22
1 ထီးနီၪလဖၧၫ့ စယီရှုၫအ့ၫကိၭန့ၦရုဘံၫ့ဖိၪ ဒဲၦဂၭ
2 ဖိၪ,ဒဲၦမနၭစ့ၫဖိၪအလခီၫဒီၪ့,- တၭစံၭအဝ့ၫၥံၪ,နၥံၪ ထီးန့ယူၭကယဲဆၧလၧယဟိဝၩ အခ့ၫအၡၩစမိစ့ၭမၪ လူၬနၥံၪတၭ, နၥံၪခိၭနၪယူၭယလူ လၧကယဲဆၧလၧ
3 ယမၪလူၬနၥံၪယူၭ.- အၪနံၩအၪၥၫ့ ထီးမုဆၫလနံၩ ယီၩ,နၥံၪလ့ၩဒၪနၥံၪအထၧၫ့ဖုဝဲအ့ၬ. နၥံၪထီးန့ယူၭ ဆၧအလူဘၪဆဲၫ့ လၧယဟိဝၩ နၥံၪအယွၩအဆၧမၪ
4 လူၬလီၫ.- တၭဘိၩ့နဲၪ့ယီၩ ယဟိဝၩနၥံၪအယွၩဖ့ၪ လၫ့ယူၭဆၧအီၪပွံၭ လၧနၥံၪအထၧၫ့ဖုဝဲယူၭ, ဘဲၫအ ချဲၩ့ဝဲၩဆၧလၧ အဝ့ၫၥံၪအၥိၭနီၪတၭ, ဘိၩ့နဲၪ့ယီၩ ထဲၩ့ထဲၩ့နၥံၪဝ့ၫလၧနၥံၪအတဲၩဖၧၩ့, လၧနၥံၪန့ၥၫဝ့ၫ နီၪလၧယဟိဝၩအခ့ၫအၡၩ စမိစ့ၭဖ့ၪလၫ့နၥံၪလၧယီၫ
5 ဒၫ့ဝါလခီၫနီၪဆံၭ.- တၭထီးလၩ့နၥံၪအၥၭတၡါဘဲၫ ၥိၭနၥံၪမိထီးန့ဆၧမၪလူၬ, ဒဲဆၧၥီၪ့ဆၧၥၫ့လၧယဟိ ဝၩအခ့ၫအၡၩစမိစ့ၭ မၪလူၬနၥံၪလၧနၥံၪမိဘၪအဲၪ ယဟိဝၩနၥံၪအယွၩ ဒဲဖိၬအဖၧၩ့ၥၭထီးအလူၬ,ဒဲထီး န့အဆၧမၪလူၬ, ဒဲဖီၪ့ထၬအဝ့ၫဒၪဒဲမၩအဆၧလၧနၥံၪ အၥၭထၧၫ့ဖျိၪ့ယၫ, ဒဲနၥံၪအၥၭၡီၩ့ထီးအလူၬနီၪဆံၭ.
6 စယီရှုၫအ့ၫဆိၪဂ့ၩဆိၪဘွၩအဝ့ၫၥံၪနီၪ, ကွဲၪဖျါခွံၬ ဝ့ၫတၭ,အဝ့ၫၥံၪထဲၩ့ထဲၩ့ လၧအတဲၩလဖၪ အဖၧၩ့
7 လီၫ.- တၭစမိစ့ၭဖ့ၪလၫ့ယူၭဆၧလၧ စမနၭစ့ၫအလခီၫ ဒီၪ့လၧဘၫၡၫ့အဖၧၩ့, ဒဲစယီရှုၫအ့ၫဖ့ၪလၫ့ဆၧလၧအ လခီၫဒၪလၧအထၧၫ့ဖုဝဲအကျၩ လၧယီၫဒၫ့အမုနုၬလၧ ယီၩလခီၫလီၫ. ထီးစယီရှုၫအ့ၫကွဲၪဖျါခွံၬအဝ့ၫၥံၪဆ့ ဘဲၫၥိၭအမိလ့ၩလၧအတဲၩဖၧၩ့တၭ, မွဲအဆိၪဂ့ၩဆိၪ
8 ဘွၩဝ့ၫလီၫ.- တၭချဲၩ့ဆၧလၧအဝ့ၫၥံၪတၭ, စံၭဝ့ၫဒၪ, ထဲၩ့ထဲၩ့လၧနၥံၪအတဲၩဖၧၩ့ အီၪလၧဆၧစူၪလးခၪ့ ခိၪလၧအအၪ, ဒဲဆၧဖိၪဆၧဎါအဒိၩ့ အၪအၪလ့ၬ, ဒဲ ကျိၪၥံၪစ့ၩၥံၪ, ထီၫ့ၥံၪလွ့ၫၥံၪ, ဒဲထီးၥံၪၡၬၥံၪ, ဒဲထၭ, ဒဲဆၧအကီၩ့အၥိၭအၪအၪလ့ၬနီၪဆံၭ, ဆၧအၪ့ဂူၬန့ လၧနၥံၪအဒုၪအဒၩနီၪ အၪ့နၩ့ဖၭလၧနၥံၪအထၧၫ့ဖုဝဲ လဖၪနီၪဆံၭ.
