21
1 ထီးနီၪလဖၧၫ့ စယိဘၭချဲၩ့ဆၧၫ့ဆၧတၭ, စံၭဝ့ၫဒၪး
2 ဆၧလၧယချဲၩ့ထၪ့ယီၩ ခိၭနၪနၥံၪဝ့ၫထံၫထံၫဆၭ ဆၭဘီၪး ဒဲဆၧလမံၩ့ယီၩ မွဲအမၩမုၬထၪ့နၥံၪအၥၭ
3 ဆံၭ.- ဒုၭချဲၩ့ထၪ့ယၧၩနးထံၪတၭ, ယချဲၩ့ဆၧအလး
4 ခဲၫ့နီၪ,မၩကြၩ့ထမးကဒၪဘီၪ.- ယဝ့ၫဒၪယီၩမွဲယဂဲး လိၬတ့ၭလိၬလၧၦၡၩဆ့ဧၪး ယၥူၭဝံၪၥူၭလၩလကြၨၭ
5 ဘၪနီၪမွဲအဂဲးဘဲၫၥ့ၪလဲၪ.- ယိနဲၪ့ယၧၩတၭ, ထီၫမံၫ
6 ထီၫမၪဘီၪး အီၪက့ၪစူၪလၧနိၭအလီၩ့ဆံၭ,- အဂဲးဘဲၫ ယီၩ ထီးယနၪ့ထၪ့ထဲၩ့တၭ, ယၥၭမဲၪယဝ့ၫး ဒဲယဖံၭ ယယၪဝၭထိၬဝၭတ့ၭဝ့ၫဒၪလီၫ.
7 တၭၦအၧၩ့ဖိၪၥံၪမၧၫ့ဝ့ၫ, ၥၭၡါထၪ့ဝ့ၫနီၪလကၭဘၪ တၭ,န့ဘၪအစီၩ့အမၩ့ဖၭဒိၪနီၪ, မွဲအဂဲးဘဲၫၥ့ၪလဲၪ.
8 အဝ့ၫၥံၪအချံၫအၥၪအီၪဂုးခၧၫ့လၧအမ့ၬယၫတၭ, အ
9 ဖိၪအလံၩအီၪဝ့ၫလၧအမ့ၬယၫနီၪဆ့လီၫ.- အဝ့ၫၥံၪ အဂံၪ့လဖၪအီၪလၧဆၧမုၬဆၧဎၩ့တၭ, ၥၭမဲၪဆၧနး မံၩ့အ့ၬးဒဲယွၩအနိၪဖျ့ၪ အီၪလၧအဝ့ၫၥံၪ အလီၩ့ဆ့
10 အ့ၬ.- အချီၥံၪဒၧၩ့ထၪ့တၭ, ဂၭဂီၩ့အ့ၬး အချီမိၥံၪဖိၪ
11 ဆါန့အဖိၪတၭ,လၩ့လၫ့အ့ၬ.- အဝ့ၫၥံၪဖျါလၩ့အဖိၪ ဘဲၫဆၧအဒီၪ့အၥိၭတၭ, ဖိၪဒံၩဖိၪၥၪၥံၪ ဂဲထုၪ့လံနီၪ
12 လီၫ.- အဝ့ၫၥံၪ ကိၭၡၭထၪ့ အီၪလၧစံၩ့စံၩ့ဒဲၥၫ့ထီး တၭ,လၧပံၩအၥီၫအကၠီၩ့နီၪ အဝ့ၫၥံၪၥုၪ့ထိၬၥၭထိၬ
13 ဆ့လီၫ.- အဝ့ၫၥံၪအမုနံၩလဖၪ အီၪလၧဆၧကဲၪထၪ့ ကဲၪထီၫတၭ, လၧလဆိဖိၪအထးဖၧၩ့နီၪလ့ၩလၩ့လၧ
14 ဖျႃဖၧၩ့လီၫ.- အဝ့ၫၥံၪစံၭယွၩ, စဲၪ့ထၪ့ခွံၬလၧပအီၪ ယီၩဘီၪးအဂဲးဘဲၫယီၩ နဖၧၩ့ၥၭၥံၪအဂဲးအကၠီၪ့နီၪ
15 ဆၧမိၥ့ၪယၫဘၪပၥၭအ့ၬ.- ၦၥ့ၪဆၧလူၬလၧပကြၨၭ မၩအဆၧနီၪ, မွဲဆၧနီၪလမံၩ့လဲၪး ပအၪ့ကံၩ့အၪ့ယၫ လါနၫ့အဝ့ၫၥံၪတၭ, မွဲအန့ကၩဆၧနီၪလမံၩ့လဲၪ.
