18
1 ထီးနီၪလဖၧၫ့ၦၡုအၫဖိၪစဘံလဒၭချဲၩ့ဆၧၫ့ဝ့ၫတၭ, စံၭဝ့ၫဒၪး
2 နၥံၪမိအၪ့ဎၬဆၧချဲၩ့လဖၪဆံၭယံၬလဲၪး နၪၥ့ၪနၥံၪ
3 ဝ့ၫဘီၪးလၧခဲၫ့ထဲၩ့တၭပမိချဲၩ့ထၪ့ဆၧလီၫ.- ဆၧအီၪ က့ၪပၧၩဘဲၫဆၧဖိၪဆၧဎါအၥိၭနီၪ, ဒဲၦလဆံၫ့ဘၪလၧ
4 နၥံၪအမ့ၬယၫ, မွဲအဂဲးဘဲၫၥ့ၪလဲၪ.- ၦလၧအအဲၪ့ၡၫ့ လၩ့အနၫ့ဆါလၧအဆၧၥၭထၪ့အဖၧၩ့နီၪး လၧနဝ့ၫ ဒၪအကၠီၩ့နီၪ, မွဲဂၪ့ခိၪမိဘၪဆၧစဲၪ့ဒၪဝ့ၫ, ဒဲလိးၥံၪလဲၫ့ ၥံၪဘၪဆၧၥုၭခွံၬလၧအလးနီၪဆ့ဧၪ.
5 မွဲမၬ, ၦအၧၩ့လဖၪအဆၧဖၩ့နီၪမိလၩ့ဖံၬခွံၬဝ့ၫ, ဒဲ
6 အမ့ၪလၪနီၪမိဖၩ့ထၪ့လၧၩ့အ့ၬ.- ဆၧဖၩ့နီၪမိခံၭလၩ့ ဝ့ၫလၧအတဲၩဖၧၩ့တၭ, အမ့ၪဒိၩ့နီၪ မိလၩ့ဖံၬခွံၬဝ့ၫဒၪ
7 လီၫ.- အဆၧခၫထၪ့ဆီၪ့လဖၪ မိလၩ့အဲၪ့ဝ့ၫဒၪတၭ, အဆၧဒုၭကိၪ့လၩ့ဒၪအၥၭနီၪ မိခွံၬလၩ့ခွံၬအဝ့ၫလီၫ.
8 အဂဲးဘဲၫယီၩမွဲအလၩ့ထံၩဖါလၧၡၬဖၧၩ့ လၧအခၪ့ဒၪ ဝ့ၫအကၠီၩ့, ဒဲအလ့ၩဆၧလၧဖျံၩခွၩ့ၥံၪအဖၫ့ခိၪလီၫ.
9 ဖျံၩခွၩ့နီၪမိဖီၪ့အခၪ့နိးခဲၫ့တၭ, ထမျၬမိဖီၪ့ထၬခၧၫ့ဝ့ၫ
10 ဒၪလီၫ.- ဖျံၩနီၪအီၪၥူၪဝ့ၫလၧဂၪ့ခိၪအဖၧၩ့တၭ, အ
11 ခွၩ့အီၪလၧဖၧၩ့ၥၭဖၧၩ့နီၪလီၫ.- ဆၧၥၭမဲၪလဖၪအီၪ ဖီၩ့ဝၬဝၬနီၪ, ဒဲလီၩ့ဆီးဝ့ၫလၧအခၫထၪ့လဖၪ အဂၩ့
12 ထံၭနီၪလီၫ.- အဂဲးအဘၭလၩ့ဘဲၩဝ့ၫလၧဆၧၥၭဝံအ ၥၭအကၠီၩ့တၭ, ဆၧမၩဂၭဂီၩ့ အီၪတဲၩ့ဝဲၩအၥၭလၧ
13 အနဲၩ့ထံၭလီၫ.- အဆၧအၪ့ဆၫခွံၬအဎွံၪအနၧၩ့တၭ,
14 ဆၧၥံၫအဖိၪဝဲၡါမိအၪ့ခွံၬအဂဲးအဘၭလီၫ.- အဆၧ ဒိၭနဲၩ့အၥၭနီၪ မိဘၪဆၧထ့ၭခွံၬဝ့ၫလၧအတဲၩဖၧၩ့, ဒဲအနၫ့ဆါဘၪဆၧၥိၫ့ဝ့ၫ လၧဆၧၥၭမဲၪအစဎွၩအအီၪ
15 နီၪလီၫ.- ဆၧလၧအလမွဲဘၪအဆၧဒၪဝ့ၫမိအီၪလၧအ တဲၩဖၧၩ့တၭ, ဆၧမိဎွံၪကး လၧအအီၪဝ့ၫအလးနီၪ
16 လီၫ.-လၧအဖၫ့လၬလခီၫအဝံလဖၪမိဎဲၫ့ထၬဝ့ၫတၭ, လၧအဖၫ့ခိၪလခီၫ, အထဲၩ့မိဘၪဆၧဒၪ့ထ့ၬခွံၬဝ့ၫ
17 လီၫ.- အဆၧနၪ့ထၪ့ထဲၩ့နီၪလၩ့မါလၧဂၪ့ခိၪချိၫ့ယီၩ တၭ,အမံၩ့လၧဆံၬၥံၪနၩၥံၪအလီၩ့ အီၪနးစီၪ့အ့ၬ.
18 ဆၧမိနၫ့ထၪ့ခွံၬအဝ့ၫလၧဆၧဖၩ့အကျၩ, ထီၩ့လၧဆၧ ခံၭကျၩ,ဒဲမိဘၪဆၧနၫ့ထၪ့ခွံၬလၧဂၪ့ခိၪချိၫ့ယီၩလီၫ.
19 မွဲအဖိၪအလံၩၥံၪအီၪလၧ ၦၡၩခမျၧးအကျၩနးစီၪ့အ့ၬ,
20 ဒဲၦအီၪလၩ့ထးလၧအအီၪဝ့ၫ အလးနီၪနးဂၩအ့ၬ.- ၦ ၡၩလၧအဝ့ၫဒၪအလးခဲၫ့ မိထီၫမံၫထီၫမၪလၧအမုနံၩ အကၠီၩ့တၭးၦလၧအဝ့ၫဒၪ အဆိၩလဖၪမိၥၭမဲၪၥၭ
21 ဖျဲၩ့ဆၧလီၫ.- မွဲမၬ,ၦၡၩအၧၩ့အီၪဝ့ၫအလးလဖၪနီၪ မွဲဘဲၫနီၪၥိၭတၭ, ၦလၧအလၥ့ၪယၫဘၪယွၩနီၪ, အလး မွဲဘဲၫနီၪၥိၭလီၫ.