1 ယဟိဝၩအလူလၧအလၩ့ဘၪ မီၪစယ့ၫရမဲအၫလၧ ၦဆၨၩလဖၪအဂဲး, လၧအထၫ့ဒၩၦဆၨၩၥံၪ,ထၫ့ဒၩအံ 2 ဇံၭ,- လၧအံဇံၭအစဎွၩဖၫရိၫနံခိၫအၥုၭမုခမျၧးအဂဲး လၧအအီၪဝ့ၫ လၧထံၫမိၡါယုၫပ့တံၫအနဲၩ့လၧကၫ ခမံၭအဖၧၩ့ လၧဘၭဘလၧၫ့အစဎွၩန့ၭဘူၫခၭန့ဇၫ ကျီၪ့ဝ့ၫလၧယုဒၫအစဎွၩ စယိၫစဲအၫအဖိၪခွၫစယဟီ အကံၫ့အနံၪ့လံနံၪ့လနံၪ့နီၪလီၫ.

3 တဲၩ့ဝဲၩနၥံၪဝ့ၫ ဆၧပဒၩ့ဒဲထၩ့ဖံၭၥံၪတၭ,ၥုၭဘူၭ 4 လၧဆၧဒုၭၥုၭနီၪဘီၪ.- တဲၩ့ဝဲၩကၥ့ၪလဖၪတၭး ကၥ့ၪ ၥုၭဖိၪၥံၪဧ့, ထူၭထၪ့ကၥ့ၪဘီၪး အီၪဆၧၫ့ထုၪ့လၧနၥံၪ အခိၪလူၬၥုၭၥံၪ, ထူၭယုၩ့ယဲထၪ့နၥံၪအဖၩ့ၥံၪ, ဒဲၥိၭ 5 ထၪ့ဆဲၫ့ထၭလဖၪနီၪဆံၭ.- မွဲယဒၪဘၪအဝ့ၫၥံၪၥၭမဲၪ ထၪ့တၭ,ထဲၩ့ထဲၩ့နီၪအဂဲးဘဲၫၥ့ၪလဲၪ. တၭအဝ့ၫၥံၪ အၡၩဆီၪ့လဖၪဘၪဆၧဒိၪလၩ့ထံၩဖါဝ့ၫတၭ, စဲၪ့ဖျိၭ နီၪဒဲလယိထဲၩ့ဘၪလၧအလးခဲၫ့နီၪး အဂဲးဘဲၫယီၩ 6 ဆၧၥၭမဲၪအီၪဖီၩ့ဝ့ၫဝၬဝၬနီၪ, ယဟိဝၩစံၭဝ့ၫဒၪ.- ၦအ ခၪ့ဖျဲၪနီၪ, မွဲအထီးစဲၪ့ဖျိၭလဂ့ၩ. ဒဲၦအဆီၪ့ၥံၪမွဲအ ထီးဖီၩ့ဖျ့ၭလဂ့ၩ. အဝ့ၫၥံၪမိဘၪထၧၩ့လၩ့ထံၩဖါတီၩ လၧမုဖၩလခီၫ, လၧထံၫမိၡါယုၫပ့တံၫအနဲၩ့ထံၭနီၪ 7 လီၫ.- ၦဂဲၫထၪ့ဘဲၫထံၫလုၬဘံၭဆၧအၥိၭနီၪမွဲၦလဖၪ လဲၪ.ထံၫလဖၪနီၪဆံၫပိၩ့ပၪ့ထၪ့ဝ့ၫ ဘဲၫထံၫမိၡါအၥိၭ 8 နီၪလီၫ.- ခးအံဇံၭဂဲထုၪ့ဝ့ၫဘဲၫထံၫလၧအလုၬဘံၭ ဆၧအၥိၭနီၪး ဒဲအထံၫလဖၪဆံၫပိၩ့ပၪ့ထၪ့ဝ့ၫဘဲၫထံၫ မိၡါအၥိၭနီၪလီၫ. တၭအဝ့ၫဒၪစံၭဝ့ၫ, ယမိလ့ၩထၪ့ မၩလုၬဘံၭခွံၬဂၪ့ခိၪ, ယမိမၩဂၭဂီၩ့ဒိၩ့ၥံၪဒဲအၦၡၩ 9 လဖၪနီၪဆ့လီၫ.