4
1 ထီးၦခမျၧးခၫ့ဂၬယီၫဒၫ့ထီးအလူၬတၭ, ဆၧမၩအ ၥၭလၧယဟိဝၩ ချဲၩ့ဆၧလၧစယီရှုၫအ့ၫတၭ, စံၭဝ့ၫ
2 ဒၪ,- မၩန့ၦလဆံၫနံၫဂၩလၧၦခမျၧးအကျၩနီၪ, လဒီၪ့ လဂၩလဒီၪ့လဂၩဆုၬဆုၬဆံၭ, ဒဲမၪလူၬအဝ့ၫၥံၪတၭ,
3 စံၭ,- မၩန့ထၪ့လိးလဆံၫနံၫဖျိၪ့ ထီးနီၪလၧယီၫဒၫ့အ ၥၭကျၩလၧအလးထီးၦလုဆၧလဖၪ အခၪ့ဆၧၫ့ထုၪ့ အီၪခၧၫ့အလးနီၪဆံၭ. တၭနၥံၪဘၪဆိၬန့ဝ့ၫလၧနၥံၪ ခၫ့ဂၬတၭ, အီၪက့ၪလၩ့ထးဝ့ၫ လၧဆၧမံၫအလးဖၧၩ့
4 ထီးနၥံၪမိမံၫလနၩယီၩလီၫ.- တၭစယီရှုၫအ့ၫကိၭန့ၦ လဆံၫနံၫဂၩ, လၧအတဲၩ့ဝဲၩဝ့ၫလၧၦအံၫစရ့လၭဖိၪအ
5 ကျၩလဒီၪ့လဂၩ လဒီၪ့လဂၩဆုၬဆုၬ,- တၭစယီရှုၫ အ့ၫစံၭအဝ့ၫၥံၪခၫ့ဂၬဆၧ လၧယဟိဝၩနၥံၪအယွၩအ တလၫအမ့ၬယၫလၧယီၫဒၫ့အၥၭကျၩတၭ, မၩန့နၥံၪ လၧလိးလဂၩလဖျိၪ့လဂၩလဖျိၪ့တၭ, ဆိၬထၪ့လၧနၥံၪ အခိၬထံၭခိၪဘဲၫၦအံၫစရ့လၭဖိၪ အဆၧဝံထၪ့နၬထၪ့
6 အဒီၪ့လဖၪအၥိၭနီၪဆံၭ.- ဘဲၫၥိၭ အမိကဲၪထၪ့ဆၧ မၩနဲၪ့လၧနၥံၪအကျၩ ဘဲၫၥိၭထီးနၥံၪအဖိၪအလံၩအ့ၪ အၪ့စၪ့ဆၧကဲခိၬတၭ, စံၭဝ့ၫ, လိးလဖၪယီၩမွဲဘဲၫၥ့ၪ
7 လဲၪနီၪ,- ထီးနီၪလဖၧၫ့နၥံၪမိဘၪလီၩဆၧၫ့အဝ့ၫၥံၪ, လၧယီၫဒၫ့အထံၫဘၪဆၧဒၪ့ထ့ၬခွံၬဝ့ၫ လၧယဟိဝၩ အဆၧအုၩ့လၩ့အတလၫအမ့ၬယၫ, ထီးအခၫ့ဂၬယီၫ ဒၫ့တၭ, ယီၫဒၫ့အထံၫဘၪဆၧဒၪ့ထ့ၬအၥၭတၭ, လိး လဖၪယီၩ မိကဲၪထၪ့ဆၧနၪ့ထၪ့ထဲၩ့လၧၦအံၫစရ့လၭ
