4
1 တၭစဎွၩစီလမၧၫ့ ကဲၪစဎွၩလၧအံၫစရ့လၭထီး
2 အလူၬအဖၫ့ခိၪလီၫ.- ၦဒိၪဖၭဒိၪလၧအအီၪလၧအၥိၭမွဲ အယီၩး ၦလုဆၧစဇၫဒီၭ, အဖိၪခွၫစအၭဇရဲၫအၫ,
3 စၡဲၡၫအဖိၪခွၫၥံၪ, စအံၫလဟိရ့ၭ, ဒဲစအဟဲအၫမွဲၦ ကွ့ၭလံၬလဖၪး စအဟဲလၧၭအဖိၪခွၫစယဟီၡဖၭမွဲၦ
4 ကွ့ၭနဲၪ့ဆၧး ဒဲစယဟီအဒၫအဖိၪခွၫစဘံၫ့နအဲအၫမွဲၦ ၥုၭမုခမျၧးအခိၪး ဒဲၦလုဆၧနီၪမွဲစဇၫဒီၭ ဒဲစအဘဲ
5 အၥၫၥံၪ,- ဒဲစနၫၥၫ့အဖိၪခွၫစအၭဇရဲအၫ မွဲၦဒိၪၥံၪ အခိၪးဒဲစနၫၥၫ့အဖိၪခွၫစဇၫဘၧၭ, လၧၦဒိၪၥံၪအကျၩ
6 အဒိၪထုၬ, ဒဲစဎွၩအထံၩအၥိၭ,- ဒဲၦပၧၩ့ဂံၪ့နီၪစအ ဟဲၡၧၫး ဒဲၦပၧၩ့အခီၫ့နီၪစအၭဘဒၫအဖိၪခွၫ စအၭဒ နဲရၫ့လီၫ.
7 တၭၦလၧအတဲၩ့ဝဲၩဆၧအၪ့ဆၧအီၩ လၧစဎွၩဒဲအ ဂံၪ့အဂးနီၪ, စစီလမၧၫ့အီၪလၧၦဒိၪလဆံၫနံၫဂၩလၧ
8 အံၫစရ့လၭထီးအလူၬအဖၫ့ခိၪတၭ,- အဝ့ၫၥံၪတဲၩ့ဝဲၩ ဆၧအၪ့ဆၧအီၩ, လဂၩလၧအလၩ လဂၩလၧအလၩ ဆုၬဆုၬလနံၪ့အထးဖၧၩ့နီၪလီၫ. အဝ့ၫၥံၪအမံၩ့မွဲဘဲၫ
9 ယီၩ.- စဟၧၫအဖိၪခွၫလၧခိၪလီၩ့အံဖြံၫ့အဖၧၩ့ စဒ့ ကၫအဖိၪခွၫ လၧမၫကၭအဖၧၩ့, ဒဲဘ့ၭၥၡံမ့ၭ, ဒဲအံၫ
10 လၧၫ့ဘ့ၭၥဟၫနၫ့း- စဟံစ့ၭအဖိၪခွၫ လၧအၫရုၫဘိၭ အဖၧၩ့, စိကိၫဒဲခးဟ့ဖၧၫ ထီးအလူၬနီၪဘၪဆဲၫ့လၧ အဝ့ၫဒၪဆ့း စအဘံၫ့နဒၭအဖိၪခွၫလၧခးဒီၫထီးအလူၬ
11 အဖၧၩ့း- အဝ့ၫနီၪန့အမၫလၧစစီလမၧၫ့အဖိၪမုၪနးတၫ ဖၭး စအဟဲလၧၭ အဖိၪခွၫစဘၫအနၫ, အဝ့ၫဒၪန့ဘၪ
12 ဝ့ၫတၫအနၭဒဲမဂံၭဒိၫ,- ဒဲဘ့ၭၥၡံအၫ့ထီးအလူၬ,လၧ အအီၪလၧဇၫတနၫအနဲၩ့ လၧယ့ၭစရ့လၭ အဖၫ့လၬ လၧဘ့ၭၥၡံအၫ့ဖိး လၧအၫဘလၭမဟိလၫ, ထီၩ့လၧ
13 ယီၭနအၫ့အမ့ၬယၫ- စဂံဘအၧၫအဖိၪခွၫလၧရၫမီၭဂံ လအၭအဖၧၩ့း အဝ့ၫဒၪန့ဘၪစမနၭစ့ၫအဖိၪခွၫစယၫ အၫအဝၩ့လဖၪလၧဂံလအၭအဖၧၩ့, မွဲအန့ဘၪဆ့ခး အၫဂီၭလၧဘၫၡၫ့အဖၧၩ့ ဒိၩ့ဖၭဒိၪဎူၫဆံၫ အီၪလၧအ
