24
1 စယီရှုၫအ့ၫဒုၭအီၪကိၩ့အီၪကီၪ့ ကယဲၦအံၫစရ့လၭ အဒီၪ့လဖၪလၧၡံခံၫ့တၭ, ကိၭန့ၦအံၫစရ့လၭအၡၩ ၥုၪ့က့ၭၥၭၡါ,ဒဲအခိၪဒဲအၡၩစ့ၩရၫ့ခွး ဒဲအၦဒိၪလဖၪ နီၪတၭ,အဝ့ၫၥံၪအီၪက့ၪလၩ့ အနၫ့ဆါဒၪဝ့ၫလၧယ ဟိဝၩအမ့ၬယၫလီၫ.
2 တၭစယီရှုၫအ့ၫစံၭၦခမျၧးနီၪ, ယဟိဝၩအံၫစရ့ လၭအယွၩစံၭဘဲၫယီၩ, လၧဖျိၩ့လံၩလံၩနီၪ, နၥံၪအ ဖါလဖၪအီၪဝ့ၫလၧထံၫမိၡါဝါလခီၫ, စအၫဘြဟၫ့အ ဖါ,ဒဲစနၫဟီၫအဖါစတံရၫတၭ, အဝ့ၫၥံၪမၩဝ့ၫလၧယွၩ
3 အဂူၫဂၩလဖၪအဆၧလီၫ.- တၭယမၩန့နၥံၪအဖါစ အၫဘြဟၫ့လၧထံၫမိၡါဝါလခီၫ, ဒဲဒုၭလ့ၩဝံၩ့ဝၩ့အ ဝ့ၫလၧခးကၫနအၫ့ ထၧၫ့ခးယၫအဖၧၩ့, ဒဲမၩအၪထၪ့
4 အချံၫအၥၪ, ဒဲယဖ့ၪလၫ့ဝ့ၫလၧစအံစၭလီၫ.- တၭယ ဖ့ၪလၫ့စအံစၭနီၪလၧစယၫကူၭ, ဒဲစအံစီၫတၭ, ယဖ့ၪ လၫ့စအံစီၫနီၪလၧခိၪလီၩ့စံအၫ လၧဆၧန့ၥၫအဂးလီၫ. အ့ၪမွဲစယၫကူၭ, ဒဲအဖိၪအလံၩလ့ၩလၩ့လၧအံဇံၭ
5 အဖၧၩ့လီၫ.- တၭယအၪ့မၧၫ့လၩ့စမိစ့ၭ ဒဲစအၫရၧၫ့, ဒဲယထးၦအံဇံၭဖိၪ, ဘဲၫဆၧလၧယမၩလၧအကျၩ အၥိၭနီၪတၭ, လၧခဲၫ့ထဲၩ့ယဒုၭစဲၪ့ထၪ့ခွံၬနၥံၪလီၫ.
6 တၭယဒုၭစဲၪ့ထၪ့ခွံၬနၥံၪအဖါလဖၪ လၧအံဇံၭအဖၧၩ့ တၭ,နၥံၪဂဲၫလၧမၫဆမံၭနဲၩ့တၭ, ၦအံဇံၭဖိၪလီၩ့ဆီး နၥံၪအဖါလဖၪ အီၪလၧလဲၪ့ၥုၭ, ဒဲၦထူၬကၥ့ၪလဖၪ
7 ထီၩ့လၧမၫဆမံၭဝီၩနီၪလီၫ.- ထီးအဝ့ၫၥံၪကိၭထၪ့ ယဟိဝၩတၭ, အဝ့ၫဒၪအီၪက့ၪဆၧခံၭလၧနၥံၪ ဒဲၦအံ ဇံၭဖိၪအဘိၩ့ဆၧၩ့တၭ, ဒုၭဂဲၫမၫဆမံၭလၧအဝ့ၫၥံၪ အဖၫ့ခိၪဒဲလုၬဘံၭခွံၬ အဝ့ၫၥံၪလီၫ. တၭဆၧလၧယ မၩလၧအံဇံၭ အဖၧၩ့နီၪ နၥံၪအမ့ၬၥၪဒၪဘၪယူၭး
8 တၭနၥံၪအီၪလၧၡါမုနၧၫ့ဖၫ အၪနံၩအၪၥၫ့လီၫ.- ယ ဒုၭဂဲၫယူၭနၥံၪလၧၦအၫမိၫဖိၪအခးဖၧၩ့ လၧအအီၪဝ့ၫ လၧယီၫဒၫ့ဝါလခီၫတၭ, အဝ့ၫၥံၪနီၪ ဒုၭဆၧထၫ့ဒၩန ၥံၪတၭ,ယဖ့ၪလၫ့အဝ့ၫၥံၪလၧနၥံၪအစူၪဖၧၩ့ ဘဲၫၥိၭ နၥံၪမိမၩန့အခးတၭ, ယမၩဂၭဂီၩ့အဝ့ၫၥံၪလၧနၥံၪအ
