31
1 ယအုၩ့လၩ့ဆၧလၧယမ့ၬၥၪၥံၪတၭ, မွဲယမိယိၦမုၪ
2 နၩ့နီၪမိၥ့ၪဘဲၫၥ့ၪလဲၪ.- အ့ၪလမွဲဘၪဘဲၫနီၪတၭ, လၧ ယွၩလၧထၭလခီၫနီၪ, မွဲယမိန့ဘၪဆၧနီၪလမံၩ့လဲၪး ဒဲယမိန့ၥၫဆၧလၧၦၥ့ၪဆၧလူၬအီၪလၧဆၧထၪ့ထီၫနီၪ
3 ဆၧနီၪလမံၩ့လဲၪ.- ဆၧဂၭဂီၩ့ဂၭစၪအီၪလၧၦအၧၩ့ အဂးနီၪ,မွဲအ့ၬဧၪး ဒဲဆၧစ့ၩရၫ့လၩ့မဲၩဒၪဆၧလၧၦ
4 မၩအၧၩ့မၩၥၫ့ဒၪဆၧအဂးနီၪ,မွဲအ့ၬဧၪ.- အဝ့ၫလဂၩ ဒၪဘၪယဖၧၩ့ၥၭလဖၪနီၪ, ဒဲဝံထၪ့နၬထၪ့ယခၫထၪ့လ
5 ဖၪထီးအလူၬမွဲအ့ၬဧၪ.- ယအ့ၪလ့ၩလၧဆၧကဘျံၭ ကဘျၪအဖၧၩ့နီၪ, ဒဲယခၪ့အ့ၪလ့ၩချဲၫ့လီၩ့ဆီးဆၧအၪ့
6 လီၫဝ့ၫနီၪး- မွဲယွၩခံၫ့ယၧၩလၧခံၫ့တီၩတီၩအဖၧၩ့နီၪး
7 ဘဲၫၥိၭအမိၥ့ၪယၫယမၩဆၧအလၧၫ့ဎွ့ၩနီၪဆံၭ.- ယ ခၪ့ခၫထၪ့ဆၧနီၪအ့ၪဂၭဖျိၭဖၧၩ့ၥၭတၭ, ယၥၭအ့ၪဖိၬ ယမ့ၬၥၪၥံၪအခဲၫ့နီၪး ဒဲဆၧၥၭလိၪအ့ၪဘုၭထၬလၧယ
8 စူၪတၭ,- ထီးနီၪလဖၧၫ့, မွဲယဎွံၪဆၧတၭ,ဂူၫဂၩလဂၩ ကူၭဝ့ၫဒၪဘီၪး ဒဲယဆၧၥုၪ့လၩ့ဖျၭလၩ့လဖၪနီၪ, မွဲ
9 အဘၪဆၧထ့ၭထၪ့ခွံၬဝ့ၫဒၪဘီၪ.- ယၥၭအ့ၪဘၪဆၧ အၪ့လွ့ၫလၧၦမုၪနီၪ, ဒဲယအီၪခိၭၥူၪဆၧလၧၦအီၪဘူၭ
10 ယၧၩအတရၫ့ထံၭနီၪး- ထီးနီၪလဖၧၫ့မွဲယမၫဂူၬဆုၪ့ ဂူၬလၧဂူၫဂၩအဂးတၭ, မွဲဂူၫဂၩမံၫဎုၬ လၧအဝ့ၫဒၪ
11 ဘီၪ.- အဂဲးဘဲၫယီၩ အနီၪမွဲဆၧအၧၩ့ဖၭဒိၪတၭး မွဲ ကဒၪယူၭ, မွဲဆၧအၧၩ့ဘၪဆဲၫ့ လၧၦစ့ၩရၫ့ဆၧလဖၪ
12 နီၪလီၫ.- အဂဲးဘဲၫယီၩမွဲမ့ၪလၧအမိအၪ့ဆၧထီၩ့လၧ ဆၧဂၭဂီၩ့ဂၭစၪနီၪး ဒဲမိထ့ၭန့ခွံၬကယဲယဆၧအၪထၪ့