- ကၥ့ၪၥုၭၥံၪဧ့,ဂဲၫထၪ့နၥံၪဝ့ၫဘီၪး ဒဲ လဲၪ့ၥုၭၥံၪဧ့,စဲၪ့ဆီၪ့နၥံၪဝ့ၫဘီၪး တၭၦအဆီၪ့ၥံၪနီၪ, မွဲအဂဲၫထၪ့ဝ့ၫဒၪဘီၪး ၦအံၫၥအိပၠၫဖိၪၥံၪ, ဒဲၦလံဘၠၫ ဖိၪၥံၪ,လၧအဖီၪ့ထၩ့ဖံၭ, ဒဲၦလုဒၫဖိၪၥံၪလၧအဖီၪ့ဖဲၪ့ 10 ထၪ့ချံၫလီၫ.- အဂဲးဘဲၫယီၩမုဆၫလနံၩယီၩ မွဲယဟိ ဝၩၥုၭမုခမျၧးအယွၩအနံၩ, ဆၧဖ့ၪဆၧၫ့အမုနံၩဘဲၫ ၥိၭအမိစ့ၩရၫ့တီၩန့ အနၫ့ဆါဒၪဝ့ၫလၧအဒုၪအဒၩၥံၪ အကၠီၩ့နီၪလီၫ. နၭၥံၪမိအၪ့ခွံၬဆၧတၭ, မွဲအမိအၪ့ ဘျဲၩအၪ့ဒဲအီၩမၧၩ့ဝ့ၫလၧအဝ့ၫၥံၪအၥွံၪနီၪး အဂဲး ဘဲၫယီၩယဟိဝၩၥုၭမုခမျၧးအယွၩ အီၪလၧဆၧလု ထၪ့ဝ့ၫလၧခးမုဖၩနီၪ, လၧထံၫမိၡါယုၫပ့တံၫ အနဲၩ့ ထံၭလီၫ.

11 ခးအံဇံၭအဖိၪမုၪနၩ့ဧ့, လ့ၩထၪ့နဝ့ၫလၧဂံလအၭ အဖၧၩ့တၭ, မၩန့ၥံၪ့စရံအထူၭနီၪဘီၪ. နမၩၥံၪ (ၥံၪ့ ဎွံၪ) အၪမံၩ့နီၪပျီၩပျီၩလီၫ. အဂဲးဘဲၫယီၩ ဆၧမိမၩဘျၪ 12 ထဲၩ့နၧၩအ့ၬ.- အဂဲးဘဲၫယီၩၦဆၨၩလဖၪနါဂၧၫ့ နဆၧ မ့ၬမဲအဂဲးတၭ, နဂၪ့ကိၭၡၭထၪ့နီၪ, မၩလၧၫ့ထၪ့ဎွ့ၩ ထၪ့ထံၫၥံၪခးၥံၪး အဂဲးဘဲၫယီၩၦအဆီၪ့နီၪအခၪ့ဘၪ ထၧၩ့တၭ, ဘၪထံၭလၧၦအဆီၪ့နီၪတၭ, အဝ့ၫၥံၪလၩ့ ထံၩဖါနံၫဂၩလူၬစီၪ့ဎးလီၫ.

13 ယဟိဝၩအဆၧချဲၩ့ လၧအလီၩဘၪ မီၪစယ့ၫရမဲ အၫနီၪ, လၧဘၭဘလၧၫ့အစဎွၩန့ၭဘူၫခၭန့ဇၫမိဂဲၫ ကျီၪ့ခွံၬခးအံဇံၭအဂဲးအကၠီၪ့နီၪလီၫ.