9 မ့ၬယၫလီၫ.- ထီးနီၪလဖၧၫ့ စဇံၭဖီၫအဖိၪခွၫ စဘၫ လၭ,မိအၭအစဎွၩနီၪ, ဂဲထုၪ့တၭ, ဒုၭဆၧထၫ့ဒၩအံၫ စရ့လၭတၭ, အၪ့မၧၫ့လၩ့ဆၧကိၭန့စဘံအီၫအဖိၪခွၫ
10 စဘၫလၫ့ဘဲၫၥိၭအမိဆိၪအၧၩ့နၥံၪလီၫ.- တၭယအီၪ က့ၪယၥၭလၧယမိခိၭနၪ စဘၫလၫ့အလူအ့ၬ. တၭအ ဝ့ၫဒၪဆိၪဂ့ၩနၥံၪတၡါလီၫ. တၭယမိမၩဖီၩ့မၩဖျ့ၭန
11 ၥံၪလၧအစူၪဖၧၩ့လီၫ.- နၥံၪခၫ့ဂၬယီၫဒၫ့တၭ, ဂဲၫလၧ ယ့ၫရခိၫတၭ, ၦယ့ၫရခိၫဖိၪဒုၭဆၧထၫ့ဒၩနၥံၪ, ၦအၫ မိၫဖိၪဒဲၦပံရ့ၭဖိၪ, ဒဲၦကၫနအၫ့ဖိၪ,ဒဲၦဟံၥၭဖိၪ,ဒဲၦဂၧ ဂၡဲၭဖိၪ,ဒဲၦဟံဝဲၫဖိၪ, ဒဲၦယ့ဘုၫဖိၪနီၪ,တၭယဖ့ၪလၫ့
12 ယူၭအဝ့ၫၥံၪ လၧနၥံၪအစူၪဖၧၩ့လီၫ.- တၭယအၪ့ မၧၫ့လၩ့ဖျိၭၥံၪဖျၧၩ့ၥံၪလ့ၩလၧနၥံၪအမ့ၬယၫ, လၧအ နၫ့ထၪ့ခွံၬယူၭၦအၫမိၫဖိၪအစဎွၩနံၫဂၩ လၧနၥံၪအမ့ၬ
13 ယၫနီၪလီၫ. လၧနနၭနဖၩ့, လၧနချံၫနဖျါအ့ၬ.- တၭ ယဖ့ၪလၫ့ယူၭ နၥံၪအခးလဘံၪ့ လၧနၥံၪလမၩဘၪ ဆၧလၧအဖၧၩ့, ဒဲဒိၩ့ၥံၪတဝၫ့ၥံၪ လၧနၥံၪလတဲၩ့ဘၪ ဝ့ၫလဖၪနီၪ နၥံၪအီၪဘၪလၧအဖၧၩ့လီၫ. စဘံၭမုအ လးဒဲၥံၪ့အလဲအိၫ့အလး လၧနၥံၪလၥုၪ့ဘၪဝ့ၫလဖၪ နီၪနၥံၪအၪ့ဘၪဆၧလၧ အဝ့ၫၥံၪလီၫ.
14 မၩအၥၭဘဲၫနီၪတၭ ဘိၩ့နဲၪ့ယီၩ ၥၭမဲၪယဟိဝၩ တၭ,မၩအဆၧလၧၫ့လၧၫ့ဎွ့ၩဎွ့ၩ တီၩတီၩလီၩ့လီၩ့ တၭ,ၥုၭခွံၬယွၩလဖၪ လၧနၥံၪအဖါၥံၪမၩအဆၧလၧ ထံၫမိၡါဝါလခီၫ, ဒဲလၧအံဇံၭအဖၧၩ့တၭ, မၩနၥံၪဝ့ၫ
15 ယဟိဝၩအဆၧဆံၭ.- လၧနၥံၪမိမၩ ယဟိဝၩအဆၧ နီၪ,အ့ၪမွဲဆၧအၧၩ့လၧနၥံၪအမ့ၬယၫတၭ, ယွၩလဖၪ လၧနၥံၪအဖါၥံၪ မၩအဆၧလၧအအီၪလၧ ထံၫမိၡါဝါ လခီၫမွဲဂ့ၩ, ၦအၫမိၫဖိၪ လၧနၥံၪအီၪလၧအခးဖၧၩ့အ ယွၩလဖၪမွဲဂ့ၩ, ၦလၧနၥံၪမိမၩအဆၧနီၪ, ရွံန့နၥံၪ ဝ့ၫလၧမုဆၫလနံၩယီၩဆံၭ, အ့ၪမွဲယဝ့ၫဒၪယီၩ ဒဲယ ၡၩဂံၪ့ဖိၪလဖၪ, ပမိမၩယဟိဝၩအဆၧလီၫ.
