2
1 ယဟိဝၩအၥီၫ့လဂၩနီၪ ဂဲၫထၪ့လၧဂံလဂၫလၭဖိး လၧဘိခံၫ့တၭ, စံၭဝ့ၫဒၪ, ယဒုၭစဲၪ့ထၪ့ခွံၬနၥံၪလၧအံ ဇံၭအဖၧၩ့တၭ, ယဒုၭဂဲၫနုၬနၥံၪလၧထံၫၥံၪခးၥံၪအ ဖၧၩ့လၧယဆိၪလၩ့ယၥၭ လၧနၥံၪအဖါလဖၪ လၧအ ဂဲးအကၠီၪ့တၭ, ယစံၭယမိမၩဂၭဂီၩ့ ယဆၧအုၩ့လၩ့
2 လၧနၥံၪနးဆိၭအ့ၬ.- တၭနၥံၪမၩဘၪဆၧအုၩ့လၩ့လၧ ၦအီၪဝ့ၫလၧခးဖၧၩ့ယီၩလၩလါဆ့အ့ၬ. နၥံၪဘၪမၩ လၩ့ဎီးခွံၬအဝ့ၫၥံၪအဆၧလုလးလီၫ. မွဲလါနၫ့နၥံၪခိၭ နၪယလူအ့ၬ.
3 မွဲဘၪနီၫနၥံၪမၩဆၧယီၩလဲၪ. မၩအၥၭဘဲၫနီၪတၭ ယစံၭဆ့ယနၫ့ထၪ့ခွံၬအဝ့ၫၥံၪ လၧနၥံၪအမ့ၬယၫအ့ၬ. အဝ့ၫၥံၪမိကဲၪထၪ့ဆၧဆူၪ လၧနၥံၪအဂုၬဖၩအဖၧၩ့, ဒဲအဝ့ၫၥံၪအယွၩလဖၪနီၪ မိကဲၪထၪ့ဆၧဖျံၩခွၩ့လၧန ၥံၪအဂးလီၫ.
4 ထီးယဟိဝၩအၥီၫ့ချဲၩ့ဆၧချဲၩ့နီၪ လၧၦအံၫစရ့လၭ ဖိၪထီးအလူၬတၭ, ဆၧမၩအၥၭလၧၦခမျၧးကိၭၡၭ
5 ထၪ့လၧအလူတၭဂၪ့ဝ့ၫလီၫ.- အဝ့ၫၥံၪကိၭဆၧအလး နီၪအမံၩ့ဘိခံၫ့တၭ, အဝ့ၫၥံၪလုထၪ့ဆၧလၧယဟိဝၩ ထီးနီၪလီၫ.
6 လၧစယီရှုၫအ့ၫကွဲၪဖျါခွံၬၦခမျၧးနီၪဂီၩ့တၭ, အံၫ စရ့လၭဖိၪလ့ၩလဂၩလၧအဆၧန့ၥၫ, လဂၩလၧအ
7 ဆၧန့ၥၫ,ဘဲၫၥိၭအမိန့ဘၪထံၫၥံၪခးၥံၪနီၪလီၫ.- တၭၦ ခမျၧးမၩယဟိဝၩအဆၧ လၧစယီရှုၫအ့ၫအမုနံၩလဖၪ ထီးအလူၬအဖၧၩ့, ဒဲလၧၦၥုၪ့က့ၭၥၭၡါ လၧအမၧၫ့ဒံၭ လၧစယီရှုၫအ့ၫအလးခဲၫ့ အမုနံၩထီးအလူၬအဖၧၩ့ နီၪ,လၧအဒၪဘၪယဟိဝၩအဆၧမၩ ဖၭဒိၪလဖၪလၧ အမၩဝ့ၫလၧအံၫစရ့လၭအဂး ထီးအလူၬအဖၧၩ့လီၫ.
