12
1 ယဟိဝၩဧ့, ထီးယချဲၩ့ခွးလၧနၧၩတၭ,နမွဲဆၧတီၩ လီၫ. မွဲလါနၫ့တၭ, ဒုၭချဲၩ့ယၧၩလၧနစ့ၩရၫ့ဆၧအဂဲး အကၠီၪ့ဆံၭ. ၦလတီၩလလီၩ့ဘၪအဖၧၩ့ၥၭဘီၪထၪ့ ယီၫထၪ့မွဲအဂဲးဘဲၫၥ့ၪလဲၪ. ၦလၧအအၪ့လီၫဆၧထီး
2 အလူၬနီၪ,မွဲအအီၪမုၬဝ့ၫဘဲၫၥ့ၪလဲၪ.- နၥုၪ့လၩ့အဝ့ၫ ၥံၪတၭ, အဝံဆဲၩလၩ့ဒိၪထၪ့ဝ့ၫ, ဒဲၥၪထၪ့ဝ့ၫလီၫ. န
3 အီၪဘူၭလၧအနိၭတၭ,ယဲၩ့လၧအၥၭလီၫ.- အ့ၪမွဲန ဝ့ၫဒၪယဟိဝၩဧ့, နၥ့ၪယၫယၧၩ,နယိယၧၩတၭ, နမၩ ခွါယၥၭ လၧအအီၪလၧနၧၩလီၫ. ထုၭထၪ့အဝ့ၫၥံၪ ဘဲၫၥိၪလၧဆၧမၩၥံၫဝ့ၫအဂးအၥိၭ, ဒဲအီၪက့ၪဝ့ၫလၧ
4 ဆၧမၩၥံၫအမုနံၩအဂးနီၪဆံၭ.- ခးနီၪမိၥုၪ့အုၭၥၭ အုၭ,ဒဲနၪ့ၥံၪမံၩ့ၥံၪ လၧခးထၧၫ့ဘံၪ့ယၫအဖၧၩ့ဎဲၫ့ထၪ့ ခွံၬလၧၦလၧအအီၪဝ့ၫ လၧအဖၧၩ့အဆၧအၧၩ့အကၠီၩ့ နီၪဆံၭယံၬလဲၪ. ဆၧဖိၪဆၧဎါဒဲထိၪၥံၪလံၪၥံၪလူၬဝ့ၫ လီၫ.အဂဲးဘဲၫယီၩအဝ့ၫၥံၪစံၭ, ထီးၦအ့ၪထုၬခိၬတၭ, အဝ့ၫနီၪမိဒၪဘၪဆ့အ့ၬ.
5 နစဲၪ့လၧၦလၧအစဲၪ့လၧအခၪ့လဖၪအၥိၭနီၪ, အဝ့ၫ ၥံၪအ့ၪမၩပွံၭနၥၭတၭ, နမိစဲၪ့ပၧၩ့လၧကၥ့ၪၥုၭဘဲၫ ၥ့ၪလဲၪ.တၭဆၧအ့ၪမၩအၥၭဘဲၫနီၪ လၧခးမုၬအဖၧၩ့ တၭ,ထီးယီၫဒၫ့အထံၫအ့ၪလုၬဘံၭဆၧတၭ, နမိမၩ
6 ဘဲၫၥ့ၪလဲၪ.- အဂဲးဘဲၫယီၩ နထၧၫ့ဖုဝဲဒၪနဝ့ၫနဖါအ ၡၩဂံၪ့ဖိၪဒၪလ့ၬ, မၩနၧၩလၧဆၧအၪ့လီၫတၭ, မွဲမၬ, အဝ့ၫၥံၪကိၭၦၡၩခမျၧးၥံၪဖိၬအခဲၫ့လီၫ. အဝ့ၫၥံၪအ့ၪ ချဲၩ့လၧနၧၩမုၬမုၬလါနၫ့တၭ, နဲၩအဝ့ၫၥံၪလဂ့ၩ.
7 ယစဲၪ့ဒၪယူၭယဂံၪ့, ယစဲၪ့ဖၭလၧယဆၧန့ၥၫ,ဆၧ လၧယၥၭအဲၪဝ့ၫနီၪ ယဖ့ၪလၫ့ခွံၬယူၭလၧအဒုၪအဒၩ
8 အစူၪဖၧၩ့ယူၭ.- ယဆၧန့ၥၫမွဲလၧယဂးဘဲၫဆၬလၥၧၫ့ လၧမံၩ့လၬကျၩအၥိၭနီၪလီၫ. မွဲအကိၭၡၭထၪ့အလူ ထၫ့ဒၩယၧၩလီၫ. မၩအၥၭဘဲၫနီၪတၭ, ယၥၭဂဲၫ့အ
9 ဝ့ၫလီၫ.- ယဆၧန့ၥၫနီၪမၩအၥၭဘဲၫထိၪအဒူၩလဘံၪ့ အၥိၭ, ထိၪအဒူၩအီၩဝၬဖီၩ့ဝ့ၫလီၫ. ဂဲၫနၥံၪဝ့ၫဘီၪ, ဆၧဖိၪဆၧဎါလၧမံၩ့လၬကျၩ ထီးအလူၬနီၪ ဒုၭအီၪ
10 ကိၩ့အီၪကီၪ့ဘီၪ,ဒုၭအၪ့ဆၧဘီၪ.- ၦယိဆၧလဖၪအၪ ဂၩမၩဂၭဂီၩ့ယူၭယစဘံၭမုအလး, အဝ့ၫၥံၪယဲးလၩ့ ယဆၧန့ၥၫလၧအခၪ့ယၫၥၭအဖၩ့လၬ, မၩယဆၧန့ၥၫ လၧအဘၪဒၪဆၧအၥၭ လၧမံၩ့လၬကျၩအီၪယူဝ့ၫလီၫ.
