2
1 မၩဒီၭလဖၧၫ့ယဟိဝၩအလူလၩ့ဘၪယၧၩတၭ, စံၭဝ့ၫဒၪ, လ့ၩထၪ့တၭ, ကိၭထၪ့လၧယရုစလံၫ့အနါ
2 ဖၧၩ့ဘီၪ,စံၭ,- ယဟိဝၩစံၭဘဲၫယီၩ, ယနၪ့ထၪ့ထဲၩ့ နၥၭဘၪ့အဂ့ၩအဘွၩလၧနဂး, ဆၧဖျၫ့လိၬနၧၩအဆၧ အဲၪ,ထီးနဖိၬယခဲၫ့လၧၡါမုနၧၫ့ဖၫ လၧခးလဘံၪ့အ
3 ဖၧၩ့ထီးဆၧချံၫလဎွံၪဘၪအၥၭလၧအဖၧၩ့လီၫ.- အံၫ စရ့လၭမွဲဆၧဆံၫ့ဎံၪလၧယဟိဝၩအဂး, အဆၧအၪ ထၪ့အၥၪဆိၫလီၫ. ကယဲၦလၧအအၪ့ဝ့ၫထီးအလူၬနီၪ ဘၪဆၧဒဲၩဘၭလီၫ. ဆၧအၧၩ့မိဘၪအဝ့ၫၥံၪနီၪ, ယ
4 ဟိဝၩစံၭဝ့ၫဒၪ,- စယၫကူၭအၡၩဂံၪ့ဖိၪ, ဒဲအံၫစရ့လၭ အၡၩဂံၪ့ဖိၪအဒီၪ့ထီးအလူၬၥံၪဧ့, ခိၭနၪယဟိဝၩအ
5 လူဆံၭ.- ယဟိဝၩစံၭဘဲၫယီၩ, ဘဲၫၥိၭနၥံၪအဖါၥံၪမိ လ့ၩဆၧယဲၩ့လၧယၧၩတၭ, ဖိၬဆၧပျီၩပျီၩအခဲၫ့, ဒဲ ကဲၪထၪ့ဆၧပျီၩပျီၩအကၠီၩ့နီၪတၭ, မွဲအဒၪဘၪဆၧလ
6 တီၩဘၪနီၪလၧယဖၧၩ့လမံၩ့လဲၪ.- ယဟိဝၩလၧအဒုၭ ဂဲၫထၪ့ခွံၬပၧၩ လၧခးအံဇံၭအဖၧၩ့လၧအၥိၫ့ပၧၩလၧ ၡါမုနၧၫ့ဖၫ, ခးလၧဆၧလမဲၪထၪ့ဘၪလၧအဖၧၩ့တၭ, အီၪလၧဆၧဖၧၩ့လဖၪ, ခးလၧထံၫလအီၪဘၪတၭ,အီၪ လၧဆၧၥံၫအလၩၡုၪ, ခးလၧၦၡၩလခၫ့ဂၬဘၪ ဒဲထီး ၦၡၩလအီၪဘၪနးဂၩနီၪ, မွဲအအီၪခီၫခီၫလဲၪတၭ, အ
7 ဝ့ၫၥံၪအၪ့စၪ့ဘၪအ့ၬ.- တၭယဒုၭဂဲၫနၥံၪလၧခးအီၪ ဝ့ၫလၧဆၧၥၪအလးလဖၪ, ဘဲၫၥိၭနၥံၪမိအၪ့အဆၧၥၪ ဒဲအဆၧဂ့ၩလီၫ. အ့ၪမွဲထီးနၥံၪဂဲၫနုၬတၭ, နၥံၪမၩ ဘၪၥၭလိၪယခးတၭ, ဒုၭကဲၪထၪ့ယဆၧန့ၥၫနီၪလၧ
8 ဆၧၥၭလိၪအလးလီၫ.- ယဟိဝၩအီၪခီၫခီၫလဲၪနီၪ, ၦ လုဆၧလဖၪစံၭဝ့ၫဆ့အ့ၬ. တၭၦလၧအၥီၪ့လိၪယဆၧ ၥီၪ့ဆၧၥၫ့နီၪၥ့ၪယၫယၧၩအ့ၬ. တၭၦအခိၪနီၪမၩမၪ ဘၪယၧၩ,ဒဲမီၪၥံၪချဲၩ့ဆၧလၧမီၪအချိၬလၧဘၫအလၭ အလူဒဲဖိၬဆၧလၧအလန့ကၩဘၪဆၧအခဲၫ့လီၫ.