16 ယိခွါ, အဝ့ၫၥံၪအဆၧဂ့ၩနီၪအီၪလၧအစူၪဖၧၩ့
17 အ့ၬးၦအၧၩ့အဆၧဒုၭကိၪ့နီၪအီၪယဲၩ့လၧယၧၩလီၫ.- ၦ အၧၩ့အမ့ၪဒိၩ့နီၪ လၩ့ဖံၬခွံၬဝ့ၫ, ဎွ့ဘျၩ့ဎွ့ဘျၩ့လဲၪး ဒဲ အဝ့ၫၥံၪအဆၧဂၭဂီၩ့နီၪလၩ့ဘၪအလီၩ့တၭး ယွၩလၧ အဆၧၥၭထၪ့အဖၧၩ့နီၪ အၪ့နၩ့ဖၭဖ့ၪလၫ့ဆၧၡၪ့ဆၧ
18 နၭလဖၪလီၫ.- အဝ့ၫၥံၪမၩအၥၭဘဲၫလီခၫ့လၧလံၩအ မ့ၬယၫအၥိၭနီၪ, ဒဲဘဲၫဖ့ၫလၧလံၩၥဝံၬ ဖျဲးန့ခွံၬဝ့ၫအ
19 ၥိၭနီၪလီၫ.- မွဲယွၩမိအီၪက့ၪကီၪ့အဆၧမၩအၧၩ့လၧ အဖိၪအလံၩအဂးနီၪဆ့ဧၪး မွဲအဝ့ၫဒၪဖ့ၪထဲၩ့ဝ့ၫတၭ,
20 မိၥ့ၪယၫဝ့ၫဒၪလီၫ.- အမ့ၬၥၪမိဒၪဘၪအဆၧဂၭဂီၩ့
21 တၭ,မွဲအအီၩၦၥ့ၪဆၧလူၬအဆၧၥၭထၪ့နီၪဆံၭ.- အ ဂဲးဘဲၫယီၩ ထီးအမုၥံၪလၩၥံၪအဆၧဝံဆၧနၬနီၪဘၪ ဆၧဒၪ့ထ့ၬခွံၬဝ့ၫတၭ, မွဲအမုၬလၩအၥၭလၧအဂံၪ့လၧ အလးခဲၫ့နီၪမိၥ့ၪဘဲၫၥ့ၪလဲၪ.
22 ယွၩလၧအစ့ၩရၫ့ဆၧထၪ့ထီၫနီၪ, မွဲၦဒုၭၥ့ၪယၫအ
23 ဝ့ၫဒၪလၧဆၧလမံၩ့မံၩ့နီၪမိၥ့ၪဆ့ဧၪး- တၭၦလဂၩၥံၫ ဝ့ၫလၧအဆၧကဲၪထၪ့ကဲၪထီၫ လၧၫ့လၧၫ့ဎွ့ၩဎွ့ၩအဖၧၩ့
24 နီၪမုၬလၩဝ့ၫလၧဆၧမံၫ့ၥုၪ့မံၫ့ၥၭဂ့ၩဘၪစဲၪတၭး- အ ဂုၬဖၩၥံၪဘီၪ့ဝ့ၫၥိၪဝ့ၫ, ဒဲအဎွံၪလဖၪဘၪစီၪလၧအခံအ
25 ၥိၪနီၪလီၫ.- တၭအဂူၫဂၩလဂၩၥံၫဝ့ၫ လၧဆၧခိဆၧ ဝီၩအဖၧၩ့, ဒဲထဲးယိဘၪ ဆၧမုၬဆၧလၩနးဆိၭအ့ၬ.
26 တၭအဝ့ၫၥံၪမံၫနၩ့ၡီၩ့ လၧဂၪ့ခိၪမုၬအကျၩနီၪ, ဒဲလိၪ့
27 ၥံၪမၩဘံၭခွံၬဝ့ၫဒၪနီၪလီၫ.- ယိခွါ,နၥံၪဆီၫ့မီၪ့ဆၧလ ဖၪ,ဒဲနၥံၪကိၪ့ထၪ့လိၬနၥံၪအၥၭ လၧနၥံၪမိမၩနၧၩ့မၩ စၪယၧၩနီၪ, ယၥ့ၪယၫယဝ့ၫဆ့လီၫ.
28 အဂဲးဘဲၫယီၩနၥံၪစံၭ, ၦဒိၪဖၭဒိၪအဂံၪ့အီၪဝ့ၫခီၫခီၫ
29 လဲၪး ဒဲတဲၩလၧၦအၧၩ့အီၪဝ့ၫနီၪမွဲခီၫခီၫလဲၪ.- ၦၡၩ လၧအလဲးလီၩ့လၧဖၧၩ့ၥၭနီၪ, မွဲနၥံၪအၪ့စၪ့ဘၪဆ့ဧၪး
30 ဒဲအဆၧမၩနဲၪ့နီၪ, မွဲနၥံၪၥ့ၪယၫဘၪအ့ၬဧၪ.- မွဲလၧၦ အၧၩ့ဖိၪဘၪဆၧခိၭထၬဝ့ၫ ထီးဆၧဂၭဂီၩ့အမုနံၩနီၪး အဝ့ၫၥံၪဘၪဆၧမီၩ့ဝ့ၫ ထီးလၧဆၧၥၭထၪ့အမုနံၩနီၪ
31 လီၫ.- မွဲပလၫမိလီၩဖျီၪထၪ့ ၦၡၩအဖၧၩ့ၥၭအဂဲးအ ကၠီၪ့လၧယမ့ၬယၫလဂၩလဲၪး ဒဲဆၧလၧအမၩဝ့ၫနီၪ
32 မွဲပလၫမိဖ့ၪထဲၩ့လဂၩလဲၪ.- မွဲလါနၫ့တၭ,ၦၡၩဆိၬ လၩ့ဝ့ၫလၧဆၧၥွၪခိၪအဖၧၩ့နီၪ, ဒဲဆၧခိၭထၬဝ့ၫလၧၥွၪခိၪ
33 ဖၧၩ့နီၪလီၫ.- ခိၪလီၩ့ဆူၭအဂၪ့ခိၪအလီၪ့လဖၪမိဆၧၫ့ လၧအဝ့ၫဒၪအဂး ဒဲၦထီးအလူၬ မိထုၭလၩ့ဖိၬအခဲၫ့, ဘဲၫၦအီၪဝဲၩဝ့ၫလၧဆၧဝံထၪ့နၬထၪ့ဝ့ၫလၥ့ၪဘၪလီၫ.
34 လၧနၥံၪချဲၩ့ဆၧၫ့ဆၧအဖၧၩ့နီၪ မွဲန့ၫဆၧအၪ့လီၫတၭ, မွဲနၥံၪမၩမုၬထၪ့ယၧၩ ပျီၩပျီၩဘဲၫၥ့ၪလဲၪ.