14 ခိၪဒၧၩ့ဒဲနိၪဘီၩ့ထီးဘၩ့ၥံၪ,- စအံဒိၫအဖိၪခွၫစအဟံ
15 နဒၭန့ဘၪမၫဟနၫအံၫ့,- စအဟံမအၭန့ဘၪနၭၥလဲၫး
16 အဝ့ၫဒၪန့မၫလၧစစီလမၧၫ့ အဖိၪမုၪနးဘၭစမၭ,- စ ယုၡဲၫအဖိၪခွၫစဘၫအနၫအီၪ လၧအၭၡၧၫဒဲအၫလီၭအ
17 ဖၧၩ့း- စပၫရုအၫအဖိၪခွၫ စယဟီၡဖၭ လၧအံၭစခၫ
18 အဖၧၩ့,- စအံလၫအဖိၪခွၫစၡံမအဲၫလၧ ဘံၪ့ယမံၫ့အ
19 ဖၧၩ့,- စယုရဲၫအဖိၪခွၫစဂံဘၧၫ လၧခးဂံလအၭ,ဘၪ ဆဲၫ့လၧဇဲဟၫ့ ၦအၫမိၫဖိၪ အစဎွၩ, ဒဲဘၫၡၫ့အစဎွၩ စအီၭတၭ, ၦဒိၪလၧခးဖၧၩ့နီၪ မွဲန့ၫအဝ့ၫဒၪလဂၩလီၫ.
20 ယုဒၫဒဲအံၫစရ့လၭနီၪ အၪဝ့ၫဘဲၫမ့ၭၥံၪလၧမၫဆမံၭ နဲၩ့အၥိၭနီၪအၪ့ဆၧဒဲအီၩဆၧတၭ, မၩမုၬမၩလၩအ
21 ၥၭလီၫ.- တၭစစီလမၧၫ့ကဲၪစဎွၩ လၧဘၩ့မုးထီးအ လူၬအဖၫ့ခိၪ လၧအအီၪဝ့ၫ လၧထံၫမိၡါဖိးလၧၦဖလံ ၡၫဖိၪအခး, ဒဲဖိးလၧအံဇံၭအခးနဲၩ့လီၫ. တၭၦလဖၪ နီၪဂဲၫဆိၬဆၧဖ့ၪလၫ့လဖၪတၭ, မၩစစီလမၧၫ့အဆၧ လဆိၩဒၪအဝ့ၫဒၪအၥၭလီၫ.
22 တၭစစီလမၧၫ့အဆၧအၪ့ လၧမုလနံၩအဂးနီၪ,မွဲ ကိၪမုၬလွံပွံၪ အကီၫၥၧၫ့ဆံၫ, ဎနၬနံၫယၩလံဆံၫၭ, ဒဲ
23 ကိၪအမုၬအကီၫဎူၫဆံၫ, ဎနၬလံယၩဎိၭဆံၫၭ,- ချီဖၫ အဘီၪ့ဆံၫဒုၩ ဒဲချီဖၫလၧအဒီၪ့အကျၩနံၫဆံၫ, ဒဲၥိၪ လယၩ,ဒဲစဎဲၩ, ဒဲခံၫဘၩ့,ဒဲဆၧဎီၩ, ဒဲထိၪဖိၪလံၪဖိၪ
24 အဘီၪ့လီၫ.- အဂဲးဘဲၫယီၩမွဲအပၧၩ့ဆၧလၧခးလၧအ အီၪဝ့ၫလၧထံၫမိၡါအယီၩလခီၫ ထၧၫ့ဘံၪ့ယၫလၧတံ ပစၫဖိးလၧအၭဇၫလၧကယဲစဎွၩ အီၪလၧထံၫမိၡါအ ယီၩလခီၫအဖၫ့ခိၪလီၫ. တၭဆၧဘၪလိၬအိၭလိၬအီၪ ဝ့ၫလၧအခးနဲၩ့ထံၭ လစီၪ့လါလါ ဝၬဖီၩ့အဝ့ၫလီၫ.
25 တၭလၧစစီလမၧၫ့အမုနံၩ ထီးအလူၬနီၪ ယုဒၫဒဲအံၫစ ရ့လၭအီၪဂုးခၧၫ့နီၪ, ၦအီၪဝ့ၫလၧအစဘံၭမု, ဒဲၦအီၪ ဝ့ၫလၧအချိၪ့ဒိၩ့အဖၫ့လၬဆုၬဆုၬ လၧဒၫ့ဖိးလၧဘံ အၧၫၡံဘၫလီၫ.
