20
1 တၭၦလုဆၧစအံမၧၫအဖိၪခွၫ, စပၭၡၧၫ,အဝ့ၫဒၪမွဲ ဆၧအခိၪပၧၩ့ဆၧလၧယဟိဝၩအဂံၪ့ဖၧၩ့, နါဂၧၫ့လၧ စယ့ၫရမဲအၫချဲၩ့ဆၧလၧမီၪအချိၬ လၧဆၧချဲၩ့လဖၪနီၪ
2 လီၫ.- ထီးနီၪလဖၧၫ့စပၭၡၧၫထးမီၪစယ့ၫရမဲအၫတၭ, ၥံၫ့ထၬဝ့ၫလၧၥံၫ့အဖၧၩ့ လၧအအီၪဝ့ၫလၧစဘံၪ့ယမံၫ့ အတရၫ့ထီၫလၧအအီၪဝ့ၫလၧယဟိဝၩအဂံၪ့နဲၩ့ထံၭ
3 လီၫ.- တၭဆၧမၩအၥၭလၧမုဆဲၪ့ထၪ့လနံၩနီၪ လၧ စပၭၡၧၫဖျါခွံၬ စယ့ၫရမဲအၫ လၧၥံၫ့အဖၧၩ့နီၪလီၫ. ထီးနီၪလဖၧၫ့ စယ့ၫရမဲအၫစံၭဝ့ၫ, ယဟိဝၩကိၭနမံၩ့
4 လၧပၭၡၧၫမွဲအ့ၬး မွဲမ့ဂီၫမံၭစ့ဘံၭလီၫ.- အဂဲးဘဲၫ ယီၩ,ယဟိဝၩစံၭဘဲၫယီၩ, ယိခွါ, ယမိအီၪက့ၪနၧၩ လၧဆၧၥၭမဲၪအလးလၧနဂးဒၪနဝ့ၫ, ဒဲလၧနထံၩနၥိၭ ထီးအလူၬအဂးတၭ, အဝ့ၫၥံၪမိလၩ့ထံၩဖါလၧအဒုၪ အဒၩအနၭတၭ, နမ့ၬၥၪၥံၪမိဒၪဘၪဆ့တၭ, ယမိဖ့ၪ လၫ့ယုဒၫထီးအလူၬ လၧဘၭဘလၧၫ့အစဎွၩအစူၪ ဖၧၩ့တၭ, အဝ့ၫဒၪမိဆိၬအၪ့မၧၫ့ဎီးအဝ့ၫၥံၪလၧဘၭဘ
5 လၧၫ့တၭ,မိမၩၥံၫအဝ့ၫၥံၪလၧနၭလီၫ.- တၭယမိဖ့ၪ လၫ့ဒိၩ့ယီၩအဂဲးအဘၭ, ဒဲအစူၪလးအခၪ့ခိၪထီးအ လူၬ,ဒဲအဆၧဖိၪဆၧလံၩ, ဒဲကယဲဆၧလၧယုဒၫအစဎွၩ အီၪက့ၪကီၪ့ဝ့ၫထီးအလူၬနီၪ, ယမိဖ့ၪလၫ့ခွံၬဝ့ၫလၧအ ဒုၪအဒၩအစူၪဖၧၩ့ လၧအမိအၪ့ဂူၬန့အဆၧဒဲဖီၪ့ထၬ
6 ဝ့ၫဒဲဆိၬခွံၬဝ့ၫ, ထီးလၧဘၭဘလၧၫ့အဖၧၩ့လီၫ.- တၭ နဝ့ၫဒၪစပၭၡၧၫ ဒဲကယဲၦလၧအအီၪလၧနဂံၪ့ဖၧၩ့ထီး အလူၬၥံၪဧ့, နၥံၪမိဘၪလ့ၩကဲၪဎီး, ဒဲနၥံၪမိဘၪလ့ၩ ထီၩ့လၧဘၭဘလၧၫ့တၭ, နမိၥံၫထီးနီၪတၭ, ၦၡၩမိ ခုၪ့လၩ့ဘၧၩ့ခွံၬနၧၩထီးနီၪ, နဝ့ၫဒၪဒဲနထံၩနၥိၭထီးအ လူၬလၧနဆၧချဲၩ့ ၥီၪ့ထဲၩ့ဆၧအဘျံၭအဘျၪလၧမီၪအ ချိၬနီၪလီၫ.
