1 ယုဒၫအစဎွၩ စယိၫစဲအၫအဖိၪခွၫစယဟီအကံၫ့ ကဲၪၥၫ့စဎွၩနီၪ, ဆၧအလူယီၩဂဲၫလၧယဟိဝၩ လၩ့ 2 ဘၪစယ့ၫရမဲအၫတၭ,စံၭဝ့ၫဒၪ,- ယဟိဝၩစံၭယၧၩ ဘဲၫယီၩ,မၩဆၧစၧၩ့ထၬအဖျံၩ, ဒဲနိၪယိၭဘီၩ့ၥံၪတၭ, 3 အီၪက့ၪလၧနခိၬလီၩ့,- ဒဲဖ့ၪလၫ့အဝ့ၫၥံၪလၧအံဒၧၫ့အ စဎွၩ,ဒဲမိအၭအစဎွၩ, ဒဲၦအၫမၧၫ့ဖိၪၥံၪအစဎွၩ, ဒဲတဲ အၫအစဎွၩ,ဒဲဇဲဒၧၫ့အစဎွၩလၧအၥီၫ့လဖၪအစူၪဖၧၩ့ လၧအဂဲၫထီၩ့လၧယရုစလံၫ့, ဖိးလၧယုဒၫအစဎွၩဇ့ၭ 4 ဒကဲအၫအအီၪနီၪဆံၭ.- တၭမၪလူၬအဝ့ၫၥံၪလၧအမိ ဘၪစံၭအကဆါလဖၪနီၪ, ဆၧၥုၭမုခမျၧးအယဟိဝၩ 5 အံၫစရ့လၭအယွၩစံၭဘဲၫယီၩ,- နၥံၪမိဘၪစံၭနၥံၪအ ကဆါလဖၪဘဲၫယီၩ, ယတဲၩ့လၩ့ယူၭဂၪ့ခိၪ, ၦၡၩ, ဒဲဆၧဖိၪဆၧဎါ လၧအအီၪလၧဂၪ့ခိၪအဖၫ့ခိၪ လၧယ စီၩ့ဒိၪယမၩ့ထီၫနီၪ, ဒဲလၧယစူၪယူၬထၪ့အၥၭတၭ, ယဖ့ၪလၫ့ယူၭအဝ့ၫၥံၪ လၧကယဲၦလၧအဘၪယၥၭ 6 လီၫ.- တၭဘိၩ့နဲၪ့ယီၩ ယဖ့ၪလၫ့ခးထီးအလူၬယီၩ လၧယခ့ၫယၡၩဘၭဘလၧၫ့အစဎွၩ န့ၭဘူၫခၭန့ဇၫ အစူၪဖၧၩ့တၭ, ယဖ့ၪလၫ့ဆ့လၧဆၧဖိၪဆၧဎါလၧမံၩ့ လၬကျၩဘဲၫၥိၭအဝ့ၫၥံၪ မိမၩအဝ့ၫဒၪအဆၧလီၫ. 7 တၭၦဆၨၩၥံၪထီးအလူၬမိမၩအဆၧ,အဖိၪခွၫ, ဒဲအ ဖိၪခွၫအဖိၪခွၫမၩဆ့ ထီးအခးအဆၧၫ့အထီဘၪလီၫ. ထီးနီၪလဖၧၫ့ ၦအၪဆၨၩဒဲစဎွၩဖၭဒိၪလဖၪနီၪ မိဒုၭ 8 မၩအဝ့ၫဒၪလၧအဝ့ၫၥံၪအဆၧလီၫ.- ဆၧမိမၩအၥၭ လၧၦလဆၨၩ ဒဲဆၧအဘၩ့မုးလဘၩ့မုးလၧအလမၩ ဘၪဘၭဘလၧၫ့အစဎွၩ န့ၭဘူၩခၭန့ဇၫအဆၧနီၪ, ဒဲ လအီၪက့ၪဘၪအခိၬ လၧဘၭဘလၧၫ့အစဎွၩ အနိၪ ယိၭဘီၩ့အဖၫ့လၬနီၪ, ယမိစ့ၩရၫ့ၦလဆၨၩနီၪလၧနၭ ၥံၪဖၩ့ၥံၪ,ဒဲဆၧၥၭဝံလၩ့ဒိၩ, ဒဲဆၧၥံၫချဲၫ့ထီးယမၩ လူၬခွံၬဝ့ၫလၧအဝ့ၫဒၪအစူၪ, ယဟိဝၩစံၭဝ့ၫဒၪ.