9 မၩအၥၭဘဲၫနီၪတၭ, ယမိဂဲးလိၬတ့ၭလိၬဒံၭလၧန ၥံၪ,ယဟိဝၩစံၭဝ့ၫဒၪး တၭယမိဂဲးလိၬတ့ၭလိၬ နၥံၪ
10 အဖိၪနၥံၪ အလံၩအဖိၪအလံၩလီၫ.- အဂဲးဘဲၫယီၩ လ့ၩထီၩ့ လၧဆံၭထံၫ့အကျိၩ့လဖၪတၭ, ယိဆံၭ. တၭ အၪ့မၧၫ့ လၩ့ဆၧလၧကံဒၧၫတၭ, ဆီၫ့မီၪ့ထံၫ ထံၫ ဆၭဆၭတၭ, ဆၧဘဲၫနီၪမွဲအအီၪလအီၪဘၪလဲၪ
11 နီၪ,ယိခွါဘီၪ.- ၦလဆၨၩအၪ့လဲၩအယွၩၥံၪ လၧ အလမွဲဘၪအယွၩဒၪ ဝ့ၫဆ့ဧၪ. အ့ၪမွဲယၡၩခမျၧး အၪ့လဲၩအလၩအဖၩ့ လၧဆၧလန့ကၩဘၪ ဆၧအဂး
12 လီၫ.- မူၭခိၪဧ့, အီၪက့ၪ ထီၫမံၫထီၫမၪနၥံၪအၥၭ လၧဆၧနီၪအကၠီၩ့ဆံၭ. ၥၭမဲၪၥၭဖျဲၩ့နၭနၭဆံၭ. ဒဲ
13 အီၪယူတၡါနၥံၪဝ့ၫဆံၭ, ယဟိဝၩစံၭဝ့ၫဒၪ.- အ ဂဲးဘဲၫယီၩယၡၩခမျၧးမၩဆၧ အၧၩ့နံၫမံၩ့, ယဝ့ၫဒၪ ထံၫမၧၫ့အထံၫထၪ့ဖျိၭနီၪ, အဝ့ၫ ၥံၪစဲၪ့ဒၪခွံၬဝ့ၫ, ဒဲခုၪ့ န့ကမၫလဖၪလၧအဂးဒၪဝ့ၫ, ကမၫဂၭဂီၩ့လၧထံၫ အီၪခၧၫ့လၧအဖၧၩ့လၥ့ၪဘၪလီၫ.