16 ၦခမျၧးစံၭဆၧၫ့ဆၧတၭ, စံၭဝ့ၫဒၪ,မွဲပထီးစဲၪ့ဒၪခွံၬ ယဟိဝၩဘဲၫၥိၭပမိမၩယွၩအဂူၫဂၩလဖၪ အဆၧလ
17 ဂ့ၩ.- အဂဲးဘဲၫယီၩယဟိဝၩပယွၩ မွဲၦလၧအဒုၭစဲၪ့ ထၪ့ခွံၬပၧၩ, ဒဲပဖါလဖၪလၧခးအံဇံၭအဖၧၩ့, ဒဲလၧၦ ဎီးဖိၪအဂံၪ့ဖၧၩ့, ဒဲမၩဆၧလၩ့လၭဖၭဒိၪ လၧပမ့ၬယၫ တၭ,ယိထဲၩ့ခွါထဲၩ့ပၧၩလၧဖၧၩ့ၥၭ လၧပဖိၬဝ့ၫထၧၫ့ ဘီၩ့ယၫ, ဒဲလၧကယဲၦခမျၧးအကျၩ လၧပလ့ၩခၫ့ဂၬ
18 ဝ့ၫနီၪလီၫ.- တၭယဟိဝၩနၫ့ထၪ့ခွံၬ ၦခမျၧးထီးအလူၬ လၧပမ့ၬယၫ, ၦအၫမိၫဖိၪလၧအအီၪဝ့ၫလၧထံၫၥံၪခး ၥံၪအဖၧၩ့နီၪလီၫ. ပဝ့ၫဒၪပမိမၩဆ့ ယဟိဝၩအဆၧ လီၫ. အဂဲးဘဲၫယီၩ အဝ့ၫဒၪမွဲပယွၩလီၫ.
19 တၭစယီရှုၫအ့ၫစံၭၦခမျၧး, နၥံၪမၩယဟိဝၩအဆၧ ကဲၪအ့ၬ. အဂဲးဘဲၫယီၩ မွဲယွၩဆံၫ့ဎံၪ, ယွၩအၥၭကဲၪ့ ဆၧလီၫ. မိကွဲၪဖျါခွံၬနၥံၪအဆၧမၪ ဒဲနၥံၪအဆၧဒဲၩ
20 ဘၭအ့ၬ.- နၥံၪအ့ၪစဲၪ့ဒၪခွံၬယဟိဝၩ, ဒဲမၩၦလခီၫ ဘၩ့မုးဖိၪအယွၩလဖၪ အဆၧတၭ, အဝ့ၫဒၪမိကၠၪအ ၥၭတၭမၩအၧၩ့နၥံၪတၭ, လၧအမၩဂ့ၩနၥံၪအလးခဲၫ့ နီၪမိမၩလူၬခွံၬနၥံၪလီၫ.
21 တၭၦခမျၧးစံၭစယီရှုၫအ့ၫ, မွဲအ့ၬး ပမိမၩယဟိ ဝၩအဆၧလီၫ.
22 တၭစယီရှုၫအ့ၫစံၭၦခမျၧး, နၥံၪမွဲၦထိးအၥၭထၫ့ ဒၩနၥံၪအနၫ့ဆါဒၪနၥံၪဝ့ၫ လၧနၥံၪရွံန့ယူၭ ယဟိဝၩ ဘဲၫၥိၭနၥံၪမိမၩအဆၧလီၫ. တၭအဝ့ၫၥံၪစံၭဝ့ၫဒၪ, ပမွဲၦထိးအၥၭလီၫ.
23 ဘိၩ့နဲၪ့ယီၩ ၥုၭခွံၬၦလခီၫဘၩ့မုးဖိၪအယွၩလဖၪ လၧအအီၪလၧနၥံၪအကျၩတၭ, အီၪက့ၪနၥံၪအၥၭလၧ
24 ယဟိဝၩအံၫစရ့လၭအယွၩအဖၧၩ့ဆံၭ.- တၭၦခမျၧး စံၭစယီရှုၫအ့ၫ, ယဟိဝၩပယွၩနီၪပမိမၩအဆၧ, ဒဲအ လူအထၫနီၪပမိခိၭနၪလီၫ.
