18
1 ၦအံၫစရ့လၭဖိၪ အဆၧအီၪကီၪ့ထီးအလူၬနီၪအီၪ ကိၩ့အီၪကီၪ့ထီးၡဲလိၫနီၪတၭ, မၩထၪ့ဆၧအီၪကီၪ့အ တဲၩဆံၫ့ဎံၪထီးနီၪတၭ, ၦခးဖိၪနီၪစၪဝ့ၫ လၧအဝ့ၫၥံၪ အမ့ၬယၫလီၫ.
2 တၭၦလၧအလန့ဒံၭဘၪဆၧန့ၥၫနီၪ ၦနွ့ၫဒီၪ့အီၪလၩ့ ထးဝ့ၫလၧၦအံၫစရ့လၭဖိၪအကျၩလီၫ.
3 တၭစယီရှုၫအ့ၫစံၭ ၦအံၫစရ့လၭဖိၪလဖၪနီၪ, ဘဲၫ ၥိၭနၥံၪလမၩန့ဒံၭဘၪ ထံၫၥံၪခးၥံၪ လၧယဟိဝၩနၥံၪ အဖါလဖၪအယွၩဖ့ၪလၫ့နၥံၪ, မွဲနၥံၪမိအီၪက့ၪဆါန
4 ၥံၪအဂဲးအဘၭဆံၭယံၬလဲၪ.- လၧနၥံၪအကျၩနီၪ, ဖ့ၪ လၫ့လၧလဒီၪ့ၦၥၧၫ့ဂၩ, လဒီၪ့ၦၥၧၫ့ဂၩ ဆုၬဆုၬဆံၭ. ယမိအၪ့မၧၫ့လၩ့အဝ့ၫၥံၪတၭ, မွဲအမိဂဲထုၪ့တၭ,လ့ၩ ဆၧလၧခးထၧၫ့ဘံၪ့ယၫအဖၧၩ့, ဒဲကွ့ၭဆၧလၧအဂဲး အကၠီၪ့ဘဲၫအဆၧန့ၥၫအၥိၭတၭ, မိဘၪဂဲၫထဲၩ့ထဲၩ့
5 လၧယအီၪလီၫ.- တၭအဝ့ၫၥံၪမိဘၪအၪ့နၩ့ဖၭဝ့ၫလၧ နွ့ၫဝၩ့လီၫ. စယုဒၫအီၪလၧအနဲၩ့ထံၭလၧမုခံၫ့လခီၫ, စယိၥၭအၡၩဂံၪ့ဖိၪဘၪအီၪလၧအနဲၩ့ထံၭ လၧမုဖၩ
6 လခီၫနီၪလီၫ.- တၭနၥံၪမိဘၪကွ့ၭဆၧလၧခးအဂဲးအ ကၠီၪ့လၧနွ့ၫဝၩ့ဒဲဂဲၫထဲၩ့ဆိၬ လၧယအီၪထီးယီၩတၭ, ယမိဖၭဆၧထီးယီၩ, လၧနၥံၪအဂးလၧယဟိဝၩပယွၩ
7 အမ့ၬယၫလီၫ.- အ့ၪမွဲၦလံဝဲၫဖိၪအဂးအီၪလၧနၥံၪအ ကျၩအ့ၬ. အဂဲးဘဲၫယီၩယဟိဝၩအၡၩလုဆၧအလး နီၪမွဲအဝ့ၫၥံၪအဆၧန့ၥၫလီၫ. ဒဲစဂၭ,ဒဲစရုဘံၫ့, ဒဲစမ နၭစ့ၫအလခီၫဒီၪ့နီၪ, န့ဘၪယူၭအဆၧန့ၥၫ လၧယီဒၫ့ အဝါလၧမုထၪ့လခီၫ, လၧယဟိဝၩအခ့ၫအၡၩစမိစ့ၭ ဖ့ၪလၫ့ဝ့ၫလီၫ.
8 ၦလဖၪနီၪဂဲထုၪ့တၭ, လ့ၩဆၧတၭ,စယီရှုၫအ့ၫမၪ လူၬဝဲၩၦလၧအလ့ၩဆၧလဖၪ, လၧအမိဘၪကွ့ၭဂၪ့ခိၪ အဂဲးအကၠီၪ့တၭ, စံၭဝ့ၫဒၪ,လ့ၩစဲၪ့ဝံၩ့ဝၩ့လၧထံၫၥံၪ ခးၥံၪအဖၧၩ့, ဒဲကွ့ၭဆၧလၧအဂဲးအကၠီၪ့တၭ, ဂဲၫထဲၩ့ ထဲၩ့လၧယအီၪဆံၭး တၭယမိဖၭဆၧထီးယီၩလၧနၥံၪ အဂး လၧယဟိဝၩအမ့ၬယၫ လၧၡဲလိၫအဖၧၩ့လီၫ.