9 တၭၦရုဘံၫ့ဖိၪ,ဒဲၦဂၭဖိၪ, ဒဲၦမနၭစ့ၫအလခီၫဒီၪ့နီၪ ထဲၩ့ထဲၩ့ဝ့ၫတၭ, စဲၪ့ထၪ့ခွံၬဝ့ၫလၧၦအံၫစရ့လၭဖိၪအ အီၪလၧၡဲလိၫအဖၧၩ့ လၧအအီၪလၧခးကၫနအၫ့အ ဖၧၩ့,ဘဲၫၥိၭအမိလ့ၩထၪ့လၧခးဂံလအၭ အဆၧန့ၥၫ အဂၪ့ခိၪလၧအန့ဘၪဝ့ၫ ဘဲၫယဟိဝၩအဆၧမၪလူၬ လၧစမိစ့ၭအစူၪဖၧၩ့အၥိၭနီၪလီၫ.
10 ထီးအဂဲၫထီၩ့လၧယီၫဒၫ့အနဲၩ့ လၧခးကၫနအၫ့အ ဖၧၩ့နီၪတၭ, ၦရုဘံၫ့ဖိၪ, ဒဲၦဂၭဖိၪ ဒဲၦမနၭစ့ၫဖိၪအလ ခီၫဒီၪ့နီၪမၩထၪ့ဆၧလုလးလၧ ယီၫဒၫ့အနဲၩ့ထံၭ,ဆၧ လုလးဖျီၪဖၭဒိၪလဖျိၪ့လီၫ.
11 တၭၦအံၫစရ့လၭဖိၪနါဂၧၫ့ၦစံၭဝ့ၫ, ယိခွါ,ၦရုဘံၫ့ ဖိၪ,ဒဲၦဂၭဖိၪ, ဒဲၦမနၭစ့ၫဖိၪအလခီၫဒီၪ့ မၩထၪ့ဆၧ လုလးဆဲၫဎၩ့ လၧခးကၫနအၫ့ လၧယီၫဒၫ့ အနဲၩ့ထံၭ
12 ထီးၦအံၫစရ့လၭဖိၪခၫ့ဂၬဆၧအလးနီၪလီၫ.- တၭထီး ၦအံၫစရ့လၭဖိၪနါဂၧၫ့ဝ့ၫတၭ, ၦအံၫစရ့လၭဖိၪအဆၧ အီၪကီၪ့ထီးအလူၬနီၪ အီၪကီၪ့လၧၡဲလိၫအဖၧၩ့ဘဲၫ
13 ၥိၭအမိလ့ၩဒုၭၥုၭထၫ့ဒၩအဝ့ၫၥံၪလီၫ.- တၭၦအံၫစရ့ လၭဖိၪအၪ့မၧၫ့လၩ့ၦလုဆၧ စအံၫလအ့ဇၧၫအဖိၪခွၫ စဖံနအၭလဂၩ, လၧၦရုဘံၫ့ဖိၪ, ဒဲၦဂၭဖိၪ,ဒဲၦမနၭစ့ၫ ဖိၪအလခီၫဒီၪ့ လၧအအီၪလၧခးဂံလအၭအဖၧၩ့,
14 တၭလၧအဝ့ၫဒၪအၥိၭနီၪၦဒိၪဆံၫဂၩ, လဂံၪ့အခိၪလ ဂၩ,လဂံၪ့အခိၪလဂၩ, လၧအံၫစရ့လၭအဒီၪ့ထီးအ လူၬအကျၩတၭ, လဂၩမွဲအဖါအဂံၪ့ခိၪ, လဂၩအဖါ အဂံၪ့ခိၪ လၧအံၫစရ့လၭအထီၫ့လဖၪအကျၩနီၪ ဆုၬ ဆုၬလီၫ.