7 ယဟိဝၩဧ့,နအၪ့လွ့ၫယၧၩတၭ, ယဒိၭဆၧအၪ့လွ့ၫ ယၥၭ, နဆီၪ့နဲၪ့ယၧၩဒံၭ, နမၩနၧၩ့ဆၧလီၫ. ယဘၪ ဆၧဒုၪဒွ့ၪကိၭမုနံၩမုနၩဒ့ၭ, ၦမၩဒီၩ့ယၧၩကိၭဂၩဒ့ၭ
8 လီၫ.- အဂဲးဘဲၫယီၩ ထီးဒၪယချဲၩ့ဆၧလဖၧၫ့ဖၧၫ့နီၪ ယကိၭၡၭထၪ့တၭ, ယကိၭထၪ့ဆၧအၪ့ဂူၬန့, ဒဲဆၧ မၩဂၭဂီၩ့လီၫ. အဂဲးဘဲၫယီၩမွဲယဟိဝၩအလူအထၫ ကဲၪထၪ့ဆၧဒုၪဒွ့ၪအလး, ဒဲမၩကြၩ့ထမးအလးလၧ
9 ကိၭမုနံၩမုနၩဒ့ၭလီၫ.- ထီးနီၪလဖၧၫ့ယစံၭ, ယချဲၩ့ လၧၩ့လၧအဂဲးအကၠီၪ့အ့ၬး တၭယချဲၩ့လၧၩ့ဆၧလၧ အမံၩ့ဆ့အ့ၬ. မွဲလါနၫ့တၭအဆၧချဲၩ့ကဲၪထၪ့လၧယ ၥၭခံဖၧၩ့ဘဲၫမ့ၪအၪ့ဆၧကၭဘံၭထၬအၥၭ လၧယဎွံၪ ဖၧၩ့အၥိၭနီၪတၭ, ယအွံၪၥၭဆၧၩ့နီၪ ဆၧပွံၭယၥၭ
10 ယအီၪကဲၪအ့ၬ.- အဂဲးဘဲၫယီၩယနါဂၧၫ့ၦဒုၪဒွ့ၪဆၧ အၪဂၩ, ဆၧၥၭမဲၪအလးအီၪဝ့ၫ လၧကိၭစီၪ့ဒ့ၭလီၫ. ဒုၭနဲၪဆၧဆံၭ, အဝ့ၫၥံၪစံၭဝ့ၫဒၪး တၭပမိဒုၭနဲၪထဲၩ့ ဒီၭလီၫ.ကယဲၦအီၪအိၭလိၬလၧယၧၩ ထီးအလူၬနီၪ အီၪခိၭဆၧလၧယလၩ့ထံၩဖါလီၫ. စံၭဝ့ၫ, ဘၪလဘၪ အဝ့ၫဒၪမိဒိၭအၪ့လွ့ၫအၥၭတၭ, ပမိမၩစၪဝ့ၫတၭ,ပမိ
11 မၩဆၧၫ့ဆၧအၧၩ့လၧအလီၩ့လီၫ.- မွဲလါနၫ့ယဟိဝၩ အီၪယူၭလၧယၥိၭ ဘဲၫၦအဆီၪ့လၧအစီၩ့ဒိၪအမၩ့ဒိၪ အၥိၭနီၪလီၫ. မၩအၥၭဘဲၫနီၪတၭ, ယဒုၪယဒၩအခၪ့ မိဘၪထၧၩ့တၭ, မၩစၪယၧၩအ့ၬ. မွဲအလမၩစၪဘၪ လကၭလၧၩ့, အမ့ၬမိမဲဒိၪမၬလီၫ. အမ့ၬမိမဲလၩ့ဆိၩ
12 လၩ့ကၠၪတၭ, ဆၧၥၭနၪ့ဘၪဝ့ၫအ့ၬ.- ဆၧၥုၭမုခမျၧး အယဟိဝၩ, ဆၧမၩခွါၦတီၩၦလီၩ့, ၦလၧအဒၪဘၪ ၦၥုၪ့ခံၦၥၭလဲၫလဂၩဧ့, ဒုၭဒၪဘၪယၧၩလၧနမၩဆၧၫ့ ဆၧအၧၩ့လၧအဝ့ၫၥံၪအလီၩ့ဆံၭ. အဂဲးဘဲၫယီၩယဒုၭ နဲၪနၧၩလၧယခွးလီၫ.