14 လီၩဖျီၪထၪ့နၥံၪဝ့ၫလၧအံဇံၭအဖၧၩ့, ဒဲမၩဂၧၫ့ထၪ့ ၥၩလၩ့ လၧမံဂဒီၫလၭအဖၧၩ့, ဒဲမၩဂၧၫ့ထၪ့ၥၩလၩ့ လၧနီဖၭအဖၧၩ့, ဒဲလၧတၫဖၫ့ဟ့ၭအဖၧၩ့ဆံၭး စံၭနၥံၪ ဝ့ၫ,ဆၧၫ့ထုၪ့ဂုးခၧၫ့, ဒဲတဲၩ့ဝဲၩနၥံၪအၥၭဘီၪး အဂဲး 15 ဘဲၫယီၩနၭနီၪမိအၪ့ဂၭဂီၩ့ဆၧဝၬဖီၩ့နၧၩလီၫ.- နၡၩ အဒူၩၥံၪဘၪဆၧဝ့ၬခွံၬဝ့ၫနီၪ, မွဲအဂဲးဘဲၫၥ့ၪလဲၪ. အ ဝ့ၫၥံၪအီၪဆၧၫ့ထုၪ့လၥ့ၪဘၪနီၪ, အဂဲးဘဲၫယီၩယဟိ 16 ဝၩနၫ့ထၪ့ခွံၬဝ့ၫလီၫ.- အဝ့ၫဒၪဒုၭလၩ့ထံၩဖါၦအၪဂၩ တၭ,မွဲကဒၪယူၭလၩ့ထံၩဖါလဂၩလၧလဂၩအဖၫ့ခိၪ လဂၩလၧလဂၩအဖၫ့ခိၪလီၫ. တၭအဝ့ၫၥံၪစံၭ, ဂဲထုၪ့ ဘီၪ,မွဲပထဲၩ့ထဲၩ့ၡီၩ့လၧၦဆၨၩဒၪပဝ့ၫနီၪ, ဒဲလၧပခး လၧၦအီၪဖျဲၪဝ့ၫနီၪဆံၭး မွဲဘဲၫၥိၭပမိဖီၩ့ဖျ့ၭနၭလီၫ. 17 အဝ့ၫၥံၪဂၪ့ကိၭၡၭထၪ့ထီးနီၪတၭ, အံဇံၭအစဎွၩဖၫ ရိၫဂၭဂီၩ့ယူၭ, ဒုၭဖီၩ့ခွံၬ ဆၧအဆၧၫ့အထီယူၭနီၪ 18 လီၫ.- စဎွၩ, လၧအမံၩ့မွဲဆၧၥုၭမုခမျၧးအယဟိဝၩ နီၪ,စံၭဝ့ၫဒၪ, ဘဲၫယမၧၫ့ယဝ့ၫအၥိၭနီၪတၭး မွဲတၡါ ဘဲၫတၫဘီၫလၧခိၪလီၩ့ၥံၪအကျၩနီၪ, ဒဲဘဲၫကၫမလၭ လၧမၫဆမံၭနဲၩ့အၥိၭ, အဝ့ၫဒၪမိဂဲၫဘဲၫနီၪၥိၭလီၫ. 19 နဝ့ၫဒၪဖိၪမုၪအီၪလၧအံဇံၭအဖၧၩ့ဧ့,တဲၩ့ဝဲၩနၥၭလၧ နမိလ့ၩနုၬ လၧဆၧအၪ့မၧၫ့ဎီးအဖၧၩ့နီၪဘီၪ. အဂဲး ဘဲၫယီၩနီဖၭနီၪမိဘၪဆၧဂၭဂီၩ့ဝ့ၫ, ဒဲအီၪယူဝ့ၫတၭ, 20 ၦၡၩလအီၪဘၪနီၪလီၫ.- အံဇံၭမွဲချီမိအဎံၫအလၩဂ့ၩ ဘၪစဲၪတၭ, ဆၧဂၭဂီၩ့ဂဲၫဝ့ၫတၭ, ဂဲၫဝ့ၫလၧမုဖၩလ 21 ခီၫနီၪလီၫ.- တၭအဝ့ၫၥံၪအၡၩအၪ့လံၩ့ဖိၪၥံၪလၧအ ကျၩနီၪ,မၩအၥၭဘဲၫချီဘီၪ့ဝ့ၫၥိၪဝ့ၫအၥိၭတၭ, အဝ့ၫ ၥံၪကၠၪကဒၩထဲၩ့အၥၭဆ့, မွဲအစဲၪ့ဖျိၭၡီၩ့ဝ့ၫတၭ, အ ဝ့ၫၥံၪလဆၧၫ့ထုၪ့ဘၪနီၪး အဂဲးဘဲၫယီၩအဝ့ၫၥံၪအ ဆၧၡၪ့ဆၧနၭအမုနံၩဘၪယူၭတၭ, အဝ့ၫၥံၪအဆၧစ့ၩ 22 ရၫ့အထီနီၪဘၪယူၭဝ့ၫယူၭလီၫ.