9
1 မွဲလါနၫ့ဘဲၫနီၪတၭ, ဆၧခံၭနီၪအီၪဘဲၫလၧအဘၪ ဆၧမၩအၧၩ့မၩနၭဝ့ၫအၥိၭနီၪမွဲအ့ၬ. ဘဲၫအဆၧၫ့အ ထီအခၪ့ထံၭလၧအမၩကြၩ့ထမးခးဇ့ၭဘလၧၫ့, ဒဲခး နၭၥလဲၫအၥိၭနီၪ, အဆၧၫ့အထီလၧအလးခဲၫ့တၭး မၩ ၡၪ့မၩနၭအၪနဲၪ့လၧမၫဆမံၭအဖၧၩ့ၥၭ, ယီၫဒၫ့အနဲၩ့ ထံၭးဂၫလလံၫဘၪဆဲၫ့လၧၦဆၨၩလဖၪဘဲၫနီၪၥိၭလီၫ.
2 ၦခမျၧးလၧအလ့ၩဆၧ လၧဆၧခံၭကျၩနီၪဒၪ ဘၪဆၧဖၩ့ဖၭဒိၪယူၭ. တၭၦလၧအအီၪဝ့ၫလၧဆၧ ၥံၫအလၩၡုၪအခးဖၧၩ့နီၪ ဆၧဖၩ့ဖၩ့ထၪ့ဘၪယူၭအ
3 ဝ့ၫၥံၪယူၭ.- နမၩအၪထၪ့ၦဆၨၩယီၩ, နမၩဒိၪထၪ့အ ဆၧၥၭထိၬလီၫ. အဝ့ၫၥံၪၥၭထိၬဝ့ၫလၧနမ့ၬယၫဘဲၫ ဆၧကူၭဘုၪအထီအဆၧၥၭထိၬအၥိၭတၭ, ဘဲၫဆၧ ၥၭထိၬလၧအအၪ့နၩ့ဖၭ ဆၧအၪ့ဂူၬန့အဘိၩ့ဘၭအ
4 ၥိၭနီၪလီၫ.- အဂဲးဘဲၫယီၩအဆၧအယိၭအနိၪယိၭဘီၩ့, အခိၬထံၭခိၪအနိၪယိၭဘီၩ့, ၦမၩၡၪ့မၩနၭဝ့ၫလဂၩ အနိၪထးနီၪ, နဘိၭခါခွံၬဝ့ၫဘဲၫလၧမံဒအၫ့အမုနံၩအ
5 ၥိၭနီၪလီၫ.- အဂဲးဘဲၫယီၩၦအီၪလၧစူၪဝဲၩလၧအဒုၭ ၥုၭအၥီၫအဖၧၩ့နီၪ ထီးအလူၬတၭ, ဆၧကီၩ့ဆၧၥိၭ ချံးအၥၭလၧဆၧၥွံၪအဖၧၩ့နီၪ မိကဲၪထၪ့ဝ့ၫလၧဆၧ
6 ဆူၭခဲၩမ့ၪအဂးလၧမ့ၪဆၪလီၫ.- အဂဲးဘဲၫယီၩဖိၪၥၪ လဂၩအီၪဖျဲၪလၧပဂး, ဆၧဖ့ၪလၫ့ပၧၩလၧဖိၪခွၫလီၫ. တၭ အဆၧစ့ၩရၫ့အီၪလၧအခိၬထံၭခိၪတၭ, ဆၧမိကိၭ အမံၩ့လၧဆၧလၩ့လၭ,ဆၧကိၪ့လိၬလဂၩ, ဆၧ ဆီၪ့ယွၩ, အဆိၩဆိၩအကၠၪကၠၪအဖါ, ဆၧ ဘၪလိၬအိၭလိၬ အၦဒိၪဖၭဒိၪလဂၩလီၫ.
7 အဘၩ့အမုးဒိၪထၪ့လဲထၪ့ ဒဲအဆၧဘၪလိၬအိၭလိၬ နီၪအထုၬအီၪအ့ၬ. လၧစဒၫဝံၭအလးဆီၩ့ဆီအဖၫ့ ခိၪ,ဒဲလၧအဘၩ့အမုးအဖၫ့ခိၪ ဘဲၫၥိၭအမိမၩဝ့ၫလၧ အဂုးအခၧၫ့, ဒဲအီၪက့ၪခၧၫ့ဝ့ၫလၧဆၧစ့ၩရၫ့ဒဲဆၧတီၩ ဆၧလီၩ့, ထီးယီၩလၧယၫလၩ့ဆိၩလၩ့ကၠၪလီၫ. ဆၧ ၥုၭမုခမျၧးအယဟိဝၩအၥၭဆီၪ့မိမၩဆၧနီၪလီၫ.
8 ကဆါအၪ့မၧၫ့လၩ့ဆၧချဲၩ့လထံၪ လၧစယၫကူၭ
9 တၭ,လၩ့ဘၪဝ့ၫလၧအံၫစရ့လၭ,- တၭကယဲၦခမျၧး ၥ့ၪယၫဝ့ၫလီၫ. အံဖြံၫ့,ဒဲစမ့ရအၫဖိၪ လၧအၥၭထၪ့
10 ထီၫအီၪက့ၪဖိၫလိၫအၥၭနီၪ,စံၭဝ့ၫ,- အၩ့ကတဲၩလ ဖၪလၩ့ဎီးယူၭတၭ, ၦမိမၩထဲၩ့လၧလိး လၧၦစိၭန့ဝ့ၫ နီၪလီၫ. ၥံၪ့ကူၪလဖၪနီၪ ဘၪဆၧခူၬခွံၬယူၭ. တၭပမိ အီၪက့ၪၥံၪ့ၡိၫအ့ရ့ၭ လၧအဝ့ၫၥံၪအလးနီၪလီၫ.
