18
1 ယဟိဝၩအလူလၩ့ဘၪစယ့ၫရမဲအၫတၭ, စံၭဝ့ၫ
2 ဒၪ,- ဂဲထုၪ့တၭလ့ၩလၩ့လၧၦကၧၩ့န့ဖၧၩ့ၥံၪအဂံၪ့တၭ,
3 ယမိဒုၭနါဂၧၫ့နၧၩလၧယလူထီးနီၪလီၫ.- တၭယလ့ၩ လၩ့လၧၦကၧၩ့န့ဖၧၩ့ၥံၪအဂံၪ့တၭ, ယိခွါ,ကၧၩ့န့ဖၧၩ့
4 လၧနိၪချံးဖၫ့ခိၪလီၫ.- တၭဖၧၩ့လၧအကၧၩ့န့ဝ့ၫလၧဖံၬ နီၪဂၭဂီၩ့ဝ့ၫလၧၦကၧၩ့န့ဖၧၩ့အစူၪဖၧၩ့တၭ, မၩဒီၭဖၧၩ့ လဖျိၪ့ဘဲၫအဘၪၦကၧၩ့န့ဖၧၩ့ အၥၭလၧအမိမၩဝ့ၫ အၥိၭလီၫ.
5 ထီးနီၪလဖၧၫ့ယဟိဝၩ အလူလၩ့ဘၪယၧၩတၭ,
6 စံၭဝ့ၫဒၪ,- အံၫစရ့လၭအၡၩဂံၪ့ဖိၪၥံၪဧ့, ယမၩနၥံၪ ဘဲၫၦကၧၩ့န့ဖၧၩ့လဂၩအၥိၭနီၪၥ့ၪအ့ၬဧၪ, ယဟိဝၩစံၭ ဝ့ၫဒၪ.ယိခွါ,ဘဲၫကဖံၬအီၪဝ့ၫ လၧၦကၧၩ့န့ဖၧၩ့အစူၪ ဖၧၩ့အၥိၭနီၪ နၥံၪအီၪလၧယစူၪဖၧၩ့ဘဲၫနီၪၥိၭ, အံၫစ
7 ရ့လၭအၡၩဂံၪ့ဖိၪၥံၪဧ့,- ယအ့ၪချဲၩ့ဆၧလဖၧၫ့လၧၦ ဆၨၩအဂဲး, လၧဆၧအဘၩ့အမုးအဂဲး, ဘဲၫၥိၭဆၧမိ
8 ထ့ၭထၪ့ခွံၬ, ဒဲမၩလၩ့ဎီးဒဲမၩဂၭဂီၩ့ဝ့ၫနီၪး- တၭၦလ ဆၨၩလၧယချဲၩ့ဆၧလၧအဂဲးနီၪ, အ့ၪဂဲၫထဲၩ့ထဲၩ့လၧ အဆၧအၧၩ့တၭ, ယမိနီၫ့ယါလၩ့ထဲၩ့ယၥၭလၧဆၧ
9 အၧၩ့လၧယကိၪ့ဝဲၩယမိမၩအဝ့ၫၥံၪလီၫ.- တၭယအ့ၪ ချဲၩ့ဆၧလဖၧၫ့လၧၦလဆၨၩအဂဲး ဆၧအဘၩ့အမုး
10 အဂဲးလၧယမိမၩထၪ့ဝ့ၫ.- ဒဲၥုၪ့လၩ့ဝ့ၫနီၪတၭ,အ့ၪမၩ ဆၧအၧၩ့လၧယမ့ၬယၫ, ဒဲလခိၭနၪဘၪယလူတၭ,ယ မိနီၫ့ယါလၩ့ထဲၩ့ယၥၭ လၧဆၧဂ့ၩလၧယစံၭယမိမၩ ဝ့ၫနီၪလီၫ.