14 အံၫစရ့လၭမွဲဆၧအဎီးအၡၩဧၪ. မွဲအအီၪဖျဲၪလၧဂံၪ့ ဖၧၩ့ဆ့ဧၪ.မွဲဘၪနီၫလၧအကဲၪဘၪ ဆၧအၪ့ဂူၬန့ဝ့ၫ
15 နီၪလဲၪ.- ဆၬလၥၧၫ့ဖိၪယုၩ့ဆၧလၧအလီၩ့တၭ, ထုၭ ထၪ့အလူနီၪ အဝ့ၫၥံၪဒုၭအီၪယူအထံၫအခးလီၫ. အဒိၩ့အထၫ့လဖၪနီၪ မ့ၪအၪ့ခွံၬယူၭဝ့ၫယူၭ. ၦအီၪဝ့ၫ
16 လၧအဖၧၩ့နးဂၩအ့ၬ.- ၦနီဖၭဖိၪဆ့ ဒဲၦတဟၭဖနံၭ
17 ဖိၪဒုၭအၪ့လူၬခွံၬ နခိၪဒၧၩ့ယူၭ.- လၧအၥိၫ့နၧၩလၧ ဖၧၩ့ၥၭနီၪ, မွဲလၧနစဲၪ့ဒၪ ယဟိဝၩနယွၩအကၠီၩ့တၭ
18 နမၩလၩ့နၥၭလၧဆၧနီၪလမံၩ့မွဲအ့ၬဧၪ.- တၭဘိၩ့နဲၪ့ ယီၩ,ဆၧဘၪဆဲၫ့လၧနၧၩ လၧအံဇံၭ အဖၧၩ့ၥၭဖၧၩ့ ဘဲၫၥိၭနမိအီၩ အံဇံၭအထံၫမိၡါအထံၫနီၪ, မွဲဆၧနီၪ လမံၩ့လဲၪ. မွဲဆၧဘၪဆဲၫ့လၧနၧၩနီၪ လၧအစံရအၫ အဖၧၩ့ၥၭဖၧၩ့ဘဲၫၥိၭနမိအီၩထံၫမိၡါအထံၫနီၪ, မွဲဆၧ
19 နီၪလမံၩ့လဲၪ.- နဆၧအၧၩ့ဒၪနဝ့ၫမိအၪ့ၥီၪ့နၧၩ, ဒဲနမၩ မၪဆၧနီၪ, မိမၩၡၪ့မၩနၭနၧၩလီၫ. မၩအၥၭဘဲၫနီၪ တၭၥ့ၪယၫ,ယိထံၫဆၧလၧနစဲၪ့ဒၪယဟိဝၩနယွၩ,ဒဲ ဆၧၥၭမဲၪယွၩလအီၪဘၪလၧနဖၧၩ့နီၪ, မွဲဆၧအၧၩ့ဒဲ ဆၧကၪဆၧဂဲၩနီၪဘီၪ. ယဟိဝၩဆၧၥုၭမုခမျၧးအက ဆါစံၭဝ့ၫဒၪ.
20 မွဲမၬ, လၧဖျိၩ့ယမၩခါနနိၪယိၭဘီၩ့, ဒဲမၩထ့ၬဖျံၩ ဆၧစၧၩ့ထၬနၧၩတၭ, နစံၭ, ယမိမၩမၪဆၧအ့ၬ.မွဲလါ နၫ့လၧဆၧစီၩ့ခိၪထီၫ ကိၭစီၪ့ဒ့ၭအလီၩ့, ဒဲလၧၥံၪ့ၥံၫ့ ဆ့ၬကိၭထုၪ့ဒ့ၭအဖၫ့လၬနီၪ, နမံၫနၩ့ယူၭ, ဒဲမၩဆၧ
21 လဲးဆၧဘျၪယူၭလီၫ.- တၭယဝ့ၫဒၪယီၩယၥုၪ့လၩ့ နၧၩလၧစဘံၭမုဂ့ၩဂ့ၩလ့ၬ, ဆၧအချံၫအၥၪတၡါထၧၫ့ ဖျိၪ့ယၫတၭ, နအၪ့လဲၩလိၬနၥၭလၧစဘံၭမုအထဲၩ့လၧ
22 အအၧၩ့လၩ့ဒၪဝ့ၫလၧယမ့ၬယၫနီၪ,မွဲဘၪလဲၪ.- အဂဲး ဘဲၫယီၩနအ့ၪၥူၫဝၭဆံၫ့နၥၭလၧဂၪ့ခိၪဆၭပၠၫ, ဒဲမၩ န့ဆၭပၠၫလၧအအၪလါနၫ့တၭ, နဆၧအၧၩ့ကွ့ၭအၥၭ
