61
1 ကဆါယဟိဝၩအၥၭမုအီၪလၧယလီၩ့လီၫ. အဂဲး ဘဲၫယီၩယဟိဝၩဂုၪယူၭယၧၩ, ဘဲၫၥိၭယမိလီၩလၩ့ လၬလၩ့ဆၧၥၭထိၬအပရၧၫ့လၧၦၡၪ့ဖိၪယၬဖိၪး အဝ့ၫ ဒၪအၪ့မၧၫ့လၩ့ယၧၩ ဘဲၫၥိၭယမိမၩဘျၪထဲၩ့ၦၡၩအ ၥုၪ့ခါအၥၭလၩ့, ဘဲၫၥိၭယမိကိၭထၪ့ဆၧဂၭဖျ့ၭလၧၦ ဘၪဆၧအၪ့မၧၫ့ဎီးဝ့ၫအဂး, ဒဲဆၧဝဲထၪ့ထီၫ့အတရၫ့
2 လၧၦဘၪစၧၩ့ထၬအဂးနီၪ,- ဘဲၫၥိၭယမိကိၭထၪ့နံၪ့ ဘၪယဟိဝၩအၥၭ, ဒဲပယွၩမၩဆၧၫ့ဆၧအၧၩ့အမုလ နံၩဘဲၫၥိၭယမိမၩမုၬထၪ့ထဲၩ့ကယဲၦလၧအၥုၪ့အုၭ
3 အၥၭအုၭထီးအလူၬ,- ဘဲၫၥိၭယမိအီၪက့ၪလၩ့ဆၧ လၧၦလၧအၥုၪ့အုၭအၥၭအုၭ လၧဇံအိၫ့အဂး, ဘဲၫၥိၭ ယမိဖ့ၫလၫ့အၥရဖူၩ လၧဖံၫ့ချၪအလး, ဆၧၥၭထိၬ အၥိၪလၧအဆၧၥၭအုၭအလး, ဆၧစံၭထၪ့အၪ့အူၭ အဆဲၫ့လၧအၥၭဎၧၫ့အလးနီၪလီၫ. တၭဆၧမိကိၭဝ့ၫ လၧဆၧတီၩဆၧလီၩ့ အၥံၪ့လဖၪအလး လၧယဟိဝၩ ၥုၪ့လၩ့ဝ့ၫဘဲၫၥိၭအမိဘၪဆၧမၩလၩဖၩ့ဝ့ၫလီၫ.
4 အဝ့ၫၥံၪမိမၩထဲၩ့ဆၧအလးလၩ့ဎီးလၧဖျိၩ့တၭ, မိ မၩထၪ့ထဲၩ့ဆၧအီၪယူၥံၪလၧဖျိၩ့တၭ, မိမၩထၪ့ထဲၩ့
5 ဒိၩ့လၩ့ဎီးလဖၪ,ဆၧအီၪယူလၧဖျိၩ့ၥံၪနီၪလီၫ.- ၦလ ခီၫဘၩ့မုးဖိၪမိဆၧၫ့ထုၪ့ယိနၥံၪအၥိၪ အဒီၪ့လဖၪတၭ, ၦလခီၫဘၩ့မုးဖိၪအဖိၪလဖၪမိကဲၪထၪ့နၥံၪ အၡၩထဲၫ
6 ဆၧ,ဒဲၦတဲၩ့ဝဲၩနၥံၪအစဘံၭမုလီၫ.- အ့ၪမွဲနၥံၪဝ့ၫ ယီၩ,ဆၧမိကိၭနၥံၪလၧယဟိဝၩ အၡၩလုဆၧ, ၦမိ ကိၭနၥံၪလၧ ၦမၩယွၩအဆၧလီၫ. နၥံၪမိအၪ့ၦဆၨၩ လဖၪအစူၪလးအခၪ့ခိၪတၭ, နၥံၪမိအီၪက့ၪဖိၫလိၫ
7 နၥံၪအၥၭလၧအဝ့ၫၥံၪအလၩအဖၩ့အဖၧၩ့လီၫ.- လၧ နၥံၪဘၪဆၧမ့ၬမဲအကၠီၩ့နီၪ နၥံၪမိန့ဘၪဆၧနံၫစၩတၭ, လၧဆၧအီၪက့ၪမ့ၬမဲအလးနီၪ ဆၧၥုၪ့ဎွံၫၥၭယီၫလၧ နၥံၪအဂးအဖၧၩ့လီၫ. မၩအၥၭဘဲၫနီၪတၭ,အဝ့ၫၥံၪ မိန့ဘၪနံၫစၩလၧအခးဖၧၩ့ ဆၧၥုၪ့ထိၬၥၭထိၬအဆိၩ အကၠၪမိအီၪလၧအဝ့ၫၥံၪလီၫ.
8 အဂဲးဘဲၫယီၩ ယဝ့ၫဒၪယဟိဝၩယီၩ ယအဲၪဆၧစ့ၩ ရၫ့တီၩတၭ, ယၥၭဂဲၫ့ဆၧအၪ့ဂူၬန့ဆီၪ့လၧဆၧအၧၩ့ အဖၧၩ့လီၫ. ယမိဖ့ၪလၫ့အခိးအတၩတၡါတၭ,ယမိ အုၩ့လၩ့ဆၧအုၩ့လၩ့ အဆိၩအကၠၪလၧအဝ့ၫၥံၪ
9 လီၫ.- အဝ့ၫၥံၪအချံၫအၥၪနီၪၦၡၩမိၥ့ၪယၫဝ့ၫလၧၦ ဆၨၩလဖၪအကျၩတၭ,အဆၨၩအဆၬနီၪလၧၦခမျၧး အကျၩနီၪလီၫ. ကယဲၦလၧအဒၪဘၪဝ့ၫ မိအုၩ့လၩ့ လၧအမွဲအချံၫအၥၪ လၧယဟိဝၩဆိၪဂ့ၩယူၭဝ့ၫယူၭ လီၫ.
10 ယမိၥုၪ့ဎွံၫၥၭယီၫလၧယဟိဝၩအဖၧၩ့ ဒိၪဒိၪလ့ၬ ယမိၥၭထိၬလၧယယွၩအဖၧၩ့နီၪလီၫ. အဂဲးဘဲၫယီၩ မွဲအဒုၭ ၥိၭယူၭယၧၩလၧဆၧထိးထဲၩ့တၩ့ထဲၩ့အဆဲၫ့ တၭ, ဒုၭလုၬထၪ့ယူၭယၧၩလၧဆၧတီၩဆၧလီၩ့အဝိၬ လိၫ့ဘဲၫတလၭမူၭအခွၫကယၧၩ့အၥၭဘဲၫၦလုဆၧအ ၥိၭနီၪဒဲဘဲၫတလၭမူၭအမုၪကယၧၩ့အၥၭ လၧအက
11 ယၧၩ့ကယီၫအၥိၭနီၪလီၫ.- အဂဲးဘဲၫယီၩဘဲၫဂၪ့ခိၪ ဒုၭမဲၪထၪ့ဆၧအၥိၭတၭ, ဘဲၫကျိၭဒုၭမဲၪထၪ့ဆၧဎွံၪ အၥၭလၧအဖၧၩ့အၥိၭနီၪ, ကဆါယဟိဝၩမိဒုၭအီၪ ထၪ့ဆၧတီၩဆၧလီၩ့ ဒဲဆၧစံၭထၪ့အၪ့အူၭဆၧလၧၦ ကိၭဆၨၩဒ့ၭအမ့ၬယၫဘဲၫနီၪၥိၭလီၫ.