စ ယိ ဘၭ အ လံၬ.
1
1 ၦလဂၩအီၪလၧခးအၧဇၭနီၪ, အမံၩ့မွဲစယိဘၭလီၫ. ၦလဂၩနီၪ, မွဲၦၡၩလၧၫ့ဎွ့ၩဒဲတီၩဝ့ၫတၭ, မွဲၦလၧအ
2 ၥၭမဲၪယွၩဒဲဂၭဎ့ၭခွံၬဆၧအၧၩ့လီၫ.- တၭဆၧအီၪဖျဲၪန့
3 လၧအဂးအဖိၪခွၫနွ့ၫဂၩ, ဒဲအဖိၪမုၪၥၧၫ့ဂၩလီၫ.- အ ဝ့ၫဒၪအဆၧဖိၪဆၧလံၩမွဲၥိၪ ဒဲဘ့ၪၥံၪနွ့ၫထီၫ့, ဒဲကလ အူၭၥံၪၥၧၫ့ထီၫ့,ဒဲချီဖၫၥံၪအဆီၪ့ယဲယၩ, ဒဲကၥ့ၪယီၩ့မိ ၥံၪယဲယၩ, ဒဲဂံၪ့အခ့ၫအၡၩလဖၪအီၪဝ့ၫအၪအၪလ့ၬ တၭး ၦလဂၩနီၪဒိၪနဲၪ့ ကယဲၦမုထၪ့ဖိၪၥံၪ ထီးအလူၬ လီၫ.
4 တၭအဖိၪခွၫလဖၪ လ့ၩမၩဆၧအၪ့ဆၧအီၩလၧအ ဂံၪ့ဒၪဝ့ၫဆုၬဆုၬ, လဂၩလၧအနံၩဒၪဝ့ၫ,လဂၩလၧအ နံၩဒၪဝ့ၫတၭး အဝ့ၫၥံၪကိၭအထၧၫ့ဖုဝဲမုၪၥၧၫ့ဂၩၥံၪ ဘဲၫၥိၭအမိအၪ့ဆၧအီၩဆၧ လၧအဝ့ၫၥံၪအၥိၭလီၫ.
5 ထီးအဝ့ၫၥံၪအဆၧအၪ့ဆၧအီၩအမုနံၩလဖၪ လ့ၩဎဲၪ့ ဝ့ၫဝၬယူၭတၭး စယိဘၭအၪ့မၧၫ့ဆၧမၩဆံၫ့ဎံၪထၪ့ အဝ့ၫၥံၪလီၫ. မုဆဲၪ့ထၪ့လနံၩ အဝ့ၫဒၪဂဲထုၪ့ဂီၩဂီၩ တၭ,လုထၪ့ဆၧလုမ့ၪဘဲၫအဝ့ၫၥံၪထီးအလူၬအဆၧဝံ ဆၧနၬအီၪဝ့ၫအၥိၭနီၪလီၫ. အဂဲးဘဲၫယီၩ စယိဘၭ စံၭဝ့ၫ,ဘၪလဘၪယဖိၪခွၫၥံၪမၪဘၪဆၧတၭ, လၧအ ၥၭခံဖၧၩ့နီၪစဲၪ့ဒၪခွံၬယွၩလီၫ. စယိဘၭမၩဝ့ၫဘဲၫနီၪ ၥိၭလထံၪဎးဘီၩ့ဎးလီၫ.
