧၩ့ လၧဆၧဒုၭၥုၭလီၫ. တၭစယိအၭမၩစၪဝ့ၫၥၧၫ့ဖၧၫ့တၭ, မၩန့ထဲၩ့အံၫစရ့ လၭအဒိၩ့လဖၪနီၪလီၫ.