9 ၦလဖၪနီၪ လ့ၩဆၧဒဲခၫ့ဂၬ ထံၫၥံၪခးၥံၪတၭ, ကွ့ၭဝ့ၫ လၧလံၬဖၧၩ့ ဘဲၫအဒိၩ့လဖၪ အီၪဝ့ၫအၥိၭ လၧနွ့ၫဝၩ့ နီၪ,ဂဲၫထဲၩ့ထဲၩ့လၧစယီရှုၫအ့ၫအအီၪ လၧၦၥုၪ့တဲၩအ
10 လးလၧၡဲလိၫအဖၧၩ့နီၪလီၫ.- တၭစယီရှုၫအ့ၫဖၭ ဆၧလၧအဝ့ၫၥံၪအဂး လၧၡဲလိၫအဖၧၩ့လၧယဟိဝၩ အမ့ၬယၫလီၫ. တၭစယီရှုၫအ့ၫ အၪ့နၩ့ဖၭထံၫၥံၪခး ၥံၪလၧၦအံၫစရ့လၭဖိၪအဂး ဘဲၫအဆၧအၪ့နၩ့ဖၭအ ၥိၭနီၪလီၫ.
11 ၦဘံၪ့ယမံၫ့ဖိၪလဒီၪ့အဆၧဖၭန့ လၧအဂးနီၪဂဲၫထၪ့ ဘဲၫအဂံၪ့ဒီၪ့လဖၪအၥိၭနီၪ, အဆၧဖၭ လၧအခးနဲၩ့ ထံၭနီၪဂဲၫထၪ့လၧစယုဒၫအဖိၪ, ဒဲစယိၥၭ အဖိၪအ
12 ဘိၩ့ဆၧၩ့နီၪလီၫ.- တၭအဝ့ၫၥံၪ အခးနဲၩ့ထံၭလၧမု ဖၩလခီၫအီၪဝ့ၫလၧယီၫဒၫ့, ဒဲခးအနဲၩ့ထံၭနီၪလ့ၩထၪ့ လၧယ့ၫရခိၫအနဲၩ့ထံၭ လၧမုဖၩလခီၫ, လ့ၩထၪ့ဖျီၫ့ ခိၪလီၩ့ဖိးလၧမုနုၬလခီၫတၭ, စဲၪ့ထၪ့ခွံၬနီၪထီးၡါမု
13 နၧၫ့ဖၫဘ့ၭၥအ့ဝံၫ့လီၫ.- တၭခးအနဲၩ့ထံၭနီၪခၫ့ဂၬ ဆၧထီးနီၪတီၩလၧလုဇၭ, လၧလုဇၭအနဲၩ့ထံၭလၧမု ခံၫ့လခီၫ, အနီၪမွဲဘ့ၥလၭတၭ, ခးအနဲၩ့ထံၭနီၪလ့ၩ လၩ့လၧအၭတရီၭအၫဒၧၫ, ဘူၭလၧခိၪလီၩ့လဖျိၪ့အီၪ လၧဘ့ၭၥဟိရၧၫ့လၧလၬလခီၫ လၧဒိၩ့အမုခံၫ့လခီၫ.
14 ဆၧထိၪခးအနဲၩ့ထံၭတၭ, လ့ၩဎဲၪ့မၫဆမံၭအနိၪ့လၧ မုခံၫ့လခီၫလၧခိၪလီၩ့လဖျိၪ့ လၧအအီၪလၧဘ့ၭၥဟိ ရၧၫ့အမ့ၬယၫ လၧမုခံၫ့လခီၫ, ဒဲစဲၪ့ထၪ့ခွံၬဝ့ၫနီၪထီး ကၧၫယၭဘၫအလၭ, အနီၪမွဲကၧၫယၭယ့အရံၫ့, ၦယု ဒၫဖိၪလဖၪအဒိၩ့လဒိၩ့လီၫ. အနီၪမွဲအနဲၩ့ထံၭမုနုၬ လခီၫလီၫ.