8 ဖိၪအဂးလၩ့ဆိၩလၩ့ကၠၪလီၫ.- တၭၦအံၫစရ့လၭဖိၪ မၩဝ့ၫဘဲၫစယီရှုၫအ့ၫမၪလူၬ ဆၧအၥိၭမၩန့ထၪ့လိး လဆံၫနံၫဖျိၪ့ လၧယီၫဒၫ့အၥၭကျၩနီၪ, ဘဲၫယဟိဝၩ ချဲၩ့ဆၧလၧစယီရှုၫအ့ၫတၭ, ဘဲၫၦအံၫစရ့လၭဖိၪအ ဆၧဝံထၪ့နၬထၪ့ဝ့ၫအၥိၭတၭ, ဆိၬထၪ့န့အဝ့ၫၥံၪလၧ အခၫ့ဂၬခွံၬဝ့ၫ ထီၩ့လၧဆၧအလး လၧအမံၫဝ့ၫတၭ,
9 အီၪက့ၪလၩ့ဆၧလဖၪထီးနီၪလီၫ.- တၭစယီရှုၫအ့ၫ အီၪက့ၪပိၩ့လိးလဆံၫနံၫဖျိၪ့ လၧဆၧမၩန့ယူၭဝ့ၫလၧ ယီၫဒၫ့အၥၭကျၩ ထီးအလးလၧၦလုဆၧလဖၪ လၧအ ဆိၬဆၧအုၩ့လၩ့အတလၫအခၪ့လဖၪ မိအီၪဆၧၫ့ထုၪ့
10 တၭ, အီၪဝ့ၫထီးနီၪထီးမုဆၫလနံၩယီၩလီၫ.- အဂဲး ဘဲၫယီၩၦလုဆၧလဖၪ လၧအဆိၬတလၫနီၪ ဆၧၫ့ထုၪ့ လၧယီၫဒၫ့အၥၭကျၩ ထီးၦမၩဂီၩ့ကယဲဆၧလၧယဟိ ဝၩမၪလူၬစယီရှုၫအ့ၫ လၧအဘၪလီၩဘၪၦခမျၧး, ဘဲၫ ကယဲဆၧလၧစမိစ့ၭ မၪလူၬစယီရှုၫအ့ၫ အၥိၭနီၪတၭ,
11 ၦခမျၧးမၩချဲၫ့ချဲၫ့တၭ, ခၫ့ဂၬဝ့ၫလီၫ.- ထီးၦခမျၧးထီး အလူၬ ခၫ့ဂၬခွံၬဂီၩ့တၭ, ဆၧမၩအၥၭလၧယဟိဝၩ အတလၫဒဲၦလုဆၧလဖၪခၫ့ဂၬ ဆၧလၧၦခမျၧးနီၪအ မ့ၬယၫလီၫ.
12 တၭၦရုဘံၫ့ဖိၪ,ဒဲၦဂၭဖိၪ, ဒဲၦမနၭစ့ၫဖိၪလခီၫဒီၪ့ခၫ့ ဂၬဆၧအီၪဝ့ၫလၧအစူၪဝဲၩ လၧၦအံၫစရ့လၭဖိၪအမ့ၬ ယၫ, ဘဲၫစမိစ့ၭချဲၩ့ဆၧ လၧအဝ့ၫၥံၪအၥိၭနီၪလီၫ.
13 ၦလံလၬလၧအတဲၩ့ဝဲၩအၥၭ လၧဆၧဒုၭၥုၭအဂးနီၪ ခၫ့ဂၬဆၧလၧ ယဟိဝၩအမ့ၬယၫ လၧဆၧဒုၭၥုၭအ ဖၧၩ့လၧယ့ၫရခိၫအဆၧပျၩ့ဖၧၩ့နီၪလီၫ.
14 ဆၧလၧမုလနံၩနီၪ ယဟိဝၩအီၪက့ၪဒိၪ စယီရှုၫ အ့ၫလၧအံၫစရ့လၭ ထီးအလူၬအမ့ၬယၫတၭ, အဝ့ၫ ၥံၪၥၭမဲၪဝ့ၫ, ဘဲၫအၥၭမဲၪစမိစ့ၭအၥိၭနီၪ လဆိၩဒၪ အၥၭလီၫ.