15 တၭအဝ့ၫၥံၪဂဲၫဝ့ၫလၧၦရုဘံၫ့ဖိၪ, ဒဲၦဂၭဖိၪ,ဒဲၦမ နၭစ့ၫဖိၪအလခီၫဒီၪ့အအီၪ, လၧဂံလအၭတၭ, ချဲၩ့
16 ဆၧလၧအဝ့ၫၥံၪတၭ,စံၭဝ့ၫဒၪ,- ယဟိဝၩအဆၧအီၪ ကီၪ့ထီးအလူၬစံၭဘဲၫယီၩ, ဆၧမၩလၧနၥံၪမၩမၪဘၪ အံၫစရ့လၭအယွၩယီၩ မွဲဘဲၫၥ့ၪလဲၪး လၧနၥံၪကၠၪခွံၬ နၥံၪအၥၭလၧဆၧဖိၬ ယဟိဝၩအခဲၫ့ လၧမုဆၫလနံၩ ယီၩ,လၧနၥံၪမၩထၪ့ဆၧလုလးဘဲၫၥိၭနၥံၪမိပိၩ့ထၪ့
17 ယဟိဝၩ လၧမုဆၫလနံၩယီၩမၬလဲၪ.- ပံအီၫအဆၧ အၧၩ့လၧပလဆံၫ့ထၪ့ဒံၭဘၪ ခီးမုဆၫလနံၩယီၩ,မွဲ ဆံၭခိၬဖိၪလၧပဂးဆ့ဧၪ. ဆၧၥံၫဖျဲၪအီၪထၪ့လၧယဟိ
18 ဝၩအဆၧအီၪကီၪ့လါနၫ့တၭ,- နၥံၪမိကၠၪခွံၬ နၥံၪအ ၥၭလၧဆၧဖိၬ ယဟိဝၩအခဲၫ့ လၧမုဆၫလနံၩယီၩဆ့ ဧၪ.တၭဆၧမိမၩအၥၭ လၧနၥံၪမိပိၩ့ထၪ့ ယဟိဝၩ လၧမုဆၫလနံၩယီၩတၭ, ကဲဂီၩလနံၩနီၪ အဝ့ၫဒၪ မိၥၭထၪ့ဘၪအံၫစရ့လၭ အဆၧအီၪကီၪ့ထီးအလူၬ
19 လီၫ.- မွဲလါနၫ့နၥံၪအဆၧဖီၪ့ထၬ အခးအ့ၪလဆံၫ့ဘၪ တၭ,ခၫ့ဂၬလၧယဟိဝၩအဆၧန့ၥၫအခးဖၧၩ့, ထီးယ ဟိဝၩအတဲၩဆံၫ့ဎံၪနီၪအီၪဝ့ၫတၭ, မၩန့ဆၧလၧပ ကျၩဆံၭ. အ့ၪမွဲနၥံၪမၩဆၧလုလးလၧယဟိဝၩပယွၩ အဆၧလုလးအဖၫ့ခိၪတၭ, မွဲနၥံၪထီး ပိၩ့ထၪ့ဘၪယ
20 ဟိဝၩလဂ့ၩ, ဒဲမွဲနၥံၪထီးပိၩ့ထၪ့ပၧၩလဂ့ၩ,- စဇံရၫ အဖိၪခွၫစအၫခၫ့မၩမၪဆၧလၧဆၧဆိၪအၧၩ့, ဒဲဆၧ ၥၭထၪ့လၩ့ဘၪ လၧအံၫစရ့လၭ အဆၧအီၪကီၪ့ထီး အလူၬအဖၫ့ခိၪနီၪမွဲအ့ၬဧၪ. တၭၦလဂၩနီၪဂၭဂီၩ့လ ဂၩဎးလၧအဆၧအၧၩ့အဖၧၩ့အ့ၬ.