11 မၩအၥၭဘဲၫနီၪတၭ, ဘိၩ့နဲၪ့ယီၩလ့ၩဘီၪ, ချဲၩ့ဆၧ လၧယုဒၫအၦၡၩဒဲၦယရုစလံၫ့ဖိၪတၭ, စံၭ, ယဟိဝၩ စံၭဘဲၫယီၩ, ယိခွါ,ယကိၪ့ဝဲၩဆၧအၧၩ့ထၫ့ဒၩနၥံၪ, ဒဲကိၪ့ဆၧကိၪ့ထၫ့ဒၩနၥံၪလီၫ. ဂဲၫထဲၩ့ထဲၩ့လဂၩဘၪ လဂၩလၧအဖၧၩ့ၥၭအၧၩ့ဆုၬဆုၬတၭ, မၩဂ့ၩထဲၩ့ နၥံၪအဖၧၩ့ၥၭ, ဒဲနၥံၪအဆၧမၩလဖၪဆံၭ.
12 တၭအဝ့ၫၥံၪစံၭဝ့ၫဒၪ, ယိလါဆၧအလးအီၪအ့ၬ. ပမိလ့ၩဖိၬ ပဆၧကိၪ့ဒၪပဝ့ၫအခဲၫ့တၭ,ပမိမၩဖိၬလ ဂၩအၥၭအၧၩ့ လဂၩအၥၭအၧၩ့ အဖၧၩ့ၥၭဒၪဝ့ၫဆုၬ
13 ဆုၬလီၫ.- မၩအၥၭဘဲၫနီၪတၭ, ယဟိဝၩစံၭဘဲၫယီၩ, အၪ့စၪ့ဆၧလၧၦဆၨၩလဖၪအကျၩ, မွဲပလၫနါဂၧၫ့ ဆၧဘဲၫနီၪၥိၭလဂၩလဲၪ. အံၫစရ့လၭအမုၪနၩ့မၩဆၧ
14 အၧၩ့အဒိၪအယိၬလမံၩ့လီၫ.- မူၭခိၪဖီၫလၧလ့ၭဘ နၧၫ့အလိးလီၩ့နီၪ, မိစဲၪ့ဒၪဂၪ့ခိၪအဝၩ့ဆ့ဧၪ.ထံၫချံၫ့ လၧအယွၩလၩ့လၧ အယဲၩ့ယိၬနီၪမိလၩ့ၥံၭဆ့ဧၪ.
15 မွဲလါနၫ့တၭယၡၩခမျၧးၥၭနၪ့ယူၭယၧၩ, ဆၧဆူၭခဲၩ ဆၧနၧၫ့မၧၫ့လၧဆၧပျီၩပျီၩအဂးတၭ, အခၪ့ဘၪထၧၩ့ လၧအဖၧၩ့ၥၭဖၧၩ့, လၧဖၧၩ့ၥၭလးလံၩ, လ့ၩဝ့ၫလၧ ဖၧၩ့ၥၭဖိၪ, ဖၧၩ့ၥၭလၧဆၧလမၩထၪ့ဘၪဝ့ၫတၭ,
16 ဘဲၫၥိၭအမိအီၪက့ၪအခးလၧဆၧအီၪယူအလး, ဆၧဒုၪ ဒွ့ၪအလး လၩ့ဆိၩလၩ့ကၠၪလီၫ. ကယဲၦလၧအလဲး လီၩ့ဝ့ၫလဂၩလါလါနီၪ မိအီၪက့ၪအၥၭထီၫမံၫထီၫမၪ
17 တၭ, ဂံၩဂုအခိၪလီၫ.- ယမိမၩလၩ့ပြံၩလၩ့ပၩဝ့ၫ လၧဆၧအဒုၪအဒၩအမ့ၬယၫ ဘဲၫလံၩလၧမုထၪ့လခီၫ အၥိၭနီၪလီၫ. လၧအဆၧၡၪ့ဆၧနၭ အမုနံၩနီၪ ယမိ ဒုၭနဲၪဝ့ၫလၧဆၧအချိၫ့တၭ, မွဲဆၧအမ့ၬအ့ၬ.