9 မၩအၥၭဘဲၫနီၪတၭ, ထီးခိၭနၪနၥံၪအမီၪလဖၪလ ဂ့ၩ,ဒဲနၥံၪအၡၩဖၭဆၧ, ဒဲနၥံၪအၡၩမံၫမးဆၧ, ဒဲနၥံၪ အၡၩယိဆၧအုၪ့, ဒဲနၥံၪအၡၩမၩကဒၩ ၦမ့ၬလၧအ စံၭနၥံၪတၭ, စံၭဝ့ၫနၥံၪမိမၩဘၪဘၭဘလၧၫ့အစဎွၩ 10 အဆၧအ့ၬ.- အဂဲးဘဲၫယီၩအဝ့ၫၥံၪချဲၩ့ဆၧလၧမီၪအ ချိၬလၧဆၧအဘျံၭအဘျၪလၧနၥံၪ, ဘဲၫၥိၭနၥံၪမိစဲၪ့ ထၪ့ယဲၩ့လၧနၥံၪအထံၫအခး, ဘဲၫၥိၭယမိနၫ့ထၪ့ခွံၬ, နၥံၪလၧအဖၧၩ့တၭ, နၥံၪမိထီၩ့လၧဆၧဂၭဂီၩ့လီၫ. 11 အ့ၪမွဲၦဆၨၩလဖၪ လၧအမိအီၪက့ၪအခိၬလၧဘၭဘ လၧၫ့အစဎွၩအနိၪယိၭဘီၩ့အဖၫ့လၬ, ဒဲမၩအဆၧနီၪ ယမိဒုၭအီၪလၩ့ထး အဝ့ၫၥံၪလၧအခးဒၪဝ့ၫအဖၧၩ့, ယဟိဝၩစံၭဝ့ၫဒၪ. တၭအဝ့ၫၥံၪမိမၩကၩလၧဂၪ့ခိၪ, ဒဲအီၪလၧခးနီၪအဖၧၩ့လီၫ.

12 ယချဲၩ့ဆၧဆ့လၧယုဒၫအစဎွၩဇ့ၭဒကဲအၫဘဲၫဆၧ ချဲၩ့ယီၩထီးအလူၬအၥိၭနီၪတၭ, ယစံၭအီၪက့ၪနၥံၪ အခိၬလၧဘၭဘလၧၫ့အစဎွၩ အနိၪယိၭဘီၩ့အဖၫ့လၬ 13 ဒဲမၩအဆၧ, ဒဲအၡၩခမျၧးအဆၧတၭ,မၧၫ့ဆံၭ.- နၥံၪ မိၥံၫနီၪအဂဲးဘဲၫၥ့ၪလဲၪ. နဝ့ၫဒၪဒဲနၡၩခမျၧး, လၧနၭ ၥံၪဖၩ့ၥံၪ,ဒဲလၧဆၧၥၭဝံလၩ့ဒိၩ, ဒဲလၧဆၧၥံၫချဲၫ့ဘဲၫ ယဟိဝၩချဲၩ့ဆၧထၫ့ဒၩ ၦလဆၨၩလၧအလမၩဘၪ 14 ဘၭဘလၧၫ့အစဎွၩအဆၧအၥိၭနီၪ, မွဲဘၪလဲၪ.- မၩ အၥၭဘဲၫနီၪတၭ, မီၪလဖၪလၧအချဲၩ့နၥံၪတၭ, စံၭ, န ၥံၪလမၩဘၪဘၭဘလၧၫ့အစဎွၩအဆၧနီၪ, ထီးခိၭနၪ လဂ့ၩ, အဂဲးဘဲၫယီၩ အဝ့ၫၥံၪချဲၩ့ဆၧ လၧမီၪအချိၬ 15 လၧဆၧအဘျံၭအဘျၪလၧနၥံၪလီၫ.- အဂဲးဘဲၫယီၩယ အၪ့မၧၫ့လၩ့န့အဝ့ၫၥံၪအ့ၬး ယဟိဝၩစံၭဝ့ၫဒၪ. မွဲလါ နၫ့တၭ, အဝ့ၫၥံၪချဲၩ့ဆၧလၧမီၪအချိၬလၧဆၧအဘျံၭ အဘျၪလၧယမံၩ့ဘဲၫၥိၭယမိနၫ့ထၪ့ခွံၬနၥံၪ, ဘဲၫၥိၭန ၥံၪမိထီၩ့လၧဆၧဂၭဂီၩ့, နၥံၪဝ့ၫ, ဒဲမီၪလဖၪလၧအချဲၩ့ ဆၧလၧမီၪအချိၬလၧနၥံၪဆ့လီၫ. 