23 လၧယမ့ၬယၫ, ကဆါယဟိဝၩစံၭဝ့ၫဒၪ.- ယဘၪၥၭ လိၪအ့ၬ, ယဖိၬဘၫအလၭလဖၪအခဲၫ့အ့ၬ. နမိစံၭဘဲၫ ၥ့ၪလဲၪ. ယိနဖၧၩ့ၥၭလၧခိၪလီၩ့ဆူၭဖၧၩ့, ၥ့ၪယၫဆၧ လၧနမၩဆၧဘီၪ. နမွဲကလအူၭဖိၪဖိၬဘၪအဖၧၩ့ၥၭ
24 ဒၪဝ့ၫး- ကၥ့ၪယီၩ့မံၩ့ လၧအၥ့ၪယၫၡါမုနၧၫ့ဖၫနီၪ, ထီးဒၪအၥၭၥွံၭထၪ့လံၩလီၫ. ထီးအဆၧၫ့အထီဘၪ နီၪ,မွဲပလၫဘိၭကၠၪခွံၬအဝ့ၫမိၥ့ၪလဂၩလဲၪ. ၦလၧအ အၪ့ဎၬအဝ့ၫမၩပွံၭအၥၭနးဂၩအ့ၬ. အလၩအ့ၪဘၪ
25 တၭအဝ့ၫၥံၪမိဒၪန့အဝ့ၫလီၫ.- နလၥိၭဘၪခၪ့ဖံၭနီၪ ထီးအီၪလဂ့ၩး ဒဲထီးဒုၭဎဲၫ့ထၬနခိၬဖၧၩ့လၧဆၧၥူၫ အီၩထံၫအကၠီၩ့လဂ့ၩး အ့ၪမွဲနစံၭ,ယိလါဆၧအလး အီၪအ့ၬးလအီၪဘၪနီၪ, အဂဲးဘဲၫယီၩ ယအဲၪယူၭ ၦၡၩဂူၫဂၩတၭ, ယမိဖိၬအဝ့ၫၥံၪအခဲၫ့လီၫ.
26 ဘဲၫၦအၪ့ဂူၪအၪ့ဘျၪဆၧလဂၩ ထီးၦၡၩဒၪန့အဝ့ၫ တၭ,အီၪက့ၪမဲအမ့ၬအၥိၭနီၪ, အံၫစရ့လၭအၡၩဂံၪ့ဖိၪ အမ့ၬမဲဘဲၫနီၪအၥိၭး အဝ့ၫၥံၪနီၪအစဎွၩလဖၪ,အၦ ဒိၪဖၭဒိၪလဖၪ, ဒဲအၡၩလုဆၧလဖၪ,အမီၪၥံၪလဖၪနီၪ
27 လီၫ.- အဝ့ၫၥံၪစံၭ,ၥံၪ့လကုၭဧ့, နဝ့ၫဒၪနမွဲယဖါလီၫ. တၭစံၭလိးလဖျိၪ့ဧ့,နဆီၫ့အီၪန့ယၧၩလီၫ. အဂဲးဘဲၫ ယီၩအဝ့ၫၥံၪကၠၪဒိၭချိၫ့အၥၭလၧယၧၩ, မွဲလၧအမ့ၬ အ့ၬ.မွဲလါနၫ့တၭ,လၧအဆၧအၧၩ့အထီနီၪမိစံၭဝ့ၫ,
28 ဂဲထုၪ့တၭထိးထဲၩ့တၩ့ထဲၩ့ပၧၩဆံၭ.- တၭနယွၩလ ဖၪလၧနတဲၩ့န့လၧနဂးဒၪနဝ့ၫနီၪ, မွဲအအီၪခီၫခီၫလဲၪ. လၧဆၧအၧၩ့အထီနီၪမၩဖီၩ့မၩဖျ့ၭနၧၩအ့ၪၥ့ၪတၭ, မွဲ အဂဲထုၪ့ဆံၭ. အဂဲးဘဲၫယီၩနယွၩအၪဎွ့ၩၥိၭလၧန
29 ဒိၩ့လဖၪနီၪ, ယုဒၫဧ့,- နမိချဲၩ့ခွးလၧယၧၩမွဲဘၪလဲၪ. နၥံၪမၩမၪဘၪယူၭယၧၩကိၭဂၩဒ့ၭယူၭ, ယဟိဝၩစံၭ
30 ဝ့ၫဒၪ.- ယထးယူၭနၥံၪအဖိၪပျီၩပျီၩယူၭး အဝ့ၫၥံၪ ဒိၭန့ဆၧအၪ့ၥီၪ့ဝ့ၫအ့ၬ. နၥံၪအနၭဒၪနၥံၪဝ့ၫအၪ့ခွံၬန ၥံၪအမီၪလဖၪဘဲၫဆၬလၥၧၫ့ မၩဂၭဂီၩ့ဆၧအၥိၭနီၪ လီၫ.
