20
1 ယဟိဝၩချဲၩ့ဆၧလၧ စယီရှုၫအ့ၫတၭ, စံၭဝ့ၫဒၪ,
2 ချဲၩ့ဆၧလၧၦအံၫစရ့လၭဖိၪတၭ, စံၭ, အီၪက့ၪဒိၩ့ဖ လ့ၬလၧနၥံၪအဂး ဘဲၫလၧယချဲၩ့ဆၧလၧနၥံၪလၧစမိ
3 စ့ၭအစူၪဖၧၩ့လၧအဂဲးအကၠီၪ့,- ဘဲၫၥိၭၦလၧအမၩ ၥံၫခွံၬၦလဂၩ လၧအမၩၥံၫရှုၭဆၧအကၠီၩ့တၭ လၥ့ၪ ယၫဘၪဝ့ၫနီၪမိစဲၪ့လၧအအီၪတၭ, မိကဲၪထၪ့ဆၧဖီၩ့ ဖျ့ၭလၧနၥံၪအဂး လၧၦအၪ့ဎၬဆၧၥွံၪလဂၩနီၪလီၫ.
4 တၭထီးၦလၧအစဲၪ့ဆၧလၧဒိၩ့နီၪ လဖျိၪ့ဖျိၪ့မိဆၧၫ့ ထုၪ့လၧဒိၩ့အတရၫ့တၭ, မိချဲၩ့ဆၧလၧဒိၩ့အၦၥုၪ့က့ၭ ၥၭၡါအနါဖၧၩ့တၭ, အဝ့ၫၥံၪမိဘၪမၩန့ဝ့ၫ လၧဒိၩ့ ဖၧၩ့လၧအအီၪတၭ, ဖ့ၪလၫ့ဝ့ၫလၧအလး, ဘဲၫၥိၭအမိ
5 အီၪက့ၪဝ့ၫလၧအကျၩလီၫ.- တၭၦအၪ့ဎၬဆၧၥွံၪလ ဂၩနီၪအ့ၪလီၩ့ဆီးဝ့ၫတၭ အဝ့ၫၥံၪထီးဖ့ၪလၫ့ခွံၬၦမၩ ၥံၫဆၧလၧအဝ့ၫဒၪ အစူၪဖၧၩ့လဂ့ၩ. အဂဲးဘဲၫယီၩ မွဲအလၥ့ၪယၫဘၪဝ့ၫတၭ, ဖ့ၬဘၪၦလၧအနဲၩ့ထံၭတၭ,
6 မ့ၬလဲၩဝ့ၫဒၪလၧအခီၩနီၪအ့ၬ.- မွဲအမိဘၪအီၪလၧဒိၩ့ ဖၧၩ့နီၪထီးအဆၧၫ့ထုၪ့လၧဆၧအီၪကီၪ့ အမ့ၬယၫလၧ ဆၧစ့ၩရၫ့အဂး, ဒဲထီးၦလုဆၧအခိၪလၧအအီၪလၧမု နံၩလဖၪနီၪၥံၫဝ့ၫလီၫ. ထီးနီၪလဖၧၫ့ၦမၩၥံၫဆၧမိဂဲၫ ထဲၩ့ထဲၩ့ဝ့ၫလၧအဒိၩ့ဒၪဝ့ၫနီၪ ဒဲလၧအဂံၪ့ဒၪဝ့ၫ,လၧဒိၩ့
7 လဖျိၪ့လၧအစဲၪ့ထၪ့ခွံၬဝ့ၫလၧအဖၧၩ့လီၫ.- တၭအဝ့ၫ ၥံၪအီၪက့ၪလၩ့ဝ့ၫ လၧကၫဒ့ၭ လၧဂၫလလံၫအဖၧၩ့, လၧခိၪလီၩ့နၭၥလဲၫအလီၩ့, ဒဲၡံခံၫ့လၧခိၪလီၩ့အံဖြံၫ့ အလီၩ့, ဒဲကၧၫယၭအၫဘၫ, အနီၪမွဲဟံဘြၧၫ့လၧခိၪ
8 လီၩ့ယုဒၫအလီၩ့လီၫ.- တၭလၧယီၫဒၫ့ဝါလခီၫ, ဆဲၫ ဎၩ့လၧယ့ၫရခိၫ လၧမုထၪ့လခီၫနီၪ အဝ့ၫၥံၪအီၪက့ၪ လၩ့ဝ့ၫလၧဘံဇၧၫ, လၧၡါမုနၧၫ့ဖၫ လၧဆၧပျၩ့ဖၧၩ့ လၧစရုဘံၫ့လဒီၪ့အကျၩ, ဒဲရၫမီၭလၧဂံလအၭအဖၧၩ့ လၧစဂၭလဒီၪ့အကျၩ, ဒဲဂိလၫ့လၧဘၫၡၫ့အဖၧၩ့လၧစ မနၭစ့ၫလဒီၪ့အကျၩလီၫ.
9 တၭအဝ့ၫၥံၪနီၪ မွဲဒိၩ့လၧအဘၪဆၧအီၪက့ၪလၩ့ဝ့ၫ လၧၦအံၫစရ့လၭဖိၪ ထီးအလူၬအဂး, ဒဲလၧၦလခီၫ ဘၩ့မုးဖိၪလၧအအီၪဝ့ၫလၧအကျၩအဂး, ဘဲၫၥိၭထီး ဒၪၦလၧအမၩၥံၫရှုၭၦလဂၩ လၧအလၥ့ၪယၫဘၪဆၧ အကၠီၩ့လဂၩဂၩနီၪ မိစဲၪ့ဝ့ၫထီးနီၪတၭ, ဘိၩ့အလ ချႃၭဆၧၫ့ထုၪ့ဒံၭဘၪ လၧဆၧအီၪကီၪ့ အမ့ၬယၫနီၪ, လမိၥံၫဘၪ လၧၦအၪ့ဎၬ ဆၧၥွံၪလဂၩ အစူၪဖၧၩ့လီၫ.