16 ယချဲၩ့ဆၧလၧၦလုဆၧၥံၪ,ဒဲၦခမျၧးထီးအလူၬယီၩ တၭ,ယစံၭ, ယဟိဝၩစံၭဘဲၫယီၩး မီၪလဖၪလၧအ ချဲၩ့ဆၧလၧမီၪအချိၬလၧနၥံၪတၭ, စံၭ, ယိခွါ, ယဟိ ဝၩအဂံၪ့အဎၧၩ့အဎီနီၪ ၦၡၩမိဂဲၫထဲၩ့ဆိၬဝ့ၫ ချဲၫ့ချဲၫ့ လၧဘၭဘလၧၫ့အဖၧၩ့နီၪ, ထီးခိၭနၪအလူလဂ့ၩ.အ ဂဲးဘဲၫယီၩ မွဲအချဲၩ့ဆၧလၧမီၪအချိၬ အဘျံၭအဘျၪ 17 လၧနၥံၪလီၫ.- ခိၭနၪအဝ့ၫၥံၪအလူလဂ့ၩး မၩဘၭဘ လၧၫ့အစဎွၩအဆၧတၭ, မၧၫ့ဆံၭ. ဒိၩ့လဖျိၪ့ယီၩမိ 18 ဘၪဆၧမၩယူမွဲဘၪလဲၪ.- မွဲလါနၫ့တၭ,အဝ့ၫၥံၪအ့ၪ မွဲမီၪလဖၪ, ယဟိဝၩအလူအ့ၪအီၪလၧအဝ့ၫၥံၪတၭ, မွဲအအၪ့ကံၩ့အၪ့ယၫ ဆၧၥုၭမုခမျၧးအယဟိဝၩဘဲၫ ၥိၭဆၧအဎၧၩ့အဎီ လၧအအီၪလၩ့ထးလဖၪ လၧယ ဟိဝၩအဂံၪ့ဖၧၩ့ ဒဲလၧယုဒၫအစဎွၩအဂံၪ့ဖၧၩ့, ဒဲလၧ 19 ယရုစလံၫ့အဖၧၩ့နီၪ,လ့ၩလၧဘၭဘလၧၫ့လဂ့ၩ.- အ ဂဲးဘဲၫယီၩယဟိဝၩစံၭ, လၧထုၪ့လဖၪအဂဲး,ဒဲလၧက မၫအဂဲး,ဒဲကမၫအခၪ့ထံၭအဂဲး, ဒဲလၧဆၧအဎၧၩ့အ ဎီလၧအအီၪလၩ့ထး လၧဒိၩ့ လဖျိၪ့ယီၩအဖၧၩ့အ 20 ဂဲး,- လၧဘၭဘလၧၫ့အစဎွၩ န့ၭဘူၫခၭန့ဇၫလဆိၬ ထၪ့ဘၪထီးအထီ လၧအဆိၬထၪ့အၪ့မၧၫ့ဎီးယုဒၫအ စဎွၩယဟီအကံၫ့အဖိၪခွၫ စယ့ၭကနဲအၫလၧယရုစ လံၫ့ဖိးလၧဘၭဘလၧၫ့အအီၪ, ဒဲယုဒၫဒဲယရုစလံၫ့အ 21 ၦဒိၪဖၭဒိၪထီးအလူၬနီၪ ဘဲၫယီၩ,- မွဲမၬ, ဆၧၥုၭမု ခမျၧးအယဟိဝၩအံၫစရ့လၭအယွၩစံၭဘဲၫယီၩ, လၧ ဆၧအဎၧၩ့အဎီ လၧအအီၪလၩ့ထး လၧယဟိဝၩအ ဂံၪ့ဖၧၩ့, ဒဲလၧယုဒၫအစဎွၩအဂံၪ့ဖၧၩ့,ဒဲလၧယရုစလံၫ့ 22 အဖၧၩ့အဂဲးနီၪ,- ၦလဖၪနီၪမိဆိၬထၪ့ခွံၬဝ့ၫထီၩ့လၧ ဘၭဘလၧၫ့တၭ, မိအီၪထီးမုလနံၩ လၧယစ့ၩရၫ့အ ဝ့ၫၥံၪလီၫ. ယဟိဝၩစံၭဝ့ၫဒၪ. ထီးနီၪလဖၧၫ့ယမိဂဲၫ ထဲၩ့ဆိၬဝ့ၫ, ဒဲအီၪက့ၪအဝ့ၫၥံၪ လၧအလးထီးယီၩ လီၫ.