11 ယဟိဝၩမိအီၪက့ၪထၪ့ထီၫ စရံဇံၫ့အဒုၪအဒၩထၫ့ဒၩအ
12 ဝ့ၫဒၪ,ဒဲထိၪဂဲၩဝ့ၫအဒုၪအဒၩဒၪဝ့ၫလီၫ.- ၦစံရအၫ ဖိၪလၧမုထၪ့, ဒဲၦဖလံၡၫဖိၪလၧမုနုၬတၭ, မိအၪ့ခွံၬ အံၫစရ့လၭလၧအနိၭ အၩ့ထၪ့အၥၭလီၫ. လၧဆၧ ထီးအလူၬအကၠီၩ့နီၪအၥၭထၪ့လၩ့ဆါအ့ၬး တၭအ စူၪယၩ့ထၪ့ဒံၭအၥၭလီၫ.
13 တၭၦခမျၧးကၠၪအၥၭ လၧၦလၧအထးဝ့ၫအအီၪနီၪ မွဲအ့ၬ. တၭအဝ့ၫၥံၪအၪ့ဎူၫအၪ့ဎၬဆၧၥုၭမုခမျၧးအ
14 ယဟိဝၩဆ့အ့ၬ.- မၩအၥၭဘဲၫနီၪတၭ,ယဟိဝၩမိဒၪ့ ထ့ၬခွံၬအံၫစရ့လၭ အခိၪဎွံၪဒဲအမ့, ဒဲအထဲၩ့ဒဲဖီး,
15 လၧမုလနံၩဎးလီၫ.- ၦၥၭၡါဒဲၦအီၪလၧအလၩအဖၩ့ နီၪမွဲအခိၪလီၫ. တၭမီၪလၧအၥီၪ့ထဲၩ့ဆၧအဘျံၭအ
16 ဘျၪနီၪမွဲအမ့လီၫ.- တၭၦခမျၧးယီၩအခိၪလဖၪအၪ့ လွ့ၫကဒံၩကဒၩဝ့ၫ, ဒဲၦလၧအဘၪဆၧၥိၫ့ဝ့ၫလၧအဝ့ၫ
17 ၥံၪနီၪဘၪဆၧအၪ့ယုလၩ့ခွံၬဝ့ၫဒၪလီၫ.- မၩအၥၭဘဲၫ နီၪတၭ,ယဟိဝၩၥၭထိၬ လၧအဝ့ၫၥံၪအၡၩဖိၪၥၪခွၫ အကၠီၩ့နီၪအ့ၬ. တၭအၥၭအီၪအဝ့ၫၥံၪ အၡၩဖိၪဎွ့ၪ ဒဲအၡၩမုၪမဲၫအ့ၬ. အဂဲးဘဲၫယီၩမွဲၦၡၩအအၧၩ့, ဒဲ ၦမၩဆၧအၧၩ့ကိၭဂၩဒ့ၭ, ဒဲၦအနိၭ ချဲၩ့ဆၧပျီၩပျီၩ လီၫ.လၧဆၧထီးအလူၬအကၠီၩ့နီၪ အၥၭထၪ့လၩ့ဆါ အ့ၬ.တၭအစူၪယၩ့ထၪ့ဒံၭအၥၭလီၫ.
18 အဂဲးဘဲၫယီၩ, ဆၧအၧၩ့အၪ့ခွံၬဆၧ ဘဲၫမ့ၪအၥိၭ တၭ,အၪ့ခွံၬဆၧဆူၪဆၧမဲၪနီၪတၭ, ဆူၭခဲၩဆၧလၧ ၥံၪ့တၪ့အကျၩတၭ, အဝ့ၫၥံၪမိထၪ့ထီၫဘဲၫမ့ၪခူၪထၪ့
19 ထီၫအၥိၭနီၪလီၫ.- လၧဆၧၥုၭမုခမျၧးအယဟိဝၩအ ၥၭခဲၩထၪ့အကၠီၩ့နီၪ ဆၧခံၭန့ထံၫၥံၪခးၥံၪတၭ, ၦခ မျၧးနီၪမၩအၥၭဘဲၫၥံၪ့မုလၧမ့ၪအဂးလီၫ. ၦယၫ့ၥၭ
20 အထၧၫ့ဖုဝဲနးဂၩအ့ၬ.- မိအဲၪ့ထ့ၬဆၧလၧအစူၪထွ့ၪ လခီၫလါနၫ့ဘိၩဆၧၥၭဝံအၥၭတၭ, မိအၪ့ခွံၬဆၧလၧ အစူၪစ့ၪတၭ, ဘျဲၩအၪ့အ့ၬ. တၭအဝ့ၫၥံၪမိအၪ့အစူၪ
21 ဒူၪဒၪဝ့ၫအယၪကိၭဂၩဒ့ၭလီၫ.- မနၭစ့ၫ, အံဖြံၫ့း ဒဲအံ ဖြံၫ့,မနၭစ့ၫတၭး အဝ့ၫၥံၪလစီၪ့ဎးနီၪ ထၫ့ဒုၪဒၩယုဒၫ လီၫ.လၧဆၧထီးအလူၬအကၠီၩ့နီၪ အၥၭထၪ့လၩ့ဆါ အ့ၬ,တၭအစူၪယၩ့ထၪ့ဒံၭအၥၭလီၫ.