8 ယဟိဝၩအခ့ၫအၡၩစနိၫ့အဖိၪခွၫ စယီရှုၫအ့ၫအၥၭ
9 ၡါအနံၪ့လယၩလဆံၫတၭ,ၥံၫဝ့ၫလီၫ.- တၭအဝ့ၫၥံၪ ခုၪ့လၩ့ဘၧၩ့ခွံၬဝ့ၫလၧအဆၧန့ၥၫအခးနဲၩ့ လၧတံၫမ နၭဟံရ့ၭလၧအအီၪလၧခိၪလီၩ့အံဖြံၫ့အလီၩ့ လၧခိၪ
10 လီၩ့ဂၫအၭအမုဖၩလခီၫနီၪလီၫ.- တၭၦလဆိၩထီး အလူၬနီၪ ဘၪဆၧအီၪက့ၪကီၪ့ဝ့ၫလၧအဖါ လဖၪဆ့ လီၫ.တၭၦအဂူၫဂၩလဆိၩ အီၪထၪ့လၧအလးခဲၫ့လၧ အလၥ့ၪယၫဘၪယဟိဝၩ ဒဲအဆၧမၩလၧအမၩဝ့ၫလၧ အံၫစရ့လၭအဂးနီၪလီၫ.
11 ၦအံၫစရ့လၭဖိၪ မၩဆၧအၧၩ့ လၧယဟိၩအမ့ၬ
12 ယၫတၭ,မၩဘၫအလၭၥံၪအဆၧလီၫ.- အဝ့ၫၥံၪစဲၪ့ဒၪ ယဟိဝၩအဝ့ၫၥံၪအဖါလဖၪအယွၩ လၧအဒုၭစဲၪ့ထၪ့ ခွံၬဝ့ၫလၧအံဇံၭအဖၧၩ့တၭ, ဖိၬယွၩအဂူၫဂၩလဖၪအ ခဲၫ့ၦခမျၧးလၧအအီၪဝၬဖီၩ့ဝ့ၫအယွၩလဖၪ, ဒဲဘိၪ့ထၪ့
13 ဘၩထၪ့ဝ့ၫ, ဒဲမၩၥၭထၪ့ယဟိဝၩလီၫ.- အဝ့ၫၥံၪစဲၪ့ဒၪ ယဟိဝၩတၭ, မၩဘၫအလၭဒဲအၭၡတြီၭအဆၧလီၫ.
14 ယဟိဝၩအၥၭထၪ့ခဲၩထၪ့ဘၪ အံၫစရ့လၭတၭဖ့ၪ လၫ့ခွံၬဝ့ၫလၧၦအၪ့ဂူၬန့ဆၧအစူၪဖၧၩ့ လၧအအၪ့ဂူၬ န့ဆၧတၭ အၪ့ဆၫခွံၬအဝ့ၫၥံၪ လၧအဒုၪအဒၩအီၪဝၬ ဖီၩ့ဝ့ၫလဖၪအစူၪဖၧၩ့တၭ, အဝ့ၫၥံၪဆၧၫ့ထုၪ့လၧအ
15 ဒုၪအဒၩအမ့ၬယၫၥ့ၪလၧၩ့အ့ၬ.- တၭထီးဒၪအဝ့ၫၥံၪ လ့ၩဆၧလစီၪ့လါလါနီၪ, ယဟိဝၩအစူၪထၫ့ဒုၪဒၩဝ့ၫ လၧဆၧအၧၩ့အဂး ဘဲၫယဟိဝၩ စံၭယူၭဝ့ၫအၥိၭနီၪ, ဒဲဘဲၫယဟိဝၩဆိၪလၩ့ယူၭအၥၭ လၧအဝ့ၫၥံၪအဂဲး အၥိၭနီၪတၭ, အဝ့ၫၥံၪအၥုၪ့ခိအၥၭဝီၩဒိၪမၬလီၫ.
16 မွဲလါနၫ့ယဟိဝၩဒုၭအီၪထၪ့ ၦစ့ၩရၫ့ဆၧလဖၪလၧ အမၩဖီၩ့ဖျ့ၭဝ့ၫ လၧၦလၧအအၪ့ဂူၬန့ အဆၧလဖၪအ
17 စူၪဖၧၩ့လီၫ.- မွဲလါနၫ့တၭ အဝ့ၫၥံၪခိၭနၪၦစ့ၩရၫ့ဆၧ အလူဆ့အ့ၬ. အ့ၪမွဲလ့ၩမၩမၪထွ့ၫယွၩအဂူၫဂၩလ ဖၪအခဲၫ့လၧအၥၭလဲးၥၭဘျၪတၭ, ဘိၪ့ထၪ့ဘၩထၪ့အ ဝ့ၫၥံၪတၭ, ကၠၪပဲၩခွံၬအၥၭချဲၫ့ချဲၫ့ လၧဖၧၩ့ၥၭလၧအ ဖါလဖၪဖိၬဝ့ၫဒဲခိၭနၪယဟိဝၩ အဆၧမၪလူၬလီၫ.တၭ အဝ့ၫၥံၪမၩဆၧဘဲၫနီၪအ့ၬ.
