4
1 အ့ၪမွဲစယိနၫအၥၭခိထၪ့ဖၭဒိၪ, ဒဲအၥၭထၪ့နၭနၭ
2 လ့ၬဆ့လီၫ.- အဝ့ၫအၪ့ကံၩ့ယဟိဝၩတၭ, စံၭဝ့ၫဒၪ, အၩလါၬ ယဟိဝၩဧ့, အယီၩမွဲယလူလၧယအီၪဒံၭ လၧယခးဒၪယဝ့ၫအဖၧၩ့, မွဲအ့ၬဧၪ. မၩအၥၭဘဲၫနီၪ တၭယစဲၪ့ဖျိၭတၭလ့ၩစိၩလၧတၫၡံၭး အဂဲးဘဲၫယီၩ ယၥ့ၪယၫလၧနမွဲယွၩလဂၩ ယၫ့ၥၭဆၧအၪ, ဒဲၥၭအီၪ ဆၧအွံၪၥၭဆၧၩ့ယံၬ, အခိးအတၩဒိၪမၬတၭ, နနီၫ့ယါ
3 လၩ့ထဲၩ့နၥၭလၧဆၧအၧၩ့အကၠီၩ့လီၫ.- မၩအၥၭဘဲၫ နီၪတၭ, ဘိၩ့နဲၪ့ယီၩ, ယဟိဝၩဧ့ၬမၩန့ခွံၬယၥၭမၧၫ့ ဘဲၫယအၪ့ကံၩ့နၧၩအၥိၭဆံၭး အဂဲးဘဲၫယီၩ ယၥံၫ
4 ဒၪယဝ့ၫမွဲဂ့ၩနဲၪ့ဒံၭ လၧယမၧၫ့လီၫ.- တၭယဟိဝၩ စံၭအဝ့ၫနီၪ, မွဲနၥၭထၪ့ဖၭဒိၪဆ့ဧၪ.
5 စယိနၫစဲၪ့ထၪ့ခွံၬ လၧဒိၩ့ဖၧၩ့တၭ, ဆၧၫ့နၩ့ဝ့ၫလၧ ဒိၩ့နဲၩ့ထံၭမုထၪ့လခီၫနီၪ, မၩထၪ့တဲၩလဖျိၪ့တၭ, ဆၧၫ့နၩ့ဝ့ၫလၧအဖၧၩ့ လၧအလၩၡုၪအဖၧၩ့နီၪ, ထီး အမိဒၪဘၪဆၧလၧအမိမၩအၥၭ လၧဒိၩ့ဖၧၩ့နီၪလီၫ.
6 ယဟိဝၩယွၩတဲၩ့ဝဲၩထံၫလုၩလမုတၭ, ဒုၭဒိၪထၪ့ဝ့ၫ လၧစယိနၫအဖၫ့ခိၪ ဘဲၫၥိၭအလၩၡုၪမိလၩ့ဘၪအခိၪ ဎွံၪတၭ, မၩဖီၩ့ဖျ့ၭအဝ့ၫလၧ အဆၧခိဆၧဝီၩလီၫ.တၭ စယိနၫၥၭထိၬဝ့ၫ လၧထံၫလုၩအကၠီၩ့ဒိၪမၬလီၫ.
7 လၧမုဆဲၪ့ထၪ့ဂီၩဂီၩနီၪ, ယွၩတဲၩ့ဝဲၩဆၧဖိၪဎါလ ဘီၩ့တၭ,အဆၧအၪ့နီၪ, ထံၫလုၩအလၪလၩ့ယံၭခွံၬဝ့ၫ
8 ဒၪလီၫ.- လၧမုဂဲၫထၪ့နီၪဆၧမၩအၥၭလၧယွၩတဲၩ့ဝဲၩ လံၩခိလၧမုထၪ့လခီၫတၭ, မုဆ့ၭဘၪစယိနၫအခိၪဎွံၪ တၭ,အၥၭလၩ့ဘဲၩဝ့ၫနီၪမိၥံၫဘၪအၥၭလီၫ. တၭစံၭ
9 ဝ့ၫဒၪ,ယၥံၫနီၪဂ့ၩနဲၪ့ဒံၭ ယမၧၫ့လီၫ.- တၭယွၩစံၭ စယိနၫနီၪး လၧထံၫလုၩအကၠီၩ့တၭ, မွဲနၥၭထၪ့ဖၭဒိၪ နီၪဆ့ဧၪ. တၭအဝ့ၫဒၪစံၭ, မွဲမၬ, ယၥၭထၪ့ဒိၪဒိၪလ့ၬ, ထီးယမိၥံၫဒၪလ့ၬလီၫ.
10 ထီးနီၪလဖၧၫ့ယဟိဝၩစံၭဝ့ၫဒၪ, နဝ့ၫဒၪနလီၫ့ကီၩ့ ထံၫလုၩလၧနလမၩဘၪဆၧလၧအဂး, လၧနလဒုၭဒိၪ ထၪ့ဘၪ, လၧအမဲၪထၪ့မုလနၩဎးတၭ, ဂၭဂီၩ့ဝ့ၫလၧ
11 မုလနၩဎးနီၪဆ့လီၫ.- တၭနံနဝ့ၫဒိၩ့ဖၭဒိၪလဖျိၪ့, ထီး ၦလၧအၥ့ၪယၫအစူၪထွ့ၪ ဒဲအစူၪစ့ၪအဆၧၫ့လၥ့ၪဘၪ နီၪ,အီၪဝ့ၫလကုၬနံၫလၬဘျဲၪ, ဒဲဆၧဖိၪဆၧဎါအဒိၩ့ အၪအၪလ့ၬနီၪ, ယဝ့ၫဒၪယီၩ, မွဲယလီၫ့ကီၩ့အဝ့ၫနီၪ ကြၨၭအ့ၬဧၪ.