21 ထီးနီၪလဖၧၫ့ၦရုဘံၫ့ဖိၪ,ဒဲၦဂၭဖိၪ, ဒဲၦမနၭစ့ၫဖိၪ အလခီၫဒီၪ့ချဲၩ့ဆၧၫ့ဆၧတၭ, စံၭအံၫစရ့လၭအထီၫ့ၥံၪ
22 အခိၪလဖၪ.- ယဟိဝၩ,ယွၩလဖၪအယွၩး ယဟိဝၩ ယွၩလဖၪအယွၩ, အဝ့ၫဒၪနီၪၥ့ၪယၫဝ့ၫ, ဒဲအံၫစရ့လၭ မိၥ့ၪယၫဆ့လီၫ. အ့ၪမွဲဆၧပိၩ့ထၪ့,ဒဲဆၧမၩမၪဘၪယ ဟိဝၩတၭ,ထီးမၩဖီၩ့မၩဖျ့ၭပၧၩ လၧမုဆၫလနံၩယီၩ
23 လဂ့ၩ.- ပအ့ၪမၩထၪ့ဆၧလုလးယီၩ, ဘဲၫၥိၭပမိကၠၪ ခွံၬပၥၭလၧဆၧဖိၬယဟိဝၩအခဲၫ့မွဲဂ့ၩ, ဘဲၫၥိၭမိလုထၪ့ ဆၧလုမ့ၪမွဲဂ့ၩ, ဆၧမၩဘိၪ့ကိၪမုၬမွဲဂ့ၩ, လၧအဖၫ့ခိၪ, အ့ၪမွဲဘဲၫပမိလုထၪ့ဆၧလုဘၪလိၬအိၭလိၬ လၧအဖၫ့ ခိၪမွဲဂ့ၩတၭ, မွဲယဟိဝၩအနၫ့ဆါဒၪဝ့ၫ အၪ့ဎၬဆၧ
24 ဆံၭ.- တၭမွဲပမၩလၧပအၪ့ယိၪဆၧယီၩအကၠီၩ့, ကဲခိၬ နီၪနၥံၪအဖိၪအလံၩမိချဲၩ့ဆၧ လၧပဖိၪပလံၩတၭ,မိစံၭ, နၥံၪမၩဆၧလၧယဟိဝၩ အံၫစရ့လၭအယွၩ ဘဲၫၥ့ၪ
25 လဲၪး- တၭယဟိဝၩအီၪက့ၪယီၫဒၫ့လၧဆၧအနဲၩ့အ ဎီၩ့လၧနၥံၪဒဲပၧၩအဘိၩ့ဆၧၩ့, ၦရုဘံၫ့ဖိၪ,ဒဲၦဂၭဖိၪ ၥံၪဧ့, နၥံၪအဂးအီၪလၧယဟိဝၩအဖၧၩ့ နးစီၪ့အ့ၬ.ဘဲၫ နီၪၥိၭတၭနၥံၪအဖိၪအလံၩမိဒုၭ မၩဂၭဂီၩ့ပဖိၪပလံၩ
26 လၧအဆၧၥၭမဲၪယဟိဝၩလီၫ.- မၩအၥၭဘဲၫနီၪတၭ ပစံၭ, မွဲပတဲၩ့ဝဲၩပၥၭမၩဆၧလုလးဆံၭ. ဘဲၫၥိၭပမိ မၩထၪ့ဆၧလုလး လၧဆၧလုမ့ၪအဂးမွဲအ့ၬ,လၧၦလု
27 ထၪ့ဆၧအဂးမွဲအ့ၬ.- မွဲဘဲၫၥိၭအမိကဲၪထၪ့ ဆၧထိး အၥၭလၧပဘိၩ့ဆၧၩ့, ဒဲနၥံၪအဘိၩ့ဆၧၩ့,ဒဲလၧပဆၨၩ ပဆၬၥံၪလၧပလးခဲၫ့အဂး, ဘဲၫၥိၭပမိမၩယဟိဝၩအ ဆၧလၧအမ့ၬယၫဒဲပဆၧလုမ့ၪ, ဒဲပဆၧလုထၪ့လဖၪ, ဒဲပဆၧလုဘၪလိၬအိၭလိၬ, ဘဲၫၥိၭကဲခိၬနီၪ, နၥံၪအဖိၪ အလံၩထီးစံၭပဖိၪပလံၩ, နၥံၪအဂးလအီၪဘၪလၧယ
28 ဟိဝၩအဖၧၩ့နီၪ, လဂ့ၩ.- မၩအၥၭဘဲၫနီၪတၭ ပစံၭ, ကဲခိၬနီၪထီးအစံၭဆၧလၧပၧၩမွဲဂ့ၩ, လၧပဆၨၩပဆၬ မွဲဂ့ၩတၭ, ဆၧမၩအၥၭလၧပမိစံၭပဝ့ၫ,ယိခွါ,ယဟိဝၩ အဆၧလုလးအဂၩ့လၧပဖါလဖၪ မၩဝ့ၫလၧဆၧလု မ့ၪအဂးမွဲအ့ၬ. ဒဲလၧလုထၪ့ဆၧအဂးမွဲအ့ၬး အ့ၪမွဲဆၧ
29 ထိးအၥၭလၧနၥံၪဒဲပၧၩအဘိၩ့ဆၧၩ့လီၫ.- လၧယဟိ ဝၩပယွၩအဆၧလုလး လၧအအီၪဝ့ၫလၧတဲၩဆံၫ့ဎံၪ အမ့ၬယၫနီၪ, ဆၧလုလးလၧဆၧလုမ့ၪအဂးမွဲဂ့ၩ,လၧ ဆၧမၩဘိၪ့ကိၪမုၬအဂးမွဲဂ့ၩ, လၧလုထၪ့ဆၧအဂးမွဲ ဂ့ၩ,မွဲပထီးမၩထၪ့ဝ့ၫဒဲပိၩ့ထၪ့ဘၪယဟိဝၩ, ဒဲကၠၪခွံၬ ပၥၭလၧဆၧဖိၬယွၩအခဲၫ့လၧမုဆၫလနံၩယီၩလဂ့ၩ.