31 ၦလဆိၩယီၩၥံၪဧ့, ယိထံၫယိဆၭယဟိဝၩအလူ ဆံၭ. မွဲယကဲၪထၪ့ယူၭၡါမုနၧၫ့ဖၫလၧအံၫစရ့လၭအ ဂးနီၪဆ့ဧၪ. ဒဲဆၧခံၭအခးဆ့ဧၪ. ပစဲၪ့ဒၪဆၧတၭ, ပ ဂဲၫထဲၩ့လၧၩ့ လၧနအီၪအ့ၬ, မွဲဘၪနီၫယၡၩခမျၧးစံၭ
32 ဘဲၫနီၪလဲၪ.- ၦမုၪနၩ့မိၥၭနၪ့အကယၧၩ့ကယီၫ,ဒဲတ လၭမူၭမုၪအခၧၩ့ယးနီၪဆ့ဧၪ. မွဲလါနၫ့တၭယၡၩခ မျၧးၥၭနၪ့ယူၭယၧၩ မုနံၩလၧပဝံထၪ့နၬထၪ့လၥ့ၪဘၪ
33 ယူၭလီၫ.- နမၩဂ့ၩထၪ့နဖၧၩ့ၥၭဘဲၫၥိၭနမိအၪ့ဎၬဆၧ အဲၪနီၪ,မွဲဘၪလဲၪ. မၩအၥၭဘဲၫနီၪတၭ, နၥီၪ့လိၪၦ
34 အၧၩ့လၧနဖၧၩ့ၥၭလီၫ.- တၭၦၡၪ့ဖိၪလၧအဆၧဒဲၩ ဘၭလအီၪဘၪလဖၪ အဆၧမၧၫ့အၥွံၪနီၪ ဘုၭထၬဝ့ၫ လၧနဆၧကီၩ့ဆၧၥိၭလီၫ. ယအၪ့ဎၬၥူၪဝ့ၫ လဒၪဘၪ နီၪ,အဂဲးဘဲၫယီၩ,အီၪဝ့ၫလၧၦထီးအလူၬနီၪအလီၩ့
35 လီၫ.- မွဲလါနၫ့ဘိၩ,နစံၭ,မွဲယဆၧဒဲၩဘၭလအီၪတၭ, အၥၭထၪ့မိကၠၪအၥၭ လၧယအီၪတၡါလ့ၬလီၫ. ယိ ခွါ,ယမိချဲၩ့ခွးလၧနၧၩ လၧနစံၭယဆၧဒဲၩဘၭလအီၪ
36 ဘၪနီၪအကၠီၩ့လီၫ.- နစဲၪ့ဝံၩ့ဝၩ့ဆၧလၧအအၪဘဲၫၥိၭ နမိအၪ့လဲၩနဖၧၩ့ၥၭနီၪမွဲဘၪလဲၪ. နမ့ၬမိမဲဆ့လၧခး အံဇံၭအကၠီၩ့ ဘဲၫနမ့ၬမဲလၧအစံရအၫ အကၠီၩ့အၥိၭ
37 နီၪလီၫ.- မွဲမၬ,နမိစဲၪ့ထၪ့ဆ့လၧအဖၧၩ့အီၪဒဲနစူၪလၧ နခိၪအလီၩ့လီၫ. အဂဲးဘဲၫယီၩယဟိဝၩ ခွံၬၡိၭဆၧ လၧနဒိၭနဲၩ့နၥၭ လၧအဝ့ၫၥံၪတၭ, နဘီၪထၪ့ယီၫထၪ့ လၧအဖၧၩ့အ့ၬ.