26 တၭစစီလမၧၫ့အီၪဝ့ၫ လၧတၩ့ခူၬအဒူၭၥံၪလံလၬ လၧအလဲၪ့ၥုၭကၥ့ၪအဂး ဒဲၦနၫ့ကၥ့ၪနံၫလၬလထီၫ့
27 လီၫ.- တၭၦဒိၪဖၭဒိၪလဖၪနီၪ တဲၩ့ဝဲၩဆၧအၪ့ဆၧအီၩ လၧစဎွၩစီလမၧၫ့အဂး, ဒဲလၧကယဲၦလၧအဂဲၫဝ့ၫလၧ စစီလမၧၫ့အစပွဲထံၭအဂးလီၫ. လဂၩလၧအလၩဒၪ ဝ့ၫအဖၧၩ့နီၪတၭ, ဆၧလၧအလလၧၫ့ဘၪနီၪအီၪနးမံၩ့
28 အ့ၬ.- တၭၦဂဲၫဆိၬဘုၪမုယီၩ, ဒဲလီခၫ့ၥံၪလၧကၥ့ၪ,ဒဲ ဆၧအခၪ့ဖျဲၪလဖၪအဂးလၧအလးထီးနီၪ, လဂၩဘဲၫ အဆၧစ့ၩရၫ့အီၪဝ့ၫအၥိၭနီၪဆုၬဆုၬလီၫ.
29 ယွၩဖ့ၪလၫ့စစီလမၧၫ့လၧအဆၧကိၪ့ၥ့ၪ, ဒဲအၥုၪ့ဆၭ အၥၭဆၭဒိၪလ့ၬတၭ, အၥၭဖၭလဲဘဲၫမ့ၭၥံၪဂၫ့ၥံၪလၧ
30 မၫဆမံၭနဲၩ့အၥိၭနီၪလီၫ.- တၭစစီလမၧၫ့အဆၧကိၪ့ ၥ့ၪဒိၪနဲၪ့ၦမုထၪ့ဖိၪအဆၧကိၪ့ၥ့ၪ, ဒဲအံဇံၭအဆၧကိၪ့
31 ၥ့ၪထီးအလူၬနီၪလီၫ.- တၭအကိၪ့ဆၧၥ့ၪ ဂ့ၩနဲၪ့ၦ ထီးအလူၬ, ဂ့ၩနဲၪ့ၦအ့စရၫဖိၪစအ့ၥၫ့, ဒဲစဟ့မၫ,ဒဲစ ခၫလကီလၭ,ဒဲစဒၫဒၫ, စမၫဟီလၭအဖိၪခွၫလဖၪနီၪ ဒံၭလီၫ.တၭအမံၩ့ဂၧၫ့ထၪ့ၥၩလၩ့ လၧကယဲၦဆၨၩ
32 ဝၬဖီၩ့ဝ့ၫထီးအလူၬအကျၩလီၫ.- တၭအဝ့ၫဒၪချဲၩ့ဒီၩ့ လၩ့ဆၧအထံၪၥၧၫ့ထီၫ့, ဒဲအဆၧၥံၫကျံၩနီၪအီၪဝ့ၫလ
33 ထီၫ့ယဲဆၫ့လီၫ.- ချဲၩ့ဝ့ၫလၧၥံၪ့အဂဲးအကၠီၪ့လၧၥံၫ့ၡိၫ အ့ရ့ၭအီၪဝ့ၫလၧလ့ၭဘနၧၫ့ဖိးလၧ ၥံၪ့ကဖျၫ့အ့စိၭလၧ အမဲၪထၪ့လၧဆၧခိၪဒၧၩ့အလီၩ့လီၫ. ချဲၩ့ဝ့ၫလၧဆၧ ဖိၪဆၧဎါအဂဲးအကၠီၪ့, ဒဲလၧထိၪၥံၪ လံၪၥံၪအဂဲးအ ကၠီၪ့,ဒဲလၧဆၧစွၩၥံၪအဂဲးအကၠီၪ့, ဒဲလၧဒ့ၪၥံၪယၪ
34 ၥံၪအဂဲးအကၠီၪ့လီၫ.- လၧကယဲဂၪ့ခိၪအစဎွၩအအီၪ လၧအနါဂၧၫ့ယူၭအဆၧကိၪ့ၥ့ၪအဂဲးအကၠီၪ့နီၪ, ၦၡၩ လၧၦဆၨၩထီးအလူၬအကျၩ ဂဲၫဘဲၫအမိနါဂၧၫ့စစီလ မၧၫ့အဆၧကိၪ့ၥ့ၪကိၪ့ဘၪအၥိၭနီၪလီၫ.