18 ထီးနီၪလဖၧၫ့အဝ့ၫၥံၪစံၭဝ့ၫဒၪ, ဂဲၫဘီၪ,မွဲပကိၪ့ၡီၩ့ ဆၧထၫ့ဒၩစယ့ၫရမဲအၫဆံၭ. အဂဲးဘဲၫယီၩဆၧၥီၪ့ ဆၧၥၫ့လလၩ့မါဘၪလၧၦလုဆၧ, ဒဲဆၧဒုၭကိၪ့နီၪလၧ ၦကိၪ့ဆၧၥ့ၪ, ဒဲဆၧအလူနီၪလၧမီၪလီၫ. ဂဲၫဘီၪ, မွဲပ ထးၡီၩ့အဝ့ၫလၧပဖျ့ၩဆံၭ. မွဲပထီးဒိၭပနါလၧအဆၧ ချဲၩ့နးထံၪလဂ့ၩ.
19 ဒိၭနနါလၧယလူဆံၭး ယဟိဝၩဧ့ဒဲခိၭနၪၦလၧအ
20 ဂဲးလိၬတ့ၭလိၬလၧယၧၩအလူဆံၭ.- ဆၧမိမၩဆၧၫ့ ဆၧအၧၩ့လၧဆၧဂ့ၩအဂးဆ့ဧၪး အဂဲးဘဲၫယီၩ ၦလ ဖၪနီၪခုၪ့လၩ့ဆၧဖၧၩ့ လၧယၥၭမၧၫ့အဂးလီၫ. ယ ဆၧၫ့ထုၪ့လၧနမ့ၬယၫ ဘဲၫၥိၭယမိချဲၩ့ဆၧဂ့ၩ လၧအ ဝ့ၫၥံၪအဂး, ဘဲၫၥိၭဆၧမိကၠၪခွံၬ နၥၭခဲၩထၪ့လၧအ
21 အီၪနီၪနၪ့ထၪ့ထဲၩ့ဆံၭ.- မၩအၥၭဘဲၫနီၪတၭ,ဖ့ၪလၫ့ ခွံၬအဝ့ၫၥံၪအဖိၪအလံၩ လၧဆၧၥၭဝံလၩ့ဒိၩတၭ, ဂါ လၩ့ခွံၬအၥွံၪလၧနၭ အနါဆံၭ. တၭမွဲအမၫလဖၪ ကဲၪထၪ့ၦမုၪမဲၫလၧအဖိၪၥံၫလူၬဆံၭ. တၭမွဲအၡၩ ခွၫဘၪဆၧမၩၥံၫဝ့ၫ, ဒဲမွဲအၡၩဖိၪၥၪခွၫဘၪဆၧမၩၥံၫ
22 ဝ့ၫလၧနၭလၧဆၧဒုၭၥုၭအဖၧၩ့ဆံၭ.- ထီးနအ့ၪဒုၭဂဲၫ ထၪ့ၡုၭၦလဒီၪ့လၧအဝ့ၫၥံၪအဖၫ့ခိၪတၭ, မွဲဆၧအၥီၫ ဂၧၫ့ထၪ့လၧဂံၪ့ဖၧၩ့ဆံၭ. အဂဲးဘဲၫယီၩ အဝ့ၫၥံၪခုၪ့ လၩ့ဆၧဖၧၩ့ ဘဲၫၥိၭအမိမၩန့ယၧၩတၭ, အီၪက့ၪၥူၪ
23 ဖျံၩခွၩ့လဖၪလၧယခၪ့အဂးလီၫ.- တၭအဝ့ၫၥံၪကိၪ့ ထၪ့လၧအမိမၩၥံၫယၧၩအဂဲးအကၠီၪ့နီၪ, ယဟိဝၩဧ့, နၥ့ၪယၫထီးအလူၬလီၫ. ဖျါခွံၬအဆၧဒဲၩဘၭလဂ့ၩ, ဒဲထူၭခွံၬအဆၧမၪ လၧနမ့ၬယၫလဂ့ၩ. မွဲအဘၪဆၧ မၩလၩ့ချႃၬဝ့ၫလၧနမ့ၬယၫဆံၭ. လၧနၥၭထၪ့အထီ နီၪမၩဝ့ၫဆံၭ.