18 ထီးယဟိဝၩဒုၭအီၪထၪ့န့ ၦစ့ၩရၫ့ဆၧလဖၪလၧ အဝ့ၫၥံၪအဂးတၭ, ယဟိဝၩအီၪလၧၦစ့ၩရၫ့ဆၧနီၪအ ၥိၭတၭ, မၩဖီၩ့မၩဖျ့ၭအဝ့ၫၥံၪ လၧအဒုၪအဒၩအစူၪ ဖၧၩ့လၧၦစ့ၩရၫ့ဆၧအမုနံၩ ထီးအလူၬ အထးဖၧၩ့နီၪ လီၫ.အဂဲးဘဲၫယီၩ ယဟိဝၩနီၫ့ယါလၩ့ထဲၩ့ အၥၭ လၧအဝ့ၫၥံၪ အဆၧဂၪ့အုၩဂၪ့ထိၬအကၠီၩ့ လၧအအီၪ လၧၦမၩအၧၩ့မၩၥၫ့ ဒဲမၩခိမၩဝီၩဝ့ၫအကၠီၩ့လီၫ.
19 ထီးၦစ့ၩရၫ့ဆၧလဂၩနီၪ ၥံၫဝ့ၫအလးခဲၫ့တၭ, ဆၧ မၩအၥၭလၧအဝ့ၫၥံၪထဲၩ့ထဲၩ့တၭ, မၩၥၭလိၪလၩ့အ ၥၭနၭနဲၪ့အဖါလဖၪ, လၧအလ့ၩဖိၬယွၩအဂူၫဂၩလဖၪ အခဲၫ့ဘဲၫၥိၭအမိမၩအဆၧ, ဒဲဘိၪ့ထၪ့ဘၩထၪ့ဝ့ၫတၭ, လၧအမၩအဆၧဒၪဝ့ၫမွဲဂ့ၩ, ဒဲလၧအမၩနၧၫ့ထၧၫ့အ ၥၭနီၪမွဲဂ့ၩ, အီၪထီခွံၬဝ့ၫအ့ၬ.
20 ယဟိဝၩအၥၭထၪ့ခဲၩထၪ့ဘၪ အံၫစရ့လၭတၭ,စံၭ ဝ့ၫဒၪ, မွဲၦခမျၧးယီၩ လၨၪခၫ့ဖၬယဆၧအုၩ့လၩ့လၧ ယမၪလူၬအဖါလဖၪ, ဒဲလခိၭနၪဘၪ ယလူအကၠီၩ့
21 တၭ,- စူၩယၫလခီၫနီၪၦဆၨၩလဖၪ လၧစယီရှုၫအ့ၫလၧ အၥံၫအထီ အီၪက့ၪလၩ့ထးဝ့ၫလဖၪနီၪ ယမိနၫ့ထၪ့
22 ခွံၬလၧၩ့လၧအဝ့ၫၥံၪအမ့ၬယၫဆ့အ့ၬ.- ဘဲၫၥိၭလၧ အဝ့ၫၥံၪအကၠီၩ့နီၪ, ယမိမၩခွါအံၫစရ့လၭး လၧအမိ ထီးန့ယဟိဝၩအဖၧၩ့ၥၭလၧအမိဖိၬဝ့ၫ ဘဲၫအဝ့ၫၥံၪအ ဖါလဖၪမၩဝ့ၫအၥိၭနီၪဧၪ, လထီးန့ဘၪဧၪ, နီၪလီၫ.
23 မၩအၥၭဘဲၫနီၪတၭ, ယဟိဝၩအီၪက့ၪလၩ့ထးၦအ ဆၨၩလဖၪနၫ့ထၪ့ခွံၬဝ့ၫ ချဲၫ့ချံၭအ့ၬ, တၭမွဲအဖ့ၪလၫ့ ခွံၬအဝ့ၫၥံၪ လၧစယီရှုၫအ့ၫအစူၪဖၧၩ့ဆ့အ့ၬ.