15 ယဟိဝၩချဲၩ့ဆၧလၧ စယီရှုၫအ့ၫတၭ, စံၭဝ့ၫဒၪ,
16 မၪလူၬၦလုဆၧလဖၪ လၧအဆိၬဆၧအုၩ့လၩ့အတလၫ နီၪဘဲၫၥိၭအမိဂဲၫထၪ့ခွံၬ လၧယီၫဒၫ့အဖၧၩ့နီၪဆံၭ.
17 အခိးမွဲစယီရှုၫအ့ၫမၪလူၬၦလုဆၧလဖၪနီၪ, စံၭဝ့ၫဒၪ, ဂဲၫထၪ့ခွံၬနၥံၪဝ့ၫလၧယီၫဒၫ့အဖၧၩ့နီၪဘီၪ.
18 ထီးၦလုဆၧလဖၪ လၧအဆိၬယဟိဝၩအဆၧအုၩ့ လၩ့အတလၫဂဲၫထၪ့ခွံၬ လၧယီၫဒၫ့အၥၭကျၩဂီၩ့,ဒဲၦ လုဆၧလဖၪအခၪ့ယၫၥၭခၫထၪ့လခီၫတၭ, ဆၧမၩအ ၥၭလၧယီၫဒၫ့အထံၫဂဲၫထဲၩ့လၩ့ လၧအလးတၭ, လုၬ ဘံၭထံၫနဲၩ့ဘဲၫလၧအခၪ့ထံၭလၧမီခိၬအၥိၭနီၪလီၫ.
19 တၭလၧလၩခၪ့ထံၭ လၩထၪ့ဆံၫနံၩလနံၩနီၪ,ၦခ မျၧးဂဲၫထၪ့ခွံၬ လၧယီၫဒၫ့အဖၧၩ့တၭ, ၥုၪ့အတဲၩလၧ ဂံလဂၫလၭအဖၧၩ့ လၧယ့ၫရခိၫ အနဲၩ့ထံၭလၧမုထၪ့
20 လခီၫနီၪလီၫ.- တၭလိးလဆံၫနံၫဖျိၪ့ လၧအမၩန့ထၪ့ ဝ့ၫလၧယီၫဒၫ့အဖၧၩ့နီၪ စယီရှုၫအ့ၫအီၪက့ၪဝ့ၫလၧဂံ
21 လဂၫလၭအဖၧၩ့နီၪလီၫ.- အဝ့ၫဒၪချဲၩ့ဆၧလၧၦအံၫ စရ့လၭဖိၪတၭ, စံၭဝ့ၫဒၪ, ထီးနၥံၪအဖိၪအလံၩမိအၪ့ စၪ့အဖါကဲခိၬတၭ, စံၭဝ့ၫ,လိးလဖၪယီၩမွဲဘဲၫၥ့ၪလဲၪ
22 နီၪ,- တၭနၥံၪမိဘၪလီၩထဲၩ့ မၩၥ့ၪယၫနၥံၪအဖိၪအ လံၩတၭ, စံၭ,အံၫစရ့လၭ ခၫ့ဂၬယီၫဒၫ့ယီၩ လၧခီၫ့
23 လီၫ.- အဂဲးဘဲၫယီၩ ယဟိဝၩနၥံၪအယွၩမၩလၩ့ၥံၭ ခွံၬယီၫဒၫ့အထံၫလၧနၥံၪအမ့ၬယၫ ထီးနၥံၪခၫ့ဂၬဆၧ ဘဲၫယဟိဝၩနၥံၪအယွၩမၩဝ့ၫ လၧမၫဆမံၭဝီၩအၥိၭ နီၪ,လၧအမၩလၩ့ၥံၭခွံၬ လၧပမ့ၬယၫထီးပခၫ့ဂၬခွံၬ,
24 ဘဲၫၥိၭၦဂၪ့ခိၪဖိၪထီးအလူၬ မိၥ့ၪယၫယဟိဝၩအစူၪ အဂဲးအကၠီၪ့လၧအဆီၪ့ဝ့ၫ, ဘဲၫၥိၭနၥံၪမိၥၭမဲၪယဟိ ဝၩနၥံၪအယွၩအဆိၩအကၠၪလီၫ.