- တၭအဝ့ၫၥံၪအၥီၫ မိလ့ၩထၪ့ဝ့ၫဘဲၫဂူၥီၫအၥိၭနီၪး အဂဲးဘဲၫယီၩအဝ့ၫ ၥံၪမိလ့ၩဆၧ ဘဲၫၥုၭမုခမျၧးအၥိၭတၭး မိဂဲၫဘၪဝ့ၫ 23 လၧကွၩၥံၪ, ဘဲၫၦဖ့ၬၥံၪ့ၥံၪအၥိၭလီၫ.- အဝ့ၫၥံၪမိခူၬ လၩ့ခွံၬအၥံၪ့အဒီၪ့လဖၪနီၪ, ယဟိဝၩစံၭဝ့ၫဒၪး မွဲအၪ အၪလ့ၬအၪနဲၪ့ဒံၭထွ့ၥံၪတၭ, ၦဝံထၪ့နၬထၪ့ဝ့ၫၥ့ၪဝါ 24 အ့ၬ.- အံဇံၭအဖိၪမုၪနီၪအၥၭဘံၪဘူၪတၭ, ဆၧမိဖ့ၪ လၫ့ခွံၬဝ့ၫ လၧၦမုဖၩအၡၩခမျၧးၥံၪ အစူၪဖၧၩ့လီၫ. 25 ၦၥုၭမုခမျၧးအယဟိဝၩ, အံၫစရ့လၭအယွၩစံၭဝ့ၫဒၪ, ယိခွါ,ယမိစ့ၩရၫ့နိၫအၡၩခမျၧးၥံၪ, ဒဲဖၫရိၫ,ဒဲအံဇံၭ ဒဲအဝ့ၫၥံၪအယွၩလဖၪ, ဒဲအစဎွၩၥံၪဆ့လီၫ. ဖၫရိၫဒၪ လ့ၬ,ဒဲကယဲၦလၧအဒိၭနဲၩ့အၥၭလၧအဝ့ၫဒၪတၭး 26 ယမိဖ့ၪလၫ့ခွံၬအဝ့ၫၥံၪ, လၧၦလၧအအၪ့ဎၬအဝ့ၫၥံၪ အၥၭမၧၫ့အစူၪဖၧၩ့နီၪ, ဒဲလၧဘၭဘလၧၫ့အစဎွၩန့ၭ ဘူၫခၭန့ဇၫအစူၪဖၧၩ့, ဒဲလၧအဝ့ၫဒၪအခ့ၫအၡၩၥံၪ အစူၪဖၧၩ့လီၫ. လၧအလးခဲၫ့နီၪၦၡၩမိအီၪဝ့ၫလၧအ ဖၧၩ့ဘဲၫမုနံၩၥံၪလၧဖျိၩ့အၥိၭနီၪ, ယဟိဝၩစံၭဝ့ၫဒၪ. 27 မွဲလါနၫ့တၭယခ့ၫယၡၩစယၫကူၭဧ့, နဝ့ၫဒၪယီၩထီး ၥၭမဲၪလဂ့ၩး အံၫစရ့လၭဧ့း ထီးအၪ့ယိၪဆၧလဂ့ၩး အဂဲးဘဲၫယီၩယမိထိးထဲၩ့တၩ့ထဲၩ့နၧၩ လၧအယဲၩ့ နီၪ,ဒဲနချံၫနၥၪ လၧခးလၧအဝ့ၫၥံၪဘၪဆၧအၪ့မၧၫ့ဎီး ဝ့ၫနီၪးတၭစယၫကူၭ မိဂဲၫထဲၩ့ထဲၩ့ ဒဲအီၪပွံၭအီၪမုၬ ဝ့ၫဒၪနီၪ,ၦဒုၭၥၭမဲၪဝ့ၫအီၪနးဂၩအ့ၬ.

28 ယခ့ၫယၡၩ စယၫကူၭဧ့,နဝ့ၫဒၪထီးၥၭမဲၪလဂ့ၩ, ယဟိဝၩစံၭဝ့ၫဒၪး အဂဲးဘဲၫယီၩယအီၪလၧနၥိၭတၭ, ကယဲၦဆၨၩၥံၪ လၧယဒုၭလ့ၩအီၪနၧၩအလးနီၪ, ယမိမၩဂၭဂီၩ့ခွံၬ အဝ့ၫၥံၪထီးအလူၬလီၫ. အ့ၪမွဲ နဝ့ၫဒၪယမိမၩဂၭဂီၩ့ နၧၩလူၬအ့ၬ. ယအၪ့ၥီၪ့နၧၩ ဘဲၫအံၩဘဲၫအိၩလါနၫ့တၭ, ယဒုၭဖီၩ့ဖျ့ၭနၧၩလၧဆၧ စ့ၩရၫ့ထီးအလူၬနီၪဆ့အ့ၬ.