13 ၥံၫကျံၩထၪ့ယဟိဝၩ, စံၭထၪ့အၪ့အူၭယဟိဝၩဆံၭ. အဂဲးဘဲၫယီၩ အဝ့ၫဒၪမၩဖီၩ့မၩဖျ့ၭၦၡၪ့ဖိၪအၥၭမၧၫ့ လၧၦလတီၩလလီၩ့ဘၪအစူၪဖၧၩ့လီၫ.
14 မုလနံၩလၧယအီၪဖျဲၪနီၪ, မွဲအဘၪဆိၪအၧၩ့ဆံၭ.မု လနံၩလၧယမိဆီၫ့အီၪန့ယၧၩနီၪ, မွဲအထီးဘၪဆိၪဂ့ၩ
15 ဝ့ၫလဂ့ၩ.- ၦလၧအဂဲၫလီၩဘၪယဖါတၭစံၭ, ဖိၪခွၫ အီၪဖျဲၪလၧနဂးတၭ, ဆၧဒုၭၥၭထိၬအဝ့ၫဒၪဒိၪမၬနီၪ,
16 မွဲၦလဂၩနီၪဘၪဆၧဆိၪအၧၩ့ဝ့ၫဆံၭ.- မွဲၦလဂၩနီၪ မၩအၥၭဘဲၫဒိၩ့လဖၪ လၧယဟိဝၩ မၩလၩ့ဎီးခွံၬဝ့ၫ တၭ,လနီၫ့ယါလၩ့ထဲၩ့ဘၪအၥၭအၥိၭနီၪဆံၭ. မွဲအ နါဂၧၫ့ဆၧကိၭ မၩၥၭမဲၪဆၧလၧမုဂီၩ, ဒဲဆၧကိၭၡၭ
17 ထၪ့လၧမုထုၪ့ဆံၭ.- အဂဲးဘဲၫယီၩ အဝ့ၫမၩၥံၫယၧၩ ခီၫလၧဒၧၩ့လးဖၧၩ့အ့ၬး အ့ၪလမွဲဘၪဘဲၫနီၪတၭ,ယမိ ကဲၪလါယူၭ ယၥွၪခိၪယူၭတၭ, အဒၧၩ့လးဒိၪလါလၧ
18 ယၧၩလၩ့ဆိၩလၩ့ကၠၪဆံၭ.- ယဂဲၫထၪ့လၧၦဒၧၩ့လး ဖၧၩ့ဘဲၫၥိၭယမိဒၪဘၪဆၧမၩခိမၩဝီၩ, ဒဲဆၧၥုၪ့အုၭ ၥၭအုၭ,ဒဲဘဲၫၥိၭယမုနံၩလဖၪ မိလူၬဝ့ၫလၧဆၧမ့ၬမဲ အဖၧၩ့နီၪမွဲဘၪလဲၪ.