11 အဝ့ၫၥံၪမၩအီၪယူဝ့ၫနီၪ, အီၪယူဝ့ၫအကၠီၩ့တၭ, မွဲအ ၥုၪ့အုၭၥၭအုၭ လၧယကၠီၩ့လီၫ. ခးနီၪအီၪယူဝ့ၫ ထၧၫ့ဘံၪ့ယၫလီၫ. အဂဲးဘဲၫယီၩ ၦၡၩအီၪက့ၪဆၧ
12 လၧအၥၭဖၧၩ့နးဂၩအ့ၬ.- ၦအၪ့ဂူၬဆီၪ့ဆၧဂဲၫထၪ့ဘၪ လၧအလးထၪ့ထီၫ လၧမံၩ့လၬကျၩ ထီးအလူၬလီၫ. အဂဲးဘဲၫယီၩ ယဟိဝၩ အနၭအၪ့ဆၧလၧခးအထုၬ လခီၫတၭ, ဖိးလၧခးအထုၬလခီၫဒၪနီၪ, ဆၧဖံၭဆၧယၪ
13 အီၪမုၬနးစီၪ့အ့ၬ.- အဝ့ၫၥံၪဎွံၪယူၭဘုၪကၠိၩ့ယူၭတၭ, မိကူၭဆၧဆူၪလီၫ. မၩပွံၭလၩ့ယူၭ အၥၭယူၭတၭ, န့အခိးအ့ၬ. အမ့ၬမိမဲလၧအန့ဘၪဆၧအကၠီၩ့,လၧယွၩ အၥၭခဲၩထၪ့အကၠီၩ့လီၫ.
14 ၦအအၧၩ့အီၪလၧယနဲၩ့ထံၭလဖၪနီၪ, လၧအထိၭ ဘၪယဆၧန့ၥၫလၧယဒုၭန့ၥၫ ယၡၩခမျၧးအံၫစရ့လၭ နီၪ,ယဟိဝၩချဲၩ့ထၫ့ဒုၪဒၩဝ့ၫဘဲၫယီၩ, ယိခွါ, ယမိ ထ့ၭထၪ့ခွံၬဝ့ၫလၧအခးဖၧၩ့တၭ, ယမိထ့ၭထၪ့ခွံၬယု
15 ဒၫအၡၩဂံၪ့ဖိၪလၧအကျၩလီၫ.- တၭဆၧမၩအၥၭလၧ ယထ့ၭထၪ့ခွံၬ အဝ့ၫၥံၪအလးခဲၫ့နီၪ, ယမိထဲၩ့ထဲၩ့ဒဲ ယၫ့ၥုၪ့ယၫ့ၥၭဝ့ၫ, ယမိဒုၭဂဲၫထဲၩ့ထဲၩ့ၦၡၩလဂၩလၧ အဆၧန့ၥၫဆုၬဆုၬ, ဒဲၦၡၩလဂၩ လၧအခးဖၧၩ့ဆုၬ
16 ဆုၬလီၫ.- တၭဆၧမိမၩအၥၭ, လၧအဝ့ၫၥံၪအ့ၪမၩလိၪ တၡါ ယၡၩခမျၧး အဖၧၩ့ၥၭလဖၪ, ဘဲၫၥိၭအမိဆိၪ လၩ့အၥၭလၧယမံၩ့အမ့ၬယၫ, ယဟိဝၩမၧၫ့ဝ့ၫး ဘဲၫ ၥိၭအဝ့ၫၥံၪၥီၪ့လိၪ ယၡၩခမျၧးလၧ အမိဆိၪလၩ့အၥၭ လၧဘၭဘလၧၫ့အမ့ၬယၫအၥိၭနီၪတၭ, ထီးနီၪလဖၧၫ့ အဝ့ၫၥံၪမိဘၪဆၧမၩထၪ့ဝ့ၫ လၧယၡၩခမျၧးအကျၩ
17 လီၫ.- အ့ၪမွဲအဝ့ၫၥံၪအ့ၪလခိၭနၪဘၪဆၧနီၪယမိထ့ၭ ထၪ့ခွံၬၦလဆၨၩနီၪ ဒဲမၩဂၭဂီၩ့လူၬဆ့လီၫ. ယဟိဝၩ စံၭဝ့ၫဒၪ.