13 ထီးအလူၬလီၫ.- ယဎီးမုၪမွဲဂ့ၩ, ယဎီးခွၫမွဲဂ့ၩး ထီး အချဲၩ့ခွး လၧယၧၩတၭ, ယအ့ၪမၩကြၩ့ထမးအခွး
14 နီၪး- ထီးနီၪလဖၧၫ့ယွၩအ့ၪဂဲထုၪ့တၭ,မွဲယမိမၩဘဲၫ ၥ့ၪလဲၪးအဝ့ၫအ့ၪစ့ၩရၫ့ယၧၩတၭ, မွဲယမိချဲၩ့ဆၧၫ့ဆၧ
15 ဘဲၫၥ့ၪလဲၪ.- ၦလၧအမၩကဲၪထၪ့ယၧၩလၧဒၧၩ့လး ဖၧၩ့နီၪ,မွဲအမၩကဲၪထၪ့အဝ့ၫဒၪဆ့, မွဲအ့ၬဧၪး ၦလ ဂၩဎးနီၪတဲၩ့ဝဲၩပၧၩ လၧဒၧၩ့လးဖၧၩ့နီၪ, မွဲအ့ၬဧၪ,
16 ၦၡၪ့ဖိၪယၬဖိၪနီၪ ယအ့ၪပဒၩ့ထၬ ဆၧလၧအဆိၫ့န့ ဘၪနီၪ, ယအ့ၪဒုၭလၩ့မါၦမုၪမဲၫအမ့ၬၥၪလဖၪတၭး
17 ယအ့ၪအၪ့ယဆၧလလီၪ့လဂၩဎးနီၪ, ဒဲၦဖိၪဎွ့ၪလအၪ့
18 ဘၪတၭး- (မွဲအဒိၪထၪ့လၧယၥိၭ လၧယဖိၪၥၪခွၫ လံၩလံၩဘဲၫလၧထၧၫ့ဖိၪဖါအၥိၭနီၪ, ဒဲယၥိၫ့ဂၧၩ့ၦမုၪ
19 မဲၫလၧယမိအဒၧၩ့လးဖၧၩ့ယူၭလီၫ.)- ယအ့ၪဒၪဘၪ ၦဘၪဆၧဂၭဂီၩ့ဂၭစၪ လၧအကီၩ့အၥိၭလအီၪဘၪအ ကၠီၩ့,ဒဲၦၡၪ့ဖိၪယၬဖိၪ အဆၧလုၬဘံၭလအီၪဘၪတၭး
20 အယးဒံၩ့နီၪအ့ၪလဆိၪဂ့ၩဘၪယၧၩ, ဒဲယၥိၪဖိၪလ
21 ဖၪအဖံၭအ့ၪလမၩလၧၩ့ထၪ့ဘၪတၭး- လၧယဒၪဘၪ ဆၧမၩဆၧၩ့ယၧၩ လၧတရၫ့ဖၧၩ့အကၠီၩ့နီၪ, ယအ့ၪ
22 ယူၬထၪ့ဘၪစူၪထၫ့ဒၩၦဖိၪဎွ့ၪတၭး- ထီးနီၪလဖၧၫ့မွဲ ယစူၪလၩ့ထ့ၬခွံၬ လၧယခိၬထံၭခိၪ, ဒဲယစူၪဒူၪလၩ့
23 ထ့ၬခွံၬလၧစူၪဆၧၫ့နီၪဆံၭး- အဂဲးဘဲၫယီၩယွၩအဆၧ မၩဂီၩ့နီၪ မၩၥၭမဲၪယၧၩး ဒဲလၧအဝ့ၫဒၪ အစီၩ့ဒိၪအ မၩ့ဒိၪအမ့ၬယၫနီၪယဂဲးယဘၭအီၪအ့ၬ.