6 တၭမုလနံၩအီၪဝ့ၫ,လၧယွၩအဖိၪခွၫၥံၪဂဲၫဒုၭနဲၪအ ၥၭလၧယဟိဝၩအမ့ၬယၫတၭး စၫတၫ့ဂဲၫဆ့လၧအဝ့ၫ
7 ၥံၪအကျၩလီၫ.- တၭယဟိဝၩစံၭစၫတၫ့နီၪ, နဝ့ၫဒၪန ဂဲၫအထံၭခီၫခီၫလဲၪ. တၭစၫတၫ့ချဲၩ့ဆၧၫ့ ယဟိဝၩ စံၭဝ့ၫဒၪး လၧယဂၭဝံၩ့ဝၩ့ လၧဂၪ့ခိၪချိၫ့ယီၩ, ဒဲလ့ၩ
8 ဆၧထဲၩ့ဆၧလၧအလီၩ့လီၫ.- တၭယဟိဝၩစံၭစၫတၫ့း ယခ့ၫယၡၩစယိဘၭနီၪ, လၧၦၡၩလၩ့ဂၬအဝ့ၫနီၪလၧ ဂၪ့ခိၪချိၫ့ယီၩလအီၪဘၪနးဂၩ, ၦၡၩအလၧၫ့အဎွ့ၩအ တီၩအလီၩ့, ၦလဂၩလၧအၥၭမဲၪယွၩ, ဒဲဂၭဎ့ၭခွံၬဆၧ
9 အၧၩ့နီၪ, မွဲနယိထံၫယိဆၭဘၪဆ့ဧၪ.- တၭစၫတၫ့ချဲၩ့ ဆၧၫ့ယဟိဝၩစံၭဝ့ၫဒၪ, မွဲစယိဘၭၥၭမဲၪယွၩပျီၩပျီၩ
10 ဆ့ဧၪ.- မွဲနမၩထနါဝၩ့ထၬအဝ့ၫ,ဒဲအဂံၪ့,ဒဲကယဲအ ဆၧအီၪလခီၫလါလါထီးအလူၬနီၪ, မွဲအ့ၬဧၪ. အစူၪ ၥံၪအဆၧမၩနီၪနဆိၪဂ့ၩယူၭ, ဒဲအဆၧဖိၪဆၧလံၩအၪ
11 ထၪ့လၧထံၫၥံၪခးၥံၪအၪအၪလ့ၬဆ့လီၫ.- အ့ၪမွဲဘိၩ့ နဲၪ့ယီၩယၩ့ထၪ့နစူၪတၭ, ထိၭဘၪအဆၧထီးအလူၬ
12 တၭ,မွဲအမိဆိၪအၧၩ့နၧၩလၧနမ့ၬယၫမၬကၨၬ- တၭ ယဟိဝၩစံၭစၫတၫ့, ယိခွါ,ကယဲဆၧထီးအလူၬအီၪ လၧနစူၪဖၧၩ့နီၪး န့ၫအနၫ့ဆါဒၪဝ့ၫ,ထီးယၩ့ထၪ့နစူၪ ထၫ့ဒၩဝ့ၫလဂ့ၩ. တၭစၫတၫ့စဲၪ့ထၪ့ခွံၬ လၧယဟိဝၩ အမ့ၬယၫလီၫ.
13 တၭဘၪဝ့ၫမုလနံၩ,မွဲလၧဖိၪခွၫၥံၪ, ဒဲအဖိၪမုၪၥံၪ အၪ့ဆၧဒဲအီၩစဘံၭထံၫ လၧအဝဲခွၫအဝဲၡါအဂံၪ့ဖၧၩ့
14 လီၫ.- တၭအၥီၫ့လဂၩဂဲၫလၧစယိဘၭအအီၪတၭ,စံၭ ဝ့ၫဒၪး ချီၥံၪထဲၫဆၧ, ဒဲကၥ့ၪယီၩ့မိၥံၪအၪ့အဆၪလၧအ
15 ဝ့ၫၥံၪအနဲၩ့ထံၭတၭး- ၦစဘံအၫ့ဖိၪၥံၪထမျၬန့ဝ့ၫတၭ, ဆိၬခွံၬအဝ့ၫၥံၪးဒဲဆၧအခ့ၫအၡၩလဖၪ ကျီၪ့ၥံၫခွံၬဝ့ၫ လၧနၭအနါတၭ, ၦဖီၩ့ဖျ့ၭန့ၫယၧၩလဂၩဎးယီၩဘဲၫ ၥိၭယမိလီၩဘၪနၧၩလီၫ.