25 ဆၧလၧမုလနံၩနီၪ, စယီရှုၫအ့ၫမၩဆၧအုၩ့လၩ့ လၧၦခမျၧးတၭ, အီၪက့ၪလၩ့ဆၧမၪလူၬလၧအဂး, ဒဲ
26 ဆၧစ့ၩရၫ့လၧၡံခံၫ့အဖၧၩ့လီၫ.- စယီရှုၫအ့ၫကွ့ၭဆၧ ချဲၩ့လဖၪယီၩ လၧယွၩအဆၧၥီၪ့ဆၧၥၫ့ အလံၬဖၧၩ့တၭ, မၩန့လိးဖၭဒိၪလဖျိၪ့တၭ, ဘိၭဆၧၫ့ထုၪ့ဝ့ၫထီးနီၪလၧ ၥံၪ့ထိၭဖၫလထံၭအဖၫ့လၬ လၧအအီၪဝ့ၫလၧယဟိဝၩ
27 အလးဆံၫ့ဎံၪအနဲၩ့ထံၭနီၪလီၫ.- တၭစယီရှုၫအ့ၫစံၭ ၦခမျၧးထီးအလူၬ, ယိခွါ,လိးလဖျိၪ့ယီၩ, မိကဲၪထၪ့ ဆၧထိးအၥၭလၧပဂးလီၫ. အဂဲးဘဲၫယီၩမွဲအနါဂၧၫ့ ဝ့ၫလၧကယဲယဟိဝၩ အဆၧချဲၩ့ လၧအချဲၩ့ဆၧလၧ ပၧၩလီၫ. တၭမိကဲၪထၪ့ဝ့ၫလၧဆၧထိးအၥၭ လၧနၥံၪ အဂး,ဘဲၫၥိၭနၥံၪထီးမီၪ့ဘံၭ နၥံၪအယွၩလဂ့ၩလီၫ.
28 တၭစယီရှုၫအ့ၫကွဲၪဖျါခွံၬ ၦခမျၧးနီၪ,လဂၩလၧအ ဆၧန့ၥၫ, လဂၩလၧအဆၧန့ၥၫ ဆုၬဆုၬလီၫ.
29 တၭဆၧလဖၪနီၪ အလးခဲၫ့ ယဟိဝၩအခ့ၫအၡၩ စနိၫ့အဖိၪခွၫ စယီရှုၫအ့ၫ, အၥၭၡါအနံၪ့ လယၩလ ဆံၫတၭ, ၥံၫဝ့ၫလီၫ.
30 တၭၦလဖၪနီၪခုၪ့လၩ့ဘၧၩ့ဝ့ၫလၧအဆၧန့ၥၫအနဲၩ့ ထံၭလၧတံမနၭစံရၫ လၧအအီၪလၧခိၪလီၩ့အံဖြံၫ့အ လီၩ့လၧခိၪလီၩ့ဂၫအၭလၧ မုဖၩလခီၫနီၪလီၫ.
31 တၭအံၫစရ့လၭမၩယဟိဝၩအဆၧ လၧစယီရှုၫအ့ၫ အမုနံၩထီးအလူၬ, ဒဲအၡၩၥုၪ့က့ၭၥၭၡါလၧအမၧၫ့ ဒံၭလၧစယီရှုၫအ့ၫအလးခဲၫ့, ဒဲၥ့ၪယၫယဟိဝၩအဆၧ မၩထီးအလူၬ, လၧအမၩယူၭ လၧအံၫစရ့လၭအဂး လဖၪလၧမုနံၩထီးအလူၬနီၪလီၫ.
32 တၭစယိၥၭအဎွံၪ လၧၦအံၫစရ့လၭဖိၪ ဂဲၫထဲၩ့ ဆိၬထၪ့ခွံၬ လၧခးအံဇံၭအဖၧၩ့နီၪ ၦခုၪ့လၩ့ဘၧၩ့ခွံၬဝ့ၫ လၧဂၪ့ခိၪလဝၩ့ လၧၡံခံၫ့အဖၧၩ့ လၧစယၫကူၭဎွ့ၩန့ လၧစၡံခံၫ့အဖါ စဟၫမီၫအဖိၪခွၫလဖၪ လၧကစံတၫ လယၩအဂးလီၫ. တၭကဲၪထၪ့ဝ့ၫလၧစယိၥၭအဖိၪ ၥံၪအဆၧန့ၥၫလီၫ.
33 စအၫရၧၫ့အဖိၪခွၫ စအံၫလအ့ဇၧၫနီၪၥံၫဝ့ၫတၭ,ၦ ခုၪ့လၩ့ဘၧၩ့ခွံၬဝ့ၫလၧခိၪလီၩ့ လဖျိၪ့အလီၩ့လၧအ ဘၪဆဲၫ့လၧအဖိၪခွၫစဖံနအၭ လၧဆၧဖ့ၪလၫ့အဝ့ၫ လၧခိၪလီၩ့အံဖြံၫ့အလီၩ့နီၪလီၫ.