24 ထီၫ့နီၪယအ့ၪအီၪက့ၪလၧယဆၧယိလါအဂး, ဒဲစံၭ
25 ထီၫ့ဆံၫ့နီၪး နမွဲယဆၧဒိၭနဲၩ့ယၥၭဖီၩး- လၧယစူၪ လးခၪ့ခိၪအၪအကၠီၩ့နီၪ, ဒဲလၧယစူၪန့ဘၪဆၧအၪအ
26 ကၠီၩ့ယအ့ၪၥုၪ့ထိၬၥၭထိၬတၭး- မုဖၩ့ထၪ့အဘိၩ့ဘၭ နီၪ,ယအ့ၪဒၪဘၪ, ဒဲလၩလၧအလ့ၩဆၧလၧအဆၧ
27 ယုၩ့ယဲအဖၧၩ့နီၪး- ဒဲယၥၭဘၪဆၧအၪ့လွ့ၫၥူၪဝ့ၫ,ဒဲ
28 ယနိၭအ့ၪအဲၪဂါယစူၪတၭး- အယီၩလမံၩ့ဆ့မွဲဆၧ အၧၩ့ဘၪဆဲၫ့ လၧၦစ့ၩရၫ့ခွးလဖၪနီၪ အဂဲးဘဲၫယီၩ အ့ၪမွဲဘဲၫနီၪတၭ, မွဲအမၩယူၭဆၧကဘျံၭကဘျၪလၧ
29 ယွၩလၧဆၧထၪ့ထီၫယူၭလီၫ.- လၧယဒုၪယဒၩဘၪ ၡၪ့ဘၪနၭအကၠီၩ့နီၪ, ယအ့ၪၥုၪ့ထိၬၥၭထိၬ ဒဲမၩမုၬလၩ ယၥၭလၧဆၧအၧၩ့လၩ့ဘၪ အဝ့ၫဒၪအကၠီၩ့တၭး
30 (လၧယအၪ့ကံၩ့ဆၧဆိၪအၧၩ့ လၩ့ဘၪအဝ့ၫဒၪအၥၭ
31 နီၪ,ယဖ့ၪလၫ့ယနိၭမၪဘၪဆၧအ့ၬ.)- ၦၡၩအီၪလၧ ယတဲၩဖၧၩ့အ့ၪလစံၭဘၪဘဲၫယီၩ, ၦလဂၩဂၩလအၪ့
32 ဘျဲၩအၪ့ဘၪအဆၧယၪနီၪ, မွဲအအီၪခီၫခီၫလဲၪး- (ၦ မွံၩမံၫဘၪ လၧခီၫ့အ့ၬး ယဝဲထၪ့ယတရၫ့ လၧၦလ့ၩ
33 ဆၧအဂး)- ယအ့ၪချႃၬဘံၭခွံၬယဆၧအမၪဘဲၫစအၫ ဒၫ့အၥိၭ, ဘဲၫၥိၭယမိအီၪက့ၪၥူၪခွံၬ ယဆၧအၧၩ့လၧ
34 ယၥၭနၫအဖၧၩ့အကၠီၩ့နီၪး- ထီးနီၪလဖၧၫ့မွဲယၥၭမဲၪ ဆၧအီၪကီၪ့ဖၭဒိၪနီၪ, မွဲဆၧအဒီၪ့လဖၪမၩကြၩ့ထမး ယၧၩ,ဒဲယအီၪလၩ့မါပံၭတၭ, မွဲယထီးစဲၪ့ထၪ့ခွံၬလၧ
35 ယတရၫ့နီၪနးဆိၭလဂ့ၩး- မွဲယွၩခိၭနၪလါယလူဆံၭး ယိခွါ, ယဆိၫ့ဆၧလမံၩ့ လၧၦၥ့ၪဆၧလူၬ မိချဲၩ့ဆၧၫ့ ယၧၩးဒဲၦလၧအချဲၩ့ခွးယၧၩ မိကွ့ၭန့အမူၭ အဂဲးအ
36 ကၠီၪ့လီၫ.- မွဲမၬ, လၧယခိၬထံၭခိၪအလီၩ့နီၪယမိယိၭ ဒၪယဝ့ၫတၭး ယမိချႃၬထၪ့ဝ့ၫဘဲၫၥရဖူၩအၥိၭနိၪလီၫ.
37 ယမိဒုၭနဲၪအဝ့ၫဒၪလၧယခၫထၪ့ဆၧထီးအလူၬ, ယမိ လ့ၩဘူၭအဝ့ၫဘဲၫ လၧၦဒိၪဖၭဒိၪအအီၪအၥိၭနီၪလီၫ.
38 ယဂၪ့ခိၪလဝၩ့အ့ၪကိၭထၪ့ထၫ့ဒၩယၧၩ, ဒဲအကၠီၪ့ၥံၪ
39 အမ့ၬထံၫအ့ၪလၩ့တၭး- ယအ့ၪအၪ့အဆၧၥၪလဖၪ လၧယလဖ့ၪလၫ့ဘၪအဎွ့ၩနီၪ, ဒဲဒုၭစဲၪ့ထၪ့ခွံၬအက
40 ဆါလဖၪအၥၭမၧၫ့နီၪး- မွဲဆၧဆူၪဆၧမဲၪထၪ့လၧ ဘုၪကၠိၩ့အလးနီၪ, နၪ့ၥံၪမံၩ့ၥံၪလၧဘုၪမုယီၩအလး နီၪဆံၭ.စယိဘၭအဆၧချဲၩ့လဖၪထုၬဝ့ၫဒၪလီၫ.