15 အမုခံၫ့လခီၫအီၪဝ့ၫလၧကၧၫယၭယ့အရံၫ့ အထုၬ တၭ,ခးအနဲၩ့နီၪ စဲၪ့ထၪ့ခွံၬလၧမုနုၬလခီၫတၭ, လ့ၩ
16 ဆၧလၧန့ၭဖၥိၫအၫအထံၫထၪ့ဖျိၭအဖၧၩ့အအီၪ,- တၭ ခးအနဲၩ့ထံၭနီၪ လ့ၩလၩ့လၧခိၪလီၩ့လဖျိၪ့အထုၬလၧ အအီၪဝ့ၫလၧစဟံၪ့နၧၫ့အဖိၪခွၫ အခိၪလီၩ့ဆူၭအမ့ၬ ယၫ,လၧအအီၪလၧၦဂဲးဆီၪ့ဖိၪအခိၪလီၩ့ဆူၭအဖၧၩ့ လၧမုဖၩလခီၫတၭ, လ့ၩလၩ့လၧခိၪလီၩ့ဆူၭဟံၪ့နၧၫ့, လၧယဘုစဲၫအနဲၩ့ လၧမုခံၫ့လခီၫတၭ, လ့ၩလၩ့လၧ
17 အံၫ့ရိဂလၭ,- ဆၧထိၪလၧမုဖၩလခီၫတၭ, လ့ၩထၪ့ဝ့ၫ လၧအံၪ့ၡံၫမ့ၭတၭ, လ့ၩထၪ့လၧဂ့လလီၭ, လၧအအီၪ ဆဲၫဎၩ့လၧအလ့ၩထၪ့လၧအဒၧမံၫ့တၭ, လ့ၩလၩ့လၧ
18 စရုဘံၫ့အဖိၪခွၫ စဘိဟၫ့အလိးလဖျိၪ့အအီၪ,- တၭ လ့ၩဆၧလၧအနဲၩ့ထံၭ လၧအအီၪ ဆဲၫဎၩ့ လၧအၫရ
19 ဘၫလၧမုဖၩလခီၫတၭ, လ့ၩလၩ့လၧအၫရဘၫ,- တၭ ခးအနဲၩ့ထံၭနီၪ လ့ၩဆၧလၧဘ့ၭၥဟီၭလၫအနဲၩ့လၧ မုဖၩလခီၫတၭ, စဲၪ့ထၪ့ခွံၬဝ့ၫထီးနီၪ ထီၩ့မၫဆမံၭထံၫ လၪအဆၧဒူၩ့ကဲၪ့ဖၧၩ့ လၧမုဖၩလစီၪ့လၧယီၫဒၫ့မုခံၫ့ လခီၫလီၫ. အနီၪမွဲခးအနဲၩ့ထံၭ လၧမုခံၫ့လခီၫလီၫ.
20 တၭယီၫဒၫ့မွဲခးအနဲၩ့လၧမုထၪ့လခီၫလီၫ. အနီၪမွဲ ၦဘံၪ့ယမံၫ့ဖိၪလဖၪ အဆၧန့ၥၫ, ဘဲၫအခးနဲၩ့လဖၪ အီၪဝၬဖီၩ့ဝ့ၫအၥိၭ, ဘဲၫအဂံၪ့ဒီၪ့လဖၪအၥိၭနီၪလီၫ.
21 တၭၦဘံၪ့ယမံၫ့ဖိၪ လဒီၪ့အဒိၩ့လဖၪ ဘဲၫအဂံၪ့ဒီၪ့ လဖၪအၥိၭနီၪ, မွဲယ့ၫရခိၫ, ဒဲဘ့ၭၥဟီၭလၫ, ဒဲကံဇံၭ
22 အခိၪလီၩ့ဆူၭ.- ဒဲဘ့ၭၥအၫရဘၫ, ဒဲဇံၫ့မရံၫ့, ဒဲဘ့ၥ
23 လၭ.- ဒဲအၫဝံၫ့, ဒဲဖၫရၫ,ဒဲအီဖၩ.- ဒဲခံဖၫဟၫအၫမ
24 န့ၫ,ဒဲအီဖနဲၫ,ဒဲဂၫဘၫလီၫ.- ဒိၩ့လဆံၫနံၫဒိၩ့အီၪလၧ
25 အတဝၫ့လဖၪလီၫ.- ဂံဘအၧၫ့, ဒဲရၫမၫ, ဒဲဘံရီၭ. ဒဲမံဇပၫ,ဒဲခ့ၭဖဲရၫ,ဒဲမိဇၫ,
26-27 ဒဲရံကံၫ့,ဒဲအၧၫပံၫအ့
28 လၭ,ဒဲတၫရလၫ.- ဒဲဇံလၫ,ဒဲအ့လ့ၭ, ဒဲယဘုစဲၫ,အ နီၪမွဲယရုစလံၫ့, ဂံဘံၫအၭ, ဒဲကၧၫယၭနီၪလီၫ ဒိၩ့လ ဆံၫလံဒိၩ့ အီၪလၧအတဝၫ့လဖၪလီၫ. အနီၪမွဲၦဘံၪ့ ယမံၫ့ဖိၪအဆၧန့ၥၫ, ဘဲၫအဂံၪ့ဒီၪ့လဖၪအၥိၭနီၪလီၫ.