30 တၭၦလုဆၧစဖံနအၭ, ဒဲဆၧအီၪကီၪ့အၦဒိၪ,ဒဲ အံၫစရ့လၭအထီၫ့ၥံၪအခိၪလဖၪ လၧအအီၪဝ့ၫလၧအ ဝ့ၫဒၪအၥိၭနီၪ နါဂၧၫ့ဆၧချဲၩ့လၧၦရုဘံၫ့ဖိၪ, ဒဲၦဂၭဖိၪ, ဒဲၦမနၭစ့ၫဖိၪချဲၩ့ဝ့ၫနီၪ, ဂ့ၩဝ့ၫလၧအဝ့ၫၥံၪအမ့ၬယၫ
31 လီၫ.- တၭၦလုဆၧစအံၫလအ့ဇၧၫအဖိၪခွၫစဖံနအၭ နီၪစံၭၦရုဘံၫ့ဖိၪ,ဒဲၦဂၭဖိၪ, ဒဲၦမနၭစ့ၫဖိၪ, ဆၧလၧမု ဆၫလနံၩယီၩပၥ့ၪယၫလၧယဟိဝၩ အီၪဝ့ၫလၧပကျၩ လီၫ. အဂဲးဘဲၫယီၩ နၥံၪမၩမၪယဟိဝၩလၧဆၧမၩ ယီၩအ့ၬး မွဲနၥံၪမၩဖီၩ့မၩဖျ့ၭယူၭ ၦအံၫစရ့လၭဖိၪ လၧယဟိဝၩအစူၪဖၧၩ့ယူၭ.
32 တၭၦလုဆၧစအံၫလအ့ဇၧၫ အဖိၪခွၫစဖံနအၭဒဲ ၦဒိၪၥံၪနီၪစဲၪ့ထၪ့ခွံၬ လၧၦရုဘံၫ့ဖိၪ, ဒဲလၧၦဂၭဖိၪအ အီၪလၧဂံလအၭအဖၧၩ့, ထဲၩ့ဝ့ၫထီၩ့လၧခးကၫနအၫ့ အဖၧၩ့လၧၦအံၫစရ့လၭဖိၪအအီၪတၭ, ထဲၩ့ဆိၬဝ့ၫ
33 လၧဆၧချဲၩ့နီၪလီၫ.- မွဲအဂ့ၩဝ့ၫလၧၦအံၫစရ့လၭဖိၪ အမ့ၬယၫတၭ, ၦအံၫစရ့လၭဖိၪစံၭထၪ့အၪ့အူၭယွၩ တၭ,စံၭလၧအမိလ့ၩဒုၭၥုၭဘဲၫၥိၭအမိမၩဂၭဂီၩ့ထံၫ ၥံၪခးၥံၪထီးၦရုဘံၫ့ဖိၪ ဒဲၦဂၭဖိၪအီၪဝ့ၫလၧအဖၧၩ့နီၪ အ့ၬ.
34 တၭၦရုဘံၫ့ဖိၪ,ဒဲၦဂၭဖိၪ, ကိၭဆၧလုလးနီၪအမံၩ့ ဆၧထိးအၥၭလီၫ. အဂဲးဘဲၫယီၩ မွဲဆၧထိးအၥၭလၧ ပဘိၩ့ဆၧၩ့လၧယဟိဝၩမွဲယွၩလီၫ.