16 အဝ့ၫဒၪချဲၩ့ဒံၭအဘိၩ့ဘၭနီၪ, ၦဂူၫဂၩလဂၩဂဲၫဝ့ၫ တၭ,စံၭဝ့ၫဒၪး ယွၩအမ့ၪလၩ့ထ့ၬ လၧမူၭခိၪလခီၫ တၭ,ဘၪၥိၪၥံၪဘ့ၪၥံၪအဒီၪ့လဖၪ ဒဲအခ့ၫအၡၩလဖၪ တၭ,အၪ့ခွံၬအဝ့ၫၥံၪတၭး ဖီၩ့ဖျ့ၭန့ၫယၧၩလဂၩဎး ဘဲၫၥိၭယမိလီၩဘၪနၧၩလီၫ.
17 အဝ့ၫဒၪချဲၩ့ဒံၭအဘိၩ့ဘၭနီၪ, ၦဂူၫဂၩလဂၩဂဲၫဝ့ၫ တၭ,စံၭဝ့ၫဒၪး ၦခၫလဒံၫဖိၪၥံၪ အၪ့နၩ့ဖၭအၥၭၥၧၫ့ဒီၪ့ ဂဲၫထမျၬ ကလအူၭလဖၪတၭ, မၩန့ဝ့ၫဒၪနီၪး ဒဲအဝ့ၫ ၥံၪကျီၪ့ၥံၫခွံၬဆၧအခ့ၫအၡၩလဖၪ လၧနၭအနါတၭ, ၦဖီၩ့ဖျ့ၭန့ၫယၧၩလဂၩဎး ဘဲၫၥိၭယမိလီၩဘၪနၧၩ လီၫ.
18 အဝ့ၫဒၪချဲၩ့ဒံၭအဘိၩ့ဘၭနီၪ, ၦဂူၫဂၩလဂၩဂဲၫဝ့ၫ တၭ,စံၭဝ့ၫဒၪး နဖိၪခွၫၥံၪဒဲနဖိၪမုၪၥံၪအၪ့ဆၧ, ဒဲအီၩ စဘံၭထံၫလၧအဝ့ၫၥံၪအဝဲခွၫအဝဲၡါလဂၩအဂံၪ့ဖၧၩ့
19 လီၫ.- တၭယိခွါ,လံၩမုဂဲၫထၪ့ခၫ့ဂၬၡါမုနၧၫ့ဖၫတၭ, ဘၪဂံၪ့နီၪအနိၪ့လံနိၪ့ ထီးအခၨဒိၭဘၪ ဖိၪၥၪခွၫၥံၪ တၭ,အဝ့ၫၥံၪၥံၫဝ့ၫဘဲၫနီၪ, ၦဖီၩ့ဖျ့ၭဝ့ၫန့ၫယၧၩလဂၩ ဎးဘဲၫၥိၭယမိလီၩဘၪနၧၩလီၫ.
20 ထီးနီၪလဖၧၫ့စယိဘၭဂဲထုၪ့တၭ, ၡၫ့ယၬအကီၩ့အ ၥိၭတၭ,လိၩ့ခွံၬအခိၪ, ဒဲထိၪလၩ့ထံၩဖါအၥၭလၧဂၪ့
21 ခိၪတၭ,ဘိၪ့ထၪ့ဘၩထၪ့ဆၧလီၫ.- တၭစံၭဝ့ၫဒၪ, ယ ဂဲၫထၪ့လၧခီၫ့ယီၩ လၧယမိအဒၧၩ့လးနီၪ အီၪဘိၪ့ဝ့ၫ တၭ,လၧယအီၪဘိၪ့ယီၩယမိထဲၩ့ထဲၩ့ဘဲၫနီၪၥိၭလီၫ. ယဟိဝၩဖ့ၪလၫ့တၭ,ယဟိဝၩမၩန့ခွံၬယူၭတၭ, မွဲယ ဟိဝၩအမံၩ့နီၪ ဘၪဆၧဆိၪဂ့ၩဒၪဝ့ၫဆံၭၬ
22 လၧဆၧထီးအလူၬအဖၧၩ့ယီၩ, စယိဘၭလမၩမၪ ဘၪဆၧတၭ,ချဲၩ့ထၪ့ဆၧပျီၩပျီၩ ထၫ့ဒၩယွၩနီၪဆ့အ့ၬ.